PÍTƐ HESENDAA GƆLƆÍ 5:2 - Kɛ́lɛ Niinaí

² sí ngíwaa nde wú w̃a aá wáa ngáá sí, a ɣɛ́ wáá Ngala fɛ́li mbélaitii ti háá yeɣé ngáá loko félengɔ kíya nɔ́ɔ mbaala w̃ááh̃u béle mɔ́i áá mbaalaítii ti hái yeɣé. Ná wáá ngáá, sítii Ngalá ngáá ɣɛ kɛ́i ngáá háwu wáá ɣɛ́ ngáá ngutuwɔ́ yélaa ti hááw̃a. Laáva wú kɛ ndiiwolé w̃ááh̃u kíya Ngala ndóngɔ wú kɛ, kɛ́ wálaa kɛ́ kíya nɔ́ɔ taa ɣɛ́ wú bándangɔ nga ngáá wú kɛ. Wálaa ɣɛ́ wáá kɛ nɔ́ɔ ngáá wú ŋani hɔ́lɔ polú véle h̃u, Kɛ́ aá ɣéle, wú kɛ sífaa wú lóngɔ wú kɛ.

PÍTƐ HESENDAA GƆLƆÍ 5:2 Iomraidhean Croise

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 12:32

Kɛ Jísu i ɣɛa ti w̃a, “Ní vóngaa, a waa lúwa, sífaa aá lɔ ngáá wú Kɛ́ɛ́ɣɛ Ngalá ndiivó fáá ngáá ngi w̃ásandai í ɣɛ́ wú w̃ááh̃u.

TI GƐ́Ɛ́ HAÍTII 20:29

Ngí kɔ́lɔ ngáá kɛ ná ngáá ɣɛ́ ɣɛi volú yáfeni, nungáitii ti ɣɛ kíli í ngáá hɔlɔ wɔlí hulángɔitii taá va wú lííwaa wɛ́i wú gulángɔ ngáá mbaala bɔ́ kɛ kíli aáva tɛi wú w̃ááhaalo.

TI GƐ́Ɛ́ HAÍTII 21:13

Kɛ Pɔ́ɔ i ni woo yápotenga, i ɣɛ ni w̃a, “Ndeé le wúwaa wɔ́lɔ, wáá ndiiỹaaní víli má? Aa nɔ́ɔ léi ngáá ngíli fááw̃a, kɛ́ mááhei wóngɔɔ lé sáá haá ɣéle tɔ ma Jɛlúsɛl̃ɛ Ndemɔí Jísu haaw̃a.”

LÓÓMI 1:15

Ná lɔ́ í kɛ́nga naa w̃ɔní í má ngwala ngáá ngí Ngalángi gééla woo vandaí lé wú w̃a wá bɛ́lɛ, wɛ́i wú Lóómi taa walái h̃u.

KƆ́L̃E HESENDAA GƆLƆÍ 9:7

Ele lɔ áá ɣɛ́ ngáá sóya w̃ɔɔ mbaa hái kpɛ́lɛɛ áá ɣɛ́ bɔ́wɔ wa? Ele lɔ áá ɣɛ́ ngáá sii hií ŋáni belé la mɔ́ɔ́ maa w̃ɔ́i ɛ́i ngámba súú ỹɛ? Ele lɔ áá ɣɛ́ ngáá toŋaní ló mɔ́ɔ́ kɛ́ ɛ́i maa gúlasuunuma ta w̃ááhɔlɔ?

TÍMOTI HESENDAA GƆLƆÍ 3:3

Ngala fɛ́li mbélai ti wutúwɔɔ w̃ɔ́ɔ́ álaa ɣɛ́ ndɔɔ hoú h̃u, ɔɔ ɔ́ɔ́ ɣɛ́ ngáá ndapi gúla mɔ́ɔ́. Kɛ́ laá géle, í ɣɛ́ ngáá nuu kɛngɔ́ áá ɣɛ́ la lúúỹaa. Álaa ɣɛ́ ngáá ndaahasá w̃ɔ́ɔ. Álaa ɣɛ́ ngáá nuú naholó háá vílingɔ ɔ́ɔ́ ɣɛ́ lá ndii vólu.

