TƐSALÓNIKA HESENDAA GƆLƆÍ 1:10 - Kɛ́lɛ Niinaí

¹⁰ Tiyá lɔ́ɔ ndé múl̃ɔ ngáá kíya wúwaa ngi H̃íỹɛndou Loí Jísu w̃áálɛlɛ náa, lɛ́i Ngala ngí mbuyoɣéni sái h̃u, ngáá í gúla ngelegóóh̃u í va. Ngi H̃íỹɛndou Loí ná vá tɔ í mú wumááwongɔ faa bá mai yáa Ngalá ngáá vá ndáma nuu kpɛ́lɛɛ má ti háá ỹɔítii faaw̃a.

TƐSALÓNIKA HESENDAA GƆLƆÍ 1:10 Iomraidhean Croise

MÁFIYU 1:21

Aá lɔɔ́ vá siỹɛndóu lou lemá, aáva kɛ yí ndaahéi ngáá Jísu, bɔw̃álale, laá lɔ áá vá ngi vóngai ngumááwoma ti háá ỹɔítii ngeyá.”

MÁFIYU 16:27

Sífaa nuí síí w̃ɔ́i taa ɣɛ́ ma Nuu Búsa Goo H̃ú Loí aá lɔɔ vá vaamá taá ngi w̃álekaitii, aá lɔɔ vá ngi Kɛ́ɛ́ɣɛ yákpa maanɛɛnɛɛngí h̃u. Aáva aa nuí kpɛ́lɛɛ mááỹa fe ngáá ngilá ngíla kíya nuu í yénge tokoí áá ɣɛ́ na.

MÁFIYU 16:28

Ngí tɔɔỹái le wú w̃a, wú lɛ́ingaa wú lóóni mbéi, wɔ́i saa w̃ááhɔlɔ í ló su kpóloo wú Nuu Búsa Goo H̃ú Loí lɔ́ áá vá ngi w̃ásandai h̃u.”

MÁFIYU 3:7

Kɛ́ ná í Júsuai sítii taa ɣɛ́ ti w̃a Falósiai kpih̃íw̃aa lɔ́ni ɛ́ɣɛ Júsuai sítii taa ɣɛ́ ti w̃a Sájusiai táá vá ngelé nguyaí háaw̃a, kɛ i ɣɛa ti w̃a, “Wɛ́i wú ngáá kaaliá, ele lɔ í ɣɛ́ngɔ wú w̃a wáá hómbo wú w̃aavéla faa bámai wa Ngalá ngáá vá ndamá faa ỹɔ́u yélai ma?

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 2:25

Ná h̃úu vá, siỹɛndópo yiláá i ɣɛi Jɛlúsɛl̃ɛ taa h̃u, ndaahéingi í ɣɛ́i ngáá Símiyɔ. I ɣɛi ngáá nuú Ngalá ndúwamba í su, ná vólu, i ngáá telembo mɔ́ɔ. Aáva i ɣɛi áá naa w̃áálɛlɛ ngáá Ísulɔ yeláitii tí ngumaawóngi w̃aahɔ́lɔ ɔ́ɔ́ ɣɛ́a ha. Aáva Hɛ́ɛ́ma Ỹínangi í ɣɛi polú.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 3:7

Faŋa walá i ɣɛi áá lí Njɔú yéle ngáá í ngúyai wo ngáá ti ye. Kɛ́ i ɣɛi ti w̃a, “Wɛ́i wú ngáá kaaliá ɣɛ kíli, ele lɔ í ɣɛ́ngɔ wú w̃a wáá hómbo wú w̃áávela faa bámai wa Ngalá ngáá vá ndáma faa ỹɔ́u yélai ma?

