TƐSALÓNIKA HESENDAA GƆLƆÍ 2:2 - Kɛ́lɛ Niinaí

² Wá gíte wú kɔ́lɔ kíya ti ɣɛ́i náá ni h̃úúhou kíli ỹɔu woní ɛ́ɣɛ kíya tí ni yangúfeni Félepa taa h̃u nɔɔ́ ɣɛ́a va wú yéle Tɛsalónika taa h̃u. Kɛ́ Ngála pa í mú ndá gákai w̃a, í ní liibáni ngáá ní kééla woó vándai lé wú w̃a áá gúla ngeyá. Aáva ní maa gééla woí léni kíya bɛ́lɛ nuu bíh̃iw̃aa ti ɣɛ́i na táá yakpá ngáá tí ni betéve nde fái wa.

TƐSALÓNIKA HESENDAA GƆLƆÍ 2:2 Iomraidhean Croise

TI GƐ́Ɛ́ HAÍTII 14:3

Kɛ́ ná h̃u Pɔ́ɔni ngaa Bánaba tí kuu ɣɛ́i na féle táa Ndemɔí Jísu haí h̃úúɣɛ ngáá ndiibá. Jísu vá i kɛní ngáá háwu ngángi ɣɛ kpál̃au ngáá kɛ ti gééla woí kɔwɔ́ato ngi háá bɔwɔí wa, aá lɔ ngáá tɔɔỹáá ngáá sí í ngakpá féni ti yaá kááma haítii ɛ́ɣɛ kindaa víli fáitii kɛ fááw̃a.

TI GƐ́Ɛ́ HAÍTII 14:5

Kɛ Júsuai ɛ́ɣɛ sítii taa ngáá Júsua í báha náa Júsuai ti wútuwɔaitii mba, tí suubátɛni naá ngáá tí faa bá nda ti w̃a, ná vólu, tí tí váa ngáá ti hɔ́ɔ́ndai ngáá kɔtu.

TI GƐ́Ɛ́ HAÍTII 16:12

Ná ni gúlani naa wa, ní liiní Félepa taa h̃u mbéi Lóómingai ti ɣɛ́i naa loní. Aáva laá lɔ í ɣɛ́i maifɔ́lɔ tíngi h̃u Mɛsedóniya lataí ná h̃u. Aáva ní foló lɛ́ingaa ɣɛ́ni na.

TI GƐ́Ɛ́ HAÍTII 16:19

Sítii nyah̃alói sí í ɣɛ́i ti wu ngáá nduwɔ lopó, ná tí ngátɔni ngáá kɛ ti náholo hɔ́lɔ pélei ti gitóngɔ í ɣɛ́i lá mba maa í levénga, ti Pɔ́ɔni ngaa Sáilɔ houní, tí kpá tí w̃a ngáá kule, tí lí ngáá ti ye ngití wálai ya masangái ngelé ti gɔsɔ́ fááw̃a.

TI GƐ́Ɛ́ HAÍTII 16:37

Kɛ́ Pɔ́ɔ i ndení bɔ́ilopoai ma, i ɣɛ ti w̃a, “Taá ni gɔsɔ́ngɔ aáva tí ni léve kpɔ ndííwaa kíya bɛ́lɛ ni ngáá Lóómingaa, ná vólu, tí ni víli kpindi vɛlɛ́i wu. Sí h̃uu lɔ náa ti longɔ́ tí bé ni wa ndɔɔwu h̃ú? Aa pele w̃a! Bɛlɛ́ masangái kíte, ti vá, tí ni gúla.”

TI GƐ́Ɛ́ HAÍTII 17:1

Ná Pɔ́ɔni ngaa Sáilɔ ti lɔ́veni kpóloo taa walá walaí sítii su taa ti lolí ngáá Amifépole ɛ́ɣɛ Apolóniya, tí fóloni taa walá vékai sí h̃u taá tolí ngáá Tɛsalónika. Naa lɔ Júsuaitii ti Yála fɛli máákpɔ wotaí ta í ɣɛ́i na.

TI GƐ́Ɛ́ HAÍTII 17:17

Faalɔ, i liiní Júsuai ti Yála fɛli máákpɔ wotái wu áá fái sítii ngakúla kulá mba ngáá Júsuai taá Gilísiaitii Ngala ndúwambai í ɣɛ́i ti h̃u. Aáva ngele fíli ɔ́ɔ́ wo ɔ́ɔ́ lí ngití wálai ya áá yɛ́pɛ nungái sítii ngelé tɔ́ɔ́ ɣɛ́ na.

TI GƐ́Ɛ́ HAÍTII 19:8

Pɔ́ɔ ɔ́ɔ́ lí náa Júsuaitii ti Yála fɛli máákpɔ wotaí wu áá yɛ́pɛ na ngáá ndiibá. I ɣɛi na ngalú sáángɔ hááw̃a táá maaɣaalíi gúla taa Júsuaitii. Ɔ́ɔ́ ɣɛ́ áá yɛ́pɛ ti liítii pote fááw̃a Ngalángi w̃ásandai wa.

