TƐSALÓNIKA HESENDAA GƆLƆÍ 2:12 - Kɛ́lɛ Niinaí

¹² Ni ɣɛ́i naa wú lííwuulɛ, náá wú lííyapɔpɔ, náá nde wú w̃á ngáá wú lúva veléitii ɛ́ɣɛ wú gɛ́ɛ́ haítii tí Ngalá ndiivó lɛ́i í wú lólingɔ ngáá wú ɣɛ́ ngi w̃ásandai wu, wú ɣɛ́ múl̃ɔ ngi yákpa maanɛɛnɛɛ ngwalaí h̃u.

TƐSALÓNIKA HESENDAA GƆLƆÍ 2:12 Iomraidhean Croise

LÓÓMI 8:28

A mú súúwɔlɔ ngáá Ngalá tóko lɔ nɔ́ɔ fɔ́ faa lɛ́ingaa wa bɛ́kpɛ ti ngáá faa vánda a mu haáw̃a muỹɛ́i a mu longá la, muỹɛ́i i mú lolíngɔ ngáá sí ndóngɔ i ɣɛ́ mú kɛ́.

LÓÓMI 8:30

Ngalá pa i sítii tolínga náá í kpátɛnga gí má ngáá ti ɣɛ́ ngáá ngi H̃íỹɛndou Loí ɣɛ́ kíli, aáva áá ti yeɣé ngáá telembo mbélaa, ná vólu, í kɛ ngáá háwu tí ɣɛ́ ngi yákpa maanɛɛnɛɛngí h̃u.

KƆ́L̃E HESENDAA GƆLƆÍ 1:9

Ngalá tɔ ngáá tokola ma w̃ɔ́ɔ́ lɛ́i í lókolongɔ wú wá ngáá wú háá í ɣɛ́ su yíla wáá ngi H̃íỹɛndou Lói Jísu Kílisitii a mu Lemɔ́i.

KƆ́L̃E GƆ́LƆI HELE KÉLEI 4:6

Ngalangí sí í ndéni ngáá bɛ́lɛ folo hólongi í hólo kpindíí h̃u, láa lɔ nɔ́ɔ múl̃ɔ áá ndé ngáá maa hólo folongí í hólo ni liítii su, í vá ngáá kele ɣelé ní yɛ kɔwɔ́ato Ngalángi yákpa maanɛ́ɛ́nɛɛngɔi wa nuu áá tɔ Kílisitii h̃u.

GALÉSIYA 5:16

Faalɔ, nyá lɔ́ɔ nde wú w̃á ngáá bɛlɛ́ Hɛ́ɛ́ma Ỹínangi í ɣɛ́ áá wú wúto wú lɛ́ɛ́h̃ui h̃uuhíya kílii h̃u. Ná lɔ́ áá kɛ wɔ́i mɔ́ɔ hiya nɔ́ɔ ngáá faa ỹɔ́u fíli áá wú líívo.

Ɛ́FƐSƆ 4:1

Náá hááw̃a, nyɛ́i ngí ngáá pelésina bɔw̃álale nyáá lɔ́ɔ yénge Ndemɔí Jísu yɛ, nyáá lɔ́ɔ wú w̃áánɛɛnɛ ngáá wú gɛ́ɛ́ háitii ɛ́ɣɛ wú híya veléitii tí ɣɛ́ ngáá kíya Ngalá ndongɔ́ ti ɣɛ́ na ná h̃u í wú lólini.

Ɛ́FƐSƆ 5:2

Wú gɛ́ɛ́ háitii taa wú híya veléitii ndo ngí ɣɛ́ ti h̃u kíya nɔ́ɔ Kílisitii í lóngɔ ngáá mu ye, í lɛɛh̃úi gúlangɔ kɛ́lɛma mu haáw̃a ngáá saáɣa vanda Ngalángi ndaahóungɔ.

Ɛ́FƐSƆ 5:8

Wú ɣɛ́ngɔ hése wɔ́lɔ kpíndi h̃ú, kɛ́ wú báhangɔɔ lé náa Ndemɔí Jísu wa. Wáá mɔ́ɔ kpindi h̃ú. Wá lɔ náa kala kala ma. Faalɔ, wú híya gilíítii ti ɣɛ́ náa ngáá kíya sítii taa ɣɛ kala kala ma.

