TƐSALÓNIKA HESENDAA GƆLƆÍ 2:8 - Kɛ́lɛ Niinaí

⁸ Ndo ngwálai ní su ngáá wú ye i kɛngɔ́ ngáa háwu ní Ngalángi gééla wóo vandaí lé wú w̃a. Kɛ́ aáva aa gɛɛlɛní nɔ́ɔ ná wa, aá ɣéle p̃ɛ́ɛ́ nɔ́ɔ́ bɔwɔ́ gúla kɛlɛ́ma wú hááw̃a ná vá ɔ́ɔ́ ni liilá sífaa, ni longɔ́ɔ́ lé ngáá wú ye ngwála.

TƐSALÓNIKA HESENDAA GƆLƆÍ 2:8 Iomraidhean Croise

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 7:2

Lóómi hoya nuu wala yiláá ngi ɣɛ́i na, i ɣɛi sóya hɔ́ndɔ ngiláá mááh̃u. I ɣɛi loí ngáá ngi lúwɔ lopoí ta ngwala, ná vá seebɛngɔ́ i ɣɛi lá ngwála, i saa lowá la.

LÓÓMI 1:1

Nyɛ́i ngí ngáá Pɔ́ɔ, ngí ngáá Jísu Kílisitii yénge mɔɔ, nyá lɔ ngíwaa kɔ́lɔi sí vɔ́nɛ. Ngala ngí tólingɔ, í lókolo mbá ngáá ngi géélai ngáá ngí ngi gééla woó vandaí lé.

LÓÓMI 10:1

Mu mbála Yalá fɛ́li mbélai, ndíívo fáá wálai ɛ́ɣɛ ní Yála fɛli ngói Ngalá ngéle aá wáa ngáá ní vóngai, Ísulɔ yeláitii tí ngumaawóngi w̃ááhɔlɔ.

LÓÓMI 15:29

Ngí súúwɔlɔ ngáá ná ngáá vá wú yéle Kílisitii nɛ́ɛ́mai áá yéi wú w̃a, ngwala yambɔ́ɔ́lɔngɔ aa ɣɛ la.

KƆ́L̃E GƆ́LƆI HELE KÉLEI 12:15

Aa kóóh̃unɛɛ ngáá ngí sí kpɛ́lɛɛ mbála wú vólu véle h̃u ngu ngí nda mɛ́ɛ́ nyá gíte w̃a ngáá kɛinɔɔ́ ngí bɔ́ wú wa. Ná ngáá ló ngáá wú ye ngwala, wáá ló ngáá ngé kulo nɔ́ɔ?

KƆ́L̃E GƆ́LƆI HELE KÉLEI 6:1

Ni yéngengi h̃u naá Ngalá, niỹá lɔ́ɔ, wú w̃áánɛɛnɛ hɔ́ɔ, ngáá Ngalángi háá bɔwɔí wú mááhɔlɔnga, wálaa kɛ ɔ́ɔ́ ɣɛ́ ngáá faa ỹááka

GALÉSIYA 4:19

Wɛ́i wú ngáá ndíívo ndéngaa ɣɛ kíli Ngala fɛ́lindai h̃u, ndíí lɔ́ɔ́ hóólɛ wú hááw̃a kíya nɔ́ɔ nyah̃ái áá ɣɛ́ ndoú lé kóóh̃ubaalɛi h̃u. Aáva ndíí ɛ́i la í ló su kɛ Kílisitii luva veléi í ɣɛ́ wú h̃u.

FÉLEPA 1:8

Ngalá ngi kɔlɔ́ ngáá kɛ kíya búte wú w̃ɔ́ni áá sóu ɛ́ɣɛ kíya ndóngɔ ngáá wú ye kɛ kíya nɔ́ɔ Jísu Kílisitii lóngɔ ngáá wú ye.

FÉLEPA 2:17

Wú lángi sí wú su ngáá Ngalá wú waá maah̃ú haa ɣɛ́ mbɛ í ngeyá ngáá saáɣa ɣɛ kíli, bele pá bɛ́lɛ ní ỹááw̃ɔi áá vú maah̃u ngáá saáɣa wɔli, ná aa kóóh̃unɛɛ. Aáva ní góóh̃unɛi ná vá, a mu kpɛ́lɛɛ maá mbo.

