PÍTƐ HESENDAA GƆLƆÍ 4:14 - Kɛ́lɛ Niinaí

¹⁴ Ná taa ɣɛ́ táa ngɛ́ɛ́li ngóó ỹɔ́u ỹɔ́uni nde wú w̃a sífaa wú ngáá Kílisitii volú yelái ti tá, aá lɔ ngáá faa vánda wú hááw̃a bɔw̃álale ná ná áá ɣɛ, aa ngakɛ́ ngáá Ngalángi Hɛ́ɛ́ma Ỹínangi lɛ́i ngakpángɔ ngwala aá lɔ wú vólu.

PÍTƐ HESENDAA GƆLƆÍ 4:14 Iomraidhean Croise

MÁFIYU 5:11

Wá bɛ́lɛ aá lɔ́ ngáá faa vánda wú haáw̃a ná nungáá taa wú yɛ́ɛ́li, ti wú w̃áánɔw̃ɔ, tí ndɛɛ́ híí ỹɔu ỹɔu kpih̃íw̃aa vɛ́lɛ wú w̃á, sífaa nɔɔ́ wú ngáá pólu yelaa.

MÁFIYU 5:16

Ngimɔ́ɔ́ nɔ́ɔ kule í wú w̃á wú lámbongi í hólo nuu kpɛ́lɛɛ kákala. Ná lɔ́ áá kɛ ti wú háá vandaítii tɔ, táa wú Kɛ́ɛ́ɣɛ Ngalá ndaaw̃áálɛ, lɛ́i í ngelegóóh̃u.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 6:22

Jísu í mɔ́ɔ ɣɛ ta, “Wɛ́i nungáitii taá híli ngáá wú ye ná vólu, tí betéve wú wa ɛ́ɣɛ múl̃ɔ ti wú yɛ́ɛ́li, ná vólu, tí ndaaheí nyɔ́u vɛ́lɛ wú wá sífaa nɔ́ɔ wú ngáá nuí síí w̃ɔ́i taa ɣɛ́ ma Nuu Búsa Goo H̃ú Loí volu yélaa, aa lɔ́ ngáá faa vánda wú hááw̃a.

NJƆÚ 15:21

Nungái taa wú h̃úúhou h̃íí bɔw̃álale wá lɔ́ ngáá ní vóngaa, aáva taá kɔlɔ́ nuí í tɔ́vengɔ.

NJƆÚ 8:48

Kɛ Júsuaitii tí ngoo yápotenga, ti ɣɛ́ ma, “Kɛ tɔɔỹaá laa ngáá sí ní ndengɔ́ í w̃á ngáá Samááliya w̃ɔɔ waa ngáá í ye, ná vólu, ỹína nyɔí lɔ í vólu?”

NJƆÚ 9:28

Kɛ tí ngɛɛliá, ti ɣɛ́ ma, “Yá lɔ yí ngáá siỹɛndópoi ná volú w̃ɔɔ, kɛ́ niyá láa, niyá lɔ ngáá Ngalá mɔ́i Muusé vólu yélaa!

NJƆÚ 9:34

Ná siỹɛndópoi í faí nátii ndeí kɛ tí ngoo yápotenga, ti ɣɛ́ ma, “Yɛ́i sí faa ỹɔ́i yámbɔɔlɔngɔ í w̃a í séi í lé sɔ́wɔ w̃a, yá lɔ yáa va ni galámboma?” Aáva tí kula ngitíí ya, tí kpetéve Ngala fɛ́lindai wa Ngala fɛ́li máákpɔ wotaí wuu wá.

TI GƐ́Ɛ́ HAÍTII 13:45

Ná Júsuaitii tí faŋaí ya tɔ́i, tí tolóma batɛní naa liítii su aáva ti ɣɛ́i náá taá njɛpɛ ỹɔú ỹɔ́ungaa le kɔwɔ́ato sí wá Pɔ́ɔ ɣɛ́i áá nde.

