TƐSALÓNIKA HESENDAA GƆLƆÍ 1:3 - Kɛ́lɛ Niinaí

³ Ngalá lɛ́i í ngáá a mu Kɛ́ɛ́ɣɛ nápa ná naa ɣɛ́ naá fɛ́li, nɛ́i lééw̃a wú w̃a. Sífaa ní gí tɔ nɔɔ́ fɔ́ wú yéngengi h̃u áá gúla ndangí h̃u ɛ́ɣɛ ndongí wú su ngáá Ndemɔí Jísu Kílisitii, ná vólu, kíya wú gítongɔ mba kpáŋ kpáŋ.

TƐSALÓNIKA HESENDAA GƆLƆÍ 1:3 Iomraidhean Croise

NJƆÚ 14:15

Jísu i ndií ngu ma, i ɣɛ ta, “Ná gíte wáá ɣɛ loí ngáá ngé, kɛ wáá híya ngáá savaí sítii ngí ndangɔ́ wú yáá.

NJƆÚ 15:10

Ná wáá gólo ní hávaitii mbu, ngáá ndí ngú ma ngáá ndongí ngáá ɣɛ́ su ngáá wú ye kíya nɔ́ɔ ngí gólongɔ ní Kɛ́ɛ́ɣɛ hávaitii mbu, áá ndi ngu ma ngáá ndongí í su ngáá nge.

TI GƐ́Ɛ́ HAÍTII 10:31

Kɛ i ɣɛa má, ‘Kɔníliya, í Yála fɛli ngói taá í hémbɛ wɔlingáitii yáá fe nyaani yélaitii mbɛ, Ngalá ngí lókoheinga ti wu.

TI GƐ́Ɛ́ HAÍTII 3:19

Kɛ a volú yafé hɔ́ɔ́ wú háá ỹɔítii mba, wú vóte Ngalá mba kɛinɔɔ́ wú háá ỹɔítii ti wúya wú w̃á,

LÓÓMI 12:12

Kitomái í wú yáá ná í kɛ́ ngáá háwu wú góóh̃unɛɛngɔ í ɣɛ́ la. Wu lííbangɔ í ɣɛ́ la táingi fíli má faa báma áá vá wú w̃ááh̃u, ná vólu, wú ɣɛ́ nɔ́ɔ fɔ́ wáá Ngala fɛ́li hɔ́wɔ fíli.

LÓÓMI 15:13

Nyá lɔ́ɔ́ Ngala fɛ́li ngáá Ngalá lɛ́i áá kɛ nuu gítomaa í ɣɛ́ na ngáá i kóóh̃unɛɛ wála yéi wú w̃a, wú lííheingɔ í ɣɛ́ la gíte ngwala ngáá sífaa wú lángɔ lá kɛinɔɔ́ Hɛ́ɛ́ma Ỹínangi yákpangi w̃áá véle w̃a kitomáá í ɣɛ́ wú wá gíte ngwala.

LÓÓMI 15:4

Aáva faítii pɔ́nɛngɔɔ lé Ngala Kɔ́lɔi h̃u ngáá kɛinɔɔ́ maayáá kalambo mááhɔlɔ su áá mú liibá, Í mú liiwúúlɛ. Ná ná vá ngáá ɣɛ́, kitomáá aa ɣɛ mu wa.

LÓÓMI 16:26

kɛ́ ngápumai sí náá i gulaá kɛ́lɛma Ngala ndaa háá lé mbélai ti gɔlɔ vɔnɛngɔ́itii maa véle w̃a. Ngalá lɛ́i í na kúnafɔ i ndéi ngáá tɔɔỹái sí i lé nungáitii kpɛ́lɛɛ ma ti ndɔ́wɔlɔitii kpɛ́lɛɛ sú ngeleí sí wu ngáá kɛinɔɔ́ ti lá lá aáva ti gólo mbɛ.

LÓÓMI 16:6

Ngí há Mɛɛloí w̃a lɛ́i í yéngenga ngwala gíte wú hááw̃a.

