TƐSALÓNIKA HESENDAA GƆLƆÍ 1:5 - Kɛ́lɛ Niinaí

⁵ Naá vaangɔ́ wú yéle ngáá Ngala kééla wóo vandaí ni laa wóó h̃u nɔ́ɔ, kɛ́ ni Hɛ́ɛ́ma Ỹínangi yákpangi yaah̃ú ɣɛ́ngɔ bɛ́lɛ nɔ ngáá wú ye, aáva ní ngákɛngɔ ngáá wu ye kíya ni langɔ́ ngáá keela wói sí ni lúva velé h̃u ná h̃u ni ɣɛ́i wú lóów̃a. Aáva wú kɔ́lɔ ni ná ɣɛ́i nɔ́ɔ ngáá í ɣɛ́ ngáá kulasuunúma wú hááw̃a.

TƐSALÓNIKA HESENDAA GƆLƆÍ 1:5 Iomraidhean Croise

Keela woó vándai Máa í pɔ́nɛni kɔwɔ́ato Jísu Kílisitii wa MÁI 16:20

Jísu volú yélaitii pa tí liiní náa tí Ngalángi gééla woo vandaí le ỹanda kpɛ́lɛɛ kpɛ́lɛɛ. Ndemɔí Jísu va i bɔní ti wa ngáá sí í kɛ́ni ngáa háwu ti ɣɛ́i taa káámaa haítii kɛ, sí í ngakɛ́ni kpál̃au ngáá kɛ ti gééla woí lɔ ngáá tɔɔỹaá.]

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 1:1

Ngí há í w̃a yɛ́i yí ngáá Tiyɔ́felɔ! Nuu bíh̃iw̃aa tí yákpa ngáá tí kɔ́lɔ vɔ́nɛ kɔwɔ́ato faí sítii mba ti híyanga a mu liiwáá.

TI GƐ́Ɛ́ HAÍTII 11:21

Aáva Ndemɔí Ngalángi yákpangi i ɣɛi ti h̃u. Faalɔ, nuu bíh̃iw̃aa ti vóteni, tí la ngáá Ndemɔí Jísu.

TI GƐ́Ɛ́ HAÍTII 16:14

Nyah̃ái nátii su ti ɣɛ́i taá wolílo, nyah̃ápo yiláá i ɣɛí na taa ɣɛ́ ma Lédiya. Laáva nyah̃ápoi sí i ɣɛi ngáá kula biỹa maa híya mɔ́ɔ. I gulaní taa walái ná h̃u taa tolí ngáá Tayatálɔ. Aáva i ɣɛi laní ngáá Ngala. Ndemɔí Ngalá i ki mái laawóni kɛinɔɔ́ í wolílo keela woí sí w̃a Pɔ́ɔ í ɣɛ́i áá nde.

TI GƐ́Ɛ́ HAÍTII 2:33

Ngalá ngí séinga ngufema ỹándai kpéla ngi w̃ásandai h̃u. I Hɛ́ɛ́ma Ỹínangi w̃ááhɔlɔnga áá gúla Kɛɛɣɛí Ngalá ngéya. Hɛ́ɛ́ma Ỹínangi sí vá tɔ́ Ngalá ngí maagúúlo mbongɔ́. Ná vólu, sí naá wú waa mɛni náa nde ɛ́ɣɛ sí wúwaa naa lɔ náa kɛ, maa Hɛ́ɛ́ma Ỹínangi lɔ náá í ní volú.

LÓÓMI 1:16

Ngáá wúfema ngáá Ngalángi gééla woo vandaí bɔw̃álale, aá lɔ í ngáá Ngalángi yákpangi ngumaawóngi hááw̃a nuu fíli fááw̃a áá lá la. Maifɔ́lɔ mbélaitii í ɣɛ́ngɔ ná ti haáw̃a tiyá wáá ngáá Júsuaitii, náa vólu yélaitii mbaa ngáá sítii taa ngáá Júsua.

LÓÓMI 15:13

Nyá lɔ́ɔ́ Ngala fɛ́li ngáá Ngalá lɛ́i áá kɛ nuu gítomaa í ɣɛ́ na ngáá i kóóh̃unɛɛ wála yéi wú w̃a, wú lííheingɔ í ɣɛ́ la gíte ngwala ngáá sífaa wú lángɔ lá kɛinɔɔ́ Hɛ́ɛ́ma Ỹínangi yákpangi w̃áá véle w̃a kitomáá í ɣɛ́ wú wá gíte ngwala.

