TƐSALÓNIKA HESENDAA GƆLƆÍ 2:16 - Kɛ́lɛ Niinaí

¹⁶ Ti longɔ́ɔ́ lé tí ni betéve Ngalá kééla woí wa níwaa ndé sítii ma taa ngáá Júsua kɛinɔɔ́ nátii tɔ́ɔ ngúmaawongi w̃ááhɔlɔ. Faa ỹɔ́i híí kpɛ́lɛɛ tí vílaa ngáá kɛ ngu tevéngɔi wul̃a ngáá ná. Ngalangí háá bamaí i folóa náa ti wa.

TƐSALÓNIKA HESENDAA GƆLƆÍ 2:16 Iomraidhean Croise

MÁFIYU 12:45

aa li í ỹína nyɔ́u ngɔ́felangɔ vekaa wɔlí sítii ti ỹáámangɔ í lɔ́ve laá bútei wa, tí va, tí ɣɛ́ pɛlɛ́i ná wu. Aáva nuí ná ɣɛ́ kíli ỹaaningɔ́ aa ɣɛ lá í lɔ́ve hése keleí wa. Ngimɔ́ɔ́ áá vá ɣɛmá ngáá nyaama yélaitii sí h̃uu yéteyangi h̃u.”

MÁFIYU 23:32

Kɛ a lí náa lá ngu ma wú sí wúkula wú káwalani tí tɔ́kula héini!

MÁFIYU 24:14

Aáva keela woó vándai sí kɔwɔ́ato Ngalángi w̃ásandai wa, pólu yélaitii taá ndé ỹandáitii kpɛ́lɛɛ ngeleí sí wu. Ná vá ngáá ɣɛ́ kɛinɔɔ́ nuu kpɛ́lɛɛ tí Ngála kééla woí ỹɛ́ni. Ná ná áá ɣɛ́, ngetéyangi aa vilá naá.”

MÁFIYU 24:6

Wáá ɣɛ́ wáá kɔɔní máá woo ỹɛ́ni beláá ɔɔ wú tɛingáá w̃áá woo ỹɛ́ni ỹanda vékaitii, kɛ́ ná fíli su, wú líí álaa gúla wú wa, bɔw̃álale kɛ nátii tí ɣɛ, kɛ́ ngetéyangi yakɛ́ɛ́lɛmai ɛi ɣɛ ngáá ná.

MÁFIYU 3:12

Ngi gɔ́sɔ mbaalévendai ɣɛ kíli gulangɔ́ɔ́ lé ngáá nuí sí áá ngí wíítii yatɛ́ mba tevé sɔ́wɔi w̃a. Aa ngi wíítii kpɛ́lɛɛ pu ngi wótai h̃u, aáva ná áá ngandíɣa í kpɛkpɛlɛ, aa wíítii gɛ́hɛi yandɔ́ɔ́lɔ ngí wótai h̃u, í wííti gaangí w̃ɔ́ ngáá ngɔmbuí sí ɛ́i há kúnafɔ.”

Keela woó vándai Máa í pɔ́nɛni kɔwɔ́ato Jísu Kílisitii wa MÁI 16:16

Nuí fíli pá áá lá la aáva maa w̃ɔ́i í nguyaí w̃ááhɔlɔ, maa w̃ɔ́i wumáá áá wo, kɛ́ nuí fíli ɛ́i ɣɛ́ láni lá, ngumáá ɛ́i wo.

TI GƐ́Ɛ́ HAÍTII 13:45

Ná Júsuaitii tí faŋaí ya tɔ́i, tí tolóma batɛní naa liítii su aáva ti ɣɛ́i náá taá njɛpɛ ỹɔú ỹɔ́ungaa le kɔwɔ́ato sí wá Pɔ́ɔ ɣɛ́i áá nde.

TI GƐ́Ɛ́ HAÍTII 13:50

Ná Júsuaitii tí tɔwɔ́ mba yélaitii toní faa ỹɔ́u ɣɛ fááw̃a kpahangɔ́ nyah̃ái sítii kele tɔ mba Ngala ndúwambai í ɣɛ́i ti h̃u aáva ti ngáá tɔwɔ́ mba yélaa, ti ɣɛ́i náa taá faa bángaitii nda Pɔ́ɔni ngaa Bánaba w̃a, tí tí bɛ́ na.

TI GƐ́Ɛ́ HAÍTII 14:19

Kɛ Júsuaitii ti lɛ́ingaa ti gúlanga Átiyɔ taa h̃u í Pesedíya lataí h̃u ɛ́ɣɛ Ekóniya taí h̃u tí va, tí faŋaí wu póte wa. Aáva ti Pɔ́ɔ hɔɔ hɔɔ́ni ngáá kɔtuítii, tí kpokpó tí kulá taa walái ná wa. I ɣɛi ti gi má ngáá Pɔ́ɔ i ɣɛi náá haaní.