TI GƐ́Ɛ́ HAÍTII 1:11

Kɛ siỹɛndópo félengɔi nátii tí tí w̃ɔ́ɔ́ninga, ti ɣɛ́ ti w̃a, “Wɛ́i wú ngáá siỹɛngɛ́i sítii wú gúlangɔ Galéli lataí h̃u, ndeé le wú lóóni mbéinda wúwaa wɔ́lɛ ngeleí yá? Jísu yilaá kpéngi sí í lɛ́ɛ́nga ngelegóóh̃u, ngimɔ́ɔ́ nɔ́ɔ áá vá yángaimama kɛ kíya nɔ́ɔ wú tɔ́ngɔ áá lɛ́ ngelegóóh̃u.”

TI GƐ́Ɛ́ HAÍTII 17:31

sífaa i táiŋ tevénga mba ngáá folói áá vá nuí kpɛ́lɛɛ kɔ́sɔma ngáá tɔɔỹaá vélei ngi lókolo mba w̃ɔ́i w̃aa véle w̃a. I faí sí yakɛ́a kpál̃au ngáá mbuyoɣéi í mbóni lá sái h̃u.”

TI GƐ́Ɛ́ HAÍTII 2:24

Kɛ́ Ngalá ngi mbuyoɣéni sái h̃u í ngumááwo nduwu ya fuulɛ́i yaá, bɔw̃álale aa ɣɛi ngáá solowo fáá ngáá sái yákpangi ɔ́ɔ́ bá ma.”

TI GƐ́Ɛ́ HAÍTII 2:32

Ngalá ngí Jísui sí wúyoɣenga saí h̃u aáva a mu kpɛ́lɛɛ a muỹá lɔ ngáá maahéélea.

TI GƐ́Ɛ́ HAÍTII 3:15

Wú ndɛɛh̃ú he mɔ́i vááni, kɛ́ Ngalá ngí mbuyoɣéni sái h̃u. Niỹá vá tɔ ni ngáá faí sí w̃aa héélea.

TI GƐ́Ɛ́ HAÍTII 3:21

Aáva kɛ í lo ngelegóóh̃u í ló su kpóloo maa gúi í gúla Ngalá ngeyá ngáá í ŋani kpɛ́lɛɛ kɛ́ kíli batɛ́ múl̃ɔ volú kíya nɔ́ɔ wɔ́lɔ í maa gúúlongi wóni ngi hɛ́ɛ́ma láá haa le mbeláitii maa véle w̃á.

TI GƐ́Ɛ́ HAÍTII 4:10

kɛ a ɣɛ́ hɔ́ɔ́ fái sí wɔ́lɔ wáá Ísulɔ yeláitii kpɛ́lɛɛ. Jísu Kílisitii lɛ́i í ngáá Násɔlɛ taí h̃uu w̃ɔ́i lɛ́i sí, wú kpákpani kulɔ́sii w̃a, í há ma, kɛ́ laáva Ngalá ngí mbuyoɣéni sái h̃u, ndaahéingi h̃úu lɔ́ siỹɛndópoi sí í lóóni wú gákala, í mbaló mááhɔlɔngɔ su kpésekele.

LÓÓMI 1:4

Kɛ́ Ngalángi ndá gákai w̃áá vélei w̃a, Jísu i gulangɔ́ Ngála ngéle sífaa, ngakɛngɔ́ɔ́ lé kpál̃au ngáá kɛ Jísu lɔ í ngáá Ngalángi H̃íỹɛndou Loí ngakpángɔ ngwála bɔw̃álale, i wuyoɣéni sái h̃u.

LÓÓMI 2:7

Ngalá ngáá kúnafɔ lɛ́ɛ́h̃ui hé sítii ngeya taá lɛ́ɛ́h̃ui h̃uuhíya ngáá ndiilɔlɔ́ faa vánda ɣɛ́ndai h̃u, ti gitómai aa ɣɛ ngáá Ngalangí yákpa maanɛɛnɛɛ ngwalaí ɛ́ɣɛ ngi yɛ́lɛhei, ɛ́ɣɛ kúnafɔ lɛ́ɛ́h̃ui.

