PÍTƐ HESENDAA GƆLƆÍ 5:8 - Kɛ́lɛ Niinaí

⁸ A w̃aah̃ú béle wú ɣɛ́ wáá wɔ́lɛ w̃a, wú wááhilima w̃ɔ́i Ngutuwɔ́ Ỹína Nyɔí aá lɔ nɔ́ɔ áá lɔ́ve tɔvé váá kíya njala í na, áá nuu wɔ́li ngáá í maa w̃ɔ́i ɣɛ kíli ỹaaní Ngala fái h̃u.

PÍTƐ HESENDAA GƆLƆÍ 5:8 Iomraidhean Croise

MÁFIYU 13:39

Ná vólu, kpaala la mɔ́i waahílima w̃ɔ́i í lííni í tufa gbáámangi híni wííti húwu vándai liiwáá, aá wáa Ngutuwɔ́ Ỹína Nyɔí. Wííti léve sɔ́wɔi vá mbaa ngáá, ngetéyangi sí yakɛ́ɛ́lɛmai. Wííti léve mbélaitii pa mbaa ngáá Ngalángi w̃álekaitii.

MÁFIYU 24:42

Faalɔ, wá bɛ́lɛ kɛ wáá w̃ááh̃u béle bɔw̃álale wáá kɔlɔ́ folói sí wú Lémɔi áá vá vááma ma.

MÁFIYU 25:41

Kɛ́ aa ɣɛ sítii ma tí kɔvɔ h̃u vélei, ‘Wɛ́i Ngalángi vélengi í wú wá, a hiɣe ngááh̃u wú lí kúnafɔ wɔ́mbui h̃u, sí kɛ kíli batɛngɔ́i Ngutuwɔ́ Ỹína Nyɔí haaw̃a taá polu yeláitii,

MÁFIYU 4:1

Kɛ Hɛ́ɛ́ma Ỹínangi i vaa í peleí ɣɛ́ ngáá Jísu, Jísu í lí ngaalaí h̃u kɛinɔɔ́ Ngutuwɔ́ Ỹína Nyɔí í suugɔvɔ́ ngáá í faa ỹɔ́u ɣɛ.

MÁFIYU 4:11

Ngutuwɔ́ Ỹína Nyɔí i betévei náa mba, kɛ Ngalángi w̃álekaitii tí váanga, tí kpɔ́mba hé Jísu yɛ.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 4:15

Nungáitii ti lɛ́ingaa ti gúlangɔɔ le ngáá hakpá súwui í gúlani péle gaalɛ́i w̃a. Ná nɔ́ɔ léi taá Ngála ndaa wói ỹɛ́ni, Setána aa va náa, í Ngála ndaa wói ná gúla ti gi má taa ɣɛ́ mɛniní.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 21:34

Jísu í mɔ́ɔ ɣɛ volú yélaitii ma, “A w̃aah̃ú belé kɛ́ ná láá le, wú gí máa háitii taá ɣɛ́ ngáá ndiivo kɛɛ́ ɛ́ɣɛ ngeleí sí wu w̃ɔ́ni mɔni fáitii. Aáva folói ná aa gɔɔla wú wá

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 21:36

A w̃aah̃ú belé hɔ́wɔ fíli aáva wú Ngala fɛ́li ngáá wú hómbo wú híya fái sítii su táá vá ɣɛ́ma, kɛinɔɔ́ wú hómbo wú ló nuí síí w̃ɔ́i taa ɣɛ́ ma Nuu Búsa Goo H̃ú Loí gakála.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 22:31

Kɛ Jísu i ɣɛa mɔ́ɔ Pítɛ w̃a, “Sáimɔ! Setána i wú h̃úúhɛlinga Ngalá ma ngáá í wú h̃úúgɔvɔ. Aá lɔ va wú h̃úúyafɛma kíya nɔ́ɔ taa wíítii yafɛ.