LÓÓMI 2:7

Ngalá ngáá kúnafɔ lɛ́ɛ́h̃ui hé sítii ngeya taá lɛ́ɛ́h̃ui h̃uuhíya ngáá ndiilɔlɔ́ faa vánda ɣɛ́ndai h̃u, ti gitómai aa ɣɛ ngáá Ngalangí yákpa maanɛɛnɛɛ ngwalaí ɛ́ɣɛ ngi yɛ́lɛhei, ɛ́ɣɛ kúnafɔ lɛ́ɛ́h̃ui.

KƆ́L̃E HESENDAA GƆLƆÍ 13:13

Naa laa lówah̃u, faa sáángɔi sítii tɔ taa lo, ndangí ɛ́ɣɛ kitomái ɛ́ɣɛ ndóngi. Kɛ́ sí tɔvengɔ́i sítii kpɛ́lɛɛ mbá, aá wáá ngáá ndongí.

KƆ́L̃E HESENDAA GƆLƆÍ 15:58

Faalɔ, mu mbála Yalá fɛ́li mbélai, a ló kpáŋ! Waá kɛ faa fíli ɔ́ɔ́ wú híɣe vomá. A bɔwɔ́ gula kɛlɛ́ma hɔ́wɔ fíli Ndemɔí Jísu yengengí hááw̃a, bɔw̃álale wú kɔ́lɔ ngáá sí fíli wáá mbo Ndemɔí Jísu yengengí h̃u aa gbááma.

KƆ́L̃E GƆ́LƆI HELE KÉLEI 2:17

Naá ngáá kɛ kíya nuu bíh̃iw̃aa vékani tí na taá Ngalángi gééla woí léndai yeɣé nɔ́ɔ ngáá yawo ɣɛndáa. Kɛ́ Ngala kítei í ni lɔ́vengɔ ná hááw̃a, aá lɔ́ɔ ni yasɔ́bɛ kíya níwaa ngi gééla woí lé ngáá tɔɔỹaá véle Kílisitii yákpangi w̃áá véle w̃a.

GALÉSIYA 1:4

Jísu Kílisitii i lɛɛh̃úi gúlangɔ kɛ́lɛma mu háá ỹɔítii fááw̃a kɛinɔɔ́ í mú gúla nyaama yéteyangi sí yákpangi wu. Laáva sí vá tɔ a mu Yálangi lɛ́i múl̃ɔ í ngáá mu Kɛ́ɛ́ɣɛ í ɣɛ́i loí Jísu í kɛ.

GALÉSIYA 5:13

Kɛ́ wɛ́i wú ngáá mu mbála Yalá fɛ́li mbélai, Ngala ngí wú lólingɔ ngáá wú wúmaa í wó, kɛ́ wálaa lokola náa wú wúmaawongi w̃a ngáá sí fíli áá ɣɛ́ ngáá wú líívo fáa ỹɔ́itii wááyaa ti ɣɛ. Kɛ́ aá ɣéle, a yenge ỹɔw̃ɔ́ ỹɔ́w̃ɔ yɛ sífaa, wú lóngɔ ngáá ỹɔw̃ɔ́ ỹɔ́w̃ɔ.

GALÉSIYA 5:6

Ná nuu báhangɔ áá ɣɛ́ la Jísu Kílisitii wa, bele bɛ́lɛ í lɔ́vengɔ aa ɣɛ lá pɛ́lɛ vólu ɔɔ í lɔ́vengɔ ɛi ɣɛ lá pɛ́lɛ vólu, ná aa ngáá faa fíli kpósouŋ. Kɛ́ sí í ngáá faa bíkpingi laá wáa ngáá ndangí nuu áá ɣɛ́ sú ngáá Jísu Kílisitii. Ná vá tɔ áá kɛ ndongí áá ɣɛ nuu h̃u nuu vekáitii fááw̃a.

