TƐSALÓNIKA HESENDAA GƆLƆÍ 3:13 - Kɛ́lɛ Niinaí

¹³ Bɛlɛ́ í kɛ ngáá háwu wú h̃úu í bá kpé, kɛinɔɔ́ faa ỹɔ́u fíli ɛ́ɣɛ tɔmbema w̃áá fíli álaa ɣɛ́ wú wa mu Kɛ́ɛ́ɣɛ Ngála ngááh̃u folói ná w̃a mu Lemɔ́i Jísu áá vá vaama ma taá ngi w̃álekaitii.

TƐSALÓNIKA HESENDAA GƆLƆÍ 3:13 Iomraidhean Croise

MÁFIYU 25:31

Jísu í mɔ́ɔ́ ɣɛ volú yélaitii ma, “Ná nuí síí w̃ɔ́i taa ɣɛ́ ma Nuu Búsa Goo H̃ú Loí áá vá áá hólo ngi yákpa maanɛɛnɛɛngí h̃u, aáva malékaitii kpɛ́lɛɛ tí mba, ngi gááma w̃asandai h̃u,

Keela woó vándai Máa í pɔ́nɛni kɔwɔ́ato Jísu Kílisitii wa MÁI 8:38

Í mɔ́ɔ́ ɣɛ ta, “Ná nuu fíli áá wúfe ngáá ní hái ɛ́ɣɛ ndáá wói Ngalá kɔ́lɔ tála ɛ́ɣɛ faa ỹɔ́u yéteyangi sí h̃u, ná Nuu Búsa Goo H̃ú Loí, áá vá ngi Kɛ́ɛ́ɣɛ yákpa maanɛɛnɛɛngí h̃u taá ngí hɛ́ɛ́ma w̃álekaitii, aa wufe ngáá maa w̃ɔ́i bɛ́lɛ ngi hái.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 1:6

Sakaláya ɛ́ɣɛ ngi ỹáh̃a Ilésebɛ, ti ɣɛ́i ngáá tuva velé vánda yélaa Ngalá ngaah̃ú. Ti ɣɛ́i taa híya ngáá Ndemɔí Ngalángi hávai kpɛ́lɛɛ, táá ngeɣé kɔ́wɔ w̃a.

LÓÓMI 14:4

Ele lɔ i náa gúlangɔ kɛ́lɛma wú yɛ́ ngáá wu ɣɛ́ wáá nungáá vékaa ti yénge mbelaa waaléve ngáá kɛ taá vélei? Ngenge mɔ́i na w̃aalíɣii lɔ́ nɔ́ɔ áá hómbo í ngákula mba ngáá ná wɔ́lii ti ndái lɔ́ pele w̃a ɔɔ aa pele w̃a. Aáva Ndemɔí lɔ́ɔ bɔ́ ngi yénge mbélaitii mba ngáá kɛinɔɔ́ sí taa ɣɛ́a kɛ, taa ɣɛ́a kɛ pele w̃a.

LÓÓMI 16:25

A mú Ngála tɛ́ lɛ́i áá kɛ ngáá háwu Ngalángi gééla woo vandaí sí ngíwaa nde kɔwɔ́ato Jísu Kílisitii wa íwaa wú h̃úúba ngi hái h̃u. Wɔ́lɔ kpɔ́lɔɔ tɔɔỹáa gééla wói sí w̃aa lɔ́ɔ́wungɔ i ɣɛngɔ la,

KƆ́L̃E HESENDAA GƆLƆÍ 15:23

Kɛ́ Ngalá tɔɔ maa hái yeɣé kɔ́wɔ w̃a ngáá ngila ngíla. I Kílisitii hése mbuyoɣénga sái h̃u, ná vólu, aá lɔ́ɔ vá sítii mbuyoɣéma sái h̃u ti Kílisitii hááw̃a folói ná w̃a íwaa vá yangáima má ngeleí sí wu.

GALÉSIYA 1:4

Jísu Kílisitii i lɛɛh̃úi gúlangɔ kɛ́lɛma mu háá ỹɔítii fááw̃a kɛinɔɔ́ í mú gúla nyaama yéteyangi sí yákpangi wu. Laáva sí vá tɔ a mu Yálangi lɛ́i múl̃ɔ í ngáá mu Kɛ́ɛ́ɣɛ í ɣɛ́i loí Jísu í kɛ.

