TƐSALÓNIKA HESENDAA GƆLƆÍ 3:4 - Kɛ́lɛ Niinaí

⁴ Ná nɛ́nɛ ní ɣɛ́i wú lóów̃a, ní ndéi wú w̃á naa lúwɔ ngáá faa báma lɔɔ vá láma mu w̃a. Aáva kɛ kíya nɔ́ɔ wú kɔ́lɔ wá gíte kpál̃au ngimɔ́ɔ́ nɔ́ɔ jɔ́ í ɣɛ́ngɔ.

TƐSALÓNIKA HESENDAA GƆLƆÍ 3:4 Iomraidhean Croise

MÁFIYU 24:25

Ngí fái sítii ndengá wú w̃á naa wutúwɔɔ, faalɔ, a giséi w̃a!

TI GƐ́Ɛ́ HAÍTII 17:1

Ná Pɔ́ɔni ngaa Sáilɔ ti lɔ́veni kpóloo taa walá walaí sítii su taa ti lolí ngáá Amifépole ɛ́ɣɛ Apolóniya, tí fóloni taa walá vékai sí h̃u taá tolí ngáá Tɛsalónika. Naa lɔ Júsuaitii ti Yála fɛli máákpɔ wotaí ta í ɣɛ́i na.

TI GƐ́Ɛ́ HAÍTII 17:13

Ná Júsuai sítii ti ɣɛ́i Tɛsalónika ti mɛniní ngáá kɛ Pɔ́ɔ lɔɔ́ Ngalá ndaa wói le Bɛlíya, ti mɔ́ɔ liiní na bɛ́lɛ táa nungáitii ngu suu ỹááni, tí tí ɣɛ wu nga wúúlee.

TI GƐ́Ɛ́ HAÍTII 20:24

Kɛ́ ngáá lɛɛh̃úi yeɣéngɔ ngáá ŋani fíli bɔwɔ́ yaa. Sí nɔ́ɔ léi kpéɣengɔ ma, aá waa ngáá ngí ngengengí sí wu kúla Ndemɔí Jísu í fengá ngéya. Maa yéngengi waa keela woó vándai léndai kɔwɔ́ato Ngalángi háá bɔwɔí wa.”

TƐSALÓNIKA HESENDAA GƆLƆÍ 2:14

Mu mbála Yála fɛ́li mbélai, sí í lái mu mbála Yalá fɛ́li mbélaa vekái sítiini ma ti báhangɔ Jísu Kílisitii wa ti Judíya lataí h̃u, ngi híí lɔ nɔ́ɔ jɔ́ wá bɛ́lɛ í lángɔ wú w̃a. Ná wáá ngáá, sítii ti ngáá wu bɔ́wɔ bɔ́wɔ híí yélai tiyá lɔ́ tí faa bá ndángɔ wú w̃a kɛ kíya nɔ́ɔ tiyá bɛ́lɛ ti bɔ́wɔ bɔ́wɔ híí yélai, ná wáá ngáa, Júsuaitii tí faa bá ndáni ti w̃a.

TƐSALÓNIKA HESENDAA GƆLƆÍ 2:2

Wá gíte wú kɔ́lɔ kíya ti ɣɛ́i náá ni h̃úúhou kíli ỹɔu woní ɛ́ɣɛ kíya tí ni yangúfeni Félepa taa h̃u nɔɔ́ ɣɛ́a va wú yéle Tɛsalónika taa h̃u. Kɛ́ Ngála pa í mú ndá gákai w̃a, í ní liibáni ngáá ní kééla woó vándai lé wú w̃a áá gúla ngeyá. Aáva ní maa gééla woí léni kíya bɛ́lɛ nuu bíh̃iw̃aa ti ɣɛ́i na táá yakpá ngáá tí ni betéve nde fái wa.

TƐSALÓNIKA GƆ́LƆI HELE KÉLEI 2:5

Wáá gíseingɔ sí kpɛ́lɛɛ má ngí ndéngɔ wú w̃a ná h̃u ngí ɣɛ́i wú lóów̃a?

TƐSALÓNIKA GƆ́LƆI HELE KÉLEI 3:10

Ná ni ɣɛ́i wú lóów̃a, ní ndéni wú w̃a, ni ɣɛ́ ta, “Nuí fíli ɛ́i ɣɛ́ yéngeni, maa w̃ɔ́i álaa lááỹɛ.”