TƐSALÓNIKA HESENDAA GƆLƆÍ 1:8 - Kɛ́lɛ Niinaí

⁸ Sífaa, wú híya velé vándai í kɛ́a ngáá háwu keela wói kɔwɔ́ato Ndemɔí Jísu wa áá gɛɛlɛngɔ́ nɔ́ɔ léi Mɛsedóniya ɛ́ɣɛ Akáya lataítii su, kɛ́ í híyanga hááli hááli ỹandá kpɛ́lɛɛ. Wú lángi wú su ngáá Ngalá maa woo i híyanga ndɔwɔlɔí h̃u kpɛ́lɛɛ, niỹá ɣéle p̃ɛ́ɛ́ nɛ́i mɔ́ɔ́ lo yɛpɛmá ti tá fíli ngéle kɔwɔ́ato wú lángi wa.

TƐSALÓNIKA HESENDAA GƆLƆÍ 1:8 Iomraidhean Croise

TI GƐ́Ɛ́ HAÍTII 18:12

Ná h̃úu vá Gáliyo í ɣɛ́i ngáá masangí Akáya lataí w̃ááh̃u, Júsuai tí woo ɣɛ́i su yíla tí laa lɛ́ Pɔ́ɔ wu, tí vaa lá kóóti h̃u.

LÓÓMI 1:8

Maifɔ́lɔ mbáá ngáá, ngáá sɛ́ɣɛɛ gula Ngalá ma wú hááw̃a Jísu Kílisitii w̃áá véle w̃a bɔw̃álale, wú w̃áá woo híyangɔɔ lé hááli hááli ỹandá kpɛ́lɛɛ ndɔwɔlɔ́i sí h̃u kɔwɔ́ato wú lángi wa wú sú ngáá Jísu Kílisitii.

LÓÓMI 15:26

Mu mbála Yalá fɛ́li mbélai sítii tí Mɛsedóniya ɛ́ɣɛ Akáya lataítii su, tí tóko bɔmba hengɔ́ ndííwole w̃ááh̃u Ngalángi vóngai sítii mbɛ tí Jɛlúsɛl̃ɛ ti ngáá nyaaní yélaa.

LÓÓMI 16:19

Kɛ́ aá lɔ́ ngáá ndíívo fáá ngáá nuu kpɛ́lɛɛ ti faa ỹɛ́ninga kɔwɔ́ato kolóngi wa wú su Ngalángi gééla woo vandái wu. Kɛ́ ná fíli sú, ngáá ɣɛ́ loí gíte wú ɣɛ́ sítii kɔ́lɔ ti ngáá faa vándaitii aáva wáálaa báha kpahá faa fíli mbá ti ngáá faa ỹɔ́u ỹɔ́ungaa.

KƆ́L̃E HESENDAA GƆLƆÍ 14:36

Baa aá lɔ wú gí ma ngáá Ngalángi gééla woí i gulangɔ́ wú yéle? Baa aá lɔ́ wú gí ma ngáá kɛ wá lɔ́ nɔ́ɔ í fólonga wú w̃a?

KƆ́L̃E GƆ́LƆI HELE KÉLEI 2:14

Kɛ́ sɛ́ɣɛɛ gulama í ɣɛ́ Ngalá mbɛ́ lɛ́i áá ni wúto í kɛ ngáá háwu ni ndái í ndó ma hɔ́wɔ fíli kɔwɔ́ato kpahaí wa ní su Kílisitii wa. Ngalá ngí naa gúlanga kɛ́lɛma ni yɛ ngáá ni Kílisitii w̃áá woo híya kíya nɔ́ɔ sɛ́ndi w̃aaku nɛ́ɛ́ nɛɛ ngáá híya ỹandá kpɛ́lɛɛ.

KƆ́L̃E GƆ́LƆI HELE KÉLEI 3:4

Niỹá lɔɔ sí le bɔw̃álale ni langɔ́ɔ́ lé ngáá Ngalá Kílisitii w̃áá véle w̃a.

KƆLƆ́SE 3:16

A bɛ́lɛ kalambongí sí kɔwɔ́ato Kílisitii wa í wú líi h̃uu laahé. Wááyaa ỹɔw̃ɔ́ ỹɔ́w̃ɔ galambo, wáá pele ɣɛ ngáá ỹɔw̃ɔ́ ỹɔ́w̃ɔ ngáá kele ɣelé péle kpɛ́lɛɛ. Waayaa Ngala ngúle gɛvɛlɛ kɛvɛlɛ sɔɔlɛ́, wáa sɛ́ɣɛɛ gula Ngalá ma liítii su.