LÓÓMI 4:25

Ngála ngí Jísu gúlani kɛ́lɛma ngáá kɛinɔɔ́ í há a mu háá ỹɔítii fááw̃a. Aáva i mbuyoɣéni sái h̃u ngáá kɛinɔɔ́ a mu ɣɛ́ ngáá telembo mbélaa laa Ngala ngaah̃ú.

LÓÓMI 8:34

Baa nuu fíli aa hómbo í ti waaléve ngáá taá véleni? Ná ɣéle ngɛi ɣɛ p̃ɛ́ɛ́. Aá ɣéle Jísu Kílisitii i haaní, Ngalá ngí mɔ́ɔ́ mbuyoɣé sái h̃u, aá vá tɔ́ náá héini ngufema ỹándai Ngalá kpela masandáá h̃u íwaa a mu w̃áánɛɛnɛ mbó.

KƆ́L̃E HESENDAA GƆLƆÍ 1:7

Náa hááw̃a, Ngalángi nɛ́ɛ́mai ta fíli álaa lɔ́ve wú w̃á ná wáá naa w̃áálɛlɛ gɛ́lɛ gɛlɛ ngáá Ndemɔí Jísu Kílisitii í vá vólu.

GALÉSIYA 3:13

Kílisitii i mu wúmaawongɔ peléngi yáa Ngala sávai í kɛ́ngɔ ngáá háwu í vúngɔ mu w̃a. I longɔ́ a mu lóów̃ai ngáá peléngi í vú ma, bɔw̃álale, sí pɔ́nɛngɔi Ngalá Kɔ́lɔi h̃u aá wáa ngáá sí, “Nuí fíli táa páa ngáá sɛlɛndái ngulúi w̃a, kɛ Ngalá péle tɔ́ mba.”

FÉLEPA 3:20

Kɛ́ a muỹá mu ndái, a muỹá lɔ ngáá ngelegóóh̃u yélaa aáva a muỹa lɔ́ɔ mu Wúmaawo Mɔ́i Ndemɔí Jísu Kílisitii w̃áálɛlɛ gɛ́lɛ gɛlɛ ngáá í híɣe ngelegóóh̃u,

KƆLƆ́SE 1:18

Kílisitii lɔ́ í ngáá Ngalá fɛ́li mbélai ti wungí. Ngalá fɛ́li mbélai pa tiyá lɔ́ Kílisitii wa kíya nɔ́ɔ nuu lúwui áá ɣɛ nuu w̃a. Aá va tɔ áá kɛ́ ngáá háwu Ngalá fɛ́li mbélai táa ɣɛ́ ndɛɛh̃u gítei h̃u. Aá vá tɔ́ í ngáá hésendaa w̃ɔí Ngala ngí mbuyoɣéni sái h̃u, kɛinɔɔ́ ngilaá kpé ngoo í ɣɛ́ nda ŋani kpɛ́lɛɛ mááh̃u.

TƐSALÓNIKA HESENDAA GƆLƆÍ 1:7

Wú híya véle lɔ náá ngáá tɔmaséi sítii faaw̃a ti lángɔ ngáá Jísu Kílisitii tí Mɛsedóniya lataí h̃u ɛ́ɣɛ Akáya lataí h̃u ngáá tiyá bɛ́lɛ ti ɣɛ́ taá ngí híí ɣɛ.

TƐSALÓNIKA HESENDAA GƆLƆÍ 2:16

Ti longɔ́ɔ́ lé tí ni betéve Ngalá kééla woí wa níwaa ndé sítii ma taa ngáá Júsua kɛinɔɔ́ nátii tɔ́ɔ ngúmaawongi w̃ááhɔlɔ. Faa ỹɔ́i híí kpɛ́lɛɛ tí vílaa ngáá kɛ ngu tevéngɔi wul̃a ngáá ná. Ngalangí háá bamaí i folóa náa ti wa.

