PÍTƐ HESENDAA GƆLƆÍ 4:15 - Kɛ́lɛ Niinaí

¹⁵ Kɛ́ ná maanɔw̃ɔ́ áá lá wú ta fíli ma, álaa la wú w̃a nuu váá fááw̃a ɔɔ ŋuỹá hááw̃a, ɔɔ nyaama gúla fááw̃a, ɔɔ víli fááw̃a nungáá háá h̃u.

PÍTƐ HESENDAA GƆLƆÍ 4:15 Iomraidhean Croise

MÁFIYU 5:11

Wá bɛ́lɛ aá lɔ́ ngáá faa vánda wú haáw̃a ná nungáá taa wú yɛ́ɛ́li, ti wú w̃áánɔw̃ɔ, tí ndɛɛ́ híí ỹɔu ỹɔu kpih̃íw̃aa vɛ́lɛ wú w̃á, sífaa nɔɔ́ wú ngáá pólu yelaa.

TƐSALÓNIKA HESENDAA GƆLƆÍ 4:11

Wú ɣɛ́ngɔ í ɣɛ́ lá lúúỹaa, wálaa ɣɛ́ wáá víli nungáá hááni su. Wálaa ɣɛ́ ngáá saɣá yélaa, kɛ́ wu ɣɛ́ wáá ngenge mbó ngáá sí wáá lókola ma kíya nɔ́ɔ ní ndéni wú w̃á kílii.

TƐSALÓNIKA GƆ́LƆI HELE KÉLEI 3:11

Niỹá lɔ́ɔ ná lé bɔw̃álale, ní mɛ́ningɔ ngáá nungáá lɛ́ingaa lɔ́ wú h̃u ti ngáá saɣá yélaa, tɛ́i faa fíli kɛ kɛ nɔ́ɔ́ ti vílindaa nungáá hááni su.

TÍMOTI HESENDAA GƆLƆÍ 5:13

Taá w̃áá holó lí ngáá lɔve tɔvéndaa pɛlɛ́itii nda, kɛ́ í síɣe bɛ́lɛ ná wa, taá ɣɛ́ taá ndaawó mbó. Ná vólu, táá víli nungáá hááni su ɛ́i ɣɛ́ ngáá ti waaháá.

TÍMOTI GƆ́LƆI HELE KÉLEI 2:9

Keela wóo vándai sí ngáá nde, aa lɔ́ í kɛa máá áá nɔ́w̃ɔ, ngi njɔlɔwɔ ya kpindi vɛlɛ́i wu kíya nɔ́ɔ faa ỹɔ́u ɣɛ́ mɔ́ɔ wala. Kɛ́ Ngalá ngói aa njɔlɔwɔ yá kpindi vɛlɛ wu.

PÍTƐ HESENDAA GƆLƆÍ 3:14

Kɛ́ bele pá wú w̃áá áá nɔ́w̃ɔ sífaa wáá ɣɛ́ wáá híya ngáá telembo pélei, aa lɔ́ ngáá faa vánda wú hááw̃a. Wálaa lúwa maa nungáitii mba, kɛlaa ti háá ɔ́ɔ́ kɛ ngáá háwu wú líí ɔ́ɔ́ hɛ́lɛ.

PÍTƐ HESENDAA GƆLƆÍ 3:17

Maanɛ́ɛ́ngɔɔ lé nuu w̃áá í nɔ́w̃ɔ faa vánda ɣɛ fááw̃a ná Ngalá ngáá ɣɛ́ loí í ɣɛ́ h̃íí í lɔ́ve sí wa nuu w̃áá áá nɔ́w̃ɔ faa ỹɔ́u ɣɛ fááw̃a.