TƐSALÓNIKA HESENDAA GƆLƆÍ 3:2 - Kɛ́lɛ Niinaí

² Aáva mu mbála Yála fɛ́li mɔ́i Tímoti, lɛ́i naá tiyéni náa yénge Ngalá mbɛ́ Ngalángi gééla woo vandaí léndai h̃u kɔwɔ́ato Kílisitii wa, ní tɔ́veni wú yéle. Ní tɔ́vei ngáá í wú lííwuulɛ, í kɛ́ ngáá háwu wú h̃uu í bá wú lángi h̃u.

TƐSALÓNIKA HESENDAA GƆLƆÍ 3:2 Iomraidhean Croise

TI GƐ́Ɛ́ HAÍTII 16:1

Kɛ Pɔ́ɔ i liingá Dɛ́bi taa h̃u, i gúla na, í lí Lésitula taa h̃u. Naa lɔ í Jísu volú w̃ɔ́ɔ́ yiláá mááleni na taa ɣɛ́ ma Tímoti. Tímoti sí ngi njéé i ɣɛi ngáá Júsu w̃ɔɔ aáva ndangɔ́ ngáá Jísu. Kɛ́ Tímoti kɛ́ɛ́ɣɛ i ɣɛi ngáá Gilísi w̃ɔɔ.

TI GƐ́Ɛ́ HAÍTII 16:5

Faalɔ, Ngala fɛ́li mbélaitii ti h̃úú í ɣɛ́i áá ba ti lángitii su, aáva ngele fíli ɔ́ɔ wó, ta ɔ́ɔ́ báha ti wa.

TI GƐ́Ɛ́ HAÍTII 18:5

Ná Sáilɔni ngaa Tímoti ti gúlani Mɛsedóniya lataí h̃uu wá, Pɔ́ɔ i bɔwɔ́ gulaní kɛlɛ́ma fó fóndei Ngala ngóó lendái h̃u taá hééle woo lendáá Júsuai ma ngáá kɛ Jísu lɔ í ngáá Ngalángi Lókolo Mbá W̃ɔ́i.

LÓÓMI 16:21

Tímoti, lɛ́i náá láá níwaa yénge, i haaní wú w̃a í báha náá mu mbála Júsuai sítiini kele tɔ mba taa ɣɛ́ tí w̃a Lúsɔ ɛ́ɣɛ Jésɔ ɛ́ɣɛ Sosepatɔ.

KƆ́L̃E HESENDAA GƆLƆÍ 3:10

Sí Ngalá ngí féngɔ mbɛ́ ngi háá bɔwɔí w̃áá véle w̃a, í kɛ́a ngáá háwu ngí Ngala ngénge panda wo wú lííwaa kíya nɔ́ɔ́ pɛ́lɛ ló mɔ́ɔ́ vanda í na. Ngí pɛ́lɛ gɔ́wɔi hítɛnga aáva nuu vékaa tiyá lɔ́ɔ pɛlɛ́ ló náa pɛlɛ́ gɔ́wɔi ná w̃a. Kɛ́ kɛ nuu fíli í ndá ma kíya áá pɛlɛ́i ló ma.

KƆ́L̃E HESENDAA GƆLƆÍ 4:17

Háwui sí hááw̃a, nyá ngaá Tímoti lɔ́ve wú yéle lɛ́i kulangɔ́ ngáá ndíívo síỹɛndou lou tɔwɔ́baɣangɔ Ngala fái h̃u. Laá lɔ áá va í wú gísitɛ síya gilíí wa kpahaí wa ngí su Jísu Kílisitii wa. Aá va tɔ ngáá mbó ngáá kalambo Ngala fɛ́li mbélaitii ma ỹanda kpɛ́lɛɛ.

KƆ́L̃E GƆ́LƆI HELE KÉLEI 1:1

Nyɛ́i ngí ngáá Pɔ́ɔ, ngí ngáá Jísu Kílisitii géélai áá gúla Ngala ngí háá h̃uubatɛ su, nyá lɔ́ ngáá kɔlɔí sí vɔ́nɛ náa mú mbála Yalá fɛ́li mɔ́i Tímoti. Kɔlɔí sí lɔɔ vá wú yéle wɛ́i wú ngáá Ngala fɛ́li mbélaitii wú taí sí h̃u taá náá lolí ngáá Kɔ́l̃e í báha náá Ngalángi vóngaitii kpɛ́lɛɛ mbá tí Akáya lataí h̃u hááli hááli.

KƆ́L̃E GƆ́LƆI HELE KÉLEI 1:19

sífaa Ngalángi H̃íỹɛndou Loí Jísu Kílisitii lɛ́i Sáilɔ ɛ́ɣɛ Tímoti kpahangɔ́ náa mbá ní kééla woó vánda lengɔ́ wú w̃á kɔwɔ́ato mba, ngi hái lɔ kɔ́wɔ yílaa ngá. Jísu Kílisitii lɔ́ í ngáá Ngalángi gúúlongi hítɛngɔi nga,

KƆ́L̃E GƆ́LƆI HELE KÉLEI 2:12

Ná ngí fóloi Túlowa taa h̃u ngáá ngí Ngalángi gééla woo vandaí lé kɔwɔ́ato Kílisitii wa, ngí ngátɔni mba ngáá kɛ Ndemɔí Ngalá i pele laawónga ngi yéngengi hááw̃a na.

