TƐSALÓNIKA HESENDAA GƆLƆÍ 4:1 - Kɛ́lɛ Niinaí

¹ Mu mbála Yalá fɛ́li mbélai, sí náá í ngáá ngapúmaa haí, aá wáá ngáá tuva veléi sí áá Ngalá ndiilɛ́i ni wú gálamboni lá. Kɛ́ aáva p̃ɛ́ɛ́ maa lúva veleí lɔ́ nɔ́ɔ́ wúwaa híya la. Kɛ́ ná fíli su, niỹá lɔɔ́ wú w̃áánɛɛnɛ Ndemɔí Jísu laahéingi h̃u ngáá wú ndi ngu ma ngáá kɛndáá ngwala.

TƐSALÓNIKA HESENDAA GƆLƆÍ 4:1 Iomraidhean Croise

NJƆÚ 15:2

Mbekeí fíli áá ɣɛ́ mbá ɛ́i wá aa tevé mbá, sí va áá ɣɛ́ mbá áá wa, aa maa bátɛ fo kɛinɔɔ́ í wa ngwala.

TI GƐ́Ɛ́ HAÍTII 20:27

sífaa ngáá nɛ́ɛ́ baní wɔlɔ́ su ngáá ngí yɛ́pɛ wú yéle kɔwɔ́ato sí kpɛ́lɛɛ mbá Ngalá ngi súúbatɛngɔ.

LÓÓMI 8:8

Ná nuu áá hítɛ nuu líívo fáitii kɛ́ndaa vólu, ná ná áá ɣɛ́, ɛi Ngála ndiivó fáá ɣɛ.

KƆ́L̃E HESENDAA GƆLƆÍ 11:23

Kalambongí ngí mááhɔlɔngɔ Ndemɔí yaá laá lɔ ngí mbónga ngáá wú ye. Ná wáá ngáá kpɔkɔ́i ná tí Ndemɔí Jísu lokolevéni, i biléi yeɣeí,

KƆ́L̃E HESENDAA GƆLƆÍ 15:1

Mu mbála Yalá fɛ́li mbélai, ndóngɔɔ lé náa ngí wú gísitɛ Ngalángi gééla woo vandaí wa ngí ndéngɔ wú w̃á, lɛ́i wú lókoheinga mbu aáva wú lángi í su ngwala.

KƆ́L̃E HESENDAA GƆLƆÍ 15:58

Faalɔ, mu mbála Yalá fɛ́li mbélai, a ló kpáŋ! Waá kɛ faa fíli ɔ́ɔ́ wú híɣe vomá. A bɔwɔ́ gula kɛlɛ́ma hɔ́wɔ fíli Ndemɔí Jísu yengengí hááw̃a, bɔw̃álale wú kɔ́lɔ ngáá sí fíli wáá mbo Ndemɔí Jísu yengengí h̃u aa gbááma.

KƆ́L̃E GƆ́LƆI HELE KÉLEI 10:1

Nyɛ́i ngí ngáá Pɔ́ɔ, nyá lɔ́ wú w̃áánɛɛnɛ gíte ngáá wumaá nyɛ́i nungái taá ndé ngáá ná ngáá ɣɛ́ wú lóów̃a ngáá wú nganjéi, kɛ́ ná ngɛ́i ɣɛ́ wú lóów̃a, ngáá faa hóu kpáŋ. Nyá lɔ́ɔ wú w̃áánɛɛnɛ Kílisitii w̃áá véle w̃a lɛ́i ngandɛ́ingɔ kɛngɔ́ lúúỹaa.

KƆ́L̃E GƆ́LƆI HELE KÉLEI 13:11

Faalɔ, mu mbála Yalá fɛ́li mbélai, ní yákɛɛlɛ ngoí waa ngáá a maá lɔ́. A yakpá ngáá faa fíli álaa ɣɛ́ wú gɛ́ɛ́hɔngitii mba. A wolílo ní lááhi ngoítii ma, a ɣɛ́ ngoo yílaa su ɛ́ɣɛ wú ɣɛ́ ndiiheí h̃u. Ngalangí sí áá ndongíni ngaa ndiihéi he í ɣɛ wú lóów̃a.

