PÍTƐ HESENDAA GƆLƆÍ 4:11 - Kɛ́lɛ Niinaí

¹¹ Nuí fíli áá Ngála ngóó le, keela wói áá nde, í ɣɛ́ ngáá Ngala kééla woí. Nuí fíli pá áá ɣɛ́ ngáá kpɔmba hé mɔ́ɔ, Ngalángi ɣɛ́ la áá ɣɛ́ maa yákpangi héni mbɛ. Ná í ɣɛ h̃íí kɛinɔɔ́ faa kpɛ́lɛɛ su, Ngalá ngí tɛ maahɔ́lɔ Jísu Kílisitii w̃aa véle w̃a lɛ́i ngufema kpɛ́lɛɛ í ngeyá ɛ́ɣɛ ngakpángi kpɛ́lɛɛ kúnafɔ taá ngí ndá gúnafɔ. Amíína.

PÍTƐ HESENDAA GƆLƆÍ 4:11 Iomraidhean Croise

MÁFIYU 6:13

Yálaa kɛ ngáá háwu suugɔ́vɔ kpángɔ ɔ́ɔ́ vá ni yelé ɔ́ɔ́ kɛ nɔɔ́ faa ỹɔ́u ɣɛ, kɛ́ yí ní w̃ááh̃u béle Ngutuwɔ́ Ỹína Nyɔí yáá.’

NJƆÚ 13:31

Ná naá Júdɔ í ɣɛ́i liiní, kɛ Jísu i ɣɛa ta, “Taíngi i folongá ma ngáá nungái táá vá naa lɔmá nuí síí w̃ɔ́i taa ɣɛ́ ma Nuu Búsa Goo H̃ú Loí kíya kaámaangɔ. Laá lɔɔ vá mɔ́ɔ́ kɛmá ngáá háwu nungái tí naa lɔ kíya Ngalá káámaangɔ.

TI GƐ́Ɛ́ HAÍTII 7:38

Laá vá tɔ i ɣɛ́i Ísulɔ yeláitii ndiiwáá ngaalái h̃ú tiyɛ́i ti ɣɛi ngáá a mu káwalani ɛ́ɣɛ Ngalángi w̃álekai sí í yɛ́pɛni ngelé ngihéi sí wa taa tolí ngáá Sáinai. Aáva i Ngalá ndaa wói w̃ááhɔlɔni na í fé a mu yaá. Ngalá ndaa wói sí vá tɔ áá ndi ngu ma kúnafɔ.

LÓÓMI 11:36

Faa kpɛ́lɛɛ i gulangɔ́ Ngála ngeyá, laá lɔ́ í ŋáni kpɛ́lɛɛ kpátɛngɔ, laá vá tɔ kpɛ́lɛɛ áá ngápu tóko h̃u. Bɛlɛ́ ndaaw̃áá í lɛ́ kúnafɔ taá ngí ndá gúnafɔ! Amíína.

LÓÓMI 12:3

Ngálangi háá bɔwɔ walaí w̃áá véle w̃á í ngaah̃ú ɣɛ́a ngáá ngé, ngí ngátɔa mba ngáá ngí ndé wú w̃a ngáá kíya núi fíli áá ɣɛ́ na. Maa w̃ɔ́i gísiya álaa ngandɛ́i, ɔ́ɔ́ ngí háá lɛ́nga ɔ́ɔ́ lɔ́ve kɛ kíli wa. Kɛ́ láá ɣéle, ndangí l̃ɔ́ingi Ngalá ngáá kɛ́ ngáá háwu nuu fíli í mááhɔlɔ, laá lɔ́ áá lókola ma í bɔ́wɔ yéɣe ngáá ele wáá ngáá laá.

LÓÓMI 16:27

Aáva Jísu Kílisitii w̃aa véle w̃a náá, a mú Ngála tɛ́ lɛ́i ngiláá kpé í ngáá Ngalá kéle ɣeléngi kpɛ́lɛɛ í ngeyá! Amíína.

LÓÓMI 3:2

Maa gúlasuunumai yámbɔɔlɔngɔɔ lé pele bíh̃iw̃aa h̃u. Hése keleí wáá ngáá, Ngala ngí ngi gééla wói hénga Júsuaitii ngéya.