LÓÓMI 2:16

Keela wóo vándai sí ngíwaa nde aá lɔ́ɔ ngákɛ kpál̃au ngáá Ngalá tɔɔ vá kɛ́ma ngáá háwu Jísu Kílisitii í nuu kpɛ́lɛɛ kɔ́sɔ folói ná w̃a áá lí í to nuí fíli ngi ndá gí máá haítii mba.

KƆ́L̃E HESENDAA GƆLƆÍ 1:24

Kɛ́ sítii Ngala ngí ti lólingɔ ngáá ti ɣɛ́ ngáá ngi vóngaa, ti ɣɛ́i ngáá Júsua taa ɣɛi ngáá Júsua, Kílisitii lɔ́ áá Ngalángi yákpangi ɛ́ɣɛ ngi géle ɣélengi yakɛ́ kpál̃au.

KƆ́L̃E HESENDAA GƆLƆÍ 10:33

Wú híya veléi í ɣɛ́ nɔ́ɔ jɔ́ kɛ kíya ní ndái í na. Nyá lɔɔ́ yákpa ngáá ngí nuu kpɛ́lɛɛ ndííla faa kpɛ́lɛɛ sú ngáá kɛ. Ngáá gísiyama ngáá faa vánda bɔ́wɔ hááw̃a nɔ́ɔ. Kɛ́ nyá lɔɔ gísiya ngáá faa vánda nuu kpɛ́lɛɛ fááw̃a ngáá kɛinɔɔ́ tí ngumaawóngi w̃ááhɔlɔ.

KƆ́L̃E HESENDAA GƆLƆÍ 3:16

Wáá kɔlɔ́ ngáá kɛ wá lɔ ngáá Ngalángi hɛ́ɛ́ma vɛ́lɛ, aáva ngi Hɛ́ɛ́ma Ỹínangi lɔ wú vólu?

KƆ́L̃E HESENDAA GƆLƆÍ 3:6

Maa hái gulangɔ́ɔ́ lé nɔ́ɔ ngáá, sii híí ŋáni gáálɛ lɔ ngí síngɔ, Apólo íwaa njɛ vú ma, kɛ́ Ngalá tɔ í kɛngɔ́ í hálengɔ.

KƆ́L̃E HESENDAA GƆLƆÍ 4:20

Sí núi áá kɛ aá lɔ́ áá Ngalángi w̃ásandai yákɛ, kɛ́ aa nɔ́ɔ ngáá sí áá ɣɛ́ áá ndé.

KƆ́L̃E HESENDAA GƆLƆÍ 9:14

Ngimɔ́ɔ́ nɔ́ɔ jɔ́ maa hái í na, Ndemɔí Jísu í ndéngɔ ngáá sítii tíwaa Ngalángi gééla woí le, kulé lɔ́ ti w̃a ti ɣɛ́ taa beɣéma wɔ́lingaitii maahɔ́lɔ ná h̃u.

KƆ́L̃E GƆ́LƆI HELE KÉLEI 3:6

Ngalá tɔ í ngákpa fénga ni yaá ní ɣɛ́ ngáá ngenge mbélaa kɛ́lɛ niinaí háá h̃u. Kɛ́lɛ niinaí sí aa ngáá sava vɔ́nɛngɔ ngáá mɔɔ gólo mbú múl̃ɔ, kɛ́ aá lɔ́ ngáá sí Hɛ́ɛ́ma Ỹínangi áá mú wúto la. Ngala sáva vɔnɛngɔ́i va áá kɛ ngáá háwu nuu í sáá gítei w̃ááhɔlɔ kɛ́ Hɛ́ɛ́ma Ỹínangi aa ndɛɛh̃úu gítei he nuu yáa.

GALÉSIYA 2:2

Ngí lííni na bɔw̃álale Ngala ngí ngákɛi ngáá ngé ngáá ngí lí na. Ní wúmaa w̃áákpɔ hóuni naá máa Yála fɛli mbélai ti wutúwɔaitii, aáva keela woó vándai sí ngí ɣɛ́i ngáá ndé sítii ma taa ngáá Júsua ngí súúgulai ti w̃a. Sífaa ngáá ɣɛ́i loí ní Yála ngéngengi sí kínɛi ngí mbónga ɛ́ɣɛ sí ngáá va ndíma ngu ma ngáá mbondáá nga ngɔ́ɔ́ wálamba.