NJƆÚ 8:44

Wá lɔ wú kɛ́ɛ́ɣɛ ndá gákai w̃a lɛ́i í ngáá Ngutuwɔ́ Ỹína Nyɔí, laáva wú lóngɔɔ lé wú híya ngáá ndiivó fái. I séi tɔkula heimai, aa lɔ wɔ́lɔ kélei ngáá nuu váá mɔ́ɔ́. Aa loni tɔɔỹaá vele w̃a sífaa tɔɔỹaá fíli aa laá su. Ná áá ndɛí gɔ́ɔ́la kɛ i bɔwɔ́ híí woí kái káingi lénga sífaa aá lɔ ngáá ndɛɛ w̃ɔ́ɔ́, laá vá tɔ í ngáá kɛɛɣɛí ndɛí kpɛ́lɛɛ fááw̃a.

KƆ́L̃E GƆ́LƆI HELE KÉLEI 2:11

kɛinɔɔ́ Setána álaa ɣɛ́ mu w̃áá velé la, sífaa a mú ngi háá h̃uubatɛngítii kɔlɔ́.

Ɛ́FƐSƆ 4:27

Wálaa naa gúla kɛlɛ́ma Ngutuwɔ́ Ỹína Nyɔí yɛ́ ngáá ɔ́ɔ́ kɛ ngáá háwu wɔ́ɔ́ faa ỹɔ́u ɣɛ́.

Ɛ́FƐSƆ 6:11

Sí kpɛ́lɛɛ Ngalá ngíwaa fe wú yáa ngáá kɔɔ wɔ́ nyáákaitii, a w̃aahéi wo ngáá ti ye kɛinɔɔ́ wú hómbo wú ló ngáá pangɔ́ ngáá Ngutuwɔ́ Ỹína Nyɔí ɛi mɔɔ hombó wú w̃a ngáá ngi háá ỹɔi áá kpátɛ wú láá w̃á.

TÍMOTI HESENDAA GƆLƆÍ 2:15

Kɛ́ ná nyah̃ái áá ndí ngu ma ngáá ndangí áá ɣɛ́ sú ngáá Jísu Kílisitii, ná vólu, í ló ngáá ngi mbála Yalá fɛ́li mbélaitii, aáva tɔmbema w̃aa fíli ɛi ɣɛ́ mba, íwaa bɔ́wɔ h̃uuhóu w̃a, kɛ ngumáá áá wó ndou léndai w̃aa véle w̃a.

TÍMOTI HESENDAA GƆLƆÍ 2:9

Ngáá ɣɛ́ loí nyah̃áitii taayáá w̃aayíli nɔ́ɔ kulo. Tálaa ngufe tála gula yíli w̃a. Tálaa ɣɛ taá ngu gɛ́vɛlɛ kɛvɛlɛ kpatɛ́ wú mba kɛlaa tɔɔ́ ɣɛ́ taá góóli wɔlingaa yilí w̃a. Tálaa ɣɛ́ taá kula h̃ɔ́w̃ɔ bangɔ́ni ngilí w̃a.

TÍMOTI HESENDAA GƆLƆÍ 3:11

Ti ỹáh̃aitiini kele tɔ kɛ ngufema í ɣɛ́ ti gɛɛ háitii ma, tálaa ɣɛ́ ngáá ndɛɛ vɛlɛ́ mbá yélaa. Ti ɣɛ́ ngáá nungáá taá fáa yátɔ mba, ti ngáá tokolá ma yélaa fáá kpɛ́lɛɛ su taá kɛ.

TÍMOTI HESENDAA GƆLƆÍ 3:2

Ngala fɛ́li mbélai ti wutúwɔɔ w̃ɔ́ɔ́ fíli kule lɔ ma í ɣɛ́ ngáá nuu tɔmbema w̃áá ɛ́i ɣɛ́ mba faa fíli su. I ɣɛ́ ngáá nyah̃á yílaa mɔ́ɔ́ nɔ́ɔ. Í ɣɛ́ ngáá nuú ngáá áá faa yátɔ mbá, ná vólu, í ɣɛ́ ngáá nuu áá hómbo í h̃úúhou w̃a faa fíli su aáva ngufema í mbɛ faa fíli su. Ná vólu, í ɣɛ́ ngáá nuú áá lókohei sotángaa wu ngi vɛ́lɛ lowaí wu, i ɣɛ́ ngáá nuu ngáá áá hómbo i kalambo mbó.