TƐSALÓNIKA HESENDAA GƆLƆÍ 2:7

Ní ndái ɔ́ɔ́ ɣɛ́ tɔɔỹaá w̃a ná wɔ́lii nɔ́ɔ ni beɣéma wɔ́lingaitii fɛ́li wú w̃a bɔw̃álale niỹá lɔ ngáá Kílisitii géélaitii. Kɛ́ ní wú h̃úúhouni lɛ́ɣɛ lɛɣɛ ná h̃u ni ɣɛ́i wú lóów̃a kɛ kíya nɔ́ɔ ndoú njéi áá ngí léngaitii suuhóu ngáá pangɔ́.

TƐSALÓNIKA HESENDAA GƆLƆÍ 5:9

Bɔw̃álale, Ngála ngáá mú yéɣengɔ ngáá ngí vóngaa ngáá kɛinɔɔ́ ɔ́ɔ́ ngí háá bama lá mú w̃a mú háá ỹɔítii fááw̃a, kɛ́ aá ɣéle, i ná ɣɛ́ngɔ ngáá kɛinɔɔ́ a mú ngúmaawongi w̃ááhɔlɔ mu Lemɔ́i Jísu Kílisitii w̃áá véle w̃a.

TÍMOTI GƆ́LƆI HELE KÉLEI 4:1

Ngalá ɛ́ɣɛ Jísu Kílisitii lɛ́i áá vá sítii kɔsɔ́ma ti ndɛɛh̃ú h̃u ɛ́ɣɛ sítii ti háángɔ tiyá lɔ́ ti ngáá ní héélea kɔwɔ́ato ndaahíngi sítii mba ngáá mbo ngáá í ye. Jísu Kílisitii lɔɔ vá vaamá í ɣɛ́ ngáá ndɔwɔlɔ́ w̃ása ngwala, náá hááw̃a, nyá ngáá fái le í w̃a kpáŋ kpáŋ ngáá yí híya ngáá ti ye.

TÁITƆ 2:13

A maá ɣɛ́ maa sítii kɛ ná nɛ́nɛ múwaa kooh̃unɛ́ɛ́ hóloi sí w̃áálɛlɛ í ngáá mu gítomai. Ná wáá ngáá, fóloi sí mu Yála ngwalaí Jísu Kílisitii lɛ́i í ngáá mu Wumááwo Mɔ́i áá vá ngi yákpa maanɛɛnɛɛngí h̃u.

HÍBULU 10:27

Kɛ́ aá ɣéle, nduwái lɔ nɔ́ɔ́ náá áá ɣɛ mu h̃u kɔwɔ́ato sí wa áá vá ɣɛ́ma. Ná wáá ngáá, Ngalángi gɔ́sɔngi ɛ́ɣɛ ngɔmbu bandí bándii sí áá vá ɣɛ́ma áá nungái sítiini mɔ taa ló Ngalá ndáá wu.

HÍBULU 9:28

ngimɔ́ɔ́ nɔ́ɔ Kílisitii í bɔwɔ́ gúlani ngáá saáɣa naa héiw̃aa í ɣɛ́i yíla kpé ngáá kɛinɔɔ́ í nuu bíh̃iw̃aa ti háá ỹɔítii nguyá ti w̃a. Aá lɔɔ vá vaamá vólu múl̃ɔ kɛ́ sí h̃úi ɛi mɔɔ ɣɛ ngáá faa ỹɔ́u wúya fáá nuu w̃a, kɛ́ aá ɣéle, aá lɔɔ vá naá sí h̃úi ngáá í sítii ngumááwo tí yaah̃ú í túwɔ.

PÍTƐ HESENDAA GƆLƆÍ 1:21

Kílisitii vá tɔ í kɛ́ngɔ ngáá háwu wú lángɔ ngáá Ngalá. Ngalá tɔ í Kílisitii wuyoɣéngɔ sái h̃u í kɛ ngáá háwu ngufema wála i mbɛ. Faale, wu lángɔɔ lé ngáá Ngalá wú gítongɔ mba.