Ɛ́FƐSƆ 5:27

ngáá ti ɣɛ́ váni, faa ỹɔ́u fíli álaa ɣɛ́ tí h̃u, ɛ́ɣɛ faa fíli álaa ɣɛ́ ti wa, aáva í tí yéɣe ngáá ngi vóngaa kíya nɔ́ɔ nyah̃a bélangi áá ɣɛ na faa fíli ɛ́i ɣɛ́ mba, taa mbala siỹɛ́ ngeyá.

FÉLEPA 1:10

Ná lɔ́ áá kɛ wáá hómbo wáá fái sítii kɛ ti vangɔ́ wála áá ɣɛ́ la, aáva wú ɣɛ́ ngáá faa ỹɔ́u ɣɛ tála yelaa kɛinɔɔ́ wú w̃ááw̃uỹangɔ í ɣɛ́ lá ná Kílisitii áá vá vólu.

KƆLƆ́SE 1:22

Kɛ́ sí h̃úi náa, Ngalá ngí wú lówah̃u bátɛnga saí w̃áa véle w̃a ngi H̃íỹɛndou Loí í mbóngɔ kɛinɔɔ́ ngi H̃íỹɛndou Loí í vá ngáá wú ye Ngalá ngéle tɔmbema w̃áá fíli álaa ɣɛ́ wú wa.

TƐSALÓNIKA HESENDAA GƆLƆÍ 2:19

Kɛ nɔ́ɔ wú w̃ɔ́ni í ní hóu bɔw̃álale folói ná w̃a a mu Lemɔ́i Jísu áá vá vaamá ma, wú hááw̃a lɔ́ áá vá kɛ́ma kitomáá í ɣɛ́ ni wa, ná vólu, ni góóh̃u í nɛ́ɛ́. Folói ná lɔ́ naa wú w̃ááyonga téve ngáá ní vílaa ngengengí sí w̃a Ngalá ngi féngɔ ni yaá.

TƐSALÓNIKA HESENDAA GƆLƆÍ 3:11

Bɛlɛ́ mú Kɛ́ɛ́ɣɛ Ngála kpútei ɛ́ɣɛ mu Lemɔ́i Jísu ti kɛ kái ngáá háwu ni vá ni wú héi heí.

TƐSALÓNIKA HESENDAA GƆLƆÍ 3:2

Aáva mu mbála Yála fɛ́li mɔ́i Tímoti, lɛ́i naá tiyéni náa yénge Ngalá mbɛ́ Ngalángi gééla woo vandaí léndai h̃u kɔwɔ́ato Kílisitii wa, ní tɔ́veni wú yéle. Ní tɔ́vei ngáá í wú lííwuulɛ, í kɛ́ ngáá háwu wú h̃uu í bá wú lángi h̃u.

TƐSALÓNIKA HESENDAA GƆLƆÍ 4:15

Sí vá í ngáá kalambo Ndemɔí Jísu í mbóni kɔwɔ́ato maa hái wa aá wáá ngáá sí, muỹɛ́i a maá ló ndɛɛh̃úi h̃u í ló su Ndemɔí Jísu í vá, ná a maa ɣɛ́a lí ndaaw̃ɛ́ɛ́ma, mɔí lí sítii ngutúwɔ ti háángɔ áá ɣɛ́ lá.

TƐSALÓNIKA HESENDAA GƆLƆÍ 4:17

Muỹɛ́i va a maa ɣɛ́ nɛ́nɛ ndɛɛh̃úi h̃u, a muỹɛ́ bɛ́lɛ a maá lɛ́ náa mu lɔ́ngɔ mu báha ti wa ngáá a mú Ndemɔí Jísu laaw̃ɛ́ɛ́ ngeleí ya. Aáva ngimɔ́ɔ́ náa a maa ɣɛ́ na Ndemɔí Jísu yelé kúnafɔ.

TƐSALÓNIKA HESENDAA GƆLƆÍ 5:23

Bɛ́lɛ kái Ngalá kíte lɛ́i áá ndiihéi he nuu yɛ́ í wú w̃ááw̃uỹa fó, faa ỹɔ́u fíli álaa ɣɛ́ wú h̃ú pele fíli su. Í mɔ́ɔ kɛ́ kái ngáá háwu wú gísiyai, wú h̃úúyafuw̃angi ɛ́ɣɛ wú búsai tɔmbéma w̃áá fíli álaa ɣɛ́ ti tá fíli mbá folói ná w̃a a mu Lemɔ́i Jísu áá vá vaamá ma.