FÉLEPA 1:27

Faa fíli ɔ́ɔ́ bɔ́ɔ́ ɣɛ, a luva veléitii kɛ vaní kɛ kíya keela woó vándai kɔwɔ́ato Kílisitii wa í ndéngɔ ngáá ti ɣɛ́ na. Faalɔ, bele pá ngáá vá ngí wú héi heí ɔɔ ngɛ́i ɣɛ́ vaaní, ngi wú w̃áá woo ỹɛ́ni ngáá wá lɔ lóóni kpáŋ ngoo yílaa sú ɛ́ɣɛ kisiyá yílaa su aáva wáa lápi ngáá wú lángi í ɣɛ́ yíla kpé kɔwɔ́ato Ngalángi gééla woo vandaí wa.

KƆLƆ́SE 1:10

Ná ná áá ɣɛ́, wáá hómbo náa wú ɣɛ́ kíya Ndemɔí lóngɔ wú ɣɛ́ na, wúwaa sítii kɛ hɔ́wɔ fíli táá ndiilɛ́i. Wáá ɣɛ́ náa wáá faa vánda bih̃íw̃aa ɣɛ́ wú lɛ́ɛ́h̃uitii suuhíya kílii h̃u aáva wáá ɣɛ́ Ngalá kɔ́lɔ ngáá ele gíte waa ngáá laá ngáá pangɔ́.

KƆLƆ́SE 2:6

Ná wú lókoheinga Jísu Kílisitii wú ngáá wú Lémɔi, náá hááw̃a, a ɣɛ́ kíya Jísu Kílisitii í na wú báha kílii su mba.

TƐSALÓNIKA HESENDAA GƆLƆÍ 4:1

Mu mbála Yalá fɛ́li mbélai, sí náá í ngáá ngapúmaa haí, aá wáá ngáá tuva veléi sí áá Ngalá ndiilɛ́i ni wú gálamboni lá. Kɛ́ aáva p̃ɛ́ɛ́ maa lúva veleí lɔ́ nɔ́ɔ́ wúwaa híya la. Kɛ́ ná fíli su, niỹá lɔɔ́ wú w̃áánɛɛnɛ Ndemɔí Jísu laahéingi h̃u ngáá wú ndi ngu ma ngáá kɛndáá ngwala.

TƐSALÓNIKA HESENDAA GƆLƆÍ 4:12

Ná lɔ́ áá kɛ sítii taá lái ngáá Jísu Kílisitii taá ngufema hé wú yɛ́. Aáva wɔ́i mɔ́ɔ lokola nuu fíli má wú béɣema háá fíli fááw̃a.

TƐSALÓNIKA HESENDAA GƆLƆÍ 5:24

Laáva lɛ́i í wú lólingɔ, aá lɔ́ ngáá tókola ma w̃ɔ́ɔ, faalɔ, aá lɔɔ ná ɣɛ.

TƐSALÓNIKA GƆ́LƆI HELE KÉLEI 1:10

Ná áá ɣɛ́ fóloi ná w̃a Ndemɔí Jísu áá gúla ngelegóóh̃u í vá ngeleí sí wu, sítii kínɛi ti ngáá ngi vóngaitii taá ndaaw̃áálɛ. Ná wáá ngáá, sítii kínɛi ti langɔ lá taá ngúfema hé mbɛ. Wá bɛ́lɛ pá wáá ɣɛ́ ngáá nungái nátii tí tá bɔw̃álale, wú lánga ngáá keela wói ní ndéngɔ wú w̃a kɔwɔ́ato Jísu wa.

TÍMOTI GƆ́LƆI HELE KÉLEI 1:9

Ngalá ngí mu wúmaawongɔ, í mú lolí ngáá mu ɣɛ́ ngáá ngi vóngaa. Aa ná ɣɛ́ngɔ mu lúva velé vánda haaw̃a. Kɛ́ Ngalá ngí kpatɛí ngáá í sí ɣɛ́ kpɔwɔ́ bɔ́wɔ háá h̃uubatɛ su ɛ́ɣɛ sífaa, faa bɔwɔ́ngɔ aáva i faa bɔ́wɔi sí ɣɛ́ngɔ mu yɛ Jísu Kílisitii w̃áá véle w̃a p̃ɛ́ɛ́ ngetéyangi ɔ́ɔ́ bátɛ.

