PÍTƐ HESENDAA GƆLƆÍ 4:13 - Kɛ́lɛ Niinaí

¹³ Kɛ́ aá ɣéle, wú góóh̃unɛɛngɔ í ɣɛ́ la ngáá sífaa wúwaa maanɔw̃ɔ́i sí ta yeɣé Kílisitii í ngeɣéni, kɛinɔɔ́ wá bɛ́lɛ nɔ wú góóh̃unɛɛngɔ í ɣɛ́ la ngwala naa hɔwɔ́i ná w̃a íwaa vá vaamá wú tɔ ngi yákpa maanɛɛnɛɛ ngwalaí h̃u.

PÍTƐ HESENDAA GƆLƆÍ 4:13 Iomraidhean Croise

MÁFIYU 16:27

Sífaa nuí síí w̃ɔ́i taa ɣɛ́ ma Nuu Búsa Goo H̃ú Loí aá lɔɔ vá vaamá taá ngi w̃álekaitii, aá lɔɔ vá ngi Kɛ́ɛ́ɣɛ yákpa maanɛɛnɛɛngí h̃u. Aáva aa nuí kpɛ́lɛɛ mááỹa fe ngáá ngilá ngíla kíya nuu í yénge tokoí áá ɣɛ́ na.

MÁFIYU 25:21

Kɛ ngi núu walaí i ɣɛa ma, ‘Yí kɛ́ngɔ ngwála, yá lɔ ngáá ngenge mɔ́ɔ́ vánda ɛ́ɣɛ tɔ́wɔbaɣa w̃ɔ́ɔ́! Yí tɔ́wɔbaɣa gúlangɔ faa gúlo kw̃ɛ́ɛ́ su, faalɔ, nyáá ngáá ŋáni bih̃íw̃aa he í yáa ti ɣɛ́ í lóko h̃u. Vá, yí báha í núú walaí wa ngi góóh̃unɛi h̃u!’

MÁFIYU 25:23

Kɛ ngi núú walaí i ɣɛa ma, ‘Yí kɛngɔ́ ngwála, yá lɔ ngáá ngenge mɔ́ɔ vánda ɛ́ɣɛ tɔ́wɔbaɣa w̃ɔ́ɔ́! Yí tɔ́wɔbaɣa gúlangɔ faa gúlo kw̃ɛ́ɛ́ngi sí h̃u, faalɔ, nyáá ngáá ŋáni bih̃íw̃aa he í yáa ti ɣɛ́ lóko h̃u. Vá, yí báha í núú walaí wa ngi góóh̃unɛi h̃u!’

MÁFIYU 25:31

Jísu í mɔ́ɔ́ ɣɛ volú yélaitii ma, “Ná nuí síí w̃ɔ́i taa ɣɛ́ ma Nuu Búsa Goo H̃ú Loí áá vá áá hólo ngi yákpa maanɛɛnɛɛngí h̃u, aáva malékaitii kpɛ́lɛɛ tí mba, ngi gááma w̃asandai h̃u,

MÁFIYU 25:34

Masangí aa ɣɛ náa sítii ma taa ɣɛ́ ngisa h̃u vélei, ‘A vá, wɛ́i ní Kɛ́ɛ́ɣɛ Ngalá ngí hɛ́ɛ́ngɔ wú yɛ, a va wú ɣɛ́ ngi w̃ásandai h̃u kɛ kíli batɛngɔ́i wú háaw̃a wɔ́lɔ kpɔ́lɔɔ ngetéyangi lɔ́kula héimai,

MÁFIYU 5:12

Faí nátii tɔɔ́ bɔ́ɔ́ ɣɛ ngáá wú ye, wú líílangɔ í ɣɛ́ la, wú kóóh̃unɛɛ gúla bɔw̃álale wú gúlasuunumai wála yangí í wɔ́ɔ́lɔ í ngelegóóh̃u. Ngimɔ́ɔ́ nɔ́ɔ wɔ́lɔ tɔ́ɔ faa bámaitii nda Ngalá ndaa háá lé mbélaitii má, tiyɛ́i ti ɣɛ́i wɔ́lɔ na, ná h̃u taá nɛ́ɛ ɣɛi wú léni.”

