TƐSALÓNIKA HESENDAA GƆLƆÍ 3:8 - Kɛ́lɛ Niinaí

⁸ Aa lɔ́ ngáá ta báhangɔ ni lɛ́ɛ́h̃ui wa ngáá ní mɛ́ningɔ ngáá kɛ wáa lɔ́ɔ ndi ngu ma ngáá kpahaíi wu su Ndemɔí Jísu wa.

TƐSALÓNIKA HESENDAA GƆLƆÍ 3:8 Iomraidhean Croise

NJƆÚ 15:4

A ló kpahaí h̃u wú su mba, nyá bɛ́lɛ ngáá ló kpahái h̃u ngi su wu wa. Ngulú yékei ɛi mbambó nɔ́ɔ bɔwɔ́ yɛ. Sí léi nɔ́ɔ áá kɛ áá mbambó aá wáá ngáá kɛ í ɣɛ lóóni ngulúi gítei wa, ngimɔ́ɔ́ nɔ́ɔ jɔ́ maa hái í na, kɛ léi wú ló kpahái h̃u mba, kɛ́ ná láá le, wɔ́i hómbo wɔ́ɔ́ faa fíli kɛ ngáá wumaá.

NJƆÚ 15:7

Kɛ́ ná wɔ́lii wáá ló kpahái h̃u wú su mbá, ndáá wói va í ló wú líítii su, ná ná áá ɣɛ́, sí fíli áá wú líívo, a Ngala fɛ́li faaw̃a aáva wáá sɔ́lɔ.

NJƆÚ 8:31

Júsuai sítii ti langɔ́ í ɣɛ́i náa lá ngáá Jísu, Jísu i ɣɛi ti w̃a, “Ná wáá ndí ngu ma ngáá hiyandáá ngáá ní gálambongi, kɛ wá gíte gítei lɔ wú ngáá pólu yélai.

TI GƐ́Ɛ́ HAÍTII 11:23

Ná í foloní na, í tɔní kíya Ngalá ngi ɣɛ́i áa bɔ́ ti wa ngwala, i kooh̃unɛ́ɛ́ni, aáva i nduwúh̃ulɛi ngáá ti kpɛ́lɛɛ ngáá ti lo Ndemɔí Jísu ndá gákai w̃a tɔɔỹái h̃u ngáá ti liítii kpɛ́lɛɛ.

KƆ́L̃E HESENDAA GƆLƆÍ 15:58

Faalɔ, mu mbála Yalá fɛ́li mbélai, a ló kpáŋ! Waá kɛ faa fíli ɔ́ɔ́ wú híɣe vomá. A bɔwɔ́ gula kɛlɛ́ma hɔ́wɔ fíli Ndemɔí Jísu yengengí hááw̃a, bɔw̃álale wú kɔ́lɔ ngáá sí fíli wáá mbo Ndemɔí Jísu yengengí h̃u aa gbááma.

KƆ́L̃E HESENDAA GƆLƆÍ 16:13

A w̃aahéi wó, wú ló kpáŋ ngáá ndangí wú su ngáá Jísu, wú lííbangɔ i ɣɛ la, ná vólu, wú h̃úú i ɣɛ báni.

GALÉSIYA 5:1

Á maá mɔ́ɔ ngáá nduwɔá bɔw̃álale Kílisitii i mu wúmaawonga. Faalɔ, aa ngumááwongi hái yeɣé ngáá hɛmbɛ́, wálaa mɔ́ɔ ɣɛ ngáá nduwɔá ɣɛ́ kíli.

Ɛ́FƐSƆ 3:17

Ngáá Ngala fɛ́li ngáá Kílisitii í vá wú líí h̃u ngáá ndangí wáá ɣɛ́ su lá ɛ́ɣɛ ngí lóngi í wú líí h̃u láa hé

FÉLEPA 1:21

Ní ndái h̃u, ndɛɛh̃úi sí ngí su, nyá lɔ́ su Kílisitii haaw̃a. Ná múl̃ɔ ngáá ɣɛ́ haaní, ná ɣéle aa ɣɛ ngáá kulasuunúma.

FÉLEPA 1:27

Faa fíli ɔ́ɔ́ bɔ́ɔ́ ɣɛ, a luva veléitii kɛ vaní kɛ kíya keela woó vándai kɔwɔ́ato Kílisitii wa í ndéngɔ ngáá ti ɣɛ́ na. Faalɔ, bele pá ngáá vá ngí wú héi heí ɔɔ ngɛ́i ɣɛ́ vaaní, ngi wú w̃áá woo ỹɛ́ni ngáá wá lɔ lóóni kpáŋ ngoo yílaa sú ɛ́ɣɛ kisiyá yílaa su aáva wáa lápi ngáá wú lángi í ɣɛ́ yíla kpé kɔwɔ́ato Ngalángi gééla woo vandaí wa.