PÍTƐ HESENDAA GƆLƆÍ 1:3

A mu sɛ́ɣɛɛ gula Ngalá má lɛ́i í ngáá Ngalángi ɛ́ɣɛ Kɛɛɣɛí a mu Lemɔ́i Jísu Kílisitii hááw̃a. Sífaa, ngi yááh̃u w̃aaw̃aanú walaí i kɛ́a ngáá háwu í ndɛ́ɛ́h̃u níína he mu yɛ ngáá mbuyóɣei í mbóni ngáá Jísu Kílisitii sái h̃u. Aá lɔ́ í kɛ́a mu gítomaa í na kúnafɔ.

PÍTƐ HESENDAA GƆLƆÍ 2:21

Ngalá ngí wú lólingɔ ngáá wú w̃áánɔw̃ɔ h̃íí ná sífaa Kílisitii í w̃aanɔw̃ɔ́ngɔ wú hááw̃a. Aáva ngi w̃áánɔw̃ɔi ná ɣɛ kíli lɔ wáá ɣɛ́ wáá wɔ́lɛ mba wúwaa híya kɔwɔ́ vó njɛ́ ya.

PÍTƐ HESENDAA GƆLƆÍ 3:18

Sífaa, Kílisitii áá ɣɛi ngáá faa ỹɔ́u ɣɛ́ mɔ́ɔ́ kɛ́ i haaní faa ỹɔ́u ɣɛ́ mbélaitii faaw̃a. I haaní naa héiw̃aa i yíla kpé kɔwɔ́ato mu háá ỹɔítii mba. Aáva í ná ɣɛí ngáá kɛinɔɔ́ í mu lówah̃u í bátɛ maá Ngála. Tí paaní, kɛ́ Ngalángi Hɛ́ɛ́ma Ỹínangi kɛní ngáá háwu í vá mɔ́ɔ́ ndɛɛh̃ú h̃ú volú,

PÍTƐ GƆ́LƆI HELE KÉLEI 3:12

Faalɔ, ná wáá fóloi ná luwɔɔ́ béle Ngalángi íwaa vá nuu kpɛ́lɛɛ kɔ́sɔma ma, kɛ a kɛ ngáá hɛmbɛ́ wááyaa sí ɣɛ áá paalái h̃úúɣɛ lukpú vólu. Folói ná w̃a, ngɔmbuí aa ngeleí w̃ɔ, ngeleya kɔ́lingaitii pa ti yangíwu yɔ́ɔ́lɛɛ ngɔmbu bandí bándii h̃u.

PÍTƐ GƆ́LƆI HELE KÉLEI 3:14

Faale, mu mbála vandáitii, ná wá bɛ́lɛ wúwaa kuulóngi sí lúwɔɔ béle kɛ a yakpá ngáá taalí fíli ngáá faa ỹɔ́u gúlo ɣéle tɔ álaa ɣɛ́ wú w̃a faa fíli su ɛ́ɣɛ tɔmbema w̃áá fíli álaa ɣɛ wú wa Ngalá kákala. Kɛ́ wú ɣɛ ndiiheí h̃u wáá Ngála.

FAA YÁKƐ KƆ́LƆI 1:18

Nyáá le, nyɛ́i ngí ndɛɛh̃úi h̃u! Sáángɔ i ɣɛngɔ lá, kɛ́ nyá lɔ́ mɔ́ɔ ndɛɛh̃ú h̃ú kúnafɔ fááw̃a. Ngakpá tɔ́ ngéya saa w̃ááh̃u ɛ́ɣɛ saa yelái ti ỹándai.

FAA YÁKƐ KƆ́LƆI 1:7

A wolílo! Jísu Kílisitii lɔ́ɔ vá vááma njɛbilií ya. Nuu kpɛ́lɛɛ táa Jísu lɔ, í báha sítii kéle tɔ mba tí pááni. Aáva nuu kpɛ́lɛɛ taa wɔ́lɔ kɔwɔ́ato mba. Tɔɔỹaá h̃u ná lɔ́ɔ vá ɣɛ́ma. Amíína.