GALÉSIYA 5:5

Kɛ́ ni gitóngɔɔ lé Ngalá mbá ngáá í ni ɣɛ́ ngáá telembo mbélaa. Ná vá tɔ náa máá maalɛ́lɛ ngi H̃ɛ́ɛ́ma Ỹínangi yákpangi w̃áá véle w̃a ɛ́ɣɛ ni lángi ní sú ngáá Jísu Kílisitii.

Ɛ́FƐSƆ 2:10

Ngalá tɔ́ í mú bátɛngɔ kíya a mú na. I mu bátɛngɔ ngáá niina kpahaí wá mú su Jísu Kílisitii wa ngáá a mú ngenge pándai sítii mbo sí í suubátɛnga náa kílii ngáá a mú tí wo.

Ɛ́FƐSƆ 3:20

A mú Ngalá tɛ́ lɛ́i ngi yákpangi í mu h̃u áá hómbo í fáa bíh̃iw̃aa ɣɛ́ í lɔ́ve sí wá a maá mɔ́ɔ́ni faaw̃a ɛ́ɣɛ sí a maá gísiya la. A muỹɛ́i mu ngáá Ngala fɛ́li mbélaitii kpɛ́lɛɛ aáva mu báhangɔ Jísu Kílisitii wa, a maayáá Ngalá tɛ́ maá ngufema hé mbɛ́ hɔ́wɔ fíli kúnafɔ taá ngí ndá gúnafɔ. Amíína.

FÉLEPA 2:13

Sífaa Ngalá tɔ áa yénge ngáá wú ye, áá kɛ ngáá háwu áá ɣɛ́ ngáá wú líívo fáá ngáá wáa sítii kɛ áá nɛ́ɛ́ mbɛ.

FÉLEPA 4:9

Sí fíli wú naa wɔlínga ngéya ngáá kalambo ɔɔ sí wú maahɔ́lɔnga ngéya ɔɔ sí wú mɛningá ndá ɛ́ɣɛ sí wú tɔwá sú, a ti ɣɛ. Aáva Ngalá pa lɛ́i áá ndiiheí he nuu yɛ́ aa ɣɛ wú vólu.

KƆLƆ́SE 2:2

Nyá lɔ́ɔ́ yénge h̃íí na kɛinɔɔ́ wú kpɛ́lɛɛ ndiiwúúlɛngɔ í ɣɛ́ la ngwala ɛ́ɣɛ wú bɔ́su wú ló ngáa ỹɔw̃ɔ́ ỹɔ́w̃ɔ, ɛ́ɣɛ mɔ́ɔ́ wú nɛ́ɛ́mai sí w̃aahɔ́lɔ áá gúla faa yatɔ́mbandaa walái h̃u wú yɛ́. Ná ná áá ɣɛ́, wáá ɣɛ́ náá kɔlɔ́ sí kái kái í ngáá Ngalángi lɔ́ɔ́wu h̃u hái, ná wáá ngáá, Kílisitii laá búte.

TƐSALÓNIKA HESENDAA GƆLƆÍ 2:13

Ná vólu, niỹá lɔ́ nɔ́ɔ fɔ́ naá sɛ́ɣɛɛ gula Ngalá ma wú yɛ́ sífaa, ná wú Ngálangi gééla woí ỹɛ́nini ní ndéni wú w̃a, wáá ngéɣei ngáá nuu búsa bátɛ ngeyá háa, kɛ́ wú lókoheini mbu sífaa, aá lɔ́ ngáá Ngalá ndaa wóo, aáva aá lɔ́ ngáá tɔɔỹáá. Wɛ́i wú lángɔ la, aá lɔ náá wú líítii su, áá yénge ná.

TƐSALÓNIKA GƆ́LƆI HELE KÉLEI 2:14

Ngalá ngí wú lólingɔ ngáá wú ngumaawóngi w̃ááhɔlɔ keela wóó vándai w̃áá véle w̃a ní ndéngɔ wú w̃a. I wú lólingɔ kɛinɔɔ́ wú ɣɛ́ mu Lemɔ́i Jísu Kílisitii háá w̃aanɛɛnɛɛ ngwalaí sí h̃u.

TÍMOTI GƆ́LƆI HELE KÉLEI 2:10

Háwui náa haaw̃a, ngáá liilɔ́lɔ sítii kpɛ́lɛɛ ngá sítii faaw̃a ti ngáá Ngalángi vóngaitii kɛinɔɔ́ ti ngumaawóngi w̃ááhɔlɔ áá gula Jísu Kílisitii yaa, ná wáá ngáá, kúnafɔ lɛ́ɛ́h̃ui nuu áá ɣɛ su Ngalángi yákpa maanɛɛnɛɛngí h̃u.

