TƐSALÓNIKA HESENDAA GƆLƆÍ 1:7 - Kɛ́lɛ Niinaí

⁷ Wú híya véle lɔ náá ngáá tɔmaséi sítii faaw̃a ti lángɔ ngáá Jísu Kílisitii tí Mɛsedóniya lataí h̃u ɛ́ɣɛ Akáya lataí h̃u ngáá tiyá bɛ́lɛ ti ɣɛ́ taá ngí híí ɣɛ.

TƐSALÓNIKA HESENDAA GƆLƆÍ 1:7 Iomraidhean Croise

TI GƐ́Ɛ́ HAÍTII 1:13

Ná tí fóloni Jɛlúsɛl̃ɛ, tí lííni tí lɛ́ ngeleya pɛ́lɛi wu lómui ná h̃u ti ɣɛ́i na. Sítii ti ɣɛ́i lómui ná h̃u ti laahéingaitii ti ɣɛi ngáá, Pítɛ, Njɔú, Jimisí, Ándulu, Félepi, Tɔmɔsí, Batólomiyu, Máfiyu, Jimisí sí í ɣɛ́i ngáa Áfiyɔ h̃íỹɛndou loí, ɛ́ɣɛ Sáimɔ sí í ɣɛ́i ngáá nungái sítii ti tá ti ɣɛ́i loí tí tí lɔ́wɔlɔi wumááwo Lóómi gɔmɛtií yaá, ɛ́ɣɛ múl̃ɔ Júdɔi sí í ɣɛ́i ngáá Jimisí h̃íỹɛndou loí.

TI GƐ́Ɛ́ HAÍTII 16:12

Ná ni gúlani naa wa, ní liiní Félepa taa h̃u mbéi Lóómingai ti ɣɛ́i naa loní. Aáva laá lɔ í ɣɛ́i maifɔ́lɔ tíngi h̃u Mɛsedóniya lataí ná h̃u. Aáva ní foló lɛ́ingaa ɣɛ́ni na.

TI GƐ́Ɛ́ HAÍTII 18:1

Ná sí í gúlani su, Pɔ́ɔ i guláni Átɛ taa h̃u wá, í lí Kɔ́l̃e taí h̃u.

TI GƐ́Ɛ́ HAÍTII 18:12

Ná h̃úu vá Gáliyo í ɣɛ́i ngáá masangí Akáya lataí w̃ááh̃u, Júsuai tí woo ɣɛ́i su yíla tí laa lɛ́ Pɔ́ɔ wu, tí vaa lá kóóti h̃u.

TI GƐ́Ɛ́ HAÍTII 19:21

Ná sítii kpɛ́lɛɛ ti ɣɛ́i náa ɣɛní, Pɔ́ɔ i kpatɛní naá gi má ngáá í lɔ́ve kpóloo Mɛsedóniya lataí h̃u ɛ́ɣɛ Akáya lataí h̃u ngáá í lí Jɛlúsɛl̃ɛ. Kɛ i ndengá, i ɣɛ ta, “Ná náa ngáá ɣɛ́ ɣɛi folóni na, kɛ ngí lí Lóómi taa h̃u.”

LÓÓMI 15:26

Mu mbála Yalá fɛ́li mbélai sítii tí Mɛsedóniya ɛ́ɣɛ Akáya lataítii su, tí tóko bɔmba hengɔ́ ndííwole w̃ááh̃u Ngalángi vóngai sítii mbɛ tí Jɛlúsɛl̃ɛ ti ngáá nyaaní yélaa.

KƆ́L̃E GƆ́LƆI HELE KÉLEI 1:1

Nyɛ́i ngí ngáá Pɔ́ɔ, ngí ngáá Jísu Kílisitii géélai áá gúla Ngala ngí háá h̃uubatɛ su, nyá lɔ́ ngáá kɔlɔí sí vɔ́nɛ náa mú mbála Yalá fɛ́li mɔ́i Tímoti. Kɔlɔí sí lɔɔ vá wú yéle wɛ́i wú ngáá Ngala fɛ́li mbélaitii wú taí sí h̃u taá náá lolí ngáá Kɔ́l̃e í báha náá Ngalángi vóngaitii kpɛ́lɛɛ mbá tí Akáya lataí h̃u hááli hááli.

