TƐSALÓNIKA HESENDAA GƆLƆÍ 2:15 - Kɛ́lɛ Niinaí

¹⁵ Júsuai tɔ nɔ́ɔ múl̃ɔ tí Ndemɔí Jísu vaaní, tí Ngalá ndaa háá lé mbélaitii páa. Tiyá vá tɔ nɔ́ɔ tí kɛ́i ni gúlai ndɔwɔlɔ́i ná h̃uu wá. Taá ɣɛ́ taá Ngalá kpáálɛ mba háá ɣɛ, ná vólu, tiyá lɔ́ ngáá nuu kpɛ́lɛɛ mbááhilimaa yélaa.

TƐSALÓNIKA HESENDAA GƆLƆÍ 2:15 Iomraidhean Croise

MÁFIYU 23:37

Jísu í mɔ́ɔ́ ɣɛ nungái sítii ma ti ɣɛ́i Jɛlúsɛl̃ɛ taa h̃u, “Wɛ́i wú ngáá Jɛlúsɛl̃ɛ yeláitii, wá lɔ wáá Ngalá ndaa háá lé mbélaitii páa, ná múl̃ɔ áá ti lɛ́ingaa lɔ́ve wú yéle, wú ti hɔ́ɔ́ ngáá kɔtu. Naa héiw̃aa í ɣɛngɔ bih̃í ká ká ngí ɣɛ́ngɔ ngí wú vóngaitii ngatɛ́ mba ỹanda yílaa kíya tɛɛnjéi áá ngi yívoaitii ngatɛ́ mba govóngi wu, kɛ́ wáá béngɔ mbá ngɔ́ɔ́ kɛ.

MÁFIYU 27:25

Nuí kpɛ́lɛɛ tí ngoo yápoteni, ti ɣɛ́ ma, “Bɛlɛ́ ngi ỹááw̃ɔi háá í ɣɛ́ ngáá ni waaháá naá ní léngaitii!”

MÁFIYU 5:12

Faí nátii tɔɔ́ bɔ́ɔ́ ɣɛ ngáá wú ye, wú líílangɔ í ɣɛ́ la, wú kóóh̃unɛɛ gúla bɔw̃álale wú gúlasuunumai wála yangí í wɔ́ɔ́lɔ í ngelegóóh̃u. Ngimɔ́ɔ́ nɔ́ɔ wɔ́lɔ tɔ́ɔ faa bámaitii nda Ngalá ndaa háá lé mbélaitii má, tiyɛ́i ti ɣɛ́i wɔ́lɔ na, ná h̃u taá nɛ́ɛ ɣɛi wú léni.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 24:20

Kɛ́ Ngala sááɣa gula mbélai ti wútuwɔaitii ɛ́ɣɛ ni wútuwɔaitii tí tokolevéngɔ ngáá í saa w̃ááhɔlɔ, aáva tí kpakpángɔ kulɔ́sii w̃a í há ma.

TI GƐ́Ɛ́ HAÍTII 12:3

Ná í tɔní ngáá kɛ Jimisí váándai i Júsuaitii ndiilángɔ, i ndiiní ngu ma ngáá sí í Pítɛ bɛ́lɛ nɔ́ sóuni. Faí sí vá i hiyaní Júsuai ti gúi sí w̃ááh̃u taá tóli ngáá Kúi Maa Bilé Ɛ́i Lɛ́ Nga.

TI GƐ́Ɛ́ HAÍTII 2:23

Ngalá ngí ɣɛi faa wɔ́lɔ mba, ná vólu, ngi háá h̃uubatɛngi ɣɛi lá ngáá í Jísu he wú yáá aáva faa ỹɔ́u yélaitii tí bɔ́ni wú wá wú paa ngáá kpakpángi wú mbóni lá kulɔ́sii w̃a, í ló na, í há.

TI GƐ́Ɛ́ HAÍTII 3:15

Wú ndɛɛh̃ú he mɔ́i vááni, kɛ́ Ngalá ngí mbuyoɣéni sái h̃u. Niỹá vá tɔ ni ngáá faí sí w̃aa héélea.

TI GƐ́Ɛ́ HAÍTII 4:10

kɛ a ɣɛ́ hɔ́ɔ́ fái sí wɔ́lɔ wáá Ísulɔ yeláitii kpɛ́lɛɛ. Jísu Kílisitii lɛ́i í ngáá Násɔlɛ taí h̃uu w̃ɔ́i lɛ́i sí, wú kpákpani kulɔ́sii w̃a, í há ma, kɛ́ laáva Ngalá ngí mbuyoɣéni sái h̃u, ndaahéingi h̃úu lɔ́ siỹɛndópoi sí í lóóni wú gákala, í mbaló mááhɔlɔngɔ su kpésekele.

TI GƐ́Ɛ́ HAÍTII 5:30

Ngalángi mu kɛ́ɛ́ɣɛni ti ɣɛ́ngɔ taá fɛli, í Jísu wuyoɣéni sái h̃u. Jísui sí va tɔ wú pááni ngáá kpakpángi wú mbói lá kulɔ́sii w̃a, í ló na, í há.

TI GƐ́Ɛ́ HAÍTII 7:52

Ngalá ndaa háá lé mɔ́ɔ fíli aa ɣɛi na yɔ́ɔ́ ɣɛ́ wú káwalani taá faa bá ndáni ma. Ti sítii kele tɔ paaní ti yɛ́pɛni kɔwɔ́ato nuí sí wa í ɣɛ́i áá vá vaamá lɛ́i faa ỹɔ́u fíli áá su. Aáva wá bútei va wú wálanga maa wóya h̃ú wú páa.

KƆ́L̃E HESENDAA GƆLƆÍ 10:5

Kɛ́ ná fíli su, Ngalá ndiilɛ́ingɔ aa ɣɛi lá ti bih̃íw̃aa hááw̃a. Faalɔ, i kɛní ngáá háwu ti bíh̃iw̃aa tí há aáva ti vúw̃aitii ti ló ngaalaí h̃u hááli hááli.

KƆ́L̃E GƆ́LƆI HELE KÉLEI 11:26

Ngí síya kpíh̃iw̃aa wónga aáva ngí faa bɔ́lunda w̃aahɔ́lɔnga njɛ ỹɔu ỹɔungaa ya, ɛ́ɣɛ ŋúỹa yélaa yaa ɛ́ɣɛ ní mbála Júsuaitii ngeya ɛ́ɣɛ sítii taa ngáá Júsua. Ngí fáá bɔlúndani maahɔ́lɔ taa walá wálaitii su ɛ́ɣɛ ngaalaítii su ɛ́ɣɛ yívoitii nga ɛ́ɣɛ sítii ngeyá tí kúlangɔ ngáá kɛ tiyá lɔ́ ngáá ní mbála Yála fɛ́li mbélaa.