PÍTƐ HESENDAA GƆLƆÍ 4:4 - Kɛ́lɛ Niinaí

⁴ Aá lɔ́ ngáá sítii taa ngáá Ngalá fɛ́li mbélaa ti gɔ́ɔ́lamba h̃ú háá ná táa tɔ wɔ́i mɔ́ɔ́ ɣɛ́ wáá báha kpahá ti wa ngeleí sí wu líívo kɛɛ haa ɣɛndáitii su ngáá suulɔ́vengɔ lɛ́i nga ngáá mba, faale, taa wú yɛ́ɛ́li.

PÍTƐ HESENDAA GƆLƆÍ 4:4 Iomraidhean Croise

MÁFIYU 23:25

Jísu í mɔ́ɔ́ ɣɛ ta, “Suu vá tɔɔ vá ɣɛ́ma ỹɔú wú w̃a wɛ́i wú ngáá kaamɔítiini Ngala sávai hááw̃a ɛ́ɣɛ Falósiaitiini, wɛ́i wáá Ngala fái la yaah̃ú kɛ́ aa wú líí h̃u! Wáá wú gɔ́pungi ɛ́ɣɛ wú ỹáákaitii maabalé fó, kɛ́ su laahéngɔ ngáá sí wú sɔlɔngɔ́ ngáá bangálima véle sífaa wá lɔ́ ngáá mɔní mɔ́ni mbélaa.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 15:13

Kuu félengɔi ná h̃u, kɛ siỹɛndóu loí ná i sí kínɛi ngátɛnga mba í ɣɛ́i ngeyá, í sɔ́w̃ɔ kúla, í pele hóu, í lí ndɔwɔlɔ́ véka h̃u p̃óuma ngáá maa gápangi. Naa vá tɔ í ngi gápangi kpɛ́lɛɛ nyáánini na ndiivo kɛɛ́ wála h̃u.

TI GƐ́Ɛ́ HAÍTII 13:45

Ná Júsuaitii tí faŋaí ya tɔ́i, tí tolóma batɛní naa liítii su aáva ti ɣɛ́i náá taá njɛpɛ ỹɔú ỹɔ́ungaa le kɔwɔ́ato sí wá Pɔ́ɔ ɣɛ́i áá nde.

TI GƐ́Ɛ́ HAÍTII 18:6

Kɛ́ ná Júsuai taá lókoheini sí wu Pɔ́ɔ í ɣɛ́i áá nde, kɛ́ aá ɣéle, tí ɣɛi ngáá Pɔ́ɔ yɛ́ɛ́li mbélaa, i ngi gúlaitii kulái w̃a, í suubúkpulɛ, ngakɛ́ fááw̃a ngáá ti ye ngáá kɛ ti háá ỹɔí lɔɔ ló ngáá ti ye. Aáva i ndení ti w̃a, i ɣɛ ta, “Wú haa ỹɔí í ló ngáá wú ye. Wú wú ngɔ́ɔ́ bɔ́ɔ́ lo sú, ta w̃aa yɛ fíli ɛi hiya má. Í síɣe hááwɔ w̃a í lí náá ngáá naa wutúwɔɔ véle. Nyá lɔɔ vá liimá sítii ngele taa ngáá Júsua.”

LÓÓMI 13:13

Faalɔ, wú híya veléitii ti ɣɛ́ péle w̃a kíya nɔ́ɔ nungáá taa ɣɛ́ na taa ɣɛ́ ngelewóngi h̃u. Wálaa ɣɛ́ wáá lí kooh̃unɛ́ɛ́ lááỹɛ mbo máá wala walaítii kɔlɔsiyá faa áá ɣɛ́ ná kɛlaa wɔ́ɔ́ ɣɛ́ ndɔɔ hóu h̃u. Wálaa ɣɛ́ kɔ́lɔsiya su ɔɔ njɔlɔ haáni. Wálaa ɣɛ́ kpɔɔlɔ́ laa wú kɛlaa tolóma h̃u.

Ɛ́FƐSƆ 5:18

Ndɔɔ bɔ́lendai áá wú hóu, a bé ná wá bɔw̃álale aa wú ɣɛ́ kíli ỹaaní. Kɛ́ laá ɣéle, bɛlɛ́ Hɛ́ɛ́ma Ỹínangi í ɣɛ́ wú vólu hɔ́wɔ fíli.

PÍTƐ HESENDAA GƆLƆÍ 2:12

Wú lúva veléi w̃aanɛ́ɛ́ngɔ í ɣɛ́ la ngwala sítii ndiiwáá taa ngáá Ngala fɛ́li mbélaa. Ngáá ná bɛ́lɛ taá í yéɣe ngáá tuva velé ỹɔ́u w̃ɔɔ, taá wɔ́lɛ nɔ́ɔ í lúva velé vándaitii mba tí Ngala tɛ folói ná w̃a íwaa vá nuu kpɛ́lɛɛ kɔ́sɔma ma.

PÍTƐ HESENDAA GƆLƆÍ 3:16

Kɛ́ wáá suugúla maa w̃ɔ́i w̃a ngufema h̃ú ɛ́ɣɛ tuva véle w̃aanɛ́ɛ́ngɔ h̃u. Aáva wú gí mai í ɣɛ́ kpál̃au ngáá fáá ỹɔ́u aa wú lúva veleí h̃u kɛinɔɔ́ ná nuu áá ngoo ỹɔ́u le kɔwɔ́ato wú lɛ́ɛ́h̃ui wa wáá suuhíya ngáá pangɔ́ sífaa wú ngáá Kílisitii volú yelaa, ngufé ngí vɛ́lɛ maa yélaitii ma.

PÍTƐ GƆ́LƆI HELE KÉLEI 2:12

Kɛ́ maa lɛ́ɛ́ gálambo mbo mbelaí nátii taa faa fíli súúhalata tɛ́i ngátɔ mba. Ti gúlangɔɔ lé ngáá ndɔbɔ húwaa, kele ɣelé fíli áá tí yɛ́, taá faa ɣɛ́ nɔ́ɔ naa yaah̃ú hááw̃a nɔ́ɔ, tiyɛ́i taa ti le nɔ́ɔ ngáá tí tí hóu, ná vólu, tí tí váá. Aáva kíya nɔ́ɔ taa ndɔbɔ húwaitii páa, ngimɔ́ɔ́ nɔ́ɔ ndɛɛ gálambo mbo mbélai sítii táa vá saa w̃ááhɔlɔma.

PÍTƐ GƆ́LƆI HELE KÉLEI 2:22

Tiyá lɔ́ faanɛ́ɛ́ngai sítii ti hítɛngɔ ngá ti w̃áá véle w̃a, ná wáa ngáá, sítii ti lengɔ́i tiyá vá mbaa ngáá sítii, “Kéke áá yángaima í ngi wú pílii w̃ɔí múl̃ɔ.” Ɛ́ɣɛ mɔ́ɔ, “Búbui maaw̃úỹangɔ áá ɣɛ́ la fó aa mɔ́ɔ́ li í víli palái h̃u, í nɔ́ti nɔ́ti su.”

Kɔlɔí Júu í pɔ́nɛni Ngala fɛ́li mbélaitii ngelé JÚU 1:10

Kɛ́ nungái sítii taa faa fíli suuhaláta tɛ́i ngátɔ mba. Ti gulangɔ́ɔ́ lé ngáá ndɔbɔ huwáa sí ɣéle tɔ tí faa wɔ́lɔ mba kulo aá lɔ́ áá ti ɣɛ kíli ỹaaní.