FÉLEPA 4:1

Faalɔ, mu mbála Yalá fɛ́li mbélai, wɛ́i ndóngɔ ngáá wú ye aáva wú w̃ɔ́ni áá sóu, wá lɔ wáá kóóh̃unɛɛ, nyáá va ndíílɛingɔɔ lé wú hááw̃a. Faalɔ, ndangí wú su ngáá Ndemɔí Jísu a ló su kpáŋ kpáŋ.

KƆLƆ́SE 1:23

Kɛ́ a ndi ngu ma ngáá wu lángi wú su ngáá Kílisitii wú ló gite su kpáŋ kpáŋ. A waa híɣe nda pélei sí wa wɔ́ɔ́ gíkula wú gítomai h̃u wú maahɔ́lɔngɔ ná wú keela wóó vándai ỹɛ́nini. Nyɛ́i vá ngí ngáá Pɔ́ɔ, ngí ɣɛ́a ngáá ngenge mɔ́ɔ́ keela wóó vándai sí lé fááw̃a í lénga nungáitii kpɛ́lɛɛ má ngeleí sí wu.

TƐSALÓNIKA HESENDAA GƆLƆÍ 3:7

Faalɔ, mu mbála Yalá fɛ́li mbélai, ni háá bamaí kpɛ́lɛɛ sú ɛ́ɣɛ ni w̃áánɔw̃ɔi, ndangí í wú h̃ú i ni liiwúúlɛnga.

HÍBULU 10:23

Sí a máá nde ngáá aá lɔ́ ngáá a mu gitómaa, a mu hóu mba gíte kpé bɔw̃álale, kuulóngi Ngala ngí mbóngɔ a maá lá lá ngáá aá lɔɔ vá sítɛma nga.

HÍBULU 3:14

A maá ɣɛ́ nɔ́ɔ léi ngáá ngenge mbélaa maa Kílisitiini ná á mɔ́i yɔ́ njɔ́ ndangí wa í ɣɛ́i mu h̃u tɔkúla héi mái, kɛ́ aá ɣéle, a mú ndí ngu ma í ló su ngakɛɛlɛmái í fólo.

HÍBULU 4:14

Ná náá Jísu lɛ́i í ngáá Ngalángi H̃íỹɛndou Loí í ngáá a mú Yála sááɣa gula mɔ́ɔ́ walaí i liingá naa wutúwɔɔ véle ngelegóóh̃u, faalɔ, a mú ndí ngu ma ngáá ndangí a máá ndé ngáá a muỹá lɔ́ su la.

PÍTƐ HESENDAA GƆLƆÍ 5:10

Kɛ́ Ngála lɛ́i faa bɔ́wɔ kpɛ́lɛɛ áá gúla ngeya í wú lólingɔ ngáá wú ɣɛ́ mbu ngi w̃ásandaa w̃aanɛɛnɛɛngí wu í na kúnafɔ, wú báha gilíí wa wáá Kílisitii. Maanɔw̃ɔ́i íwaa wó ngáá wú ye suu aá ɣɛ́ ma gooh̃á ngwala kɛ Ngalá pá aa kɛ náa ngáá háwu faa kpɛ́lɛɛ í ɣɛ́ vaní wú yɛ, ná wáá ngáá, wú lángɔ áa ɣɛ́ gíte lá kpáŋ kpáŋ, ná vólu, wú lóó gíli bátɛngɔ aa ɣɛ lá pele kpɛ́lɛɛ su ngi hái h̃u kɛɛlɛ́ ngɛ́i ɣɛ́ mba.

PÍTƐ GƆ́LƆI HELE KÉLEI 3:17

Faale, mu mbála vandáitii, ná wú fái sí h̃uuwɔlɔ́ náá kílii, kɛ waayaa w̃aah̃ú béle gíte maa hái h̃u ngáá pangɔ́ kɛinɔɔ́ nyaama yélai sítii tí gákangɔ tɔɔỹaá vélei wa, tɔ́ɔ́ vá kɛ wɔ́ɔ́ víli kaka péle wa, tɔ́ɔ wú gúla wú lóó gilí vándai h̃u wú su Ngala fái h̃u.

FAA YÁKƐ KƆ́LƆI 3:11

Nyá lɔ́ɔ vá h̃úmbuwa, a ndi ngú ma ngáá wú lúva véle vándai sí wú kálanga kɛinɔ́ɔ nuu ɔ́ɔ́ wú wú ngapóte ngáá wɔ́ɔ́ wála wú w̃ááỹangi w̃a.

FAA YÁKƐ KƆ́LƆI 3:3

Faalɔ, a giséi fái sítii ma wú tí galangá ɛ́ɣɛ sítii wú mɛ́ninga. Wú híya ngáá tí ye wú vólu yáfe wú háá ỹɔítii mba. Ná wɔ́i ɣɛ́ ná ɣɛ́ni, nyá lɔ́ɔ vá vááma wú gɔ́ɔ́la mba h̃ú kíya nɔ́ɔ ŋúỹa w̃ɔ́ɔ́ aáva wɔ́i ɣɛ́ kɔ́lɔ táingi ngáá vá ma.