KƆ́L̃E GƆ́LƆI HELE KÉLEI 5:9

Sí ní gi ngí mba aá wáa ngáá ni sí ɣɛ́ áá Ndemɔí liilá. I ɣɛi ngáá ndɛɛh̃úi sí h̃u ɔ́ɔ́ ndɛɛh̃úi ná h̃u áá vá vaamá,

KƆ́L̃E GƆ́LƆI HELE KÉLEI 6:1

Ni yéngengi h̃u naá Ngalá, niỹá lɔ́ɔ, wú w̃áánɛɛnɛ hɔ́ɔ, ngáá Ngalángi háá bɔwɔí wú mááhɔlɔnga, wálaa kɛ ɔ́ɔ́ ɣɛ́ ngáá faa ỹááka

GALÉSIYA 6:1

Mu mbála Yalá fɛ́li mbélai, ná wɔ́lii wú tá fíli áá víli faa ỹɔ́u h̃u, wɛ́i Hɛ́ɛ́ma Ỹínangi áá wú wúto, a ndama tɔ́ wú bɔ́ maa w̃ɔ́i wa ngáá pángɔ kɛinɔɔ́ í hítɛ pele vandá wa. Kɛ́ wá bɛ́lɛ a w̃aah̃ú béle kɛinɔɔ́ wɔ́ɔ́ víli faa ỹɔ́i ná tá ɣɛ́ndaa h̃u.

Ɛ́FƐSƆ 4:1

Náá hááw̃a, nyɛ́i ngí ngáá pelésina bɔw̃álale nyáá lɔ́ɔ yénge Ndemɔí Jísu yɛ, nyáá lɔ́ɔ wú w̃áánɛɛnɛ ngáá wú gɛ́ɛ́ háitii ɛ́ɣɛ wú híya veléitii tí ɣɛ́ ngáá kíya Ngalá ndongɔ́ ti ɣɛ́ na ná h̃u í wú lólini.

Ɛ́FƐSƆ 4:20

Sí tí wú gálangɔ lá kɔwɔ́ato Kílisitii wa, aa ɣɛi h̃íí na.

Ɛ́FƐSƆ 5:17

Wálaa ɣɛ́ ngáá faa yátɔ tála yelaa, kɛ́ laá ɣéle, wú yákpa wú ɣɛ́ kɔlɔ́ sí Ndemɔí Jísu longɔ́ wú kɛ.

FÉLEPA 1:27

Faa fíli ɔ́ɔ́ bɔ́ɔ́ ɣɛ, a luva veléitii kɛ vaní kɛ kíya keela woó vándai kɔwɔ́ato Kílisitii wa í ndéngɔ ngáá ti ɣɛ́ na. Faalɔ, bele pá ngáá vá ngí wú héi heí ɔɔ ngɛ́i ɣɛ́ vaaní, ngi wú w̃áá woo ỹɛ́ni ngáá wá lɔ lóóni kpáŋ ngoo yílaa sú ɛ́ɣɛ kisiyá yílaa su aáva wáa lápi ngáá wú lángi í ɣɛ́ yíla kpé kɔwɔ́ato Ngalángi gééla woo vandaí wa.

FÉLEPA 1:9

Sí va tɔ í ngáá ní Yála fɛli ngói wú hááw̃a ngáá wú lóngi h̃uu í ɣɛ́ wɔ́ɔ́lɔ ngwala nungáá vékaa haaw̃a kɛinɔɔ́ wú ɣɛ́ tɔɔỹái wɔlɔ́, ná vólu, wú ɣɛ́ fáitii ngéɣe kíli wɔlɔ́.