GALÉSIYA 6:9

Náá hááw̃a, a málaa bɔ́lɔ ngáá faa vánda ɣɛ́ndaa, sífaa ná a mɔ́i ɣɛ́ bɔ́lɔni, naa hɔwɔí lɔɔ va folóma ma a maá kúlasuunuma w̃aahɔ́lɔ su.

TƐSALÓNIKA HESENDAA GƆLƆÍ 3:6

Kɛ́ Tímoti vá i yangáimanga vólu ni yelé ngáá wú w̃áá woo vánda ná wáá ngáá, ndangí lɔ́ wú h̃u ɛ́ɣɛ ndongí. I ndengɔ́ ní w̃a ngáá ni gísiya lɔ nɔ́ɔ wú w̃á hɔ́wɔ fíli aáva wú lóngɔɔ lé gíte wú ni héi heí, kɛ kíya nɔ́ɔ ni longɔ́ niỹa bɛ́lɛ ni wú héi heí.

TƐSALÓNIKA GƆ́LƆI HELE KÉLEI 1:11

Ná lɔ́ í kɛ́nga hɔ́wɔ fíli naa ɣɛ́ náa Ngala fɛ́li wú hááw̃a ngáá Ngala ngí kɛ ngáá háwu wú gɛ́ɛ́ haítii ɛ́ɣɛ wú híya veléitii tí ɣɛ́ ngáá kíya Ngala ndóngɔ tí ɣɛ́ na. Niỹá lɔ́ɔ Ngala fɛ́li múl̃ɔ ngáá Ngalángi yákpangi i kɛ́ ngáá háwu sí kínɛi í wú gí ma ngáá faa vánda wú hómbo wú tí ɣɛ́. Í mɔ́ɔ kɛ ngáá háwu fái sítiini pa wúwaa ti ɣɛ wu lángi w̃áá véle w̃a, nátiini ngu ngí gúla.

TƐSALÓNIKA GƆ́LƆI HELE KÉLEI 1:3

Mu mbála Yalá fɛ́li mbélai, kule lɔ nɔ́ɔ ni w̃a ni ɣɛ́ fɔ́ naa sɛ́ɣɛɛ gula Ngalá má wú hááw̃a. Aá lɔ́ pele w̃a ngáá ni ná ɣɛ́ bɔw̃álale, ndangí í wú h̃u Ngalá fááw̃a suu lɔɔ ɣɛ́ nɔ́ɔ wɔ́ɔ́lɔ. Ndongí vá í wú yíla ngílangi fíli su nungáá vékaitii faaw̃a nga tɔ́ɔ ɣɛ́ nɔ́ɔ wɔ́ɔ́lɔ kélei.

TÍMOTI HESENDAA GƆLƆÍ 1:14

Faa bɔ́wɔi Ndemɔí Jísu í kɛ́i mbɛ́ suuwɔ́ɔ́lɔngɔɔ lé ngwala. Faa bɔ́wɔi sí vá tɔ í kɛngá ngáá háwu ngí lángɔ ngáá Jísu Kílisitii, ngí ló ngáá ní mbála Yalá fɛ́li mbélaitii. Ndangí ɛ́ɣɛ ndóngi sítii pa tɔ taa ɣɛ́ nuu fíli su kpahangɔ áá ɣɛ́ la Jísu Kílisitii wa.

TÍMOTI HESENDAA GƆLƆÍ 2:3

Sí vángɔɔ lé, aáva aa Ngalá ndíílɛi, lɛ́i í ngáá mu Wumááwo Mɔ́i.

HÍBULU 10:36

Kule lɔ́ wú w̃a wú líílɔlɔngɔ í ɣɛ́ la kɛinɔɔ́ wááyaa Ngalá fáitii kɛ́, aáva kuulóngai sítii pa Ngalá ngí mbóngɔ ngáá wú yé aa kɛ ngáá háwu ti hítɛ nga.

