PÍTƐ HESENDAA GƆLƆÍ 5:12 - Kɛ́lɛ Niinaí

¹² Siỹɛndópoi sí taa ɣɛ́ ma Sáilɔ, lɛ́i í ngáá mu mbála Yalá fɛ́li mɔ́i ta tɔwɔ́baɣangɔ, i bɔngɔ́ mbá kɔlɔ lukpúi sí vɔ́nɛ fái h̃u wú yéle. Ngí pɔnɛngɔ́ ngáá kɛinɔɔ́ nduwúh̃u í lɛ́ ngáá wú ye Ngala fɛ́li fái h̃u, ná vólu, kɛinɔɔ́ ngí faa lé gíte ngáá kɛ Ngalángi háá bɔwɔ́i kái kái tɔ ngáá sí a mú su. Faale, a ɣɛ́ su gíte wú lííbangɔ í ɣɛ́ la su kpáŋ.

PÍTƐ HESENDAA GƆLƆÍ 5:12 Iomraidhean Croise

NJƆÚ 21:21

Laá lɔ ná Pítɛ í wɔ́lɛi vólu í tɔní, í mɔɔningí wóni ngáá Jísu, i ɣɛ ta, “Kɛɛɣɛ́, siỹɛndópoi sí va?”

TI GƐ́Ɛ́ HAÍTII 11:23

Ná í foloní na, í tɔní kíya Ngalá ngi ɣɛ́i áa bɔ́ ti wa ngwala, i kooh̃unɛ́ɛ́ni, aáva i nduwúh̃ulɛi ngáá ti kpɛ́lɛɛ ngáá ti lo Ndemɔí Jísu ndá gákai w̃a tɔɔỹái h̃u ngáá ti liítii kpɛ́lɛɛ.

TI GƐ́Ɛ́ HAÍTII 15:22

Faalɔ, Ngalángi géélaitii ɛ́ɣɛ kele ɣelé mbélaitii Ngala fɛ́li mbélaitii fááw̃a, í báha náá Ngala fɛ́li mbélai sítii kpɛ́lɛɛ mbá ti ɣɛ́i Jɛlúsɛl̃ɛ, tí faa h̃uubatɛ́ mbóni ngáá tí lókolo nungáá wa bɔwɔ́ h̃u, tí tí lɔ́ve Átiyɔ taa h̃u taá Pɔ́ɔni ngaa Bánaba. Tí lókoloni Júdɔ wa lɛ́i taa ɣɛ ma Basába, ti mɔ́ɔ lokolo Sáilɔ wa aáva ti félengɔi sí ti ɣɛ́i ngáá ngutuwɔ́ yélaa Ngalá fɛ́li mbélaitii su.

TI GƐ́Ɛ́ HAÍTII 20:24

Kɛ́ ngáá lɛɛh̃úi yeɣéngɔ ngáá ŋani fíli bɔwɔ́ yaa. Sí nɔ́ɔ léi kpéɣengɔ ma, aá waa ngáá ngí ngengengí sí wu kúla Ndemɔí Jísu í fengá ngéya. Maa yéngengi waa keela woó vándai léndai kɔwɔ́ato Ngalángi háá bɔwɔí wa.”

LÓÓMI 5:2

Jísu Kílisitii i kɛa ngáá háwu Ngalangí háá bɔwɔí í fólo mú w̃a ndangí w̃áá véle w̃a a mú su la lɛ́i náa a máá lɛ́ɛ́h̃ui h̃uuhíya su. Ná ná áá ɣɛ́, a maá góóh̃unɛɛ kitomái hááw̃a í mú yaá ngáá a muỹá lɔɔ vá ɣɛ́ma Ngalángi yákpa maanɛɛnɛɛngí h̃u.

KƆ́L̃E HESENDAA GƆLƆÍ 15:1

Mu mbála Yalá fɛ́li mbélai, ndóngɔɔ lé náa ngí wú gísitɛ Ngalángi gééla woo vandaí wa ngí ndéngɔ wú w̃á, lɛ́i wú lókoheinga mbu aáva wú lángi í su ngwala.

