TƐSALÓNIKA HESENDAA GƆLƆÍ 3:3 - Kɛ́lɛ Niinaí

³ Ni ná ɣɛ́i kɛinɔɔ́ faa bángai sítiini tálaa kɛ́ ngáá háwu wú tá fíli wɔ́ɔ́ liiỹááni Ngalá fái h̃u ngáá wɔ́ɔ́ yángaima vólu. Wá gíte wú suuwɔlɔ́ ngáá faa báma lááliai sítiini tiyá lɔ́ ngáá Ngalá túw̃ama h̃u háá a mu haáw̃a.

TƐSALÓNIKA HESENDAA GƆLƆÍ 3:3 Iomraidhean Croise

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 21:12

Kɛ́ faí sítiini kpɛ́lɛɛ tɔɔ ɣɛ́ p̃ɛ́ɛ́ ti ɣɛ, nungáitii taa wú hóu, tí faa báma la wú w̃a. Taá lí ngáá wú ye Ngala fɛ́li máákpɔ wotaítii mbuu wútuwɔaitii ngelé wú gɔ́sɔ fááw̃a aáva taa wú víli kpindi vɛlɛ́i wu. Ná vólu, taá lí ngáá wú ye masa ngwálai walaítii ngelé ɛ́ɣɛ masa kúlo gulóaitii. Sí kpɛ́lɛɛ pá taa ɣɛ́ sífaa wú ngáá pólu yélaa.

NJƆÚ 16:2

Tiyá lɔ́ɔ va wú bétevema Ngala fɛli máákpɔ wotaí wuu wá. Aá ɣéle p̃ɛ́ɛ́ táingi lɔɔ va folóma ma ngáá nuí fíli áá wú váá, aa ɣɛ maa w̃ɔ́i gi má ngáá aá lɔɔ Ngalá ndiivó ngénge mbo.

NJƆÚ 16:33

Ngí fái sítii ndengá wú w̃a kɛinɔɔ́ wú ndiihéi w̃ááhɔlɔ máávele w̃a. Wá lɔ́ɔ ɣɛ́ wáá faa bá mááhɔlɔ ngeleí sí wu. Kɛ́ a liibá sífaa ngí hómbonga ngeleí sí wúu yákpangi w̃á.”

TI GƐ́Ɛ́ HAÍTII 14:22

Ti ɣɛ́i taá kɛ ngáá háwu nungáitii ti h̃úú áa bá ti lángitii sú Jísu haaw̃a. Ná vólu, táá nduwúh̃ulɛ ngáá ti ye ngáá ti ló ti lángitii su kpáŋ. Tí ndéni ti w̃a, ti ɣɛ́ ta, “Kɛ a maá lɔve faa bámaitii su kɛinɔɔ́ a mu wála Ngalángi w̃ásandai wu.”

TI GƐ́Ɛ́ HAÍTII 2:25

Kɛ Pítɛ í mɔ́ɔ ɣɛa ta, “Masangí Deevé i yɛpɛní kɔwɔ́ato Jísu wa, i ɣɛ ta, ‘Ngí Ndémɔi lɔní gakála hɔ́wɔ fíli. Aáva sífaa i ndóów̃a, ngɛ́i líka vóma.

TI GƐ́Ɛ́ HAÍTII 21:11

Ná í vááni ni yelé, i kula hakpái ná yéɣeni Pɔ́ɔ ɔ́ɔ́ gilí liih̃ú, í bɔwɔ́ lokoí h̃uu yíli la taá gɔwɔ́itii. Kɛ i ndengá, i ɣɛ ta, “Hɛ́ɛ́ma Ỹínangi i ndengɔ́ ngáá kɛ ngimɔ́ɔ́ Júsuaitii tí Jɛlúsɛl̃ɛ táá vá ndiih̃u yilíngi sí w̃ɔ́i yílima. Ná vólu, tí tokola sítii ngeyá taa ngáá Júsua.”

TI GƐ́Ɛ́ HAÍTII 21:13

Kɛ Pɔ́ɔ i ni woo yápotenga, i ɣɛ ni w̃a, “Ndeé le wúwaa wɔ́lɔ, wáá ndiiỹaaní víli má? Aa nɔ́ɔ léi ngáá ngíli fááw̃a, kɛ́ mááhei wóngɔɔ lé sáá haá ɣéle tɔ ma Jɛlúsɛl̃ɛ Ndemɔí Jísu haaw̃a.”

TI GƐ́Ɛ́ HAÍTII 9:16

Nyá lɔ́ɔ kɛ lá ngáá kíya kule í ma í w̃áánɔw̃ɔ fááw̃a.”

LÓÓMI 5:3

Ná vólu mɔ́ɔ́, a maá góóh̃unɛɛ maanɔw̃ɔ́itii su taa lá mú w̃a bɔw̃álale, a mú súúwɔlɔ ngáá maanɔw̃ɔ́i lɔ áá kɛ a mu lii í bá.

KƆ́L̃E HESENDAA GƆLƆÍ 15:58

Faalɔ, mu mbála Yalá fɛ́li mbélai, a ló kpáŋ! Waá kɛ faa fíli ɔ́ɔ́ wú híɣe vomá. A bɔwɔ́ gula kɛlɛ́ma hɔ́wɔ fíli Ndemɔí Jísu yengengí hááw̃a, bɔw̃álale wú kɔ́lɔ ngáá sí fíli wáá mbo Ndemɔí Jísu yengengí h̃u aa gbááma.