FÉLEPA 3:14

Nyá ngáá yakpá ngáá ngí fólo mbéinda a múwaa maa lápii wɔ. Ná wáá ngáá kulasuunúmai sí Ngala ngí mu wu pótenga mba ngelegóóh̃u véle. Aáva nuu áá mááhɔlɔ Jísu Kílisitii w̃aa véle w̃a.

KƆLƆ́SE 1:10

Ná ná áá ɣɛ́, wáá hómbo náa wú ɣɛ́ kíya Ndemɔí lóngɔ wú ɣɛ́ na, wúwaa sítii kɛ hɔ́wɔ fíli táá ndiilɛ́i. Wáá ɣɛ́ náa wáá faa vánda bih̃íw̃aa ɣɛ́ wú lɛ́ɛ́h̃uitii suuhíya kílii h̃u aáva wáá ɣɛ́ Ngalá kɔ́lɔ ngáá ele gíte waa ngáá laá ngáá pangɔ́.

KƆLƆ́SE 2:6

Ná wú lókoheinga Jísu Kílisitii wú ngáá wú Lémɔi, náá hááw̃a, a ɣɛ́ kíya Jísu Kílisitii í na wú báha kílii su mba.

TƐSALÓNIKA HESENDAA GƆLƆÍ 3:12

Bɛlɛ́ mu Lemɔ́i Jísu í kɛ kái ngáá háwu wú lóngi ỹɔw̃ɔ́ ỹɔ́w̃ɔ hááw̃a ɛ́ɣɛ nuu kpɛ́lɛɛ nga ngí ɣɛ nɔ́ɔ áá ɣɛ́ wɔ́ɔ́lɔ kélei. Aáva nga ngí ɣɛ́ wɔ́ɔ́lɔ kái í híti ni ndá lóngi h̃u ní su ngáá wú yé.

TƐSALÓNIKA HESENDAA GƆLƆÍ 4:2

Wú faa wɔ́lɔ sítii mba Ndemɔí Jísu í ndéni ngáá a mu ɣɛ́ maá tí ɣɛ, ní tí lení wú w̃a.

TƐSALÓNIKA HESENDAA GƆLƆÍ 5:12

Mu mbála Yalá fɛ́li mbélai, wú w̃áánɛɛnɛngɔ gítee le ngáá wú ɣɛ́ wáá wúfe sítiini ma tíwaa Ngalá ngéngengi wo wú lííwaa, sítii Ngalá ngí lókolonga ti wa ngáá wú wútuwɔai tiyɛ́i taa ɣɛ́ taa wú lááhi.

TƐSALÓNIKA GƆ́LƆI HELE KÉLEI 1:3

Mu mbála Yalá fɛ́li mbélai, kule lɔ nɔ́ɔ ni w̃a ni ɣɛ́ fɔ́ naa sɛ́ɣɛɛ gula Ngalá má wú hááw̃a. Aá lɔ́ pele w̃a ngáá ni ná ɣɛ́ bɔw̃álale, ndangí í wú h̃u Ngalá fááw̃a suu lɔɔ ɣɛ́ nɔ́ɔ wɔ́ɔ́lɔ. Ndongí vá í wú yíla ngílangi fíli su nungáá vékaitii faaw̃a nga tɔ́ɔ ɣɛ́ nɔ́ɔ wɔ́ɔ́lɔ kélei.

TƐSALÓNIKA GƆ́LƆI HELE KÉLEI 2:1

Mu mbála Yála fɛ́li mbélai, niỹá lɔ́ɔ faa lé wú w̃a kɔwɔ́ato mu Lemɔ́i Jísu Kílisitii váálai wá vólu, ɛ́ɣɛ táingi máá vá ndaaw̃ɛ́ɛ́ma.

TƐSALÓNIKA GƆ́LƆI HELE KÉLEI 3:1

Mu mbála Yalá fɛ́li mbélai, ngapúmaa haí waa náá ngáá sí, waayaa Ngala fɛ́li ni haáw̃a ngáá keela wói kɔwɔ́ato Ndemɔí Jísu wa í híya hiyá hááli ngáá maahulángɔ, aáva nungáá tí wúfe ma kíya nɔ́ɔ í ɣɛ́i wú ndái h̃u.