Keela woó vándai Máa í pɔ́nɛni kɔwɔ́ato Jísu Kílisitii wa MÁI 8:38

Í mɔ́ɔ́ ɣɛ ta, “Ná nuu fíli áá wúfe ngáá ní hái ɛ́ɣɛ ndáá wói Ngalá kɔ́lɔ tála ɛ́ɣɛ faa ỹɔ́u yéteyangi sí h̃u, ná Nuu Búsa Goo H̃ú Loí, áá vá ngi Kɛ́ɛ́ɣɛ yákpa maanɛɛnɛɛngí h̃u taá ngí hɛ́ɛ́ma w̃álekaitii, aa wufe ngáá maa w̃ɔ́i bɛ́lɛ ngi hái.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 17:30

Ngimɔ́ɔ́ jɔ́ áa vá ɣɛmá folói sí w̃a Ngalá ngáá va Nuu Búsa Goo H̃ú Loí ɣɛma ngáá nuu kpɛ́lɛɛ ti tɔ.”

TI GƐ́Ɛ́ HAÍTII 16:25

Kuyá liiwái i ɣɛi nɔ́ɔ áá foló ma, kɛ Pɔ́ɔni ngaa Sáilɔ tiyá tɔ taá Ngala fɛ́li táa Ngalá ngúleitii sɔɔlɛ́. Aáva pelésina vekaítii ti ɣɛ́i taá wolílo ti w̃a.

TI GƐ́Ɛ́ HAÍTII 5:41

Ngalángi géélaitii ti híɣeni náa faa le mbélaitii kákala ngáá kooh̃unɛ́ɛ́, bɔw̃álale Ngalá ngi ɣɛi náa lokohéini ti wu ngáá tí máánɔw̃ɔ yéɣe Jísu haaw̃a.

LÓÓMI 5:3

Ná vólu mɔ́ɔ́, a maá góóh̃unɛɛ maanɔw̃ɔ́itii su taa lá mú w̃a bɔw̃álale, a mú súúwɔlɔ ngáá maanɔw̃ɔ́i lɔ áá kɛ a mu lii í bá.

LÓÓMI 8:17

Na aáva a mú ngáá Ngalángi léngaa, sí í ngándɔɔlɔngɔ a muỹá lɔ́ɔ vá maahɔ́lɔma a maa Kílisitiini. A mu lɔ́ngɔ muỹá lɔɔ vá ɣɛ́ma Kílisitii yákpa maanɛɛnɛɛ ngwalaí h̃u bɔw̃álale, a muỹá lɔ́ɔ w̃áánɔw̃ɔ kíya í w̃áánɔw̃ɔni.

LÓÓMI 8:18

Ndángɔɔ lé lá gíte ngáá maanɔw̃ɔ́i náá a máá híya sú nuu ɛ́i suw̃á p̃ɛ́ɛ́ ngakpá máánɛɛnɛɛngi w̃a a máá vá suulɔmá kúna.

KƆ́L̃E GƆ́LƆI HELE KÉLEI 1:5

Kɛ kíya nɔ́ɔ Kílisitii í maanɔw̃ɔ́ bíh̃i bih̃ingí yéɣeni níwaa ngéɣe, ngimɔ́ɔ́ nɔ́ɔ ngi lííyapɔpɔ ngwalaí áá fólo ni w̃a.

KƆ́L̃E GƆ́LƆI HELE KÉLEI 1:7

Aáva ni gitómai wú hááw̃a ɛi hiɣéma kúnafɔ bɔw̃álale, ní kɔ́lɔ ngáá maanɔw̃ɔ́i ní ngeɣéngɔ wúndai wúl̃a wáá ngeɣé wá bɛ́lɛ aáva ndiiyapɔpɔ́ngi náa maahɔ́lɔ, wá bɛ́lɛ wá lɔ́ɔ wúndai w̃aahɔ́lɔ.