TI GƐ́Ɛ́ HAÍTII 4:13

Ná Faa H̃uu Haa Lé Mbélaitii tí tɔ́ni ngáá kɛ nduwá aa ɣɛ́i Pítɛni ngaa Njɔú h̃ú aáva tí ngatɔ́ mba mɔ́ɔ ngáá kɛ taá ɣɛi ngáá kɔlɔ wɔlɔ́ mbélaa kɛ́ ti ɣɛ́i nɔ́ɔ ngáá nuu bɔ́w̃angaa, i gɔɔlaní ti wa ngwala aáva tí ɣɛ́i kɔlɔ́ ngáá kɛ siỹɛ́ félengɔi sítii ti ɣɛ́ngɔ Jísu wa.

TI GƐ́Ɛ́ HAÍTII 4:20

sífaa nɛí hómbo nɔ́ɔ bé yɛpɛndáá wa sí wa ní tɔ́nga taá sí ní mɛningá kɔwɔ́ato Jísu wa.”

TI GƐ́Ɛ́ HAÍTII 4:31

Ná ti vílani Ngala fɛ́lima, mbéi ti w̃aakpɔ́ngɔ i ɣɛ́i lá mbá na, naa í bɛ́lini aáva Ngalángi Hɛ́ɛ́ma Ỹínangi i vuní ti kpɛ́lɛɛ su, táa Ngalá ndaa wói le ngáá ndiibá.

TI GƐ́Ɛ́ HAÍTII 5:41

Ngalángi géélaitii ti híɣeni náa faa le mbélaitii kákala ngáá kooh̃unɛ́ɛ́, bɔw̃álale Ngalá ngi ɣɛi náa lokohéini ti wu ngáá tí máánɔw̃ɔ yéɣe Jísu haaw̃a.

LÓÓMI 1:1

Nyɛ́i ngí ngáá Pɔ́ɔ, ngí ngáá Jísu Kílisitii yénge mɔɔ, nyá lɔ ngíwaa kɔ́lɔi sí vɔ́nɛ. Ngala ngí tólingɔ, í lókolo mbá ngáá ngi géélai ngáá ngí ngi gééla woó vandaí lé.

KƆ́L̃E GƆ́LƆI HELE KÉLEI 3:12

Faalɔ, kitomái sí í ní yɛ aá lɔ́ í kɛ́a ndúwa fíli áá ní h̃u.

KƆLƆ́SE 2:1

Ndóngɔɔ lé wú ɣɛ́ kɔ́lɔ ngáá kíya ngíwaa yénge ngwala wú yɛ ɛ́ɣɛ Ngalángi vóngaa vekaítii tí taí sí h̃u taá náá lolí ngáá Leyodésiya ɛ́ɣɛ sítii kéle tɔ taá kɔ́lɔ téɣele.

TƐSALÓNIKA HESENDAA GƆLƆÍ 1:5

Naá vaangɔ́ wú yéle ngáá Ngala kééla wóo vandaí ni laa wóó h̃u nɔ́ɔ, kɛ́ ni Hɛ́ɛ́ma Ỹínangi yákpangi yaah̃ú ɣɛ́ngɔ bɛ́lɛ nɔ ngáá wú ye, aáva ní ngákɛngɔ ngáá wu ye kíya ni langɔ́ ngáá keela wói sí ni lúva velé h̃u ná h̃u ni ɣɛ́i wú lóów̃a. Aáva wú kɔ́lɔ ni ná ɣɛ́i nɔ́ɔ ngáá í ɣɛ́ ngáá kulasuunúma wú hááw̃a.

TÍMOTI GƆ́LƆI HELE KÉLEI 1:12

Ná háá vá tɔ ngáá maanɔw̃ɔ́i sí yéɣe ma. Kɛ́ ná fíli su, ndííỹaaningɔ láá lé bɔw̃álale ngí kɔ́lɔ nuí ndángɔ lá aáva ngí kɔ́lɔ kpál̃au ngáá kɛ ngakpá tɔ́ ngeyá ngáá áá hómbo í kééla woí sí w̃aah̃ú béle í féngɔ ngéya í ló su kpóloo í fólo ngápumai w̃a.

Kɔlɔí Júu í pɔ́nɛni Ngala fɛ́li mbélaitii ngelé JÚU 1:3

Mu mbála vándaitii, ngí ɣɛ́ngɔ loí ngi kɔlɔ vɔ́nɛ wú yéle kɔwɔ́ato ngumaawóngi wá mú maahɔ́lɔngɔ. Kɛ́ aa ɣéle, faa ta i kɛ́a náa nyá lɔ́ɔ pɔ́nɛ náa ngáá ngí wú lííwuulɛ kɛinɔɔ́ wú ló kpáŋ sí w̃aaɣáwondai h̃u mu langɔ́ la. Ná wáá ngáá Ngala ndaa wói í féni wɔ́lɔ su yíla kpé ngi vóngaitii ngeyá.