TƐSALÓNIKA HESENDAA GƆLƆÍ 2:18 - Kɛ́lɛ Niinaí

¹⁸ Ní ɣɛ́ngɔ lói ní yángaima wú yéle. Nyá bútei ngí ngáá Pɔ́ɔ, naa lɔ́vengɔɔ lé náa ngilaa má ngáá ngíwaa yákpa ngáá ngí vá wú yéle, kɛ́ Setána i kɛí ngáá háwu náa lóko w̃aahɔ́lɔi nɔ́ɔ vá.

TƐSALÓNIKA HESENDAA GƆLƆÍ 2:18 Iomraidhean Croise

MÁFIYU 4:10

Kɛ́ Jísu i ngoo yápotei, i ɣɛ ma, “Setána, léve pólu! Pɔnɛngɔ́ɔ́ lé Ngalá Kɔ́lɔi h̃u ngáá sí, í ɣɛ́ngɔ ta, ‘Ndemɔí hɛ́li lɛ́i í ngáá í Yálangi aáva í ɣɛ́ nɔ́ɔ ngáá ngilangɔ́ kpé yáá fɛ́li.’ ”

LÓÓMI 1:13

Mu mbála Yala fɛ́li mbélai, ndóngɔɔ lé gíte wú ɣɛ́ kɔlɔ́ ngáá kuu bih̃íw̃aa w̃aah̃u ngí kpátɛa ngáá ngí vá ngí wú héi heí, kɛ́ faa í lónga víli pílima kɔ́wɔ h̃u í fólo sí h̃úi ɣéle tɔ ma. Ndóngɔɔ lé ngí vá ngí nungáá w̃ááhɔlɔ wú lííwaa tiyá bɛ́lɛ ti ɣɛ́ ngáá Jísu Kílisitii vólu yélaa, kíya nɔ́ɔ ngí kɛ́ngɔ nungáá vékaitii ndiiwáá tiyɛ́i tiyá bɛ́lɛ taa ngáá Júsua.

LÓÓMI 15:22

Ná lɔ́ í kɛ́a kuu bíh̃ingɔ w̃ááh̃u, ngáá ɣɛ́ lói ngí vá kɛ́ ɛ́i holowo ngéya.

KƆ́L̃E HESENDAA GƆLƆÍ 16:21

Sí nyá gíte ngáá pɔ́nɛ ngáá bɔwɔ́ lóko, áa wáa ngáá sí, nyɛ́i ngí ngáá Pɔ́ɔ, ngí há wú w̃a.

FÉLEPA 4:16

Ná múl̃ɔ bɛ́lɛ ngí ɣɛ́i taa sí h̃u taá náá lolí ngáá Tɛsalónika, wú kpɔmba héni mbɛ́ ká ká ná kpéɣengɔ ɔ́ɔ́ ɣɛ́ la.

KƆLƆ́SE 4:18

Sí nyá gíte ngáá pɔ́nɛ ngáá bɔwɔ́ lóko aá wáa ngáá sí, nyɛ́i ngí ngáá Pɔ́ɔ, ngí há wú w̃a. A waa lééw̃a ngáá kɛ nyá lɔ kpindi vɛ́lɛ wu! Bɛlɛ́ Ngalángi háá bɔwɔí í ɣɛ́ wú yɛ.

TƐSALÓNIKA GƆ́LƆI HELE KÉLEI 3:17

Sí nyá gíte ngáá pɔ́nɛ ngáá bɔwɔ́ lóko, aá wáa ngáá sí, nyɛ́i ngí ngáá Pɔ́ɔ, ngí há wú w̃a. Ngimɔ́ɔ́ ngáá laahéingi vɔ́nɛ kɔlɔí kpɛ́lɛɛ sú ngáá pɔ́nɛ.

FELÉMO 1:9

Kɛ́ sífaa ndóngɔ ngáá í ye, ná lɔ́ɔ í kɛ́a ngáá háwu ngíwaa maanɛɛnɛ́ngi sí wo. Nyɛ́i ngí ngáá Pɔ́ɔ, ngí ngáá Jísu Kílisitii yááh̃u, aáva ngi hái í kɛ́a ngáá háwu ngí ngáá pelésina,

FAA YÁKƐ KƆ́LƆI 2:10

Wálaa lúwa máanɔw̃ɔ fíli mbá wáá vá ngéɣema. A bɛlɛ́ ngí sí lé wú w̃a, Ngutuwɔ́ Ỹína Nyɔí lɔ́ɔ vá kɛ́ma ngáá háwu ti wú lɛ́ingaa víli kpindi vɛlɛ́ wú ngáá wú h̃úú í gɔ́vɔ, wáá ɣɛ́ maa bíndi vɛ́lɛi ná wú foló púúngɔ laa lówah̃u. A wáá vólu yáfe mbá, bele pá aa gula ngáá faa tá ngáá wú wú ngáá ló su, ngáá wú w̃ááỹaa fe ngáá kúnafɔ lɛ́ɛ́h̃ui.