TÍMOTI HESENDAA GƆLƆÍ 3:8

Ngala fɛ́li mbélai ti bɔ́mba yélaitii bɛ́lɛ kɛ ngufema í ɣɛ́ ti gɛɛ háitii ma. Ti vɔɔnángɔ í ɣɛ la, ná vólu, tálaa ɣɛ́ ngáá ndɔɔ bɔ́le mbélaa walá aáva naholó háá vílingɔ álaa ɣɛ́ la ti lii vólu.

TÁITƆ 1:11

Kule lɔ í w̃á yí ti betéve nátii mba, bɔw̃álale tiyá lɔ́ɔ́ nde kpambíaitii ngú ngapóte ngáá kalambongí sí kule áá tí w̃a tɔɔ́ mbó. Tiyá lɔ́ɔ ngufe tála galambongí sítii mbo nɔ́ɔ naholó hɔ́lɔ fááw̃a.

TÁITƆ 1:7

Ngala fɛ́li mbélai ti wutúwɔɔ w̃ɔ́ɔ fíli aá lɔ́ ngáá Ngalá ngénge mɔ́ɔ. Faalɔ, tɔmbema w̃áá fíli álaa ɣɛ́ maa w̃ɔi wa. Maa w̃ɔ́i álaa ɣɛ ngáá suuwɔɔlɔ́ w̃ɔ́ɔ́ ɛ́ɣɛ ndiibándi bándi w̃ɔ́ɔ́, kɛlaa ɔ́ɔ́ ɣɛ́ ngáá nuu áá ɣɛ́ ndɔɔ hou h̃u ɔɔ, ɔ́ɔ́ ɣɛ́ ngáá ndapí gúla mɔ́ɔ́. Álaa ɣɛ́ ngáá kahá w̃ɔ́ɔ́ yawo wɔndaa híí fíli su.

TÁITƆ 2:14

I lɛɛh̃úi gúlangɔ kɛ́lɛma mu haáw̃a ngáá í mu w̃ááɣawo faa ỹɔ́itii kpɛ́lɛɛ ngéya ɛ́ɣɛ í mú háá ỹɔítii ngúya mu w̃a fó, mu ɣɛ́ ngáá nungáá taá ɣɛ́ faaw̃a nɔ́ɔ ɛ́ɣɛ mu ɣɛ́ kíli batɛ́ngɔ í ɣɛ́ lá faa vánda ɣɛ́ fááw̃a.

TÁITƆ 3:1

Nde í mbála Yalá fɛ́li mbélaitii ma múl̃ɔ tí bɔ́wɔ gula kɛlɛ́ma ɛ́ɣɛ tí ngúfema hé sítii kpɛ́lɛɛ mbɛ tí ngakpá sú. Tí gólongɔ í ɣɛ́ lá ɛ́ɣɛ tí héi gilí bátɛngɔ í ɣɛ́ la kpɔmba hááw̃a faa kpɛ́lɛɛ sú.

FELÉMO 1:14

Kɛ́ aáva ngɛ́i ɣɛ́ loí ngí í bánda ngá ngáá yí faa ɣɛ́ mbɛ́, kɛ́ aá ɣéle, ngáá ɣɛ loí yí nda gi sú yá gíte yí faa ɣɛ́ mbɛ́, faale, ngɛ́i ɣɛ́ loí ngɔ́ɔ́ kɛ́ ngáá ngakpa fáa kɛ yá gíte yí lúw̃a ma.

HÍBULU 12:15

A ndama ngáá kɛinɔɔ́ nuu fíli álaa vólu yáfe Ngalangí háá bɔwɔí wa. A w̃aah̃ú béle ngáá nuu fíli ndíí álaa ỹááni ɔ́ɔ́ nungáá wú ngapóte. Nuu lááli ná aa nungáá bih̃íw̃aa ɣɛ́ kíli ỹaaní.

PÍTƐ GƆ́LƆI HELE KÉLEI 2:3

Maa lɛɛ gálambo mbo mbelaí sítiini ŋani w̃áálii vílingɔ aa ɣɛ́ lá ngwala ti lii vólu, faale, taá ndɛɛ háá bíh̃i bih̃i sei heínga ngáá kɛinɔɔ́ ti ɣɛ́ taá ŋani w̃ááhɔlɔ su wú yáá. Aáva kaví te náá ti ndá gɔ́sɔngi sí wáálevengɔ ngáá taá vélei ɛ́ɣɛ kɛ kíli ỹaaní íwaa vá wóma ngáá ti ye, aa siɣemá ma.