PÍTƐ HESENDAA GƆLƆÍ 4:8 - Kɛ́lɛ Niinaí

⁸ Ná vólu, faí kpɛ́lɛɛ maah̃u hái lɔ náá ngáá sí ngáá wú ló ngáá ỹɔw̃ɔ́ ỹɔ́w̃ɔ ngáá lií kpɛ́lɛɛ sífaa ndongí aa kɛ ngáá háwu faa ỹɔ́u bih̃íw̃aa h̃úúhaa í lo.

PÍTƐ HESENDAA GƆLƆÍ 4:8 Iomraidhean Croise

KƆ́L̃E HESENDAA GƆLƆÍ 13:1

Ná ngɔ́ɔ́ hómbo ngí yɛ́pɛ híí woo vekani su ɔɔ ngɔ́ɔ́ bɔ́ɔ́ hómbo ngí yɛ́pɛ malékai ti ndái híí wói h̃u, kɛ́ ná ngɛ́i ɣɛ́ loí ngáá nungáá vékaa, kɛ ní yɛ́pɛi ná kpɛ́lɛɛ aá lɔ́ nɔ́ɔ ngáá sɔɔlɛ wóo nyááka.

KƆ́L̃E HESENDAA GƆLƆÍ 13:4

Nuu fíli í ngáá ndo mɔ́ɔ́ ndiilɔlɔngɔ́ɔ́ lé, faa bɔ́wɔ i su, kɛ́ tolóma ɛi ɣɛ́ su, yongangɔ́ ɛ́i ɣɛ́ la, kɛlaa í bɔwɔ́ h̃uu ɣɛ́ wɔ́ɔ́lɔ.

KƆLƆ́SE 3:14

A sítii kpɛ́lɛɛ kɛ́ ngí yépɛnga ti wa, kɛ́ ngi bíkpingi waa ngáá a ló ngáá ỹɔw̃ɔ́ ỹɔ́w̃ɔ. Ndongí wáá ɣɛ́ su ngáá ỹɔw̃ɔ́ ỹɔ́w̃ɔ, aa kɛ ngáá háwu wú kpɛ́lɛɛ wú ɣɛ́ ngáá nuu yílaa kpé.

TƐSALÓNIKA HESENDAA GƆLƆÍ 3:12

Bɛlɛ́ mu Lemɔ́i Jísu í kɛ kái ngáá háwu wú lóngi ỹɔw̃ɔ́ ỹɔ́w̃ɔ hááw̃a ɛ́ɣɛ nuu kpɛ́lɛɛ nga ngí ɣɛ nɔ́ɔ áá ɣɛ́ wɔ́ɔ́lɔ kélei. Aáva nga ngí ɣɛ́ wɔ́ɔ́lɔ kái í híti ni ndá lóngi h̃u ní su ngáá wú yé.

TƐSALÓNIKA GƆ́LƆI HELE KÉLEI 1:3

Mu mbála Yalá fɛ́li mbélai, kule lɔ nɔ́ɔ ni w̃a ni ɣɛ́ fɔ́ naa sɛ́ɣɛɛ gula Ngalá má wú hááw̃a. Aá lɔ́ pele w̃a ngáá ni ná ɣɛ́ bɔw̃álale, ndangí í wú h̃u Ngalá fááw̃a suu lɔɔ ɣɛ́ nɔ́ɔ wɔ́ɔ́lɔ. Ndongí vá í wú yíla ngílangi fíli su nungáá vékaitii faaw̃a nga tɔ́ɔ ɣɛ́ nɔ́ɔ wɔ́ɔ́lɔ kélei.

TÍMOTI HESENDAA GƆLƆÍ 1:5

Ngí ndéngɔ ngáá wú ɣɛ́ waa sí ɣɛ kɛinɔɔ́ í kɛ́ ngáá háwu mu ló ngáá ỹɔw̃ɔ́ ỹɔ́w̃ɔ. Ndongí áá gúla nuu lií h̃u faa ỹɔ́u fíli ɛi ɣɛ su ɛ́ɣɛ nuu gi mai aa ɣɛ́ kpál̃au ngáá fáitii áá kɛ tiyá lɔ pele w̃a ɛ́ɣɛ ndangí nuu áá ɣɛ́ su ngáá Jísu Kílisitii ngáá tɔɔỹaá.

HÍBULU 13:1

A ndi ngu ma ngáá ndongí ỹɔw̃ɔ́ ỹɔ́w̃ɔ hááw̃a ngáá kíya kule í Ngala fɛ́li mbélai ma tí kɛ.

JIMISÍ 5:12

Mu mbála Yála fɛ́li mbélai, fái bíkpingi lɔ ngáá sí, a waá péle fíli mbó ngelegóóh̃u w̃a kɛlaa ndɔwɔlɔ́i sí h̃uu w̃a ɔɔ ŋani fíli nɔ́ɔ má kpósouŋ. Kɛ́ aá ɣéle faa fíli su, a lúw̃a nɔ́ɔ na wáá ɣɛ́ wáá kɛ ɔɔ wu léle ná wɔ́i ɣɛ́ wáá kɛ, kɛinɔɔ́ Ngalángi gɔ́sɔngi íwaa vá mbóma ngáá nungái kpɛ́lɛɛ, ta álaa ỹááni wú w̃a.

PÍTƐ HESENDAA GƆLƆÍ 1:22

Ná naá wú gólongɔ Ngalá mbɛ wúwaa híya ngáá tɔɔỹaá gééla wói, ná lɔ náa i kɛ́a wú w̃ááw̃uỹangɔ fó faa ỹɔ́i yaá, ná vólu, i mɔɔ kɛ́a wú lóngɔ ngáá wú mbála Yalá fɛ́li mbélaitii ngáá tɔɔỹaá. Faale, ná naá maa hái í h̃íí na, a ló ngáá ỹɔw̃ɔ́ ỹɔ́w̃ɔ ngáá lií kpɛ́lɛɛ álaa ɣɛ́ nɔ́ɔ ngáá wɔ́ɔ́ ndá yaah̃ú.

NJƆÚ GƆ́LƆI HAWA KÉLEI 1:2

Mu mbála vandái, nyá lɔ́ɔ Ngala fɛ́li ngáá í lúwu h̃ú wúyangɔ í ɣɛ́ lá aáva í ndí ngu ma, ná vólu, faítii kpɛ́lɛɛ tí ndí ngu ma ngáá pangɔ́ ngáá í ye kíya nɔ́ɔ yáa lɛ́ɛ́h̃ui h̃uuhíya ngáá pangɔ́ Ngala fái h̃u.