PÍTƐ HESENDAA GƆLƆÍ 5:4 - Kɛ́lɛ Niinaí

⁴ Kílisitii lɛ́i ngi háá gulangɔ́ ngáá mbaala w̃ááh̃u béle mbélaa ti wutúwɔɔ w̃ɔ́ɔ́ wala, ná áá ɣɛ yangáimai, aa maaỹa pandá wala he náá wú yáa lɛ́i kúnafɔ ngaah̃ú ɛ́i gúla mba.

PÍTƐ HESENDAA GƆLƆÍ 5:4 Iomraidhean Croise

NJƆÚ 10:11

Nyá lɔ ngí ngáá mbaala w̃ááh̃u belé mɔ́ɔ vandaí. Mbaala w̃ááh̃u belé mɔ́ɔ́ vandaí aa lɛɛh̃úi gúla kɛlɛ́ma mbaalaítii mbɛ.

KƆ́L̃E HESENDAA GƆLƆÍ 9:25

Sí fíli áá ɣɛ́ ngáá maaỹangi maaɣaalí ná h̃u, nuí yíla ngílangi fíli áá ɣɛ́ maa w̃ááɣaali ná wa, aa luw̃á ma ngáá faa fíli í lá ma í kɛ kíli bátɛ kɛinɔɔ́ í maa w̃ááỹangi ná w̃aahɔ́lɔ, kíya bɛ́lɛ maa w̃ááỹangi ná ɛ́i lɛ́mbi. Kɛ́ mu ndái sí múwaa maa yákpa mbo, ɛi ỹaaní kúnafɔ.

TÍMOTI GƆ́LƆI HELE KÉLEI 4:8

Ná hááw̃a, Ngala ngí ní w̃aaỹángi yandɔ́ɔ́lɔngɔ, ná wáá ngáá, maaỹángi nuu áá mááhɔlɔ telembo pólu véle h̃u. Ndemɔí Jísu lɛ́i i ngáá Telembo Kɔ́sɔ Mɔ́i, áá fé ngéya Ngala Kɔsɔ́ Foloí w̃a ɛ́ɣɛ sítii kpɛ́lɛɛ ti yaah̃ú áá ɣɛ tuwɔ aáva ti góóh̃unɛɛngɔ ngáá paalaí.

HÍBULU 13:20

Ngala ngí kɛ́a ngáá háwu a mu Lemɔ́i Jísu Kílisitii í yóóɣe sái h̃u. Jísui sí vá kulangɔ́ɔ́ lé ngáá mbaala w̃ááh̃u béle mɔ́ɔ́ yakpángɔ wála kɔwɔ́ato saáɣa haí wa í mbóni. Sái ná lɔ́ náa í kɛ́ngɔ ngáá háwu kɛ́lɛngi Ngala ngí ngéɣeni ti lówah̃u taá ngí vóngaitii í ndó ma. Bɛlɛ́ Ngalá lɛ́i áá ndiihéi gúla kɛ́lɛma í kɛ́ ngáá háwu wú ɣɛ́ kíli batɛ́ngɔ í ɣɛ́ la faa vánda híí kpɛ́lɛɛ kɛ́ fááw̃a ngáá kɛinɔɔ́ sí áá ɣɛ́ loí wú kɛ́ wú kɛ, aáva bɛ́lɛ Jísu Kílisitii w̃áá véle w̃a í mu ya ngengé kíya fíli áá ndiivó. Aáva maayáá Jísu Kílisitii lɛ máá wúfe ma kúnafɔ taá ngí ndá gúnafɔ! Amíína.

JIMISÍ 1:12

Nuí sí faa bá ngɔ́ɔ́ bɔ́ɔ́ maale ɛ́i lókogula Ngala fɛ́lindai h̃u, aa lɔ́ ngáá faa vánda maa w̃ɔ́i hááw̃a. Aá lɔ́ ngáá faa vánda faaw̃a bɔw̃álale ná áá ló ngi lííbangi h̃u í ló su maa háá bamaí í víla, Ngalá ngáá kúnafɔ lɛ́ɛ́h̃ui hé ngeyá, ndɛɛh̃úi sí í sítii kuulóngɔ lá ti longɔ́i ngáá laá Ngalá.