TÍMOTI GƆ́LƆI HELE KÉLEI 4:17

Kɛ́ Ndemɔí Jísu i ɣɛi pólu aáva i kɔ́i ngáá ngakpá ngáá ngí hómbo ngí keela woó vándai le ngí ngúkula fó sítii ma taa ngáá Júsua. Aáva Ngalá ngí mááɣawoni naa saí yáa.

TÁITƆ 1:8

Kɛ́ laa ɣéle, í ɣɛ́ ngáá nuu áá lokohéi sotángaa wú ngi vɛ́lɛ lowaí wu ɛ́ɣɛ ndongɔ́ ngáá fáitii ti vangɔ áá ɣɛ́ la. Í ɣɛ́ ngáá nuu ngáá áá faa yátɔ mba. Sí fíli áá ɣɛ́ pele w̃á áá ɣɛ́a tí ɣɛ́ hɔ́wɔ fíli. Í ɣɛ́ ngáá nuu kulangɔ́ kɛ́lɛma Ngalá mbɛ ɛ́ɣɛ ndehé í ɣɛ́ bɔwɔ́ w̃á faa fíli sú.

TÁITƆ 2:12

Maa háá bɔ́wɔi sí vá aa ngakɛ́ ngáá mu ye ngáá mu bé fái sítii mba tɛ́i Ngalá ndiilɛí ɛ́ɣɛ faa ỹɔ́i sítii ti ngáá ngeleí sí wuulíívo kɛ́i. Ná vólu, aa ngakɛ́ ngáá mu ye kíya maá bɔ́wɔ h̃úúhou w̃a faa fíli su ngeleí sí wu ɛ́ɣɛ aa ngakɛ́ ngáá mú ye kíya mu lɛ́ɛ́h̃ui h̃uuhíya kílitii taa ɣɛ́ váni ti Ngalá ndiilɛ́i.

TÁITƆ 2:2

Siỹɛ kpákolongaitii kalá ngáá tí ɣɛ́ ngáá faa yátɔ mbélaa, ti gɛ́ɛ́ haítii ngufema í ɣɛ́ ti w̃a, ɛ́ɣɛ tí bɔ́wɔ h̃úuhou w̃a faa fíli sú. Nde tí w̃a ti lá gíte ngáá tɔɔỹaá gálambongi kpáŋ kpáŋ ɛ́ɣɛ ti lóngi í ɣɛ́ ngáá kite, ti líílɔlɔi í ndí ngu ma kúnafɔ.

TÁITƆ 2:4

kɛinɔɔ́ tí hómbo tí nyah̃á bélangaitii kalámbo ngáá tí ló ngáá tí h̃íỹɛngaitii ɛ́ɣɛ tí léngaitii.

TÁITƆ 2:6

Kule lɔ í w̃á ngáá yí siỹɛ ndákpangaitii ndiiwúúlɛ ngáá tiyá bɛ́lɛ tí bɔ́wɔ h̃úúhou w̃a faa fíli su.

JIMISÍ 4:7

Faalɔ, a bɔwɔ́ gula hɔ́ɔ kɛlɛ́ma Ngalá mbɛ, wú wópi wópi lo Ngutuwɔ́ Ỹína Nyɔí wa, aáva aa levé wú vólu.

PÍTƐ HESENDAA GƆLƆÍ 1:13

Náá hááw̃a, a héi gilí bátɛ ngáá wú gí maitii ti ɣɛ́ Ngala fáitii kɛ fááw̃a, wálaa lééw̃a, ná vólu, wú gítomai kpɛ́lɛɛ í ɣɛ́ nɔɔ́ náa Ngalángi háá bɔwɔí sí wa í ngeyá wú hááw̃a. Wá lɔɔ vá maahɔ́lɔma ngeyá ná h̃u Jísu Kílisitii íwaa vá yangáimama ngeleí sí wu.