KƆ́L̃E GƆ́LƆI HELE KÉLEI 9:2

Ngí kɔ́lɔ ngáá aá lɔ ngáá wú lúw̃ama h̃ú háa ngáá wú kpɔmba wó aáva ngí wú w̃ááyonga tevénga Ngala fɛ́li mbélaitii ma tí Mɛsedóniya lataí h̃u. Ngí ndéngɔ tí w̃a ngáá, tiyɛ́i ti ngáá mu mbála Yalá fɛ́li mbélaitii Akáya lataí h̃u, tí w̃ááhei wónga hówonɔ ngáá ti kpɔ́mba wó. Faalɔ, kíya naa w̃ɔní í wú w̃á ngwala ngáá wú kpɔ́mbai sí wó, i kɛ́a ngáá háwu ti bih̃íw̃aa nduwúh̃u í lɛngá ngáá ti ye ngáá tí tóko bɔ́mbai sí ta wo.

TƐSALÓNIKA HESENDAA GƆLƆÍ 1:8

Sífaa, wú híya velé vándai í kɛ́a ngáá háwu keela wói kɔwɔ́ato Ndemɔí Jísu wa áá gɛɛlɛngɔ́ nɔ́ɔ léi Mɛsedóniya ɛ́ɣɛ Akáya lataítii su, kɛ́ í híyanga hááli hááli ỹandá kpɛ́lɛɛ. Wú lángi wú su ngáá Ngalá maa woo i híyanga ndɔwɔlɔí h̃u kpɛ́lɛɛ, niỹá ɣéle p̃ɛ́ɛ́ nɛ́i mɔ́ɔ́ lo yɛpɛmá ti tá fíli ngéle kɔwɔ́ato wú lángi wa.

TƐSALÓNIKA HESENDAA GƆLƆÍ 4:10

Aáva p̃ɛ́ɛ́ wú ndó ngááh̃u ɣɛ́a ngáá mu mbála Yalá fɛ́li mbélaitii kínɛi ti Mɛsedóniya lataí h̃u. Kɛ́ ná fíli su, mu mbála Yalá fɛ́li mbélai, niỹá lɔ́ɔ wú w̃áánɛɛnɛ ngáá wú ndí ngu ma ngáá kɛndáá ngwala.

TÍMOTI HESENDAA GƆLƆÍ 4:12

Yaá kɛ nuu fíli ɔ́ɔ́ yááh̃u víli í w̃ááh̃u ngáá sífaa nɔ́ɔ yí ngáá siỹɛndói lou, kɛ́ laá ɣéle, yí ɣɛ́ ngáá tɔmaséi ti haáw̃a í yɛ́pɛ gilí h̃u, í lúva velé h̃u, ndo su, ɛ́ɣɛ ndángi yí su ngáá Jísu Kílisitii ɛ́ɣɛ í w̃ááw̃uỹa kílii h̃u fó faa ỹɔ́i yaá.

TÁITƆ 2:7

Táitɔ, kɛ yá bɛ́lɛ nɔ í gɛ́ɛ́ haítii ɛ́ɣɛ í lúva veleítii tí ɣɛ́ pele w̃a faa kpɛ́lɛɛ su kɛinɔɔ́ yí ɣɛ́ ngáá tɔmaseí sítii faaw̃a yáá tí galámbo. Kalambongí wo ngáá tɔɔỹaá aáva i hɛ́mbɛ í ɣɛ́ su.

PÍTƐ HESENDAA GƆLƆÍ 5:3

Wálaa masandáá ɣɛ ti w̃ááh̃u, kɛ́ aá ɣéle, wú ɣɛ́ ngáá tɔmaseí ti hááw̃a ti hítɛ wú lúva veléi volú.