TƐSALÓNIKA HESENDAA GƆLƆÍ 2:5 - Kɛ́lɛ Niinaí

⁵ Wú súuwɔlɔ aáva Ngala bɛ́lɛ i suuwɔlɔ́ ngáá naá váángɔ nɔ́ɔ wú yéle ngáá njɛpɛ nɛɛ́ nɛ́ɛ́ ɛ́ɣɛ ŋani w̃áálii láá le ɔ́ɔ́ ɣɛ́ ní góó ya nɔɔ́ ɣɛ́a maa bátɛ batɛ́ njɛ́pɛ vu.

TƐSALÓNIKA HESENDAA GƆLƆÍ 2:5 Iomraidhean Croise

MÁFIYU 22:16

Kɛ tí tí híya polu yeláitii tɛingáá lɔ́vea ɛ́ɣɛ Masangí Hɛ́lɔdi guuwu h̃uu yélai tɛingáá Jísu yelé. Kɛ nátii ti ɣɛ́a Jísu w̃a, “Kaamɔ́ɔ́, ní kɔ́lɔ ngáá yá lɔ́ ngáá tɔɔỹáa w̃ɔ́ɔ́. Yáá kalambongí wó ngáá tɔɔỹaá Ngalángi vélei w̃a nuu búsai hááw̃a, sífaa yáá beɣéi ngáá sí nungáitii taá gisíya la, bɔw̃álale yáá beɣéi nuu yéɣe fááw̃a kɛ kíli h̃u.

MÁFIYU 23:13

Kɛ Jísu i ɣɛa ti w̃a, “Suu vá tɔ vá ɣɛma ỹɔú wú w̃a wɛ́i wú ngáá kaamɔítiini Ngala sávai hááw̃a ɛ́ɣɛ Júsuai sítii taa ɣɛ́ ti w̃a Falósiaitiini, wɛ́i wáá Ngala fái lá yaah̃ú kɛ́ aa wú líi h̃u! Wá lɔ wú Ngalángi w̃ásandai góngi laabɔ́lungɔ nungáá lúwɔ, kɛ́ wá bútei wáá lɛɛmá ná kɛlaa wɔ́ɔ́ bé sítii mba táá yákpa ngáá ti lɛ́ na, tɔɔ lɛ́. [

TI GƐ́Ɛ́ HAÍTII 20:33

Ngáá nɛ́ɛ́ nuu fíli ngi wɔ́li faa viliní lii vólu, ɔ́ɔ́ bɔ́ɔ́ ɣɛ ngáá kaní kóle ɔɔ góóli kɛlaa kula.

LÓÓMI 1:9

Ngalá lɛ́i ngíwaa yénge mbɛ ngáá lií kpɛ́lɛɛ ngáá keela woó vándai ngíwaa nde kɔwɔ́ato ngi H̃íỹɛndou Loí Jísu wa, laá lɔ í ngáá maa hééle ngáá kíya fíli ngáá ɣɛ́a fɛ́li, ngáá fɛ́li wá bɛ́lɛ wú hááw̃a. Aáva nyá lɔ́ɔ́ fɛ́li ngáá sí h̃úi laá náa í ɣɛ́ náá ngáá Ngalángi lúw̃ama h̃u háá ngáá í ɣɛ ngáá solowo fáá ngí vá wú yéle.

LÓÓMI 16:18

sífaa taá yéngema Ndemɔí Jísu Kílisitii hááw̃a, aá ɣéle ti bɛɣéngɔɔ lé nɔ́ɔ ngáá ti laaỹɛ́ɛ́ni haa. Taá woo nɛ́ɛ́ nɛɛ nda sítii mbu tɛ́i ɣɛ́ faa wɔ́lɔ ngwala kɔwɔ́ato nyaama háá wa, tí tí yakpólowa.

LÓÓMI 9:1

Nyá lɔ́ ngáá Kílisitii volú w̃ɔ́ɔ́ aáva Hɛ́ɛ́ma Ỹínangi lɔ ngáá hééle kɔwɔ́ato sí wá í ndíí h̃u, faalɔ, ngáá ndɛɛ gɔ́ɔ́lama kɛ́ tɔɔỹaá wóó lɔ ngíwaa nde.