HÍBULU 11:17

Ndangí Lébilah̃au í ɣɛ́i su ngáá Ngalá, ná lɔ́ í kɛ́ni ná Ngala ngí suugɔvɔ́ni ngáá í ngi lóu yiláá kpéngi Áise gula ngáá saáɣa i ɣɛi náa áá va kulamá ngáá saáɣa kíya bɛ́lɛ Ngala ngí ɣɛ́i naa kúúlo mbóni lá kɔwɔ́ato Áise wa.

HÍBULU 4:11

Náá hááw̃a, a mú yákpa gíte kɛ́ŋɛ kɛinɔɔ́ mú tá fíli málaa faa ɣɛ́ ngáá áá kɛ ngáá háwu a mɔí ndɛ́ɛ́lɛmbongi ná w̃ááhɔlɔ kíya nɔ́ɔ mu káwalani taá lɛ́ɛ́lɛmboni sífaa, ti kólo lála gúlai ngáá Ngala.

HÍBULU 6:15

Aáva Lébilah̃au va i liilɔ́lɔni í naa w̃áálɛlɛ kuulóngi Ngala ngí mbói la í mááhɔlɔ.

PÍTƐ HESENDAA GƆLƆÍ 3:4

Kɛ́ laá ɣéle, wú vángi í ɣɛ́ ngáá kíya wú ná gíte wú líí h̃uu véle. Pangí sí kúnafɔ ngaah̃ú ɛ́i gúla mba, ná wáa ngáá, wú lúva veléi w̃aanɛ́ɛ́ngɔ í ɣɛ́ la, wú ɣɛ́ngɔ lúúỹaa. Ná lɔ́ Ngalá ngáá ngéɣe ngáá ngangímba háá.

NJƆÚ HESENDAA GƆLƆÍ 3:18

Wɛ́i wú ngáá ní léngaa Ngala fái h̃u, nyá lɔ́ɔ nde wú w̃á ngáá a mú lóngi ỹɔw̃ɔ́ ỹɔ́w̃ɔ hááw̃a álaa ɣɛ́ nɔ́ɔ a mu laa wóó h̃u. Kule lɔ́ mú w̃a mú ndó kítei sí yákɛ kpál̃au áá gúla a mu lúva velé h̃u.

NJƆÚ HESENDAA GƆLƆÍ 3:21

Mu mbála vandáitii, ná mu gi mái ɛ́i mu velé lála kɛ nduwá fíli ɛi ɣɛ mu h̃u Ngalá kákala.

NJƆÚ HESENDAA GƆLƆÍ 3:3

Nuí fíli kitomái sí áá ɣɛ́ mbɛ Jísu Kílisitii h̃u, maa w̃ɔ́i aa bɔwɔ́ h̃uuhóu w̃a, nguyangɔ́ í ɣɛ lá fó faa ỹɔí yaá kíya nɔ́ɔ Jísu Kílisitii í na faa ỹɔ́u fíli áá su.

NJƆÚ HESENDAA GƆLƆÍ 5:3

Mu lóngi Ngála fááw̃a aá waa ngáá kolói maa mbo ngi hávaitiini mbu. Ngi hávaitiini pa ti bangɔ́ wála laa le mu híya fááw̃a ngáá ti ye,

FAA YÁKƐ KƆ́LƆI 2:19

Ngí súúwɔlɔ sí kpɛ́lɛɛ wú kɛ́a. Ngí wú lóngi h̃úúwɔlɔ ɛ́ɣɛ tɔ́wɔbaɣai wú sú ngáá ngé taá wú yéngengi ɛ́ɣɛ mɔ́ɔ wú lííbangi. Ngí súúwɔlɔ ngáá kɛ sí wáá kɛ sí h̃úi tɔvengɔ́ɔ́ lé sí w̃á wú ɣɛ́ngɔ wáá kɛ hése.

FAA YÁKƐ KƆ́LƆI 3:10

Kolongí wú su ndáá wói wú a ndi ngu ma ngáá ndiilɔlɔ́, nyá lɔ́ɔ vá wú w̃ááh̃u bélema faa bámai sí yáa aá vá vááma nuu kpɛ́lɛɛ mááh̃u ngeleí sí wú suugɔ́vɔngi hááw̃a.