TƐSALÓNIKA HESENDAA GƆLƆÍ 2:9 - Kɛ́lɛ Niinaí

⁹ Mu mbála Yalá fɛ́li mbélai, wú gíseingɔ ma gíte kíya nɔ́ɔ ngenge kpá kpangaitii mbó wú lííwaa. Nɔ́ɔ́ yénge fóloni ngaa kpindí kɛinɔɔ́ ni waa háá ɣɛ́ndaa ɔ́ɔ́ va bá nuu fíli ngú mba Ngalángi gééla woo vandaí sí lé fááw̃a í féngɔ ni yaá ngáá ní ndé wú w̃a.

TƐSALÓNIKA HESENDAA GƆLƆÍ 2:9 Iomraidhean Croise

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 18:7

Ná vólu, a gisíya lɛ́ɛ́ ngáá Ngalá, wáá kɔlɔ́ ngáá aa ngi vóngai sítii taá fɛ́li kpɔkɔ́ni ngaa ngelendá ti háá lɔɔỹaí hé ti yaá tí lówah̃u taá sítii taá faa bá nda ngi vóngai nátii ma? Baa kɛ aa ngumbú lɛ́i?

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 2:37

ngi h̃íỹɛngi í há. I ɣɛi náa kɛní ngáá fowó vúu ngwáhakpangɔ maah̃ú nááningɔ ponyah̃álai ná h̃u. Aáva nápa aa liilaá w̃aaléveni Hɛ́ɛ́ma Yála Pɛ́lɛi góvii h̃u. Ná vólu, ɔ́ɔ́ súngi hóu, í Ngala fɛ́li kpindí bɔngɔ́ fólo wa.

TI GƐ́Ɛ́ HAÍTII 18:3

Ná í lííni ti yélengi, i loní ná, sífaa ti ɣɛ́i taá kula ỹɛpɛ́l̃ɛngaa batɛ taá tiyéni, táá maa híya aáva ti lɔ́ngɔ ti yénge tokoí í ɣɛi ngáá ná.

TI GƐ́Ɛ́ HAÍTII 20:24

Kɛ́ ngáá lɛɛh̃úi yeɣéngɔ ngáá ŋani fíli bɔwɔ́ yaa. Sí nɔ́ɔ léi kpéɣengɔ ma, aá waa ngáá ngí ngengengí sí wu kúla Ndemɔí Jísu í fengá ngéya. Maa yéngengi waa keela woó vándai léndai kɔwɔ́ato Ngalángi háá bɔwɔí wa.”

TI GƐ́Ɛ́ HAÍTII 20:31

Faalɔ, a w̃aah̃ú béle! A giséi ma ngáá kɛ fowó sáángɔ laa lówah̃u, ngáá béni wú lááhindaa wa kpindí bɔ́ngɔ foló wa ngáá ndiiỹaaní.”

LÓÓMI 1:1

Nyɛ́i ngí ngáá Pɔ́ɔ, ngí ngáá Jísu Kílisitii yénge mɔɔ, nyá lɔ ngíwaa kɔ́lɔi sí vɔ́nɛ. Ngala ngí tólingɔ, í lókolo mbá ngáá ngi géélai ngáá ngí ngi gééla woó vandaí lé.

LÓÓMI 15:16

ngáá ngí ɣɛ́ ngáá ngenge mɔ́ɔ́ Jísu Kílisitii yɛ sítii fááw̃a taa ngáá Júsua, ngí ɣɛ́ ngáá Ngala sááɣa gula mɔ́ɔ́ ɣɛ kíli ngi gééla woo vándai lé fái h̃u. Ngalá ngí sí ɣɛ́ngɔ ngáá kɛinɔɔ́ Hɛ́ɛ́ma Ỹínangi í kɛ́ ngáá háwu sítii taa ngáá Júsua ti ɣɛ́ ngáá Ngalángi vóngaa, ti ɣɛ́ ngáá kíya nɔ́ɔ saáɣa vanda faa vó fíli ɛ́i ɣɛ́ mba Ngala faaw̃a aáva áá ɣɛ́ ngáá Ngalá ndíila kéle.