KƆ́L̃E GƆ́LƆI HELE KÉLEI 1:19

sífaa Ngalángi H̃íỹɛndou Loí Jísu Kílisitii lɛ́i Sáilɔ ɛ́ɣɛ Tímoti kpahangɔ́ náa mbá ní kééla woó vánda lengɔ́ wú w̃á kɔwɔ́ato mba, ngi hái lɔ kɔ́wɔ yílaa ngá. Jísu Kílisitii lɔ́ í ngáá Ngalángi gúúlongi hítɛngɔi nga,

KƆ́L̃E GƆ́LƆI HELE KÉLEI 1:24

Naa loí nɔ́ɔ kpa wú w̃a ngáá kule ngáá sí kule í wú w̃á wú la la. Kɛ́ laá ɣéle, niỹá lɔɔ yénge a maa wúyeni ngáá kɛinɔɔ́ wú ɣɛ́ kooh̃unɛɛ h̃u, sífaa wú h̃úubangɔɔ lé náa sí h̃u wú lángɔ la.

Ɛ́FƐSƆ 3:3

Sí í ɣɛ́ngɔ ngáá Ngalángi lɔ́ɔ́wu h̃u hái nuu fíli áá ɣɛ́ngɔ faa wɔ́lɔ mba Ngalá ngí kɛngɔ́ ngáá ngé kɛ kíya nɔ́ɔ ngí faa gúlo lénga kɔwɔ́ato mba kɔlɔí sí h̃u.

Ɛ́FƐSƆ 6:21

Tékekɔ lɛ́i í ngáá mú mbála Yála fɛ́li mɔ́i ta lɛ́i mu longɔ́ la, aá va tɔ múl̃ɔ ngáá Ndemɔí Jísu yenge mɔɔ vanda, ná áá vá aa mbéi haa kpɛ́lɛɛ súúɣɛ ngáá wú ye kɛinɔɔ́ wú ɣɛ́ kɔlɔ́ sí ngíwaa kɛ ɛ́ɣɛ sí áá híya ngáá ngé.

KƆLƆ́SE 1:7

Wú faa ỹɛ́ninga kɔwɔ́ato Ngalángi háá bɔwɔí wa mu mbála yengé mɔ́i Ɛpáfulɔ yaá lɛ́i mu longɔ́ lá, lɛ́i múl̃ɔ í ngáá Kílisitii yénge mɔɔ vanda ni haáw̃a.

KƆLƆ́SE 4:7

Mu mbála Yalá fɛ́li mɔ́i sí taa ɣɛ ma Tékekɔ, lɛ́i mu longɔ́ lá, lɛ́i í ngáá tɔwɔbaɣa w̃ɔɔ ɛ́ɣɛ mu mbála yengé mɔ́ɔ Ndemɔí Jísu yengengí h̃u, aa lɔɔ vá faa kpɛ́lɛɛ ndéma wu w̃a kɔwɔ́ato mbá.

KƆLƆ́SE 4:9

Mu mbála Yalá fɛ́li mɔ́i sí taa ɣɛ́ ma Onɛsímɔ, lɛ́i mu longɔ́ la, í mɔ́ɔ́ ngáá wú gúúwu h̃uu w̃ɔ́i ta, aáva í ngáá tɔ́wɔbaɣa w̃ɔ́ɔ́, taa Tékekɔ lɔ táa vá. Tí félengɔ p̃ɛ́ɛ́ tiyá lɔ́ɔ vá ndema wú w̃a ngáá sí kpɛ́lɛɛ í híya mbéi.

TƐSALÓNIKA HESENDAA GƆLƆÍ 1:1

Nyɛ́i ngi ngáá Pɔ́ɔ í baha Sáilɔ wa ɛ́ɣɛ Tímoti, niỹa lɔ níwaa kɔlɔí sí vɔ́nɛ wú yéle wɛ́i wú ngáá Ngala fɛ́li mbélai taí sí h̃u taá náá lolí ngáá Tɛsalónika, wɛ́i wú mu Kɛ́ɛ́ɣɛ Ngalá fááw̃a ɛ́ɣɛ mu Lemɔ́i Jísu Kílisitii. Bɛ́lɛ Ngalángi háá bɔwɔí ɛ́ɣɛ ngí lííhei ti ɣɛ́ wú yɛ́.

