TƐSALÓNIKA HESENDAA GƆLƆÍ 2:13 - Kɛ́lɛ Niinaí

¹³ Ná vólu, niỹá lɔ́ nɔ́ɔ fɔ́ naá sɛ́ɣɛɛ gula Ngalá ma wú yɛ́ sífaa, ná wú Ngálangi gééla woí ỹɛ́nini ní ndéni wú w̃a, wáá ngéɣei ngáá nuu búsa bátɛ ngeyá háa, kɛ́ wú lókoheini mbu sífaa, aá lɔ́ ngáá Ngalá ndaa wóo, aáva aá lɔ́ ngáá tɔɔỹáá. Wɛ́i wú lángɔ la, aá lɔ náá wú líítii su, áá yénge ná.

TƐSALÓNIKA HESENDAA GƆLƆÍ 2:13 Iomraidhean Croise

MÁFIYU 10:20

Sífaa njɛpɛí wáá vá púma, wú wúmaa wóó ɛi ɣɛ lá, kɛ́ wú Kɛ́ɛ́ɣɛ Ngalángi Hɛ́ɛ́ma Ỹínangi lɔ áá ɣɛ́ áá pu wú la.”

MÁFIYU 10:40

Jísu í mɔ́ɔ́ ɣɛ ta, “Nuí fíli áá lokohéi wú wú, kɛ maa w̃ɔ́i i lókoheinga mbú. Nuí fíli pá áá lokohéi mbú, kɛ i lokohéinga Ngala mbú lɛ́i í tɔ́vengɔ.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 11:28

Kɛ́ Jísu i ngoo yápoteni, i ɣɛ ma, “Aá lɔ ngáá faa vánda sítii faaw̃a taá Ngalá ndaa wói ỹɛ́ni aáva tí goló mbu.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 5:1

Folo yílaa Jísu i ɣɛi lóóni njɛí ná la taá tolí ngáá Gɛnɛ́sɔlɛ Yɛ Walaí. Aáva faŋa walá i ɣɛi na táá híɣa hiɣá wa ngáá tí fólo ma. Ti ɣɛ́i taá wolílo Ngalá ndaa wói w̃a Jísu í ɣɛ́i áá nde.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 8:11

Kɛ Jísu i ɣɛa volú yélaitii ma, “Faanɛ́ɛ́ngi volúi lɔ ngáá sí. Hakpá súwui waa ngáá Ngalá ndaa wói.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 8:21

Kɛ Jísu i ti kpɛ́lɛɛ ngóó yápotenga, i ɣɛ ti w̃a, “Ní njéeni ngaa ní ndéɣeaitii mbaa ngáá sítii taá Ngalá ndaa wói ỹɛ́ni, ti híya la.”

NJƆÚ 15:3

Wú ɣɛ́ kíli batɛngɔ́ɔ́ lé naá fó ngáá kalambongí sí ngí mbónga ngáá wú ye.

NJƆÚ 17:17

Lokolo ti wa, yí ti ɣɛ kíli batɛ́ í yéngengi hááw̃a tɔɔỹái w̃aa véle w̃a, í gééla wói lɔ́ ngáá tɔɔỹaá.

NJƆÚ 17:19

Aáva tiyá ti haáw̃a ngí bɔwɔ́ gulangá kɛlɛ́ma í yɛ ngáá ngí yénge í yɛ, kɛinɔɔ́ tiyá bɛ́lɛ tɔɔỹái w̃aa véle w̃a tí bɔ́wɔ gúla kɛlɛ́ma ti yénge í yɛ́.”

TI GƐ́Ɛ́ HAÍTII 10:33

Ná lɔ i kɛngɔ́ ngí keelá lɔ́vengɔ í vóma ngamá. Laáva i ɣɛa ngáá faa vánda ngáá yí váánga. Ni kpɛ́lɛɛ niỹá lɔ náá mbéinda Ngalá kákala ngáá ní wólilo sí kínɛi ma Ndemɔí Ngála ngí ndéngɔ í w̃á ngáá yí nde ni w̃a.”

TI GƐ́Ɛ́ HAÍTII 13:48

Ná sítii taa ngáá Júsua ti sí ỹɛ́nini, ti góóh̃unɛɛngɔ i ɣɛi lá. Ná vólu, tí wúfeni Ndemɔí Ngalá ndaa wói w̃a. Sítii pa Ngalá ngí ɣɛ́i lokoloní ti wa kúnafɔ lɛ́ɛ́h̃ui w̃aahɔ́lɔ fááw̃a, tí lái ngáá faí sítiini kɔwɔ́ato Jísu wa.