KƆ́L̃E GƆ́LƆI HELE KÉLEI 12:17

Baa ngí wú yáá gúlangɔ siỹɛngái sítii ti tá fíli máá véle w̃á ngí ti lɔ́vengɔ wú yéle?

KƆ́L̃E GƆ́LƆI HELE KÉLEI 2:17

Naá ngáá kɛ kíya nuu bíh̃iw̃aa vékani tí na taá Ngalángi gééla woí léndai yeɣé nɔ́ɔ ngáá yawo ɣɛndáa. Kɛ́ Ngala kítei í ni lɔ́vengɔ ná hááw̃a, aá lɔ́ɔ ni yasɔ́bɛ kíya níwaa ngi gééla woí lé ngáá tɔɔỹaá véle Kílisitii yákpangi w̃áá véle w̃a.

KƆ́L̃E GƆ́LƆI HELE KÉLEI 4:2

Ní lókogulanga ndɔɔwu h̃ú háitii kpɛ́lɛɛ sú taá ngufe tála háitii. Nɛí núu yákpolowa kɛlaa maa nɔ́ɔ Ngalángi gééla woí w̃áálovi. Ngalá tɔ ngáá maa heelé ngáá niỹá lɔ́ɔ ngi gééla woí le kpál̃au sí í ngáá tɔɔỹaá. Naa sí ɣɛ́ sífaa, niỹá lɔ́ɔ yákpa ngáá nungáá kpɛ́lɛɛ ti gi má í ɣɛ́ kpál̃au kɔwɔ́ato ni wa.

KƆ́L̃E GƆ́LƆI HELE KÉLEI 7:2

A ni haí yeɣé ngáá hɛmbɛ́ fíli liítii su. Naá nɛ́ɛ faa fíli kɛ́i áá pele w̃a ngáá nuu. Naa nɛ́ɛ nuu fíli kɛ́ kíli ỹaanií kɛlaa nɔɔ́ nuu gáha ngáá fáa fíli.

GALÉSIYA 1:20

Sí ngíwaa ndé wú w̃á, aá lɔ ngáá tɔɔỹáa. Aáva Ngalá kíte í suuwɔlɔ́ ngáá ndɛɛ láá le ngɔ́ɔ́ ɣɛ́ ngáá kɔɔlá.

TƐSALÓNIKA HESENDAA GƆLƆÍ 2:10

Ná h̃ú ní ɣɛ́i wú lóów̃a, naá tuva véle ỹɔ́u fíli kúlai ngáá wú ye, ni lelémbongɔ i ɣɛi la wú yaa, tɔmbema w̃áá fíli aá ɣɛi ni wa. Wú ná h̃úúwɔlɔ aáva Ngalá bɛ́lɛ nɔ́ í suuwɔlɔ́.

TÍMOTI HESENDAA GƆLƆÍ 3:3

Ngala fɛ́li mbélai ti wutúwɔɔ w̃ɔ́ɔ́ álaa ɣɛ́ ndɔɔ hoú h̃u, ɔɔ ɔ́ɔ́ ɣɛ́ ngáá ndapi gúla mɔ́ɔ́. Kɛ́ laá géle, í ɣɛ́ ngáá nuu kɛngɔ́ áá ɣɛ́ la lúúỹaa. Álaa ɣɛ́ ngáá ndaahasá w̃ɔ́ɔ. Álaa ɣɛ́ ngáá nuú naholó háá vílingɔ ɔ́ɔ́ ɣɛ́ lá ndii vólu.

TÍMOTI HESENDAA GƆLƆÍ 3:8

Ngala fɛ́li mbélai ti bɔ́mba yélaitii bɛ́lɛ kɛ ngufema í ɣɛ́ ti gɛɛ háitii ma. Ti vɔɔnángɔ í ɣɛ la, ná vólu, tálaa ɣɛ́ ngáá ndɔɔ bɔ́le mbélaa walá aáva naholó háá vílingɔ álaa ɣɛ́ la ti lii vólu.