TI GƐ́Ɛ́ HAÍTII 14:2

Kɛ́ Júsuai sítii kínɛi taá ɣɛ́i kɛí tɔɔ lá ngáá keela woí sí Pɔ́ɔni ngaa Bánaba ti ɣɛ́i ndení, ti sítii taa ngaa Júsua loni faa ỹɔ́u ɣɛ́ fááw̃a, ná vólu, tí tí wú su ỹáánini Pɔ́ɔni ngaa Bánaba haaw̃a.

TI GƐ́Ɛ́ HAÍTII 14:5

Kɛ Júsuai ɛ́ɣɛ sítii taa ngáá Júsua í báha náa Júsuai ti wútuwɔaitii mba, tí suubátɛni naá ngáá tí faa bá nda ti w̃a, ná vólu, tí tí váa ngáá ti hɔ́ɔ́ndai ngáá kɔtu.

TI GƐ́Ɛ́ HAÍTII 17:13

Ná Júsuai sítii ti ɣɛ́i Tɛsalónika ti mɛniní ngáá kɛ Pɔ́ɔ lɔɔ́ Ngalá ndaa wói le Bɛlíya, ti mɔ́ɔ liiní na bɛ́lɛ táa nungáitii ngu suu ỹááni, tí tí ɣɛ wu nga wúúlee.

TI GƐ́Ɛ́ HAÍTII 19:9

Kɛ́ ná fíli su, ti lɛ́ingaa taá lókoheini tɔɔỹái wu kɛlaa tɔɔ́ lá la. Kɛ́ ti ngoo ỹɔ́u ỹɔungaa lení ma kɔwɔ́ato Ndemɔí Jísu Nda Vélei wa kpɔngí ná gakála ti ɣɛ́i na. Faalɔ, Pɔ́ɔ i gulaní naa wa taá pólu yélaitii, tí lí taa tiyéi lómu walaí sí h̃u í ɣɛ́i pɛlɛ́ wálai sí wu, siỹɛndópoi ná taa ɣɛ́ ma Telánɔ ɔ́ɔ́ yɛ́pɛ na nungáitii ngelé. Naa vá tɔ ɔ́ɔ́ yɛpɛ na tí yelé hɔ́wɔ fíli.

TI GƐ́Ɛ́ HAÍTII 21:21

Aáva ti mɛningá ngáá kɛ yá lɔ́ɔ Júsuaitii kpɛ́lɛɛ kálambo tiyɛ́i ti héini sítii ndiiwáá taa ngáá Júsua ngáá tí vólu yáfe savaítii mba Ngalá ngí féni Muusé yáá. Yá lɔɔ nde múl̃ɔ ti w̃a ngáá tálaa ti léngaitii tɔve pɛlɛ́ vólu kɛlaa tɔɔ híya ngáá mu ndá híya veleí a mú máálengɔ mu káwalani ngeyá.

TI GƐ́Ɛ́ HAÍTII 23:12

Ngelendáá vekaí w̃á, Júsuaitii tí w̃ɛ́ɛ́ni ỹandá yiláá tí suubatɛ́ mbo, ti kɛ́lɛ ngeɣé Ngalá ngéya ngáá tálaa mɛɛní fíli mɛ́ kɛlaa tɔɔ́ ŋani fíli kpɔ́le í ló su kpóloo ti Pɔ́ɔ vaa.

TI GƐ́Ɛ́ HAÍTII 24:9

Júsuaitii tí ndéni náa ngáá tɔɔỹáá waa maa hái nátii kpɛ́lɛɛ kɔwɔ́ato Pɔ́ɔ wa.

TI GƐ́Ɛ́ HAÍTII 25:2

Naa lɔ Ngala sááɣa gula mbélai ti wutúwɔaitii ɛ́ɣɛ ngutuwɔ́aitii Júsuai su tí vaaní na ngelé aáva tí faí sítii suuɣɛní lá ti ɣɛ́i pɛlɛní Pɔ́ɔ wa. Tí Masangí Fɛ́sitɔ w̃aanɛ́ɛ́nɛni

TI GƐ́Ɛ́ HAÍTII 25:7

Ná Pɔ́ɔ í vááni, Júsuai sítii ti gúlani Jɛlúsɛl̃ɛ tí maayelé mbéleni. Tí faa wála wála bih̃íw̃aa vɛ́lɛ mba sí tiyá gíte tɛ́i belé hééle gulá mba.

TI GƐ́Ɛ́ HAÍTII 4:12

Ngumaawó ngɛ́i hɔ́lɔ nuu véka fíli su, sífaa ndaaheí péka fíli aa na ngeleí sí wu Ngalá ngɔ́ɔ́ ɣɛ́ féngɔ ngáá á maá ngumaawó sɔ́lɔ su.”

TI GƐ́Ɛ́ HAÍTII 9:23

Ná kuu félengɔ í gúlani su, Júsuaitii tí w̃ɛ́ɛ́ni, tí súúbatɛ ngáá ti Sɔ́ɔ vaa.