TI GƐ́Ɛ́ HAÍTII 18:6

Kɛ́ ná Júsuai taá lókoheini sí wu Pɔ́ɔ í ɣɛ́i áá nde, kɛ́ aá ɣéle, tí ɣɛi ngáá Pɔ́ɔ yɛ́ɛ́li mbélaa, i ngi gúlaitii kulái w̃a, í suubúkpulɛ, ngakɛ́ fááw̃a ngáá ti ye ngáá kɛ ti háá ỹɔí lɔɔ ló ngáá ti ye. Aáva i ndení ti w̃a, i ɣɛ ta, “Wú haa ỹɔí í ló ngáá wú ye. Wú wú ngɔ́ɔ́ bɔ́ɔ́ lo sú, ta w̃aa yɛ fíli ɛi hiya má. Í síɣe hááwɔ w̃a í lí náá ngáá naa wutúwɔɔ véle. Nyá lɔɔ vá liimá sítii ngele taa ngáá Júsua.”

TI GƐ́Ɛ́ HAÍTII 28:22

Kɛ́ ni longɔ́ɔ́ lé ní í gí maa háitii kɔ́lɔ, sífaa ní kɔ́lɔ ngáá ỹandá kpɛ́lɛɛ kpɛ́lɛɛ, nungáitii tiyá lɔɔ yɛ́pɛ ỹɔú kɔwɔ́ato ngoo yiláá fái sí wa yí vílingɔ mba.”

TI GƐ́Ɛ́ HAÍTII 5:41

Ngalángi géélaitii ti híɣeni náa faa le mbélaitii kákala ngáá kooh̃unɛ́ɛ́, bɔw̃álale Ngalá ngi ɣɛi náa lokohéini ti wu ngáá tí máánɔw̃ɔ yéɣe Jísu haaw̃a.

KƆ́L̃E GƆ́LƆI HELE KÉLEI 12:10

Faalɔ, ndíílɛingɔɔ lé ngáá njɔ́ njɔ́ngɔ ngíwaa ngɛɛlí mááhɔlɔ, ngí híya faa báma h̃u, ɛ́ɣɛ faa bɔlúndani su, ná vólu, tí faa báma la má Kílisitii hááw̃a, sífaa, ná njɔ́ njɔ́ngɔɔ áá ɣɛ́ la, kɛ súúbangɔɔ lé Kílisitii yákpangi h̃u.

KƆ́L̃E GƆ́LƆI HELE KÉLEI 4:10

Hɔ́wɔ fíli niỹá lɔ saa lowá la kɛ kíya Jísu í ɣɛ́i na. Kɛ́ tɔɔỹái waa ngáá, kɛ kíya bɛ́lɛ nɛ́nɛ ni ndɛɛh̃ú h̃u, aá lɔɔ́ áá ngákɛ ngáá kɛ Jísu bɛ́lɛ nɔ́ aá lɔ ndɛɛh̃ú h̃u.

KƆ́L̃E GƆ́LƆI HELE KÉLEI 4:16

Faalɔ, a mu líí ɛ́i ỹááni kɛ kíya bɛ́lɛ mu luwú w̃áá véle a muỹá lɔɔ ỹááni. Kɛ́ ná fíli su, mu h̃uuyáfuw̃angi w̃áá véle w̃a, muỹá lɔ́ɔ lóóla foló yíla ngíla fíli ma.

GALÉSIYA 1:24

Faalɔ, ti ɣɛ́i taá sɛ́ɣɛɛ gula Ngalá má kɔwɔ́ato mbá.

HÍBULU 11:26

Nganguféngi í ɣɛ́i áá va lamá kákala ngáá maanɔw̃ɔ́ Ngalángi Lókolo Mbá W̃ɔ́i hááw̃a, í ná yéɣei ngáá faa vánda í lɔ́ve Íjepi batɛítii mba bɔw̃álale, ki ngí ɣɛ́i ngi w̃ááỹangi wa í ɣɛ́i áá va maahɔ́lɔma.