TI GƐ́Ɛ́ HAÍTII 16:14

Nyah̃ái nátii su ti ɣɛ́i taá wolílo, nyah̃ápo yiláá i ɣɛí na taa ɣɛ́ ma Lédiya. Laáva nyah̃ápoi sí i ɣɛi ngáá kula biỹa maa híya mɔ́ɔ. I gulaní taa walái ná h̃u taa tolí ngáá Tayatálɔ. Aáva i ɣɛi laní ngáá Ngala. Ndemɔí Ngalá i ki mái laawóni kɛinɔɔ́ í wolílo keela woí sí w̃a Pɔ́ɔ í ɣɛ́i áá nde.

TI GƐ́Ɛ́ HAÍTII 17:11

Bɛlíya yélaitii ndii í ɣɛ́i ti góó ya í lɔ́ve Tɛsalónika taa h̃u yélaitii mba, sífaa tɔ́ɔ́ wolílo Ngalá ndaa wói w̃a ngáá ndiihiká híka. Aáva tɔ́ɔ́ Ngala Kɔ́lɔi galá ngele fíli ɔ́ɔ́ wó kɛinɔɔ́ tí tɔ sí Pɔ́ɔ í ndéni kɛí tɔɔỹaá lɔ su.

TI GƐ́Ɛ́ HAÍTII 17:32

Ná tí faa ỹɛ́nini kɔwɔ́ato mbuyoɣe saa h̃úi wa, ti lɛ́ingaa ti ɣɛ́i taá ngɛ́lɛ gúla su. Kɛ́ ti lɛ́ingaa tí ndéni ma, ti ɣɛ́ ma, “Ni longɔ́ɔ́ le múl̃ɔ ní faa ỹɛ́ni kɔwɔ́ato faí sí wa.”

TI GƐ́Ɛ́ HAÍTII 2:41

Sítii pa tí lókoheini ngi gééla woí sí wu, ti ɣɛ́i ngáá nuu tásu sáángɔ ỹɔ́kɔ aáva tí ngúyai wóni ngáá ti ye, ti báha Ngala fɛ́li mbélaitii mba naa hɔwɔ́.

TI GƐ́Ɛ́ HAÍTII 8:14

Ná Ngalángi géélaitii ti ɣɛ́i Jɛlúsɛl̃ɛ, tí mɛniní ngáá kɛ Samááliya yélaitii tí lókoheinga Ngalá ndaa wói wu, ti Pítɛni ngaa Njɔú lɔ́veni ti yelé.

LÓÓMI 10:17

Nda ngɛ́i ɣɛ́ nuu fíli su ná ɛ́i ɣɛ́ nɛ́nɛ keela wói sí ỹɛ́nini kɔwɔ́ato Kílisitii wa aáva kɛ tí ndé p̃ɛ́ɛ́ nuu ɔ́ɔ́ ɣɛ́a mɛni.

KƆ́L̃E GƆ́LƆI HELE KÉLEI 3:18

A muỹɛ́i maa hái gúlangɔ ngáá kulaí ná í híɣenga mu gi maitii nda, nungáitii taá Ndemɔí Ngalá ngí háá w̃áánɛɛnɛngi tá lɔ mu h̃u aáva maá ɣɛ nɔ́ɔ maa ɣɛ́ ngáá kɛ kíli kélei kélei. Ndemɔí Ngalá lɛ́i í ngáá Hɛ́ɛ́ma Ỹínangi aá lɔ áá sí ɣɛ.

GALÉSIYA 4:14

Kɛ́ wáá ní háá baalɛí wa, kɛlaa maa wɔ́ɔ́ léle mba kíya bɛ́lɛ ní héébɛi í ɣɛ́i ngáá wú h̃úúbɛɛɣi fáá. Kɛ́ laá ɣéle p̃ɛ́ɛ́, wú lókoheini mbu kíya ngáá ɣɛ́ ngáá Ngalángi w̃áleka ɔɔ Jísu Kílisitii gítei.

