TƐSALÓNIKA HESENDAA GƆLƆÍ 3:11 - Kɛ́lɛ Niinaí

¹¹ Bɛlɛ́ mú Kɛ́ɛ́ɣɛ Ngála kpútei ɛ́ɣɛ mu Lemɔ́i Jísu ti kɛ kái ngáá háwu ni vá ni wú héi heí.

TƐSALÓNIKA HESENDAA GƆLƆÍ 3:11 Iomraidhean Croise

MÁFIYU 6:14

Ná wáá nungáá h̃úúhaalo ti háá ỹɔítii fááw̃a taá kɛ ngáá wú ye, wú Kɛ́ɛ́ɣɛ Ngalá í ngelegóóh̃u laá bɛ́lɛ aa wú háá ỹɔítii suuhaaló.

MÁFIYU 6:26

A wɔlɛ lɛ́ɛ w̃ɔniáitii mba. Nátii tɛí kpaála la ngáá tí mɛɛni yátɛ mba mɛɛni ngandɔ́ɔ́lɔ fááw̃a. Kɛ́ ná fíli sú, wú Kɛ́ɛ́ɣɛ Ngalá í ngelegóóh̃u, aa ti laa wɔ́. Kɛ laa maa wɛ́i wú lɔ́vengɔ w̃ɔníaitii ma p̃óu p̃óu?

MÁFIYU 6:32

Sífaa, faí sítii tɔ sítii ti ngáá ngeleí sí wú yélai taa bála kpála la. Kɛ́ wú Kɛ́ɛ́ɣɛ Ngalá ngí ngelegóóh̃u i kɔlɔ́ ngáá sítii kpɛ́lɛɛ ngi wála tɔ wú wa.

MÁFIYU 6:4

Ná lɔ́ áá kɛ́ áá ɣɛ́ ngáá ndɔɔwu h̃ú háa. Aáva wú Kɛ́ɛ́ɣɛ Ngalá pá áá tɔ sí wáá kɛ ndɔɔwu h̃ú, aá lɔɔ vá wú w̃ááyangi hemá.”

MÁFIYU 6:6

Kɛ́ ná wáá ɣɛ́ wáá Ngalá fɛ́li, a lí wú láá lómuitii su, wú wú vɛ́lɛitii ndaabɔ́lu, wú wú Kɛ́ɛ́ɣɛ Ngalá fɛ́li lɛ́i nuu ɛ́i tɔ. Aáva wú Kɛ́ɛ́ɣɛ Ngalá pa áá tɔ sí wáá kɛ ndɔɔwu h̃ú aá lɔ́ɔ vá wú w̃ááyangi héma.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 1:3

“Nuu tá lɔ́ɔ woo ngúla ngaalaí h̃u, íwaa ɣɛ́ ta, ‘A peleí ɣɛ́ kíli batɛ́ Ndemɔí hááw̃a, wú pɔ́ɔ́na mbɛ.’ ”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 12:30

Sífaa sítii taá Ngála fááw̃a tí ngélei sí wu, nátii tɔ ti gísiyaitii taa ɣɛ́ mba. Aáva wú Kɛ́ɛ́ɣɛ Ngala i kɔlɔ́ ngáá wú bɛ́ndɛngɔɔ lé ŋanií nátii kpɛ́lɛɛ má.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 12:32

Kɛ Jísu i ɣɛa ti w̃a, “Ní vóngaa, a waa lúwa, sífaa aá lɔ ngáá wú Kɛ́ɛ́ɣɛ Ngalá ndiivó fáá ngáá ngi w̃ásandai í ɣɛ́ wú w̃ááh̃u.

NJƆÚ 20:17

Jísu i ɣɛi ma, “Yaa hóu mbá yɔ́ɔ́ kpá mbéinda sífaa, ngáá nɛ́ɛ́ yangáimai ní Kɛ́ɛ́ɣɛ yelé. Kɛ́ aá ɣéle, lí ni mbálangaitii ngelé, yí nde ti w̃a ngáá kɛ nyá lɔ́ɔ yangáima ní Kɛ́ɛ́ɣɛ yelé, lɛ́i í ngáá wú Kɛ́ɛ́ɣɛi, ní Yálangi, lɛ́i í ngáá wú Yálangi.”

LÓÓMI 1:3

Aá lɔ́ ngáá keela woo kɔwɔ́ato Ngalangí H̃íỹɛndou Loí Jísu Kílisitii wa, lɛ́i í mɔ́ɔ ngáá a mu Lemɔí, lɛ́i í ɣɛ́i ngáá Masangí Deevé lé kpámbii h̃uu w̃ɔ́ɔ nuu búsa gákai w̃áá véle w̃a.

KƆ́L̃E GƆ́LƆI HELE KÉLEI 6:18

Ngáá ɣɛ ngáá wú kɛ́ɛ́ɣɛ aáva wáá ɣɛ ngáá ní léngaa. Nyɛ́i ngí ngáá Ndemɔí Ngála Ngakpa Ngálangi nyá lɔ́ ngí sí léngɔ.”

GALÉSIYA 1:4

Jísu Kílisitii i lɛɛh̃úi gúlangɔ kɛ́lɛma mu háá ỹɔítii fááw̃a kɛinɔɔ́ í mú gúla nyaama yéteyangi sí yákpangi wu. Laáva sí vá tɔ a mu Yálangi lɛ́i múl̃ɔ í ngáá mu Kɛ́ɛ́ɣɛ í ɣɛ́i loí Jísu í kɛ.

