PÍTƐ HESENDAA GƆLƆÍ 4:17 - Kɛ́lɛ Niinaí

¹⁷ Naa hɔwɔ́i i foloá náa ma Ngalá ngíwaa vá nuu kpɛ́lɛɛ kɔ́sɔma ma. Maa gɔ́sɔngi va aá lɔ́ɔ tɔkúla héi Ngalángi vóngaitii a mu wa. Ná aá vá áá ɣɛ tɔkúla héini a mu wa, ná ná áá ɣɛ, faa bámai h̃uu áá ɣɛ wɔɔlɔ áá la sítii ma taa lái ngáá Ngalángi gééla woo vandaí í tɔvengɔ́ ngeleí sí wu.

PÍTƐ HESENDAA GƆLƆÍ 4:17 Iomraidhean Croise

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 23:31

Nyá ɣéle na táa sítii kɛ ngáá ngé nyɛ́i kúlangɔi ngáá ndɔbɔ wundú. Ná ná áá ɣɛ, bɛɛ́ lɔ aáva ɣɛmá ngáá wú ye wɛ́i wú gúlangɔi ngáá pɔsaɣá mbéngɔ?”

LÓÓMI 1:1

Nyɛ́i ngí ngáá Pɔ́ɔ, ngí ngáá Jísu Kílisitii yénge mɔɔ, nyá lɔ ngíwaa kɔ́lɔi sí vɔ́nɛ. Ngala ngí tólingɔ, í lókolo mbá ngáá ngi géélai ngáá ngí ngi gééla woó vandaí lé.

LÓÓMI 2:9

Sítii kínɛi tí ngáá nyaama yélaitii Ngalá tɔɔ vá faa báma láma tí w̃a, ti w̃áá í nɔ́w̃ɔ ngá ngwala gíte. Yí ɣɛ́i ngáá Júsu w̃ɔɔ yáá ɣɛ́i ngáá Júsu w̃ɔɔ aa ná ɣɛ́ ngáá í yé ná nɔ́ɔ léi yá lɔ́ ngáá nyaama w̃ɔ́ɔ́.

GALÉSIYA 3:1

Wɛ́i wú ngáá Ngala fɛ́li mbélaitii wu Galésiya, wáá kisíya vánda womá. Ele lɔ í wú yákpolowangɔ? Wú faa wɔ́lɔ kpál̃au kɔwɔ́ato kpakpángi wa tí mbóni ngáá Jísu Kílisitii kulɔ́sii w̃a í ló na í há.

GALÉSIYA 5:7

Wú ɣɛ́ngɔ wáá fáitii kɛ pele w̃a í ló sú kpóloo nuu ta i wú wú ngápote wú híɣe tɔɔỹaá vélei wa.

GALÉSIYA 6:10

Faalɔ, ná nɛ́nɛ toko í mu yɛ, a maa yáá faa vánda ɣɛ́ nuu fíli mbɛ́ ngungí í ndá mɛ́ɛ sítii ma a maá tiyéni mu ngáá nde ngiláá ndangí w̃áá véle w̃a a mu su ngáá Jísu Kílisitii.

TƐSALÓNIKA GƆ́LƆI HELE KÉLEI 1:8

Aá lɔɔ vá sítii maanɔw̃ɔ́ma taa béɣei Ngala fááw̃a, tiyɛ́i tɛi híya ngáá Ngala kééla wói kɔwɔ́ato mu Lemɔ́i Jísu wa.

TÍMOTI HESENDAA GƆLƆÍ 3:15

Kɛ́ ná ngɛ́i ɣɛ́ vái h̃umbuwa, kɔlɔí sí lɔ ná ngáá í ngákɛ kíya kule í ma mú lúva veléi í ɣɛ na ná mú ngáá Ngala fɛ́li mbélaa. Ngalá lɛ́i ɛ́i há kúnafɔ, a múỹa lɔ́ ngáá ngi vóngaa. Muỹɛ́i mú ngáá Ngala fɛ́li mbélai múỹa lɔ ngáá kpɛndɛ kɛ kíli ngí lɔ́ɔ́ỹai wú, maá maah̃ú béle.

HÍBULU 11:8

Ndangí siỹɛndópoi sí tɔ́ɔ́ ɣɛ́ ma Lébilah̃au i ɣɛi su ngáá Ngala, ná lɔ́ í kɛ́ni í góloni Ngala mbɛ́ ná Ngalá ngí ndéni ma ngáá í lí ndɔwɔlɔ́ ta h̃u í ɣɛ́i kuulóni lá ngáá í fe mbɛ. Ná lɔ́ í kɛ́ni í yóóɣeni í gúla kpɔwɔ́ bɔ́wɔ lɔ́wɔlɔi wa kíya bɛ́lɛ áá ɣɛ́i kɔlɔ́ mbéi í ɣɛ́i áá lí na.

HÍBULU 2:2

Ngala kééla woí malékaitii tí ndéni wɔ́lɔ, nga ngí ɣɛ́i kpál̃au ngáá kɛ tɔɔỹaá le. Faalɔ, nuí fíli ɔ́ɔ́ ta ỹááni kɛ tɔ́ɔ́ maa ỹɔ́kɔ faa ba nda í w̃a.

HÍBULU 3:6

Kɛ́ Kílisitii lɛ́i í ngáá Ngalángi H̃íỹɛndou Loí, áá lɔ ngáá tokola ma w̃ɔ́ɔ́ ngi yéngengi h̃u Ngalángi vóngaitii mááh̃u. A múỹa lɔ́ ngáá Ngalángi vóngaa nɔ́ɔ léi ná ndiibángi ɛ́ɣɛ ndángi áá ɣɛ́ mú h̃u kɔwɔ́ato mu gítomai wa.

HÍBULU 5:9

Maanɔw̃ɔ́i sí í híyai su, aá lɔ́ áá ngákɛ ngáá kɛ Jísu lɔ ngáá kolo mɔ́ɔ́ wála, aáva laá maa véle lɔ́ náa nuu áá kúnafɔ lɛ́ɛ́h̃ui w̃ááhɔlɔ ma, ná wáá ngáá, nuí fíli áá gólo mbɛ.

PÍTƐ HESENDAA GƆLƆÍ 2:5

Wú gúlangɔɔ lé ngáá kɔtuni ndɛɛh̃ú i wú h̃u. A bɛlɛ́ Ngala ngí wú ɣɛ́ ngáá maa wɔ́tui tá ngí vɛ́lɛi h̃u ngi Ỹínangi íwaa to. Wú gúlangɔ í ɣɛ́ lá ngáá hɛ́ɛ́ma Yála sááɣa gula mbélaa, wú ɣɛ́ wáá Ngala fɛ́li wáá Ngala tɛ́ sí í ngáá sááɣa ɣɛ kíli wáá ɣɛ́ wáá kula, sítii taá ɣɛ́ ngáá Ngala tókohei mbu gélea Jísu Kílisitii w̃áá véle w̃a.

PÍTƐ HESENDAA GƆLƆÍ 2:8

Faa véka lɔ múl̃ɔ ngáá sí pɔnɛngɔ́ Ngala Kɔ́lɔi h̃u áá vá mbaa ngáá sí, “Kulangɔ́ɔ́ lé ngáá kɔtuí í ná áá kɛ́ ngáá háwu nungái ti bówa lá, ti gula.” Sí aa ɣɛ h̃íí ngáá ti ye bɔw̃álale taá gólongɔ Ngalá kééla wói wú. Aáva ná vá tɔ Ngala ngí súúbatɛnga ti haáw̃a.