TƐSALÓNIKA GƆ́LƆI HELE KÉLEI 1:1

Nyɛ́i ngí ngáá Pɔ́ɔ í báha Sáilɔ wa ɛ́ɣɛ Tímoti, niỹá lɔ́ níwaa kɔlɔí sí vɔ́nɛ wú yéle wɛ́i wú ngáá Ngala fɛ́li mbélai taí sí h̃u taá náá lolí ngáá Tɛsalónika, wɛ́i wú mu Kɛ́ɛ́ɣɛ Ngalá fááw̃a ɛ́ɣɛ mu Lemɔ́i Jísu Kílisitii.

HÍBULU 13:22

Mu mbála Yalá fɛ́li mbélai, wú w̃áánɛɛnɛngɔɔ lé ngáá wú kɛ́ ngáá ndiilɔlɔ́ wú wólilo keela wói sí w̃a áá nuu lííwuulɛ bɔw̃álale, kɔlɔí sí ngí pɔ́nɛnga wú yéle suu áá góóh̃a ngwala.

PÍTƐ HESENDAA GƆLƆÍ 1:13

Náá hááw̃a, a héi gilí bátɛ ngáá wú gí maitii ti ɣɛ́ Ngala fáitii kɛ fááw̃a, wálaa lééw̃a, ná vólu, wú gítomai kpɛ́lɛɛ í ɣɛ́ nɔɔ́ náa Ngalángi háá bɔwɔí sí wa í ngeyá wú hááw̃a. Wá lɔɔ vá maahɔ́lɔma ngeyá ná h̃u Jísu Kílisitii íwaa vá yangáimama ngeleí sí wu.

PÍTƐ HESENDAA GƆLƆÍ 4:10

Ngenge tókoitii Ngalá ngí kɛ́ngɔ ngáá háwu wú hómbo ti la, kɛ nuí fíli í ɣɛ́ áá ngi ndái yangénge ngáá pangɔ́, ngáá kíya áá ngángenge nungáá vekaítii bɛ́lɛ nɔ taá kulasuunúma w̃ááhɔlɔ su.

PÍTƐ GƆ́LƆI HELE KÉLEI 1:12

Háwui sí hááw̃a, nyá lɔɔ ɣɛ́ ngáá wú gísitɛ nɔ́ɔ faí nátiini mba kíya bɛ́lɛ wú tí wɔlɔ́ náá kílii aáva wú lóóni kpáŋ tɔɔỹái sí w̃ááh̃u wú maahɔ́lɔnga.

PÍTƐ GƆ́LƆI HELE KÉLEI 2:15

Ti híɣenga tɔɔỹaá véle giteí wa, ti hítɛ kaka péle wa. Biyɔ h̃iỹɛndo loí sí í ɣɛ́i ngáá Ngalá ndaa háá le mɔ́ɔ́ tɔ́ɔ ɣɛ́ ma Béél̃ɔ ngí lúva veleí lɔ́ náá ti hítɛa su. Béél̃ɔi ná va, faa ỹɔ́u ɣɛ́ndaa volú wɔ́li sɔlɔndái lɔ í ɣɛ́i ngáá ndiivóngi.

NJƆÚ GƆ́LƆI HAWA KÉLEI 1:12

Nungáitii kpɛ́lɛɛ taá ɣɛ́ taa yɛ́pɛ ngáá pángɔ kɔwɔ́ato Damítiyɔ wa, aáva kíya íwaa híya ngáá Ngala tɔ́ɔ́ỹaa veleí aá lɔ́ áá ngákɛ ngáá kɛ tɔɔỹaá lé. Niỹá bɛ́lɛ nɔ naá yɛ́pɛ ngáá pangɔ́ kɔwɔ́ato mba, wáá vá wú kɔ́lɔ nɔ́ɔ ngáá sí náa nde tɔɔỹaá le.

Kɔlɔí Júu í pɔ́nɛni Ngala fɛ́li mbélaitii ngelé JÚU 1:3

Mu mbála vándaitii, ngí ɣɛ́ngɔ loí ngi kɔlɔ vɔ́nɛ wú yéle kɔwɔ́ato ngumaawóngi wá mú maahɔ́lɔngɔ. Kɛ́ aa ɣéle, faa ta i kɛ́a náa nyá lɔ́ɔ pɔ́nɛ náa ngáá ngí wú lííwuulɛ kɛinɔɔ́ wú ló kpáŋ sí w̃aaɣáwondai h̃u mu langɔ́ la. Ná wáá ngáá Ngala ndaa wói í féni wɔ́lɔ su yíla kpé ngi vóngaitii ngeyá.