JIMISÍ 1:12

Nuí sí faa bá ngɔ́ɔ́ bɔ́ɔ́ maale ɛ́i lókogula Ngala fɛ́lindai h̃u, aa lɔ́ ngáá faa vánda maa w̃ɔ́i hááw̃a. Aá lɔ́ ngáá faa vánda faaw̃a bɔw̃álale ná áá ló ngi lííbangi h̃u í ló su maa háá bamaí í víla, Ngalá ngáá kúnafɔ lɛ́ɛ́h̃ui hé ngeyá, ndɛɛh̃úi sí í sítii kuulóngɔ lá ti longɔ́i ngáá laá Ngalá.

JIMISÍ 5:11

Aa lɔ ngáá faa vánda sítii fááw̃a taá líiba faa bámai h̃u. Wú faa ỹɛ́ninga kɔwɔ́ato Ngala fɛ́li mɔ́i wa tɔ́ɔ́ ɣɛ́ ma Jóo ngi líílɔlɔi wa. Aáva wú kɔ́lɔ kíya Ndemɔí Ngála ngí bɔ́i mba ngapúmai sífaa, Ndemɔí Ngala tɔ ngáá maanuma w̃ɔ́ɔ́ ɛ́ɣɛ tuva velé vándaa w̃ɔɔ.

PÍTƐ HESENDAA GƆLƆÍ 2:12

Wú lúva veléi w̃aanɛ́ɛ́ngɔ í ɣɛ́ la ngwala sítii ndiiwáá taa ngáá Ngala fɛ́li mbélaa. Ngáá ná bɛ́lɛ taá í yéɣe ngáá tuva velé ỹɔ́u w̃ɔɔ, taá wɔ́lɛ nɔ́ɔ í lúva velé vándaitii mba tí Ngala tɛ folói ná w̃a íwaa vá nuu kpɛ́lɛɛ kɔ́sɔma ma.

PÍTƐ HESENDAA GƆLƆÍ 3:14

Kɛ́ bele pá wú w̃áá áá nɔ́w̃ɔ sífaa wáá ɣɛ́ wáá híya ngáá telembo pélei, aa lɔ́ ngáá faa vánda wú hááw̃a. Wálaa lúwa maa nungáitii mba, kɛlaa ti háá ɔ́ɔ́ kɛ ngáá háwu wú líí ɔ́ɔ́ hɛ́lɛ.

PÍTƐ HESENDAA GƆLƆÍ 3:16

Kɛ́ wáá suugúla maa w̃ɔ́i w̃a ngufema h̃ú ɛ́ɣɛ tuva véle w̃aanɛ́ɛ́ngɔ h̃u. Aáva wú gí mai í ɣɛ́ kpál̃au ngáá fáá ỹɔ́u aa wú lúva veleí h̃u kɛinɔɔ́ ná nuu áá ngoo ỹɔ́u le kɔwɔ́ato wú lɛ́ɛ́h̃ui wa wáá suuhíya ngáá pangɔ́ sífaa wú ngáá Kílisitii volú yelaa, ngufé ngí vɛ́lɛ maa yélaitii ma.

PÍTƐ HESENDAA GƆLƆÍ 4:16

Kɛ́ ná maanɔw̃ɔ́ áá la wu w̃a sífaa nɔ́ɔ wú ngáá Kílisitii vóngaa, álaa ɣɛ́ ngáá ngufé wú w̃a, kɛ́ laá ɣéle, wú sɛ́ɣɛɛ gula Ngala ma sífaa ndaahei ngí wú wa ngáá Kílisitii vóngaitii.

PÍTƐ GƆ́LƆI HELE KÉLEI 2:2

Kɛ́ ná fíli su, nungáá bíh̃iw̃aa taá hítɛ ngangímba lála véleitii pólu, ná waa ngáá, njɔlɔ haítii. Ná hááw̃a, nungáá taá ɣɛ́ taá njɛ́pɛ ỹɔú ỹɔ́ungaa vu kɔwɔ́ato tɔɔỹaá vélei wa.