KƆ́L̃E GƆ́LƆI HELE KÉLEI 4:10

Hɔ́wɔ fíli niỹá lɔ saa lowá la kɛ kíya Jísu í ɣɛ́i na. Kɛ́ tɔɔỹái waa ngáá, kɛ kíya bɛ́lɛ nɛ́nɛ ni ndɛɛh̃ú h̃u, aá lɔɔ́ áá ngákɛ ngáá kɛ Jísu bɛ́lɛ nɔ́ aá lɔ ndɛɛh̃ú h̃u.

KƆ́L̃E GƆ́LƆI HELE KÉLEI 4:17

Faa bɔ́lunda gúlo guloái sítii táa vá ma lɛ́mbi má múwaa w̃áánɔw̃ɔ ti wu taa kɛ ngáá háwu mú ŋáni ta w̃ááhɔlɔ mbɔɔlɔngɔ́ ngwala lɛ́i áá ló mu yaá kúnafɔ fááw̃a.

FÉLEPA 3:10

Faalɔ, ndóngɔɔ lé ngí ɣɛ́ Kílisitii wɔlɔ́ ngáá kɛ ele gíte wáá ngáá laá, kɛinɔɔ́ ná í wúyoɣeni sái h̃u, ngakpángi sí í ngeyá nyá bɛ́lɛ í ɣɛ́ ngéya. Ná wáá ngáá ngí ɣɛ́ ngáá kíya í ɣɛ́i na ngi w̃áánɔw̃ɔi h̃ú ɛ́ɣɛ sái í mbóni.

KƆLƆ́SE 1:24

Nyɛ́i ngí ngáá Pɔ́ɔ, kóóh̃unɛɛngɔɔ lé maanɔw̃ɔ́i sí hááw̃a ngíwaa ngeɣé wú yɛ. Maanɔw̃ɔ́i sí nuu áá ngéɣe Kílisitii háaw̃a, laá lɔ́ ngíwaa ngéɣe ngáá kɛinɔɔ́ ngí ngukúla Ngala fɛ́li mbélaitii faaw̃a tiyɛ́i ti báhangɔ Kílisitii wá kíya nɔ́ɔ nuu lúwui áá ɣɛ́ nuu w̃a.

TÍMOTI GƆ́LƆI HELE KÉLEI 2:12

Ná a maa ndí ngu ma ngáá ndiilɔlɔí, ngimɔ́ɔ́ nɔ́ɔ a máá ɣɛ́ masandáá h̃u aa maa Jísu. Ná a maa bééle mba, áá bɛlɛ́ áá beele mu wa.

PÍTƐ HESENDAA GƆLƆÍ 1:13

Náá hááw̃a, a héi gilí bátɛ ngáá wú gí maitii ti ɣɛ́ Ngala fáitii kɛ fááw̃a, wálaa lééw̃a, ná vólu, wú gítomai kpɛ́lɛɛ í ɣɛ́ nɔɔ́ náa Ngalángi háá bɔwɔí sí wa í ngeyá wú hááw̃a. Wá lɔɔ vá maahɔ́lɔma ngeyá ná h̃u Jísu Kílisitii íwaa vá yangáimama ngeleí sí wu.

PÍTƐ HESENDAA GƆLƆÍ 2:21

Ngalá ngí wú lólingɔ ngáá wú w̃áánɔw̃ɔ h̃íí ná sífaa Kílisitii í w̃aanɔw̃ɔ́ngɔ wú hááw̃a. Aáva ngi w̃áánɔw̃ɔi ná ɣɛ kíli lɔ wáá ɣɛ́ wáá wɔ́lɛ mba wúwaa híya kɔwɔ́ vó njɛ́ ya.