FÉLEPA 2:20

Nuu véka fíli aa ngéya ɔ́ɔ́ ɣɛ́ ngáá Tímoti ɣɛ kíli lɛ́i naá láa ni gísiyai ɣɛ́ kílii í yíla. Laáva tɔɔỹaá hááw̃a kpéɣengɔɔ lé ngáá wú ye.

FÉLEPA 4:1

Faalɔ, mu mbála Yalá fɛ́li mbélai, wɛ́i ndóngɔ ngáá wú ye aáva wú w̃ɔ́ni áá sóu, wá lɔ wáá kóóh̃unɛɛ, nyáá va ndíílɛingɔɔ lé wú hááw̃a. Faalɔ, ndangí wú su ngáá Ndemɔí Jísu a ló su kpáŋ kpáŋ.

KƆLƆ́SE 1:28

Náá hááw̃a, naá Ngala ngói le nuu kpɛ́lɛɛ má kɔwɔ́ato Kílisitii wa ngáá kele ɣelé péle kpɛ́lɛɛ, ní ti laahí kalambo su, kɛinɔɔ́ ní kɛ ngáá háwu ti yilá ngíla fíli ti vá Ngala ngéle ti h̃úúbangɔ í ɣɛ́ la Ngala fái h̃u kpahaí wa taa ɣɛ́ su Kílisitii wa.

KƆLƆ́SE 1:7

Wú faa ỹɛ́ninga kɔwɔ́ato Ngalángi háá bɔwɔí wa mu mbála yengé mɔ́i Ɛpáfulɔ yaá lɛ́i mu longɔ́ lá, lɛ́i múl̃ɔ í ngáá Kílisitii yénge mɔɔ vanda ni haáw̃a.

KƆLƆ́SE 4:12

Siỹɛndópoi sí taa ɣɛ́ ma Ɛpáfulɔ, lɛ́i í ngáa mú mbalá Yalá fɛ́li mɔ́i ta wú gúúwui h̃u ɛ́ɣɛ Jísu Kílisitii yénge mɔɔ aa bɛlɛ́ i haaní wú w̃a. Aá lɔ́ nɔ́ɔ fɔ́ áá Ngala fɛ́li wú hááw̃a ngáá lií kpɛ́lɛɛ ngáá Ngalá ngí kɛ ngáá háwu wú h̃úú í bá wú lángi h̃u, wú ɣɛ suuwɔlɔ́ kpál̃au ngáá kɛ wú lángi wú su ngáá Jísu Kílisitii kɛ tɔɔỹaá le ɛ́ɣɛ wú gólongɔ í ɣɛ́ la Ngalá mbɛ ngáá hɛmbɛ́ fíli.

FELÉMO 1:1

Nyɛ́i ngí ngáá Pɔ́ɔ, ngí ngáá pelésina sífaa nyá lɔ́ɔ yénge Jísu Kílisitii yɛ, nyá ɛ́ɣɛ mú mbála Yalá fɛli mɔ́i Tímoti niỹa lɔ́ náa kɔlɔí sí vɔ́nɛ í yéle Felémo, yɛ́i yí ngáá mu mbála vandái ɛ́ɣɛ mu mbála yengé mɔ́ɔ,

HÍBULU 13:17

A gólo wú wútuwɔaitii mbɛ, wú híya ngáá sí táa nde wú w̃a. Ndɛɛlɛmbó ngáá ti yaá wú w̃ááh̃u bélendai h̃u Ngala fái h̃u sífaa, tiyá lɔɔ vá kɔsɔ́ kúlama Ngalá kákala kɔwɔ́ato ti yéngengi wó kíli wa. Ná wáá gólo ti yɛ, taá ɣɛ́ taá tí yéngengi wo ngáá ndiiwolé, kɛ́ ná ná láá le, taá ɣɛ́ taá mbó ngáá maaw̃aanú aáva wɔ́i kpɔ́mba fíli mááhɔlɔ ná h̃u.

NJƆÚ HESENDAA GƆLƆÍ 3:16

Ndongí va kɔlɔ́ kíli lɔ ngáá sí mu yɛ, ngáá kíya Jísu Kílisitii i lɛ́ɛ́h̃ui gúlani kɛ́lɛma a mu hááw̃a. Ngimɔ́ɔ́ nɔ́ɔ a muỹá bɛ́lɛ kule í mú w̃a a mú lɛ́ɛ́h̃ui gúla kɛ́lɛma a mu mbála Yalá fɛ́li mbélaitii faaw̃a.