PÍTƐ HESENDAA GƆLƆÍ 4:16 - Kɛ́lɛ Niinaí

¹⁶ Kɛ́ ná maanɔw̃ɔ́ áá la wu w̃a sífaa nɔ́ɔ wú ngáá Kílisitii vóngaa, álaa ɣɛ́ ngáá ngufé wú w̃a, kɛ́ laá ɣéle, wú sɛ́ɣɛɛ gula Ngala ma sífaa ndaahei ngí wú wa ngáá Kílisitii vóngaitii.

PÍTƐ HESENDAA GƆLƆÍ 4:16 Iomraidhean Croise

TI GƐ́Ɛ́ HAÍTII 11:26

Ná í tɔ́ni, i liiní lá Átiyɔ. Faalɔ, fowó yílaa sú kínɛi Bánabani ngaa Sɔ́ɔ tɔ́ɔ maakpɔ hóu taá taí ná h̃uu Yalá fɛ́li mbélaitii táa nuu bíh̃iw̃aa galámbo. Aáva Átiyɔ hése tɔ tí ndaaheí pɛ́lɛni na Jísu volú yélaitii ma ngáá Kílisitii vóngaitii.

TI GƐ́Ɛ́ HAÍTII 26:28

Kɛ Masangí Agílepa i ɣɛa Pɔ́ɔ w̃a, “Aá lɔ í gí ma ngáá kɛ kuu h̃úú lukpuí sí laa lówah̃u yáá hómbo yí ndíí vóte ngí ɣɛ ngáá Kílisitii núi ta?”

TI GƐ́Ɛ́ HAÍTII 28:22

Kɛ́ ni longɔ́ɔ́ lé ní í gí maa háitii kɔ́lɔ, sífaa ní kɔ́lɔ ngáá ỹandá kpɛ́lɛɛ kpɛ́lɛɛ, nungáitii tiyá lɔɔ yɛ́pɛ ỹɔú kɔwɔ́ato ngoo yiláá fái sí wa yí vílingɔ mba.”

TI GƐ́Ɛ́ HAÍTII 5:41

Ngalángi géélaitii ti híɣeni náa faa le mbélaitii kákala ngáá kooh̃unɛ́ɛ́, bɔw̃álale Ngalá ngi ɣɛi náa lokohéini ti wu ngáá tí máánɔw̃ɔ yéɣe Jísu haaw̃a.

FÉLEPA 1:20

Ndiivó fáá walaí ɛ́ɣɛ kítomai waa ngáá kúnafɔ ngálaa bááh̃aa sí wa kule í má ngí kɛ. Kɛ́ hɔ́wɔ fíli ngu ngí nda naa mɛ́ɛ́ sí h̃ui w̃á, ndííwuulɛngɔ i ɣɛ́ ngwala ngáá kɛinɔɔ́ túva velé h̃u kpɛ́lɛɛ, Kílisitii í ngufema w̃ááhɔlɔ máá véle w̃a i ɣɛi ngáá ndɛɛh̃úi ngi su ɔɔ ná bɛ́lɛ ngáá há i ngúfema w̃ááhɔlɔ su.

FÉLEPA 1:29

Naa gúlangɔɔ lé wú yɛ́ kɛlɛ́ma ngáá wááyaa yénge Kílisitii yɛ aa ngáá nɔ́ɔ léi ndangí wáá ɣɛ́ su lá, kɛ́ maanɔw̃ɔ́i múl̃ɔ bɛ́lɛ wáa ngéɣe fááw̃a.

TÍMOTI GƆ́LƆI HELE KÉLEI 1:12

Ná háá vá tɔ ngáá maanɔw̃ɔ́i sí yéɣe ma. Kɛ́ ná fíli su, ndííỹaaningɔ láá lé bɔw̃álale ngí kɔ́lɔ nuí ndángɔ lá aáva ngí kɔ́lɔ kpál̃au ngáá kɛ ngakpá tɔ́ ngeyá ngáá áá hómbo í kééla woí sí w̃aah̃ú béle í féngɔ ngéya í ló su kpóloo í fólo ngápumai w̃a.

JIMISÍ 2:7

Kɛ́mbɛ tiyá lɔ nɔ́ɔ múl̃ɔ taá ndaaheí sínai ná ỹááni wú lókolangɔi ma, kɛ́lɛi?

PÍTƐ HESENDAA GƆLƆÍ 2:12

Wú lúva veléi w̃aanɛ́ɛ́ngɔ í ɣɛ́ la ngwala sítii ndiiwáá taa ngáá Ngala fɛ́li mbélaa. Ngáá ná bɛ́lɛ taá í yéɣe ngáá tuva velé ỹɔ́u w̃ɔɔ, taá wɔ́lɛ nɔ́ɔ í lúva velé vándaitii mba tí Ngala tɛ folói ná w̃a íwaa vá nuu kpɛ́lɛɛ kɔ́sɔma ma.

PÍTƐ HESENDAA GƆLƆÍ 4:11

Nuí fíli áá Ngála ngóó le, keela wói áá nde, í ɣɛ́ ngáá Ngala kééla woí. Nuí fíli pá áá ɣɛ́ ngáá kpɔmba hé mɔ́ɔ, Ngalángi ɣɛ́ la áá ɣɛ́ maa yákpangi héni mbɛ. Ná í ɣɛ h̃íí kɛinɔɔ́ faa kpɛ́lɛɛ su, Ngalá ngí tɛ maahɔ́lɔ Jísu Kílisitii w̃aa véle w̃a lɛ́i ngufema kpɛ́lɛɛ í ngeyá ɛ́ɣɛ ngakpángi kpɛ́lɛɛ kúnafɔ taá ngí ndá gúnafɔ. Amíína.

PÍTƐ HESENDAA GƆLƆÍ 4:14

Ná taa ɣɛ́ táa ngɛ́ɛ́li ngóó ỹɔ́u ỹɔ́uni nde wú w̃a sífaa wú ngáá Kílisitii volú yelái ti tá, aá lɔ ngáá faa vánda wú hááw̃a bɔw̃álale ná ná áá ɣɛ, aa ngakɛ́ ngáá Ngalángi Hɛ́ɛ́ma Ỹínangi lɛ́i ngakpángɔ ngwala aá lɔ wú vólu.

PÍTƐ HESENDAA GƆLƆÍ 4:19

Faale, sítii ti w̃áá íwaa nɔ́w̃ɔ sífaa áá ɣɛ́ ngáá Ngalá ngí háá h̃uubatɛ ngáá í ɣɛ́ h̃íí na ngáá ti ye, ti ɣɛ́ táa télembo túva wo, laáva tí gíto ti bátɛ mɔ́i Ngalá mbá lɛ́i ná áá kuuló mbo, ɛ́i nga ỹááni.