TƐSALÓNIKA GƆ́LƆI HELE KÉLEI 1:4

Ná lɔ́ í kɛ́nga naa ɣɛ́a wú w̃aayónga téve Ngala fɛ́li mbélaa vekaítiini ma. Niỹá lɔ́ɔ yónga téve kɔwɔ́ato ndiibángi wá ɛ́ɣɛ ndángi wá wú su ngáá Ndemɔí Jísu, wáá ndi ngu ma kíya bɛ́lɛ nungáá táá faa bángi sí kpɛ́lɛɛ ndá wú w̃a ɛ́ɣɛ maanɔw̃ɔ́itii wúwaa ngéɣe.

TƐSALÓNIKA GƆ́LƆI HELE KÉLEI 3:1

Mu mbála Yalá fɛ́li mbélai, ngapúmaa haí waa náá ngáá sí, waayaa Ngala fɛ́li ni haáw̃a ngáá keela wói kɔwɔ́ato Ndemɔí Jísu wa í híya hiyá hááli ngáá maahulángɔ, aáva nungáá tí wúfe ma kíya nɔ́ɔ í ɣɛ́i wú ndái h̃u.

TÍMOTI HESENDAA GƆLƆÍ 2:8

Ngala fɛ́limaa fíli, ndóngɔɔ lé siỹɛngáá taayaa Ngala fɛ́li na tiyɛ́i ti gúlangɔ kɛ́lɛma Ngalá mbɛ. Aáva taá lóko lɛ ngeleya Ngala fɛ́lindaa h̃u ngáá ɛi ɣɛ́ ngáá ndiibandí ɔɔ ndaahasá w̃ááh̃u.

TÍMOTI GƆ́LƆI HELE KÉLEI 2:9

Keela wóo vándai sí ngáá nde, aa lɔ́ í kɛa máá áá nɔ́w̃ɔ, ngi njɔlɔwɔ ya kpindi vɛlɛ́i wu kíya nɔ́ɔ faa ỹɔ́u ɣɛ́ mɔ́ɔ wala. Kɛ́ Ngalá ngói aa njɔlɔwɔ yá kpindi vɛlɛ wu.

NJƆÚ GƆ́LƆI HAWA KÉLEI 1:12

Nungáitii kpɛ́lɛɛ taá ɣɛ́ taa yɛ́pɛ ngáá pángɔ kɔwɔ́ato Damítiyɔ wa, aáva kíya íwaa híya ngáá Ngala tɔ́ɔ́ỹaa veleí aá lɔ́ áá ngákɛ ngáá kɛ tɔɔỹaá lé. Niỹá bɛ́lɛ nɔ naá yɛ́pɛ ngáá pangɔ́ kɔwɔ́ato mba, wáá vá wú kɔ́lɔ nɔ́ɔ ngáá sí náa nde tɔɔỹaá le.

FAA YÁKƐ KƆ́LƆI 14:6

Kɛ ngí maléka véka lɔngá áa góvo ngeleí yá kélei. I ɣɛi áá kúnafɔ gééla woo vandaí lé nungáitii ma tí ngélei sí wú taá gúla híítii su bɛ́kpɛ tiyɛ́i taá híí woítii ndé bɛ́kpɛ ti gúlangɔ paatiitíí sú tí ndɔwɔlɔ́i kpɛ́lɛɛ sú.

FAA YÁKƐ KƆ́LƆI 22:17

Hɛ́ɛ́ma Ỹínangi ɛ́ɣɛ Nyáh̃a Wɔ́lingɔ Níínai kɛ ti Ndemɔí Jísu lolínga, ti ɣɛ́ ma, “Vá!” Nuí fíli áá fái sí ỹɛ́ni, aá bɛ́lɛ kule lɔ́ má í ɣɛ́ tá, “Vá!” Nuí fíli njɛ́ bɔ́le mɔ́ni áá ɣɛ́ ma, í vá í ndɛɛh̃u w̃ááhɔlɔ njɛ́i sí bɔ́le aáva ɛi sɔw̃ɔ he.