PÍTƐ HESENDAA GƆLƆÍ 2:9

Kɛ́ wá lɔ́ ngáá Ngalá tokoló mba yélaa wú ngáá ngi hááɣa gula mbélaa wáá yénge Ngalá mbɛ́ lɛ́i í ngáá Masa Ngwalái. Wú gálihangɔɔ lé Ngalá ma, Ngalángi ndá nungáá gíte gíte wáá ngáá wu ye. Wá lɔ ná ngáá wú ɣɛ wáá faa lé kɔwɔ́ato káámaa háitii mba Ngalá ngáá tí ɣɛ́ lɛ́i í wú w̃áálolinga wú gúla faa ỹɔ́u ɣɛ kpíndii h̃u, wú gúla kalá kála ma naa walá w̃aanɛ́ɛ́ngɔi.

PÍTƐ HESENDAA GƆLƆÍ 3:9

Wálaa faa ỹɔ́u h̃úúloo ngáá faa ỹɔ́u kɛlaa wɔ́ɔ́ ngɛɛlí súúloo ngáá ngɛɛlí. Kɛ́ aá ɣéle, nuí fíli áá ná ta ɣɛ ngáá wú ye, a hɛ́ɛ́ maa w̃ɔ́i yɛ. A ná ɣɛ bɔw̃álale sɛ́i lɔ Ngalá ngí wú gúúloni la ná í wú lólini ngáá ngi vóngaa.

PÍTƐ HESENDAA GƆLƆÍ 5:10

Kɛ́ Ngála lɛ́i faa bɔ́wɔ kpɛ́lɛɛ áá gúla ngeya í wú lólingɔ ngáá wú ɣɛ́ mbu ngi w̃ásandaa w̃aanɛɛnɛɛngí wu í na kúnafɔ, wú báha gilíí wa wáá Kílisitii. Maanɔw̃ɔ́i íwaa wó ngáá wú ye suu aá ɣɛ́ ma gooh̃á ngwala kɛ Ngalá pá aa kɛ náa ngáá háwu faa kpɛ́lɛɛ í ɣɛ́ vaní wú yɛ, ná wáá ngáá, wú lángɔ áa ɣɛ́ gíte lá kpáŋ kpáŋ, ná vólu, wú lóó gíli bátɛngɔ aa ɣɛ lá pele kpɛ́lɛɛ su ngi hái h̃u kɛɛlɛ́ ngɛ́i ɣɛ́ mba.

PÍTƐ GƆ́LƆI HELE KÉLEI 1:3

Ngalángi yákpangi i mu ɣɛ kíli batɛngá péle kpɛ́lɛɛ su ngáá a mu lɛɛh̃úi h̃uuhíya kíya kule í ma í ɣɛ́ na. Ná vá tɔɔ gúla laá Jísu Kílisitii wɔ́lɔndai h̃u ngáá ele gíte wáá ngáá laá a mu yɛ, lɛ́i í kɛ́a ngáá háwu ngi yákpa maanɛɛnɛɛngí ɛ́ɣɛ ngi lúva vele vandaí í fólonga a mu w̃a muỹa bɛ́lɛ ná í mu lolíngɔ.

NJƆÚ HESENDAA GƆLƆÍ 2:6

Ná á maá nde ngáá maá Ngála mu ɣɛ́a ngáá nuu yílaa, kɛ kule lɔ́ mu w̃a mú lɛ́ɛ́h̃ui h̃uuhíya kílii í ɣɛ́ ngáá kíya Jísu Kílisitii ndái í na.

NJƆÚ GƆ́LƆI HAWA KÉLEI 1:6

Ndongí yí su ngáá ti ye tí súúɣɛngɔ ngáá Ngala fɛ́li mbélaitii ti mbéinda. Bɔ́ kái tí wa tí ndí ngu ma ngáá ti Yála ngenge siyangí tí su kíya Ngalá ndóngɔ nɔ́ɔ yí kɛ ti yɛ.