KƆ́L̃E HESENDAA GƆLƆÍ 10:33

Wú híya veléi í ɣɛ́ nɔ́ɔ jɔ́ kɛ kíya ní ndái í na. Nyá lɔɔ́ yákpa ngáá ngí nuu kpɛ́lɛɛ ndííla faa kpɛ́lɛɛ sú ngáá kɛ. Ngáá gísiyama ngáá faa vánda bɔ́wɔ hááw̃a nɔ́ɔ. Kɛ́ nyá lɔɔ gísiya ngáá faa vánda nuu kpɛ́lɛɛ fááw̃a ngáá kɛinɔɔ́ tí ngumaawóngi w̃ááhɔlɔ.

GALÉSIYA 5:11

Mu mbála Yalá fɛ́li mbélai, ná wɔ́lii ngɔ́ɔ́ ɣɛ́ ngáá ndé ngáá nuu lɔ́vendaa pɛlɛ́ vólu aá lɔ́ pele w̃a, kɛ́ ndeé lɔ́ ɔ́ɔ́ kɛ nungáá tɔ́ɔ́ ɣɛ́ táá fáa báma la má nɛ́nɛ kpɛ́? Aáva bele ná lɔ́ ngí ɣɛ́i ngáá nde, kɛ sí ngáá nde kɔwɔ́ato Jísu váándai wa kulɔ́sii w̃a, ɛ́i belé vá ngáá ngoo ya fáha fíli.

Ɛ́FƐSƆ 3:13

Faalɔ, nyáá ngáá wú w̃áánɛɛnɛ ngáá wálaa liiỹááni ngáá sífaa ngíwaa maanɔw̃ɔ́i sí yéɣe wú hááw̃a. Maanɔw̃ɔ́i sí lɔ́ ngáá wú gúlasuunuma haa.

Ɛ́FƐSƆ 3:8

Toow̃aá aa mbá Ngalángi vóngaitii ndiiwáá. Kɛ́ ná fíli sú, Ngalá ngí ngenge kpíkpi fengɔ́ ngéya ngáá ngi kééla woó vándai lé sítii ma taa ngáá Júsua kɔwɔ́ato faa bɔ́wɔ h̃uulɔ́vengɔ wálai wa nuu áá maahɔ́lɔ ná áá ɣɛ́ Kílisitii wɔ́lɔ.

TƐSALÓNIKA HESENDAA GƆLƆÍ 1:10

Tiyá lɔ́ɔ ndé múl̃ɔ ngáá kíya wúwaa ngi H̃íỹɛndou Loí Jísu w̃áálɛlɛ náa, lɛ́i Ngala ngí mbuyoɣéni sái h̃u, ngáá í gúla ngelegóóh̃u í va. Ngi H̃íỹɛndou Loí ná vá tɔ í mú wumááwongɔ faa bá mai yáa Ngalá ngáá vá ndáma nuu kpɛ́lɛɛ má ti háá ỹɔítii faaw̃a.

TƐSALÓNIKA GƆ́LƆI HELE KÉLEI 2:10

Sítii pa ti wu ngáá vá lóma su, aa ti ya yakpólowa pele bíh̃i bíh̃i su. Nátii pa ti wú tɔ́ɔ́ ló su bɔw̃álale, taá lokohéingɔ tɔɔỹáa gééla woí wú tɔɔ́ ló lá ngáá ti wumáá ɔ́ɔ́ wó.

TÍMOTI HESENDAA GƆLƆÍ 2:4

Ngalá pa ndongɔ́ɔ́ lé nuu kpɛ́lɛɛ tí ngúmaawongi w̃ááhɔlɔ, ti ɣɛ́ tɔɔỹái wɔlɔ́.

HÍBULU 6:8

Kɛ́ nungáá lɛ́ingaa gúlangɔɔ lé ngáá ndɔwɔlɔ́i sí ngalí ngáli nguluítii ɛ́ɣɛ ngalí ngáli tufaítii taa hále ma aáva nga ngɛ́i ɣɛ́ maa lɔ́wɔlɔi wa, Ngalá tɔ́ɔ vá maa lɔ́wɔlɔi vélema. Ná ná vá ngáá ɣɛ́, ngɔmbuí áa maa lɔ́wɔlɔi ɣɛ́ kíli ỹaaní.

FAA YÁKƐ KƆ́LƆI 22:11

Bɛlɛ́ nuí fíli í ngáá nyaama w̃ɔ́ɔ́, í ndí ngu ma ngáá ngi ỹááma gulandái. Nuí fíli pá í ngáá njɔlɔ w̃ɔ́ɔ́, í ndí ngu ma ngáá ngi yɔ́lɔ gulandái. Nuí vá í ngáá faa vánda ɣɛ́ mɔ́ɔ, í ndí ngu ma ngáá ngi háá vanda ɣɛndái ɛ́ɣɛ nuí sí vá kulangɔ́ áá ɣɛ́ la kɛlɛ́ma Ngalá mbɛ, í ndí ngu ma h̃íí na.”