PÍTƐ HESENDAA GƆLƆÍ 4:7

Ngetéyangi sí yakɛ́ɛ́lɛmai bɛ́ɛ́ngɔ lé náa mba. A bɔwɔ́ h̃úúhou w̃a faa kpɛ́lɛɛ su, ɛ́ɣɛ wú giséi w̃a, kɛinɔɔ́ wú hómbo wááyaa Ngala fɛ́li.

FAA YÁKƐ KƆ́LƆI 12:10

Kɛ ngí ngóó wála ỹɛ́ninga áa gúla ngelegóóh̃u, ngoí ná i ɣɛi ngáá sí, “Ngala ngí vóngaitii ngúmaawonga. I ngí lɔ́wɔlɔ w̃asandaí yákpangi yakɛ́nga. Ná vólu, ngí Lókolo Mbá W̃ɔ́i bɛ́lɛ i ngí yákpangi yakɛ́nga, bɔw̃álale, maah̃abéhe mɔí sí lɔ́ nɔ́ɔ í ɣɛ́ngɔ loí Ngalá kakála áa mu mbála Yála fɛ́li mbélaitii maah̃abéhe kpindí p̃ɛ́ɛ́ fólo p̃ɛ́ɛ́, tí kúlanga ngelegóóh̃u wa, tí njéi ngélei sí wu.

FAA YÁKƐ KƆ́LƆI 12:12

Faale, wɛ́i kínɛi wú ngelegóóh̃u, a gooh̃unɛ́ɛ́. Kɛ́ suu wála lɔ́ɔ vá ɣɛmá ỹɔ́u wú w̃á ngwála wɛ́i wú mbéi ngélei sí wú ɛ́ɣɛ njɛ́ wú, bɔw̃álale, Ngutuwɔ́ Ỹína Nyɔí i yeingá wú w̃a. I kɔ́lɔ ngáá kɛ ngi gúi h̃úu áá mɔ́ɔ gooh̃á, náá hááw̃a, ndiiyáw̃al̃angɔɔ lé ngwála.”

FAA YÁKƐ KƆ́LƆI 12:9

Kaali wálai sí, ná wáá ngáá wɔ́lɔ wɔlɔma gáálii sí lɛ́i taa mɔ́ɔ ɣɛ́ ma Ngutuwɔ́ Ỹína Nyɔí ɔɔ Setána, lɛ́i íwaa nungáitii kpɛ́lɛɛ ngákpolowa ngélei sí wu sí h̃ui, aá p̃ɛ́ɛ́ ɛ́ɣɛ ngí w̃álekaitii kpɛ́lɛɛ, tí tí gúlani ngelegóóh̃u wá tí tí yéi mbéi ngélei sí wu.

FAA YÁKƐ KƆ́LƆI 20:10

Ngutuwɔ́ Ỹína Nyɔí, lɛ́i í tí yakpólowani tí pílii ngɔmbuí sí ya ngɛ́i w̃ááku nyɔ́u ỹɔ́ungi áá w̃ɔ ngwála kíya fukú í na í sú mbéi tí ɣɛ́i naa ngakpa súwai ɛ́ɣɛ ndɛɛ yála ndaa háá lé mɔ́i vílii náá ná kílii. Naa lɔ́ taá maanɔ́w̃ɔ wálai yéɣe ná fólo ɛ́ɣɛ kpíndi kúnafɔ fááw̃a.

FAA YÁKƐ KƆ́LƆI 20:2

Í kaali wálai sí hóuni í ngáá wɔ́lɔ wɔ́lɔ ma gáálii lɛ́i taa ɣɛ́ ma Ngutuwɔ́ Ỹína Nyɔí ɔɔ Setána, i ngíli ngáá njɔlɔwɔ ngáá í ló ngíli h̃u fowó tásu ngiláá ndáá lówah̃u.