KƆ́L̃E HESENDAA GƆLƆÍ 4:12

níwaa w̃ɔ́nɛ ngwala ngáá ni háá álaa ɣɛ́ nuu wá. Ná nungáá taá ni yɛ́ɛ́li, ní hɛ́ɛ́ tí yɛ. Ná taá faa bá nda ni w̃a, ní liilɔ́lɔ nga.

KƆ́L̃E HESENDAA GƆLƆÍ 9:15

Kɛ́ laá vá ngáá nɛ́ɛ́ ní lɔ́ɔ́ỹai sítii ta fíli máá ỹɛní, aáva ngáá kɔ́lɔi sí vɔ́nɛma wú yéle ngáá kɛinɔɔ́ ngí ɣɛ́ náá ngáá tí w̃áá ỹɛ. Maa í nɛ́ɛ́ni laá ɣéle ngí há í lɔ́ve sí wá nuu yáá kɛ ngáá háwu ngɛ́i mɔɔ yonga téve kɔwɔ́ato ní háá lɔɔỹaí sí wa ngí lókogulangɔ su.

KƆ́L̃E HESENDAA GƆLƆÍ 9:18

Ná ná áá ɣɛ, kɛ bɛɛ lɔ́ náá hɔ́ɔ́ ngíwaa maahɔ́lɔ ngáá ní pávai? Aá wáá ngáá, Ngala ngói ngíwaa nde pava haá áá mba. Ná lɔ́ í kɛ́a ngí lokogulanga sítii sú tí péle w̃a ngáá ngí mááhɔlɔ Ngala ngóó lendái h̃u.

KƆ́L̃E HESENDAA GƆLƆÍ 9:4

Ná ná áá ɣɛ́, kɛ́mbɛ aá lɔ́ pele w̃a ngáá ngí mɛɛní w̃ááhɔlɔ ní yéngengi hááw̃a?

KƆ́L̃E GƆ́LƆI HELE KÉLEI 11:27

Ngí yéngea ngwala ngi bɔ́lɔnga. Kuu bíh̃iw̃aa haaw̃a ngɛ́i belé lóko w̃ááhɔlɔ ngɔ́ɔ́ ỹíí, ndɔlɛ í sóu taa njɛ w̃ɔni, ngɛ́i belé mɛɛní bih̃íw̃aa w̃aahɔ́lɔ mɛ fááw̃a, ɛ́ɣɛ kɔɔlɛ́ áa sóu sífaa kula áá ɣɛ́i má ɛ́ɣɛ ndaaw̃aá áá ɣɛi mbɛ́.

KƆ́L̃E GƆ́LƆI HELE KÉLEI 11:9

Táingi ná h̃u ngí ɣɛ́i wú lóów̃a ngí ɣɛ́i beɣéi kpɔ́mba hááw̃a, kɛ́ nyáá vá ngáá kɛ́i ngáá wú wú mbaa gásɔ. Ngala fɛ́li mbélai sítii ti gúlai Mɛsedóniya lataí h̃u, tiyá lɔ́ tí kpɔ́mba héi mbɛ́ ngáá sí kpɛ́lɛɛ í ɣɛ́i ngáá kpéɣema wɔ́lingaitii. Ngáá kasɔ́ lái wú wú mba laáva kíya bɛ́lɛ suu í na ngɛ́i kɛ ngɔ́ɔ́ kasɔ́ la wú wú mba sí h̃úi ɔɔ kúnafɔ kpɔmba hááw̃a.

KƆ́L̃E GƆ́LƆI HELE KÉLEI 6:5

Tí ndéveni mbóa ngáá ni ye, tí ni víli kpindi vɛlɛ́ wu, nuu bɔ́ ngí w̃ɛɛ́nga ni w̃a ndiibándi w̃ááh̃u táá faa bá ndá ni w̃a, ná vólu, ní w̃áálɔve maa w̃ɔ́nɛ wóa ɛ́ɣɛ kuu bíh̃iw̃aa laa lówah̃u nɛí belé lóko w̃ááhɔlɔ nɔɔ́ ỹíí kɛlaa nɔ́ɔ lááỹɛ.

