TƐSALÓNIKA HESENDAA GƆLƆÍ 2:3 - Kɛ́lɛ Niinaí

³ Naa wú hɛ́sɛmboma ngáá wú víli faa h̃u í ngáá ndɛɛ́ kɛlaa nɔ́ɔ ɣɛ́a wú yákpolowa ngáá wú víli kaka péle wa. Kɛ́ aá ɣéle, ni gi máá ɣɛ́ngɔɔ lé kpál̃au.

TƐSALÓNIKA HESENDAA GƆLƆÍ 2:3 Iomraidhean Croise

TI GƐ́Ɛ́ HAÍTII 13:15

Ná ti vílani ỹandái tá galáma Ngala sávai h̃u í féni Muusé yáá taá Ngalá ndaa háá lé mbélaitii ti gɔ́lɔ vɔnɛngɔ́i ta, Ngala fɛ́li máákpɔ wotaí w̃aa wútuwɔaitii tí keelá loni Pɔ́ɔni ngaa Bánaba wá, ti ɣɛ́ ti w̃a, “Mu mbálangaa, ná wɔ́li ngoo vilí ngóó áá ɣɛ́ wú yáá nungáitii fááw̃a sí áá nduwúh̃ulɛ ngáá nuu yé, kɛ a nde kái.”

TI GƐ́Ɛ́ HAÍTII 4:36

Siỹɛndópo yiláá i ɣɛi na taá ɣɛ́ ma Joosɛ́. Joosɛ́i sí va í ɣɛ́i ngáá Lívaingaitii ti tá. Joosɛ́i sí i gulaní ỹandái sí taa naa lolí ngáá Sáipulɔ. Aa vá tɔ Ngalángi géélaitii tɔ́ɔ́ ɣɛ ma Bánaba. Ndaaheíngi sí wúi wáá ngáá nuí áá ndúwuh̃ulɛ ngáá nuu yé.

KƆ́L̃E GƆ́LƆI HELE KÉLEI 11:13

sífaa siỹɛngáá laalií sítii taa ngáá Ngalángi géélaa, taá ndɛ́i gɔ́ɔ́la kɔwɔ́ato ngengengí wa táá mbo ɛ́ɣɛ taá bɔwɔ́ gúla ngáá Ngala kééla ɣɛ kíli Kílisitii hááw̃a.

KƆ́L̃E GƆ́LƆI HELE KÉLEI 2:17

Naá ngáá kɛ kíya nuu bíh̃iw̃aa vékani tí na taá Ngalángi gééla woí léndai yeɣé nɔ́ɔ ngáá yawo ɣɛndáa. Kɛ́ Ngala kítei í ni lɔ́vengɔ ná hááw̃a, aá lɔ́ɔ ni yasɔ́bɛ kíya níwaa ngi gééla woí lé ngáá tɔɔỹaá véle Kílisitii yákpangi w̃áá véle w̃a.

KƆ́L̃E GƆ́LƆI HELE KÉLEI 4:2

Ní lókogulanga ndɔɔwu h̃ú háitii kpɛ́lɛɛ sú taá ngufe tála háitii. Nɛí núu yákpolowa kɛlaa maa nɔ́ɔ Ngalángi gééla woí w̃áálovi. Ngalá tɔ ngáá maa heelé ngáá niỹá lɔ́ɔ ngi gééla woí le kpál̃au sí í ngáá tɔɔỹaá. Naa sí ɣɛ́ sífaa, niỹá lɔ́ɔ yákpa ngáá nungáá kpɛ́lɛɛ ti gi má í ɣɛ́ kpál̃au kɔwɔ́ato ni wa.

KƆ́L̃E GƆ́LƆI HELE KÉLEI 4:5

Keela woí náá nde, naá ndéma kɔwɔ́ato bɔwɔ́ wa. Kɛ́ niỹá lɔ nde kɔwɔ́ato Jísu Kílisitii wa í ngáá a mu Lemɔ́i. Sí náá nde kɔwɔ́ato bɔwɔ́ wa laá waa ngáá niỹá lɔ́ɔ ngáá wú yénge mbelaa Kílisitii hááw̃a.

KƆ́L̃E GƆ́LƆI HELE KÉLEI 6:8

Naá ngúfema w̃ááhɔlɔ, ni mɔ́ɔ mbɛlɛ ỹaaní w̃ááhɔlɔ. Naá ngɛɛlí mááhɔlɔ, ni mɔ́ɔ tɛ mááhɔlɔ. Taá ndé ngáá kɛ niỹá lɔ́ ngáá ndɛɛ yélaa, kɛ́ niỹá vá naa tɔɔỹái le.

KƆ́L̃E GƆ́LƆI HELE KÉLEI 7:2

A ni haí yeɣé ngáá hɛmbɛ́ fíli liítii su. Naá nɛ́ɛ faa fíli kɛ́i áá pele w̃a ngáá nuu. Naa nɛ́ɛ nuu fíli kɛ́ kíli ỹaanií kɛlaa nɔɔ́ nuu gáha ngáá fáa fíli.

TƐSALÓNIKA HESENDAA GƆLƆÍ 2:11

Wú kɔ́lɔ ngáá ni wú h̃úúhouni kíya nɔ́ɔ ndoú kɛ́ɛ́ɣɛ áá ngí léngaitii suuhóu.

TƐSALÓNIKA HESENDAA GƆLƆÍ 4:7

Sífaa, Ngalá ngáá mu yeɣéngɔ ngáá mu ɣɛ́ faa ỹɔ́i nátii kɛ́ ndaani su, kɛ́ aá ɣéle, i mu yeɣéngɔ ngáá ngi vóngaa ngáá faa ỹɔ́u fíli álaa ɣɛ́ mu h̃u.

TƐSALÓNIKA GƆ́LƆI HELE KÉLEI 2:11

Háwui náá hááw̃a, Ngalá ngáá kɛ ngáá háwu tɛ́i gísiya ngáá pele vánda aáva ná aa kɛ sí áá ɣɛ́ ngáá ndɛ́i aá lɔ́ taa lá la.

PÍTƐ GƆ́LƆI HELE KÉLEI 1:16

Kpatɛ ngeyá háá laa le ni lókolangɔ ɔ́ɔ́ ɣɛ́ ɣɛi lá ma ná ní yɛ́pɛi wú yéle kɔwɔ́ato a mu Lemɔ́i Jísu Kílisitii yangáimandai wa ngakpa ngwála h̃u ngeleí sí wu, kɛ́ laá ɣéle, niỹá lɔ́ ngáá héélea ngáá ní ngí yákpa ngwalaí yaah̃ú lɔ́ni.