TƐSALÓNIKA HESENDAA GƆLƆÍ 3:6 - Kɛ́lɛ Niinaí

⁶ Kɛ́ Tímoti vá i yangáimanga vólu ni yelé ngáá wú w̃áá woo vánda ná wáá ngáá, ndangí lɔ́ wú h̃u ɛ́ɣɛ ndongí. I ndengɔ́ ní w̃a ngáá ni gísiya lɔ nɔ́ɔ wú w̃á hɔ́wɔ fíli aáva wú lóngɔɔ lé gíte wú ni héi heí, kɛ kíya nɔ́ɔ ni longɔ́ niỹa bɛ́lɛ ni wú héi heí.

TƐSALÓNIKA HESENDAA GƆLƆÍ 3:6 Iomraidhean Croise

TI GƐ́Ɛ́ HAÍTII 16:1

Kɛ Pɔ́ɔ i liingá Dɛ́bi taa h̃u, i gúla na, í lí Lésitula taa h̃u. Naa lɔ í Jísu volú w̃ɔ́ɔ́ yiláá mááleni na taa ɣɛ́ ma Tímoti. Tímoti sí ngi njéé i ɣɛi ngáá Júsu w̃ɔɔ aáva ndangɔ́ ngáá Jísu. Kɛ́ Tímoti kɛ́ɛ́ɣɛ i ɣɛi ngáá Gilísi w̃ɔɔ.

TI GƐ́Ɛ́ HAÍTII 18:1

Ná sí í gúlani su, Pɔ́ɔ i guláni Átɛ taa h̃u wá, í lí Kɔ́l̃e taí h̃u.

TI GƐ́Ɛ́ HAÍTII 18:5

Ná Sáilɔni ngaa Tímoti ti gúlani Mɛsedóniya lataí h̃uu wá, Pɔ́ɔ i bɔwɔ́ gulaní kɛlɛ́ma fó fóndei Ngala ngóó lendái h̃u taá hééle woo lendáá Júsuai ma ngáá kɛ Jísu lɔ í ngáá Ngalángi Lókolo Mbá W̃ɔ́i.

KƆ́L̃E HESENDAA GƆLƆÍ 11:2

Ngáá wú lɛ́ sífaa, nápa wɔ́i lééw̃a má, ná vólu, wáá híya ngáá kalambongí sítii ngí maahɔ́lɔngɔ ngáá mbo ngáá wú ye.

KƆ́L̃E HESENDAA GƆLƆÍ 13:13

Naa laa lówah̃u, faa sáángɔi sítii tɔ taa lo, ndangí ɛ́ɣɛ kitomái ɛ́ɣɛ ndóngi. Kɛ́ sí tɔvengɔ́i sítii kpɛ́lɛɛ mbá, aá wáá ngáá ndongí.

GALÉSIYA 5:6

Ná nuu báhangɔ áá ɣɛ́ la Jísu Kílisitii wa, bele bɛ́lɛ í lɔ́vengɔ aa ɣɛ lá pɛ́lɛ vólu ɔɔ í lɔ́vengɔ ɛi ɣɛ lá pɛ́lɛ vólu, ná aa ngáá faa fíli kpósouŋ. Kɛ́ sí í ngáá faa bíkpingi laá wáa ngáá ndangí nuu áá ɣɛ́ sú ngáá Jísu Kílisitii. Ná vá tɔ áá kɛ ndongí áá ɣɛ nuu h̃u nuu vekáitii fááw̃a.

FÉLEPA 1:8

Ngalá ngi kɔlɔ́ ngáá kɛ kíya búte wú w̃ɔ́ni áá sóu ɛ́ɣɛ kíya ndóngɔ ngáá wú ye kɛ kíya nɔ́ɔ Jísu Kílisitii lóngɔ ngáá wú ye.

KƆLƆ́SE 1:4

sífaa, ní faa ỹɛ́ninga kɔwɔ́ato wú lángi wa wú su ngáá Jísu Kílisitii ɛ́ɣɛ ndóngi wú su ngáá Ngalángi vóngaitii kpɛ́lɛɛ.

KƆLƆ́SE 4:18

Sí nyá gíte ngáá pɔ́nɛ ngáá bɔwɔ́ lóko aá wáa ngáá sí, nyɛ́i ngí ngáá Pɔ́ɔ, ngí há wú w̃a. A waa lééw̃a ngáá kɛ nyá lɔ kpindi vɛ́lɛ wu! Bɛlɛ́ Ngalángi háá bɔwɔí í ɣɛ́ wú yɛ.

TƐSALÓNIKA HESENDAA GƆLƆÍ 1:3

Ngalá lɛ́i í ngáá a mu Kɛ́ɛ́ɣɛ nápa ná naa ɣɛ́ naá fɛ́li, nɛ́i lééw̃a wú w̃a. Sífaa ní gí tɔ nɔɔ́ fɔ́ wú yéngengi h̃u áá gúla ndangí h̃u ɛ́ɣɛ ndongí wú su ngáá Ndemɔí Jísu Kílisitii, ná vólu, kíya wú gítongɔ mba kpáŋ kpáŋ.