TÍMOTI GƆ́LƆI HELE KÉLEI 2:8

Gisíya lɛ́ɛ ngáá Jísu Kílisitii, lɛ́i í ɣɛ́i ngáá Masangí Deevé lé kpámbi h̃uu w̃ɔ́i tá, Ngalá ngí mbuyoɣéni sái h̃u. Fái sítii pá tɔ ti ngáá keela wóo vándai ngíwaa nde.

HÍBULU 10:22

a mú lókola Ngalá ma, a mú lí kakála ngáá ndiiwóle. A maa ná ɣɛ́ sífaa, Jísu í mu gi mái ɣɛ́nga kpál̃au ngáá faa fíli aa mu wa, a mu w̃aaw̃úỹangɔɔ lé fó ngáá njɛ vanda.

HÍBULU 6:11

Ni liivó fái waa ngáá wú yílaa ngílaangi p̃ɛ́ɛ́ wú ndí ngú ma ngáá ngenge pándai sí wóndaa í ló su kpóloo ngakɛɛlɛmái í fólo ma. Sí vá í ngáá wú gítomai wú mááhɔlɔ.

PÍTƐ HESENDAA GƆLƆÍ 1:12

Ngalá pá ngí kɛí ngáá háwu ndaa háá lé mbélai tí ɣɛ́ kɔ́lɔ ngáá kɛ taá ɣɛi taá ndaa wói nátii nde ti bɔwɔ́ bɔ́wɔ gúlasuunuma hááw̃a, kɛ́ aá ɣéle, i ɣɛi na ngáá í ɣɛ́ ngáá kulasuunúma wú hááw̃a. Sítii pa ti ɣɛ́i taa Ngala kééla woo vandaí ná lé wú w̃a ti ɣɛ́i taá ndé wú w̃a Hɛ́ɛ́ma Ỹínangi yákpangi w̃áa véle w̃a lɛ́i í híɣeni ngelegóóh̃u. Aáva Ngala kééla woí ná malékaitii kele tɔ taá ɣɛ́ loí tí ɣɛ́ faa wɔ́lɔ kɔwɔ́ato mba ngáá pangɔ.

PÍTƐ HESENDAA GƆLƆÍ 1:3

A mu sɛ́ɣɛɛ gula Ngalá má lɛ́i í ngáá Ngalángi ɛ́ɣɛ Kɛɛɣɛí a mu Lemɔ́i Jísu Kílisitii hááw̃a. Sífaa, ngi yááh̃u w̃aaw̃aanú walaí i kɛ́a ngáá háwu í ndɛ́ɛ́h̃u níína he mu yɛ ngáá mbuyóɣei í mbóni ngáá Jísu Kílisitii sái h̃u. Aá lɔ́ í kɛ́a mu gítomaa í na kúnafɔ.

PÍTƐ HESENDAA GƆLƆÍ 5:3

Wálaa masandáá ɣɛ ti w̃ááh̃u, kɛ́ aá ɣéle, wú ɣɛ́ ngáá tɔmaseí ti hááw̃a ti hítɛ wú lúva veléi volú.

PÍTƐ GƆ́LƆI HELE KÉLEI 1:10

Faale, mu mbála Yalá fɛ́li mbélai, a yakpá gíte kɛ́ŋɛ ngáá tolíngi ɛ́ɣɛ tokolómbai Ngalá ngí mbónga ngáá wú ye, í wú ɣɛ́ ngáá ngi vóngaa, maa hái ya ngí ɣɛ́ gíte kpál̃au ngáá aa siɣemá ma. Ná wáá ná ɣɛ́, kúnafɔ wɔ́i mɔ́ɔ lokogúla Ngala fái h̃u.

PÍTƐ GƆ́LƆI HELE KÉLEI 1:19

Faale, aá ɣéle ni langɔ́ɔ́ lé naá p̃ɛ́ɛ́ ngwala ngáá keela woí Ngalá ndaa háá lé mbélaitii tí ndéni wɔ́lɔ. Aáva aa ɣɛ́ gíte pele w̃a ngwala ngáá ná wɔ́lii wáa wólilo maa gééla woí w̃a kíya nɔ́ɔ nuu áá hítɛ lámbo fo polú kpíndi h̃u. A ná ɣɛ́ í ló su kpóloo ngele niinái í wo, ná vólu, Jísu Kílisitii lɛ́i kulangɔ́ ngáá ngelesú lémuleɣai í hólo wú w̃a.