TƐSALÓNIKA GƆ́LƆI HELE KÉLEI 3:13

Kɛ́ mu mbála Yalá fɛ́li mbélai, wálaa bɔ́lɔ ngáá fái sítii kɛ́ndaa tí péle w̃a.

TÍMOTI HESENDAA GƆLƆÍ 5:21

Ngaláni ngáá Jísu Kílisitii ɛ́ɣɛ hɛ́ɛ́ma w̃álekaitii tiyá lɔ́ ti ngáá ní hééleaitii ngáá ngí fái sí léa í w̃a kpáŋ kpáŋ ngáá yí híya ngáá ti ye. Yálaa suuwɔlɛ́ mbo kɛlaa yɔ́ɔ́ tó polú wó ngáá nuu fíli í híyalai h̃u ngáá fái sítii.

TÍMOTI GƆ́LƆI HELE KÉLEI 4:1

Ngalá ɛ́ɣɛ Jísu Kílisitii lɛ́i áá vá sítii kɔsɔ́ma ti ndɛɛh̃ú h̃u ɛ́ɣɛ sítii ti háángɔ tiyá lɔ́ ti ngáá ní héélea kɔwɔ́ato ndaahíngi sítii mba ngáá mbo ngáá í ye. Jísu Kílisitii lɔɔ vá vaamá í ɣɛ́ ngáá ndɔwɔlɔ́ w̃ása ngwala, náá hááw̃a, nyá ngáá fái le í w̃a kpáŋ kpáŋ ngáá yí híya ngáá ti ye.

HÍBULU 11:6

Aa ngáá solowo fáá ngáá nuu áá hómbo í Ngalá ndiivó fáitii kɛ ná wɔ́lii nda ngɛ́i ɣɛ́ nuu h̃u. Bɔw̃álale, nuí fíli áá lokohéi Ngala fɛ́lindai wu, kɛ maa w̃ɔ́i í lá la ngáá kɛ Ngalá tɔ́ na aáva aa sítii maaỹá fe taa lí kakála.

HÍBULU 13:16

Aáva wálaa lééw̃a faa bɔ́wɔ ɣɛndái w̃a ỹɔw̃ɔ́ ỹɔ́w̃ɔ yɛ ɛ́ɣɛ wááyaa bɔ ỹɔw̃ɔ́ ỹɔ́w̃ɔ wa sífaa, ná lɔ́ í ngáá saáɣa ɣɛ kíli áá Ngalá ndiilá.

HÍBULU 13:22

Mu mbála Yalá fɛ́li mbélai, wú w̃áánɛɛnɛngɔɔ lé ngáá wú kɛ́ ngáá ndiilɔlɔ́ wú wólilo keela wói sí w̃a áá nuu lííwuulɛ bɔw̃álale, kɔlɔí sí ngí pɔ́nɛnga wú yéle suu áá góóh̃a ngwala.

PÍTƐ GƆ́LƆI HELE KÉLEI 3:18

Kɛ́ aá ɣéle, a ndi ngu ma ngáá lɛɛh̃úi h̃uuhíyandaa Ndemɔí Jísu háá bɔwɔí w̃áá véle w̃a lɛ́i í ngáá mu Wúmaawo Mɔ́i, wu ɣɛ́ nɔ́ɔ wáá ɣɛ́ kɔlɔ kélei. A maayáá mu Lemɔ́i Jísu Kílisitii lɛ́ máá ngufema hé mbɛ í séi háá w̃a í lí ngáá naa lúwɔ kúnafɔ! Amíína.

NJƆÚ HESENDAA GƆLƆÍ 3:22

Sí fíli a maá Ngála fɛ́li faaw̃a, aa fe mu yaá bɔw̃álale a mu golóngɔɔ lé ngi hávaitiini mbu ɛ́ɣɛ mú wáá fái sítiini kɛ ti ngáá ndiivó fáitii.