PÍTƐ HESENDAA GƆLƆÍ 5:1

Nyá lɔɔ yɛ́pɛ naa wú yéle wɛ́i wú ngáá kele ɣelé mbélaitii Ngala fɛ́li mbélai faaw̃a, nyɛ́i nyá bɛ́lɛ ngí ngáá kele ɣelé mɔ́ɔ Ngala fɛ́li mbélai faaw̃a. Nyá lɔ́ɔ yɛ́pɛ wú yelé ngáá lií kpɛ́lɛɛ. Ngí tɔ́i maanɔw̃ɔ́i í wói ngáá Kílisitii. Aáva maanɛɛ́ wálai ná í su, aá lɔɔ vá kɛmá ngáá háwu ngí ɣɛ ta h̃u naa hɔwɔ́i ná áá vá gúlama kɛ́lɛma. Wú w̃áánɛɛnɛngɔ gíte le,

PÍTƐ HESENDAA GƆLƆÍ 5:10

Kɛ́ Ngála lɛ́i faa bɔ́wɔ kpɛ́lɛɛ áá gúla ngeya í wú lólingɔ ngáá wú ɣɛ́ mbu ngi w̃ásandaa w̃aanɛɛnɛɛngí wu í na kúnafɔ, wú báha gilíí wa wáá Kílisitii. Maanɔw̃ɔ́i íwaa wó ngáá wú ye suu aá ɣɛ́ ma gooh̃á ngwala kɛ Ngalá pá aa kɛ náa ngáá háwu faa kpɛ́lɛɛ í ɣɛ́ vaní wú yɛ, ná wáá ngáá, wú lángɔ áa ɣɛ́ gíte lá kpáŋ kpáŋ, ná vólu, wú lóó gíli bátɛngɔ aa ɣɛ lá pele kpɛ́lɛɛ su ngi hái h̃u kɛɛlɛ́ ngɛ́i ɣɛ́ mba.

Kɔlɔí Júu í pɔ́nɛni Ngala fɛ́li mbélaitii ngelé JÚU 1:24

A mú mu Yála ngiláá kpéngi lɛ lɛ́i í ngáá mu Wúmaawo Mɔ́i! Aa kɛ ngáá háwu a mɔ́i gúla ngi hái h̃u, aáva a mu w̃ááw̃uỹangɔ aa ɣɛ lá fó faa ỹɔ́i yáa, ná vólu, mu ɣɛ́ kooh̃unɛɛ h̃u ndoow̃á ngi háá w̃aanɛɛnɛɛ ngwalaí h̃u. A mu Lemɔ́i Jísu Kílisitii w̃aa véle w̃a, bɛlɛ́ ndaaw̃áá í lɛ, ngufema í ɣɛ́ mbɛ, ná vólu, bɛlɛ́ ngi háá w̃aanɛɛnɛɛ ngwalaí, ngi yákpangi, ɛ́ɣɛ ngi w̃ásandaa walaí tí ɣɛ́i na wɔ́lɔ aáva tí na sí h̃úi, ti ɣɛ na kúnafɔ! Amíína.

FAA YÁKƐ KƆ́LƆI 1:7

A wolílo! Jísu Kílisitii lɔ́ɔ vá vááma njɛbilií ya. Nuu kpɛ́lɛɛ táa Jísu lɔ, í báha sítii kéle tɔ mba tí pááni. Aáva nuu kpɛ́lɛɛ taa wɔ́lɔ kɔwɔ́ato mba. Tɔɔỹaá h̃u ná lɔ́ɔ vá ɣɛ́ma. Amíína.

FAA YÁKƐ KƆ́LƆI 1:9

Nyɛ́i ngí ngáá Njɔú, wú mbála Yalá fɛ́li mɔ́i, ɛ́ɣɛ mu báhangɔ Jísu Kílisitii wa, nyá lɔ́ mɔ́ɔ ngáá wú mbála ndiilɔlɔ́i sí h̃u múwaa kúla maanɔw̃ɔ́i sí h̃u múwaa ngéɣe sífaa mú Jísu Kílisitii w̃ásandai wu. Tí lííni ngáá ngé ndɔwɔlɔ́i sí w̃á táa tolí ngáá Patímɔ, maayelé mbélengɔ ngáá njɛí ti ndó na ngáá pelésina, sífaa ngí Ngála ngói lení Jísu í ngákɛni ngáá aá lɔ́ ngáá tɔɔỹáá.