TƐSALÓNIKA GƆ́LƆI HELE KÉLEI 1:10

Ná áá ɣɛ́ fóloi ná w̃a Ndemɔí Jísu áá gúla ngelegóóh̃u í vá ngeleí sí wu, sítii kínɛi ti ngáá ngi vóngaitii taá ndaaw̃áálɛ. Ná wáá ngáá, sítii kínɛi ti langɔ lá taá ngúfema hé mbɛ. Wá bɛ́lɛ pá wáá ɣɛ́ ngáá nungái nátii tí tá bɔw̃álale, wú lánga ngáá keela wói ní ndéngɔ wú w̃a kɔwɔ́ato Jísu wa.

TƐSALÓNIKA GƆ́LƆI HELE KÉLEI 1:7

Aáva wɛ́i wúwaa w̃áánɔw̃ɔ, aa wú gúla wú w̃áánɔw̃ɔi h̃u niỹá bɛ́lɛ nɔ́ aa ni gúla ni w̃áánɔw̃ɔi h̃u. Aá lɔɔ vá sí ɣɛ́ma ná Ndemɔí Jísu áá gúla ngelegóóh̃u í va taá ngi w̃áleka yakpangɔ́ wálaitii ngɔmbu hó ngwálai h̃u.

TƐSALÓNIKA GƆ́LƆI HELE KÉLEI 2:1

Mu mbála Yála fɛ́li mbélai, niỹá lɔ́ɔ faa lé wú w̃a kɔwɔ́ato mu Lemɔ́i Jísu Kílisitii váálai wá vólu, ɛ́ɣɛ táingi máá vá ndaaw̃ɛ́ɛ́ma.

JIMISÍ 5:8

Wa bɛ́lɛ a liilɔ́lɔ wú ló kpáŋ, bɔw̃álale Ndemɔí Jísu vaalái volu bɛ́ɛ́ngɔɔ lé náa mba.

PÍTƐ HESENDAA GƆLƆÍ 5:10

Kɛ́ Ngála lɛ́i faa bɔ́wɔ kpɛ́lɛɛ áá gúla ngeya í wú lólingɔ ngáá wú ɣɛ́ mbu ngi w̃ásandaa w̃aanɛɛnɛɛngí wu í na kúnafɔ, wú báha gilíí wa wáá Kílisitii. Maanɔw̃ɔ́i íwaa wó ngáá wú ye suu aá ɣɛ́ ma gooh̃á ngwala kɛ Ngalá pá aa kɛ náa ngáá háwu faa kpɛ́lɛɛ í ɣɛ́ vaní wú yɛ, ná wáá ngáá, wú lángɔ áa ɣɛ́ gíte lá kpáŋ kpáŋ, ná vólu, wú lóó gíli bátɛngɔ aa ɣɛ lá pele kpɛ́lɛɛ su ngi hái h̃u kɛɛlɛ́ ngɛ́i ɣɛ́ mba.

Kɔlɔí Júu í pɔ́nɛni Ngala fɛ́li mbélaitii ngelé JÚU 1:14

Siỹɛndópoi sí tɔ́ɔ́ ɣɛ ma Íínɔ, Ádau í ɣɛ́i ngáá ngi káwala wɔ́lɔ í Ngalá ndáa háá léni kɔwɔ́ato nungái sítii mba, í ɣɛ ta, “A wɔ́lɛ lɛɛ! Ndemɔí lɔ́ɔ́ vá ngáá tasu bih̃i kpih̃i hɛ́ɛ́ma w̃álekaitii su

Kɔlɔí Júu í pɔ́nɛni Ngala fɛ́li mbélaitii ngelé JÚU 1:24

A mú mu Yála ngiláá kpéngi lɛ lɛ́i í ngáá mu Wúmaawo Mɔ́i! Aa kɛ ngáá háwu a mɔ́i gúla ngi hái h̃u, aáva a mu w̃ááw̃uỹangɔ aa ɣɛ lá fó faa ỹɔ́i yáa, ná vólu, mu ɣɛ́ kooh̃unɛɛ h̃u ndoow̃á ngi háá w̃aanɛɛnɛɛ ngwalaí h̃u. A mu Lemɔ́i Jísu Kílisitii w̃aa véle w̃a, bɛlɛ́ ndaaw̃áá í lɛ, ngufema í ɣɛ́ mbɛ, ná vólu, bɛlɛ́ ngi háá w̃aanɛɛnɛɛ ngwalaí, ngi yákpangi, ɛ́ɣɛ ngi w̃ásandaa walaí tí ɣɛ́i na wɔ́lɔ aáva tí na sí h̃úi, ti ɣɛ na kúnafɔ! Amíína.