KƆ́L̃E GƆ́LƆI HELE KÉLEI 2:13

Kɛ́ ndííhɛlɛngɔ í ɣɛi la ngwala bɔw̃álale ngáá ɣɛi ngáá mu mbála Yalá fɛ́li mɔ́i Táitɔ lɔ́. Ná hááw̃a, ngí hɛ́lini mu mbála Yalá fɛ́li mbélaitii ma tí Túlowa taa h̃u ngí vá Mɛsedóniya lataí h̃u.

KƆ́L̃E GƆ́LƆI HELE KÉLEI 8:23

Táitɔ lɔ ngáá ní mbála naá laá náa yénge ngáá ni bɔ́ wú wá. Kɛ́ Ngala fɛ́li mbélaa veka félengɔitii taá tiyéni táá vá, nátii tɔ ngáá Ngalá fɛ́li mbélaitii ngááh̃u aáva ti yéngengi aa va ngáá ngufema Kílisitii yɛ.

FÉLEPA 1:25

Ndángɔɔ lé la ngáá aá lɔ pele w̃a, laáva ngí kɔlɔ́ ngáá nyá lɔɔ ló ndɛɛh̃úi h̃u ngí bɔ́ wú wa wú góóh̃unɛi ɛ́ɣɛ wú lángi h̃úú í ɣɛ́ wɔ́ɔlɔ,

KƆLƆ́SE 1:1

Nyɛ́i ngí ngáá Pɔ́ɔ, nyɛ́i Ngalá ngí kɛ́ngɔ ngáá Jísu Kílisitii géélai, nyá ɛ́ɣɛ mu mbála Yála fɛ́li mɔ́i Tímoti niỹá lɔ náa kɔlɔí sí vɔ́nɛ.

KƆLƆ́SE 1:7

Wú faa ỹɛ́ninga kɔwɔ́ato Ngalángi háá bɔwɔí wa mu mbála yengé mɔ́i Ɛpáfulɔ yaá lɛ́i mu longɔ́ lá, lɛ́i múl̃ɔ í ngáá Kílisitii yénge mɔɔ vanda ni haáw̃a.

KƆLƆ́SE 4:12

Siỹɛndópoi sí taa ɣɛ́ ma Ɛpáfulɔ, lɛ́i í ngáa mú mbalá Yalá fɛ́li mɔ́i ta wú gúúwui h̃u ɛ́ɣɛ Jísu Kílisitii yénge mɔɔ aa bɛlɛ́ i haaní wú w̃a. Aá lɔ́ nɔ́ɔ fɔ́ áá Ngala fɛ́li wú hááw̃a ngáá lií kpɛ́lɛɛ ngáá Ngalá ngí kɛ ngáá háwu wú h̃úú í bá wú lángi h̃u, wú ɣɛ suuwɔlɔ́ kpál̃au ngáá kɛ wú lángi wú su ngáá Jísu Kílisitii kɛ tɔɔỹaá le ɛ́ɣɛ wú gólongɔ í ɣɛ́ la Ngalá mbɛ ngáá hɛmbɛ́ fíli.

KƆLƆ́SE 4:9

Mu mbála Yalá fɛ́li mɔ́i sí taa ɣɛ́ ma Onɛsímɔ, lɛ́i mu longɔ́ la, í mɔ́ɔ́ ngáá wú gúúwu h̃uu w̃ɔ́i ta, aáva í ngáá tɔ́wɔbaɣa w̃ɔ́ɔ́, taa Tékekɔ lɔ táa vá. Tí félengɔ p̃ɛ́ɛ́ tiyá lɔ́ɔ vá ndema wú w̃a ngáá sí kpɛ́lɛɛ í híya mbéi.

TƐSALÓNIKA HESENDAA GƆLƆÍ 3:13

Bɛlɛ́ í kɛ ngáá háwu wú h̃úu í bá kpé, kɛinɔɔ́ faa ỹɔ́u fíli ɛ́ɣɛ tɔmbema w̃áá fíli álaa ɣɛ́ wú wa mu Kɛ́ɛ́ɣɛ Ngála ngááh̃u folói ná w̃a mu Lemɔ́i Jísu áá vá vaama ma taá ngi w̃álekaitii.

TƐSALÓNIKA HESENDAA GƆLƆÍ 3:5

Háwui ná vá tɔ í kɛ́ngɔ ngí Tímoti lɔvéngɔ wú yéle ngáá í vá í tɔ́ kíya wú lángi ɣɛ́ kíli í na sí h̃úi, sífaa ndíí ɛ́i belé mɔ́ɔ́ lónga. Ngí ɣɛ́ngɔ ngáá gísiya ngáá tɛ́ingaa suugɔvɔ́ mɔ́i Setána aa ɣɛ wú h̃úúgɔvɔnga aáva wáá ɣɛ́ bengá Ngalá fái wa. Ná ná vá ngɔ́ɔ́ ɣɛ́, kɛ ní yéngengi kpɛ́lɛɛ kulasuunúma fíli ɛ́i béle mɔ́ɔ́ ɣɛ́ su.