TƐSALÓNIKA HESENDAA GƆLƆÍ 2:17

Mú mbála Yála fɛ́li mbélai, kíya bɛ́lɛ a mu yakɔ́lɛngɔ ma kuu félengɔ laa lówah̃u, niỹá lɔ́ nɔ́ɔ fɔ́ naá gisíya ngáá wu ye ngwala. Níỹa vá ni ɣɛ́ngɔ náá naá yákpa ngwala gíte ngáá ni vá ni wú héi héi múl̃ɔ.

TƐSALÓNIKA HESENDAA GƆLƆÍ 2:9

Mu mbála Yalá fɛ́li mbélai, wú gíseingɔ ma gíte kíya nɔ́ɔ ngenge kpá kpangaitii mbó wú lííwaa. Nɔ́ɔ́ yénge fóloni ngaa kpindí kɛinɔɔ́ ni waa háá ɣɛ́ndaa ɔ́ɔ́ va bá nuu fíli ngú mba Ngalángi gééla woo vandaí sí lé fááw̃a í féngɔ ni yaá ngáá ní ndé wú w̃a.

TƐSALÓNIKA HESENDAA GƆLƆÍ 3:7

Faalɔ, mu mbála Yalá fɛ́li mbélai, ni háá bamaí kpɛ́lɛɛ sú ɛ́ɣɛ ni w̃áánɔw̃ɔi, ndangí í wú h̃ú i ni liiwúúlɛnga.

TƐSALÓNIKA GƆ́LƆI HELE KÉLEI 1:3

Mu mbála Yalá fɛ́li mbélai, kule lɔ nɔ́ɔ ni w̃a ni ɣɛ́ fɔ́ naa sɛ́ɣɛɛ gula Ngalá má wú hááw̃a. Aá lɔ́ pele w̃a ngáá ni ná ɣɛ́ bɔw̃álale, ndangí í wú h̃u Ngalá fááw̃a suu lɔɔ ɣɛ́ nɔ́ɔ wɔ́ɔ́lɔ. Ndongí vá í wú yíla ngílangi fíli su nungáá vékaitii faaw̃a nga tɔ́ɔ ɣɛ́ nɔ́ɔ wɔ́ɔ́lɔ kélei.

TÍMOTI HESENDAA GƆLƆÍ 1:5

Ngí ndéngɔ ngáá wú ɣɛ́ waa sí ɣɛ kɛinɔɔ́ í kɛ́ ngáá háwu mu ló ngáá ỹɔw̃ɔ́ ỹɔ́w̃ɔ. Ndongí áá gúla nuu lií h̃u faa ỹɔ́u fíli ɛi ɣɛ su ɛ́ɣɛ nuu gi mai aa ɣɛ́ kpál̃au ngáá fáitii áá kɛ tiyá lɔ pele w̃a ɛ́ɣɛ ndangí nuu áá ɣɛ́ su ngáá Jísu Kílisitii ngáá tɔɔỹaá.

TÍMOTI GƆ́LƆI HELE KÉLEI 1:3

Ngáá sɛ́ɣɛɛ gula Ngalá ma lɛ́i ngáá yénge mbɛ kí máa yakɛ́ngɔ kpál̃au kíya ni káwalani ti kɛ́ni. Kíya fíli ngáá ɣɛ́a Ngalá fɛ́li folóni ngaa kpindí ngáá sɛ́ɣɛɛ gúla Ngalá ma í hááw̃a.

FELÉMO 1:5

bɔw̃álale, ngí fáá ỹɛ́ninga kɔwɔ́ato ndongí wa yí su ngáá Ngalángi vóngaitii kpɛ́lɛɛ ɛ́ɣɛ ndangí yí su ngáá Ndemɔí Jísu.

HÍBULU 13:3

A waa lééw̃a sítii ma tí kpíndi vɛlɛ́ wú, wú gísiya nɔ́ɔ ngáá ná wɔ́lii wɔ́ɔ́ ɣɛ́ kpíndi vɛ́lɛi wu wáá tiyéni. A waa lééw̃a sítii ma ti w̃áá áá nɔ́w̃ɔ, wú gísiya nɔ́ɔ́ ngáá ná wɔ́lii wú w̃áá ɔ́ɔ́ ɣɛ́a nɔ́w̃ɔ wáá tiyéni.

HÍBULU 13:7

A giséi sítii ma ti ɣɛ́i hése ngáá wú wútuwɔaitii tɔ́ɔ́ Ngala ngói le wú w̃a. Wú gísiya ngáá kíya tí lɛ́ɛ́h̃uitii suuhíyani. Wá bɛ́lɛ wú la ngáá Ngalá kíya ti lángɔ í ɣɛ́i lá ngáá Ngalá.

NJƆÚ HESENDAA GƆLƆÍ 3:23

Sí vá í ndéngɔ mu w̃a ngáá a mu kɛ́, aá wáa ngáá, mu lá ngáá ngí H̃íỹɛndou Loí Jísu Kílisitii, ná vólu, a mu ló ngáá ỹɔw̃ɔ́ ỹɔ́w̃ɔ kíya nɔ́ɔ Jísu Kílisitii í ndéngɔ mu w̃a ngáá mú kɛ.