FÉLEPA 4:16

Ná múl̃ɔ bɛ́lɛ ngí ɣɛ́i taa sí h̃u taá náá lolí ngáá Tɛsalónika, wú kpɔmba héni mbɛ́ ká ká ná kpéɣengɔ ɔ́ɔ́ ɣɛ́ la.

TƐSALÓNIKA HESENDAA GƆLƆÍ 1:3

Ngalá lɛ́i í ngáá a mu Kɛ́ɛ́ɣɛ nápa ná naa ɣɛ́ naá fɛ́li, nɛ́i lééw̃a wú w̃a. Sífaa ní gí tɔ nɔɔ́ fɔ́ wú yéngengi h̃u áá gúla ndangí h̃u ɛ́ɣɛ ndongí wú su ngáá Ndemɔí Jísu Kílisitii, ná vólu, kíya wú gítongɔ mba kpáŋ kpáŋ.

TƐSALÓNIKA HESENDAA GƆLƆÍ 2:2

Wá gíte wú kɔ́lɔ kíya ti ɣɛ́i náá ni h̃úúhou kíli ỹɔu woní ɛ́ɣɛ kíya tí ni yangúfeni Félepa taa h̃u nɔɔ́ ɣɛ́a va wú yéle Tɛsalónika taa h̃u. Kɛ́ Ngála pa í mú ndá gákai w̃a, í ní liibáni ngáá ní kééla woó vándai lé wú w̃a áá gúla ngeyá. Aáva ní maa gééla woí léni kíya bɛ́lɛ nuu bíh̃iw̃aa ti ɣɛ́i na táá yakpá ngáá tí ni betéve nde fái wa.

TƐSALÓNIKA HESENDAA GƆLƆÍ 2:6

Naá kɔ́vɔi p̃ɛ́ɛ́ ngáá nɔɔ́ tɛ mááhɔlɔ nuu fíli ngéya i ɣɛi ngáá wá ɔɔ nuu vékaa ɣéle tɔ.

TƐSALÓNIKA HESENDAA GƆLƆÍ 3:10

Foló bɔ́ngɔ kpíndi wa naá ɣɛ́ naá Ngalá fɛ́li ngáá hɛmbɛ́ kpɛ́lɛɛ ngáá í kɛ ngáá háwu kái á mu w̃ɛ́ɛ́ ỹanda yílaa, kɛinɔɔ́ sí fíli áá kɛ wú h̃úú í ba wú langí h̃u ngwála ni ná ɣɛ.

TÍMOTI HESENDAA GƆLƆÍ 1:11

Kalambongí sí vá í gulangɔ́ keela woó vánda w̃aanɛɛnɛɛngí sí h̃u Hɛ́ɛ́ma Yálangi í féngɔ ngéya ngáá ngí ndé.

TÍMOTI HESENDAA GƆLƆÍ 4:10

Aáva muỹá lɔ́ɔ w̃ɔ́l̃ɛ máá yakpá ngwala bɔw̃álale mú kpɛ́lɛɛ mú gitóngɔɔ lé Ngalá mba, lɛ́i í ngáá Ngalá ndɛɛh̃ú í su, lɛ́i í ngáá nuu kpɛ́lɛɛ Ngúmaawo Mɔ́i kɛ́ ngu ngi nda mɛ́ɛ́ sítii ma tí langɔ́ la.

TÍMOTI HESENDAA GƆLƆÍ 5:5

Ponyah̃ái sí nuu fíli ɛ́i ɣɛ́ mbɛ aa lɔ í ngáá ponyah̃ái gíte gítei. Aá gitó Ngalá mba faa kpɛ́lɛɛ su, í ndí ngu ma ngáá Ngala fɛ́lindaa ngáá fóloni ngaa kpindí, áá Ngalá mɔ́ɔ́ni kpɔmba hááw̃a.

TÍMOTI GƆ́LƆI HELE KÉLEI 1:3

Ngáá sɛ́ɣɛɛ gula Ngalá ma lɛ́i ngáá yénge mbɛ kí máa yakɛ́ngɔ kpál̃au kíya ni káwalani ti kɛ́ni. Kíya fíli ngáá ɣɛ́a Ngalá fɛ́li folóni ngaa kpindí ngáá sɛ́ɣɛɛ gúla Ngalá ma í hááw̃a.