KƆLƆ́SE 1:6

Keela wóo vándai áá kɛ́ ngáá háwu nungáá táá nɛ́ɛ́ma w̃ááhɔlɔ ngeleí sí wú kpɛ́lɛɛ, maa woo lɔ́ɔ́ híya hááli haali. Aá lɔɔ ɣɛ́ kíya nɔ́ɔ wɔ́lɔ í ɣɛ́i ná wú lííwaa ná h̃u hése wú Ngalángi háá bɔwɔí w̃áá woo ỹɛ́nini wú ɣɛ́ kɔlɔ́ kíya gíte í na.

HÍBULU 4:12

Ngalá kééla woí gulangɔ́ɔ́ lé ngáá ŋani ndɛɛh̃u í su aáva ngakpá tɔ́ su áá fáá ɣɛ́. Ngi hái gúlangɔɔ lé ngáá ngandíngɔɔ lé í lɔ́ve mbowá hɔ́kpɔ wa ndaí áá ɣɛ́ mba féle. Aa hombó í wála ndɛɛh̃úi lówah̃u taá nuu h̃úúyafuw̃angi. Aa wala nuu gáálɛitii su. Aa hómbo í nuu gísiyaitii nga kpɛ́kpɛ ɛ́ɣɛ nuu líívo fáitii taa ɣɛ́ nuu líí h̃u, í ngákɛ ngáá ná wɔ́lii tiyá lɔ́ pele w̃a ɔɔ taá péle w̃a.

HÍBULU 4:2

Sífaa, Ngala kééla woo vandaí i lengá mú w̃a kíya nɔ́ɔ í léni mu káwalani ma. Tí Ngala kééla woí ná ỹɛ́nini, kɛ́ taá gulaní h̃úúnuma su bɔw̃álale, taá ɣɛ́i laí la.

JIMISÍ 1:18

Ngalá kpútei tɔɔỹaá gééla woí w̃aa véle w̃a i mu wɔngá ngáá ndɛɛh̃ú gítei. I kɛní h̃íí ná sífaa i kpatɛ́i gí ma ngáá í kɛ. Aáva i ɣɛngɔ loí mu ɣɛ́ ngáá maifɔ́lɔ mbélaa ngi bátɛ wɔlingái kpɛ́lɛɛ ndííwaa.

PÍTƐ HESENDAA GƆLƆÍ 1:23

Ngalá kééla wói gúlangɔɔ lé ngáá ŋani ndɛɛh̃ú í su aáva aá lɔ na kúnafɔ fááw̃a. Ngalá kééla wói vá tɔ í kɛngɔ́ wú ndéngi w̃ááhɔlɔngɔ vólu. Lɛ́i vá í wú léngɔ, ɛi ha kúnafɔ kɛ́ aá lɔ́ ndɛɛh̃ú h̃ú kúnafɔ.

PÍTƐ HESENDAA GƆLƆÍ 1:25

kɛ́ Ndemɔí Ngalángi gééla woí lɔ́ na kúnafɔ.” Keela woí sí va mbaa ngáá keela woó vándai na ti ndéni wú w̃a.

PÍTƐ HESENDAA GƆLƆÍ 2:2

Kɛ kíya nɔ́ɔ nyíni bɔ́lendai vílingɔ áá ɣɛ la ndoulála nɛ́ŋɛ nɛŋɛngí lii vólu, ngimɔ́ɔ́ nɔ́ɔ kule í wu w̃a wú líí vílingɔ í ɣɛ́ la Ngalá kééla woí ỹɛ́nindai volú, ná lɔ áá kɛ wú h̃úú áá ba Ngala fái h̃u, wú ngumaawóngi w̃ááhɔlɔ.

PÍTƐ GƆ́LƆI HELE KÉLEI 3:2

Kɛ́ ndóngɔ gíte lé wú gísei faí sítiini ma Ngalángi hɛ́ɛ́ma láa háá le mbélai tí ndéni, ná vólu, wú ɣɛ́ wáá giséi sí w̃a Ndemɔí Jísu lɛ́i mɔ́ɔ í ngáá mu Wúmaawo Mɔ́i í ndéni, niỹɛ́i ni ngáá ngí gééla hiya mbélaitii ni vái ní ndéni wú w̃a.

NJƆÚ HESENDAA GƆLƆÍ 3:3

Nuí fíli kitomái sí áá ɣɛ́ mbɛ Jísu Kílisitii h̃u, maa w̃ɔ́i aa bɔwɔ́ h̃uuhóu w̃a, nguyangɔ́ í ɣɛ lá fó faa ỹɔí yaá kíya nɔ́ɔ Jísu Kílisitii í na faa ỹɔ́u fíli áá su.