TÁITƆ 1:7

Ngala fɛ́li mbélai ti wutúwɔɔ w̃ɔ́ɔ fíli aá lɔ́ ngáá Ngalá ngénge mɔ́ɔ. Faalɔ, tɔmbema w̃áá fíli álaa ɣɛ́ maa w̃ɔi wa. Maa w̃ɔ́i álaa ɣɛ ngáá suuwɔɔlɔ́ w̃ɔ́ɔ́ ɛ́ɣɛ ndiibándi bándi w̃ɔ́ɔ́, kɛlaa ɔ́ɔ́ ɣɛ́ ngáá nuu áá ɣɛ́ ndɔɔ hou h̃u ɔɔ, ɔ́ɔ́ ɣɛ́ ngáá ndapí gúla mɔ́ɔ́. Álaa ɣɛ́ ngáá kahá w̃ɔ́ɔ́ yawo wɔndaa híí fíli su.

PÍTƐ HESENDAA GƆLƆÍ 5:2

sí ngíwaa nde wú w̃a aá wáa ngáá sí, a ɣɛ́ wáá Ngala fɛ́li mbélaitii ti háá yeɣé ngáá loko félengɔ kíya nɔ́ɔ mbaala w̃ááh̃u béle mɔ́i áá mbaalaítii ti hái yeɣé. Ná wáá ngáá, sítii Ngalá ngáá ɣɛ kɛ́i ngáá háwu wáá ɣɛ́ ngáá ngutuwɔ́ yélaa ti hááw̃a. Laáva wú kɛ ndiiwolé w̃ááh̃u kíya Ngala ndóngɔ wú kɛ, kɛ́ wálaa kɛ́ kíya nɔ́ɔ taa ɣɛ́ wú bándangɔ nga ngáá wú kɛ. Wálaa ɣɛ́ wáá kɛ nɔ́ɔ ngáá wú ŋani hɔ́lɔ polú véle h̃u, Kɛ́ aá ɣéle, wú kɛ sífaa wú lóngɔ wú kɛ.

PÍTƐ GƆ́LƆI HELE KÉLEI 2:18

Ti yónga tevéndai kele ɣelé kíte ɛi ɣɛ́ su. Ndiivo kɛɛ́ ỹɔ́u ỹɔungáitii taa ɣɛ su ngáá lúwui, laá lɔ́ taá nungáitii píli lá faa ỹɔ́u ɣɛ́ndai h̃u. Ná wáá ngáá, nungái sítiini taa ɣɛ́ nɔ́ɔ taá gɔ́wɔ gúla ngáá niina nungái sítiini ndiiwáá ti lɔ́ngɔ ti ɣɛ́ngɔ faa ỹɔ́i h̃u taá tiyéni.

PÍTƐ GƆ́LƆI HELE KÉLEI 2:3

Maa lɛɛ gálambo mbo mbelaí sítiini ŋani w̃áálii vílingɔ aa ɣɛ́ lá ngwala ti lii vólu, faale, taá ndɛɛ háá bíh̃i bih̃i sei heínga ngáá kɛinɔɔ́ ti ɣɛ́ taá ŋani w̃ááhɔlɔ su wú yáá. Aáva kaví te náá ti ndá gɔ́sɔngi sí wáálevengɔ ngáá taá vélei ɛ́ɣɛ kɛ kíli ỹaaní íwaa vá wóma ngáá ti ye, aa siɣemá ma.

Kɔlɔí Júu í pɔ́nɛni Ngala fɛ́li mbélaitii ngelé JÚU 1:11

Suu lɔ vá ɣɛ́ma ỹɔ́u ti w̃a ngwala. Sífaa, siỹɛndópoi sí tɔ́ɔ́ ɣɛ́ ma Kíŋ, ti tuva veléi yangéɣenga. Kápa mɔnii i kɛ́a ti hítɛnga nɔ́ɔ jɔ́ kaka pélei sí wa siỹɛndópoi sí tɔ́ɔ́ ɣɛ́ ma Béél̃ɔ í ɣɛ́i mba. Tí lóa Ngála ndaa wú kíya nɔ́ɔ siỹɛndópoi sí tɔ́ɔ́ ɣɛ́ ma Kɔlɔ í kɛ́ni aáva ti haa h̃uu lɔɔ vú kíya nɔ́ɔ í ɣɛ́i ngáá kɔlɔ bútei.