KƆLƆ́SE 1:2

Kɔlɔí sí lɔ́ɔ́ vá wú yéle, wɛ́i wú ngáá Ngalángi vóngaitii Kɔlɔ́se taí h̃u, wɛ́i waa híɣengɔ tɔ́wɔbaɣa vélei sí wa wú lɛ́ɛ́h̃ui h̃u wú báhangɔ Kílisitii wá. Bɛlɛ́ mu Kɛ́ɛ́ɣɛ Ngala ngí háá bɔwɔí taá ngí lííhei ti ɣɛ́ wú yɛ́.

TƐSALÓNIKA HESENDAA GƆLƆÍ 3:13

Bɛlɛ́ í kɛ ngáá háwu wú h̃úu í bá kpé, kɛinɔɔ́ faa ỹɔ́u fíli ɛ́ɣɛ tɔmbema w̃áá fíli álaa ɣɛ́ wú wa mu Kɛ́ɛ́ɣɛ Ngála ngááh̃u folói ná w̃a mu Lemɔ́i Jísu áá vá vaama ma taá ngi w̃álekaitii.

TƐSALÓNIKA HESENDAA GƆLƆÍ 4:16

Ná Ndemɔí Jísu áá ɣɛ áá gúla ngelegóóh̃u áá va, áá wóó gúla, malékai ti wutúwɔi bɛ́lɛ í wóó gúla, kɛ Ngalángi lólimbo búlu walaí í hɛngá. Nungái sítii ti langɔ í ɣɛ́ngɔ lá ngáá Kílisitii í ló su ti há tiyá hése tɔ taá wúyoɣe naá sái h̃u ngáá tí Ndemɔí Jísu laaw̃ɛ́ɛ́.

TƐSALÓNIKA HESENDAA GƆLƆÍ 5:23

Bɛ́lɛ kái Ngalá kíte lɛ́i áá ndiihéi he nuu yɛ́ í wú w̃ááw̃uỹa fó, faa ỹɔ́u fíli álaa ɣɛ́ wú h̃ú pele fíli su. Í mɔ́ɔ kɛ́ kái ngáá háwu wú gísiyai, wú h̃úúyafuw̃angi ɛ́ɣɛ wú búsai tɔmbéma w̃áá fíli álaa ɣɛ́ ti tá fíli mbá folói ná w̃a a mu Lemɔ́i Jísu áá vá vaamá ma.

TƐSALÓNIKA GƆ́LƆI HELE KÉLEI 2:16

Bɛlɛ́ mu Lemɔ́i Jísu Kílisitii laá gíte ɛ́ɣɛ mu Kɛ́ɛ́ɣɛ Ngala ti wú lííwuulɛ ɛ́ɣɛ ti wú h̃úúba faa vánda kpɛ́lɛɛ nde fááw̃a ɛ́ɣɛ kɛ fááw̃a. Ngala ndóngɔɔ lé ngáá mu ye aáva ngi háá bɔwɔí w̃áá véle w̃a, í kitomáá vánda hengá mú yɛ, í kɛ ngáá háwu mu lííwuulɛngi áa ndi ngu ma kúnafɔ.

TƐSALÓNIKA GƆ́LƆI HELE KÉLEI 3:16

Bɛlɛ́ Ndemɔí Jísu bútei, lɛ́i mu lííhei áá tɔkúla héi mba, í kɛ́ ngáá háwu ndiiheí í ɣɛ́ wú yɛ kúnafɔ pele fíli su nɔ́ɔ, ná vólu, í ɣɛ́ kái wú vólu wú kpɛ́lɛɛ.

TƐSALÓNIKA GƆ́LƆI HELE KÉLEI 3:5

Bɛlɛ́ Ndemɔí í kɛ ngáá háwu wú ɣɛ́ Ngalángi lóngi wɔ́lɔ ɛ́ɣɛ wú ndí ngú ma ngáá ndiibángi Kílisitii áá kɛ́ ngáá háwu wáá maahɔ́lɔ.

NJƆÚ HESENDAA GƆLƆÍ 3:1

A tɔ lɛ́ɛ kíya Kɛɛɣɛí Ngalá ndóngɔ ngwala ngáá mú ye. Ndongí í su ngáá mú ye ngwala yabɔ́ɔ́lɔngɔɔ lé ná lɔ í kɛ́a p̃ɛ́ɛ́ taá mu lolí ngáá Ngalángi léngaitii aáva p̃ɛ́ɛ́ a muỹá lɔ́ ngáá ngí léngaa. Nungái sítii tí ngáá ngeleí sí wúu yélai taá kɔ́lɔ ngáá ele gíte waa ngáá mú ye sífaa nápa taá ɣɛ́ngɔ Ngalá kɔ́lɔ ngáá ele gíte waa ngáá laá.

FAA YÁKƐ KƆ́LƆI 21:3

Kɛ ngí ngoo wála ỹɛ́nia áá gúla Ngalángi w̃ása ngwalaí bɔ́kpɔngi ŋál̃aa véle. Ngói ná i ɣɛi ngáá sí, “Ngala ngí vaá nuu búsaitii ndoow̃a taá tiyéni ti ɣɛ ỹanda yílaa. Taá ɣɛ́ ngáá ngi vóngaa, laá gíte aa ɣɛ ti loow̃á í ɣɛ́ ngáá ti Yálangi.