KƆ́L̃E HESENDAA GƆLƆÍ 4:9

Aá lɔ kí ma ngáá niỹɛ́i ni ngáá Ngalángi géélaitii Ngalá ngí ni wúnga njéinga nuu kpɛ́lɛɛ mbú. Ni gulangɔ́ɔ́ lé ngáá nungáá taá tí waaléve ngáá taá vélei kɛ taá saa w̃ááhɔlɔ kpɔ ndííwaa. Ni ɣɛ́a ngáá ngangɛlɛ́ ŋáni ngeleí sí wu kpɛ́lɛɛ malékaa yaá ɛ́ɣɛ nuu búsaa yáa.

Ɛ́FƐSƆ 3:13

Faalɔ, nyáá ngáá wú w̃áánɛɛnɛ ngáá wálaa liiỹááni ngáá sífaa ngíwaa maanɔw̃ɔ́i sí yéɣe wú hááw̃a. Maanɔw̃ɔ́i sí lɔ́ ngáá wú gúlasuunuma haa.

FÉLEPA 1:28

Waa lúwa wú wááhilima yélaitii mba pele fíli sú. Ná wáá sí ɣɛ, aá lɔ áá ngakɛ́ ngáá ti ye ngáá kɛ ti ndái ɛi ndoma kɛ́ wáá vá, wú ndái lɔɔ va ndómama, bɔw̃álale Ngalá tɔ áá vá kɛ́ma ngáá háwu wú ndái í ndóma.

KƆLƆ́SE 1:23

Kɛ́ a ndi ngu ma ngáá wu lángi wú su ngáá Kílisitii wú ló gite su kpáŋ kpáŋ. A waa híɣe nda pélei sí wa wɔ́ɔ́ gíkula wú gítomai h̃u wú maahɔ́lɔngɔ ná wú keela wóó vándai ỹɛ́nini. Nyɛ́i vá ngí ngáá Pɔ́ɔ, ngí ɣɛ́a ngáá ngenge mɔ́ɔ́ keela wóó vándai sí lé fááw̃a í lénga nungáitii kpɛ́lɛɛ má ngeleí sí wu.

TƐSALÓNIKA HESENDAA GƆLƆÍ 5:9

Bɔw̃álale, Ngála ngáá mú yéɣengɔ ngáá ngí vóngaa ngáá kɛinɔɔ́ ɔ́ɔ́ ngí háá bama lá mú w̃a mú háá ỹɔítii fááw̃a, kɛ́ aá ɣéle, i ná ɣɛ́ngɔ ngáá kɛinɔɔ́ a mú ngúmaawongi w̃ááhɔlɔ mu Lemɔ́i Jísu Kílisitii w̃áá véle w̃a.

TƐSALÓNIKA GƆ́LƆI HELE KÉLEI 1:4

Ná lɔ́ í kɛ́nga naa ɣɛ́a wú w̃aayónga téve Ngala fɛ́li mbélaa vekaítiini ma. Niỹá lɔ́ɔ yónga téve kɔwɔ́ato ndiibángi wá ɛ́ɣɛ ndángi wá wú su ngáá Ndemɔí Jísu, wáá ndi ngu ma kíya bɛ́lɛ nungáá táá faa bángi sí kpɛ́lɛɛ ndá wú w̃a ɛ́ɣɛ maanɔw̃ɔ́itii wúwaa ngéɣe.

TÍMOTI GƆ́LƆI HELE KÉLEI 1:8

Ná hááw̃a, yálaa wúfe ngáá yɛpɛndáá kɔwɔ́ato a mu Lemɔ́i Jísu Kílisitii wa, kɛlaa yɔ́ɔ wúfe ngáá ní hái sífaa ngí kpíndi vɛlɛ́ wu bɔw̃álale nyá lɔ ngáá Kílisitii yénge mɔɔ. Kɛ́ laá ɣéle, í w̃ááhei wóngɔ í ɣɛ́ la yá bɛ́lɛ í nda w̃áánɔw̃ɔi yeɣé fááw̃a kɔwɔ́ato keela woó vándai lé fááw̃a aáva Ngalá ngáá i h̃úúba ngáá yí híya su.

PÍTƐ HESENDAA GƆLƆÍ 2:21

Ngalá ngí wú lólingɔ ngáá wú w̃áánɔw̃ɔ h̃íí ná sífaa Kílisitii í w̃aanɔw̃ɔ́ngɔ wú hááw̃a. Aáva ngi w̃áánɔw̃ɔi ná ɣɛ kíli lɔ wáá ɣɛ́ wáá wɔ́lɛ mba wúwaa híya kɔwɔ́ vó njɛ́ ya.

FAA YÁKƐ KƆ́LƆI 2:10

Wálaa lúwa máanɔw̃ɔ fíli mbá wáá vá ngéɣema. A bɛlɛ́ ngí sí lé wú w̃a, Ngutuwɔ́ Ỹína Nyɔí lɔ́ɔ vá kɛ́ma ngáá háwu ti wú lɛ́ingaa víli kpindi vɛlɛ́ wú ngáá wú h̃úú í gɔ́vɔ, wáá ɣɛ́ maa bíndi vɛ́lɛi ná wú foló púúngɔ laa lówah̃u. A wáá vólu yáfe mbá, bele pá aa gula ngáá faa tá ngáá wú wú ngáá ló su, ngáá wú w̃ááỹaa fe ngáá kúnafɔ lɛ́ɛ́h̃ui.

FAA YÁKƐ KƆ́LƆI 2:13

Ngí súúwɔlɔ ngáá kɛ mbéi wú na, na lɔ Setána w̃asandaí í na. Wú lɔ́wɔbaɣangɔɔ lé ngéya, wú lángi sí wú sú ngáá ngé wáá nɛ́ɛ́ kúlai yáa. Wáá ní hái gúlani yáa ná h̃ú bɛ́lɛ ti ní lɔ́wɔbaɣa yengé mɔí Átipa vááni mbéi Setána í na.