PÍTƐ HESENDAA GƆLƆÍ 1:4

Aáva náá haáw̃a, a muỹá lɔɔ kulasuunúma walaní tuwɔ́ɔ béle Ngalangí ngandɔ́ɔ́lɔnga a mu háaw̃a a muỹɛ́i mu ngáá ngi vóngaitii. Aá lɔ́ɔ ti yandɔ́ɔ́lɔ ngelegóóh̃u mbéinda tɛí ỹááni na, ngaah̃ú ɛ́i gula tí wa na, kɛlaa tɔ́ɔ lúúla.

PÍTƐ HESENDAA GƆLƆÍ 2:25

Wú ɣɛ́ngɔ náá káka péle wa kíya nɔ́ɔ mbaalaí áá ɣɛ́ na ndongɔ́ áá ɣɛ́ lá su. Kɛ́ Ngalá ngí mɔɔ vaá ngáá wú ye Jísu Kílisitii yéle lɛ́i í ngáá wú W̃ááh̃u Béle Mɔ́i.

PÍTƐ HESENDAA GƆLƆÍ 5:2

sí ngíwaa nde wú w̃a aá wáa ngáá sí, a ɣɛ́ wáá Ngala fɛ́li mbélaitii ti háá yeɣé ngáá loko félengɔ kíya nɔ́ɔ mbaala w̃ááh̃u béle mɔ́i áá mbaalaítii ti hái yeɣé. Ná wáá ngáá, sítii Ngalá ngáá ɣɛ kɛ́i ngáá háwu wáá ɣɛ́ ngáá ngutuwɔ́ yélaa ti hááw̃a. Laáva wú kɛ ndiiwolé w̃ááh̃u kíya Ngala ndóngɔ wú kɛ, kɛ́ wálaa kɛ́ kíya nɔ́ɔ taa ɣɛ́ wú bándangɔ nga ngáá wú kɛ. Wálaa ɣɛ́ wáá kɛ nɔ́ɔ ngáá wú ŋani hɔ́lɔ polú véle h̃u, Kɛ́ aá ɣéle, wú kɛ sífaa wú lóngɔ wú kɛ.

NJƆÚ HESENDAA GƆLƆÍ 3:2

Mu mbála vandáitii, a muỹá lɔ́ náá ngáá Ngalángi léngaa kɛ́ kíya máá vá ɣɛmá, nga ngáá nɛ́ɛ́ kpál̃au. Kɛ́ aáva a mú kɔ́lɔ ngáá ná Jísu Kílisitii áá vá a maá ɣɛ́ ngáá kɛ kíli bɔw̃álale a maá tɔ kíya gíte í na.

FAA YÁKƐ KƆ́LƆI 1:7

A wolílo! Jísu Kílisitii lɔ́ɔ vá vááma njɛbilií ya. Nuu kpɛ́lɛɛ táa Jísu lɔ, í báha sítii kéle tɔ mba tí pááni. Aáva nuu kpɛ́lɛɛ taa wɔ́lɔ kɔwɔ́ato mba. Tɔɔỹaá h̃u ná lɔ́ɔ vá ɣɛ́ma. Amíína.

FAA YÁKƐ KƆ́LƆI 2:10

Wálaa lúwa máanɔw̃ɔ fíli mbá wáá vá ngéɣema. A bɛlɛ́ ngí sí lé wú w̃a, Ngutuwɔ́ Ỹína Nyɔí lɔ́ɔ vá kɛ́ma ngáá háwu ti wú lɛ́ingaa víli kpindi vɛlɛ́ wú ngáá wú h̃úú í gɔ́vɔ, wáá ɣɛ́ maa bíndi vɛ́lɛi ná wú foló púúngɔ laa lówah̃u. A wáá vólu yáfe mbá, bele pá aa gula ngáá faa tá ngáá wú wú ngáá ló su, ngáá wú w̃ááỹaa fe ngáá kúnafɔ lɛ́ɛ́h̃ui.

FAA YÁKƐ KƆ́LƆI 3:11

Nyá lɔ́ɔ vá h̃úmbuwa, a ndi ngú ma ngáá wú lúva véle vándai sí wú kálanga kɛinɔ́ɔ nuu ɔ́ɔ́ wú wú ngapóte ngáá wɔ́ɔ́ wála wú w̃ááỹangi w̃a.