KƆ́L̃E HESENDAA GƆLƆÍ 10:31

Faalɔ, bele pá wɔ́lii wáá laaỹɛ́ ɔɔ wú ŋani bɔ́le ɔɔ sí fíli nɔ́ɔ wáá kɛ, a kpɛ́lɛɛ kɛ́ ngáá kɛinɔɔ́ Ngalángi í ngúfema w̃ááhɔlɔ su.

KƆ́L̃E HESENDAA GƆLƆÍ 12:4

Ngenge tókoitii Hɛ́ɛ́ma Ỹínangi áá ngákɔlɛ wɔlɛ́ ti léélaa léélaa. Kɛ́ Hɛ́ɛ́ma Ỹína ngílaa kpéngi lɔ nɔ́ɔ́ áá tí yakɔ́lɛ wɔ́lɛ.

KƆ́L̃E HESENDAA GƆLƆÍ 3:10

Sí Ngalá ngí féngɔ mbɛ́ ngi háá bɔwɔí w̃áá véle w̃a, í kɛ́a ngáá háwu ngí Ngala ngénge panda wo wú lííwaa kíya nɔ́ɔ́ pɛ́lɛ ló mɔ́ɔ́ vanda í na. Ngí pɛ́lɛ gɔ́wɔi hítɛnga aáva nuu vékaa tiyá lɔ́ɔ pɛlɛ́ ló náa pɛlɛ́ gɔ́wɔi ná w̃a. Kɛ́ kɛ nuu fíli í ndá ma kíya áá pɛlɛ́i ló ma.

KƆ́L̃E HESENDAA GƆLƆÍ 6:20

I wú h̃ɔ́w̃ɔ hengɔ́ ngáá ŋani. Faalɔ, bɛlɛ́ í ngúfema w̃ááhɔlɔ wú lúwui w̃aa véle w̃a.

KƆ́L̃E GƆ́LƆI HELE KÉLEI 2:17

Naá ngáá kɛ kíya nuu bíh̃iw̃aa vékani tí na taá Ngalángi gééla woí léndai yeɣé nɔ́ɔ ngáá yawo ɣɛndáa. Kɛ́ Ngala kítei í ni lɔ́vengɔ ná hááw̃a, aá lɔ́ɔ ni yasɔ́bɛ kíya níwaa ngi gééla woí lé ngáá tɔɔỹaá véle Kílisitii yákpangi w̃áá véle w̃a.

KƆ́L̃E GƆ́LƆI HELE KÉLEI 9:13

Faalɔ, toko bɔ́mbai sí wú féa, aá lɔ́ áá ngákɛ ngáá kíya wú ɣɛ́ kíli í na, í kɛ́ nungáá tí Ngála tɛ́ kolóngi hááw̃a wú sú mbɛ áá gúla wú lé ngói h̃u ngáá wú lángɔɔ lé ngáá keela woó vándai kɔwɔ́ato Kílisitii wa, ɛ́ɣɛ wú háá bɔwɔ wala ɣɛndái Ngala fɛ́li mbélaitii mbɛ ɛ́ɣɛ nungáá vékaitii.

Ɛ́FƐSƆ 1:19

ɛ́ɣɛ ngakpa ngwálai áá fé mu yaá muỹɛ́i máá lá lá. Ngakpángi sí áá fé mu yaá, aá lɔ nɔ́ɔ

Ɛ́FƐSƆ 4:29

Ngoo ỹɔ́u ỹɔ́u álaa ɣɛ́ áá gúla wú la. Wú láá wóitii ti ɣɛ́ ngáá ngoo vánda vándaa táingi fíli ma ngáá sítii taá mɛ́ni, í tí gúla faa h̃u.

Ɛ́FƐSƆ 5:20

Mu Lemɔ́i Jísu Kílisitii laahéingi h̃u, a mu ɣɛ́ nɔ́ɔ fɔ́ máa sɛ́ɣɛɛ gula Kɛɛɣɛí Ngala má faa kpɛ́lɛɛ su.

Ɛ́FƐSƆ 6:10

Ngapúmaa hái lɔ ngáá nde wú w̃a. Wú h̃úúbangɔ í ɣɛ́ la Ndemɔí Jísu yakpangí h̃u ngáá kpahaí wá wáá ɣɛ́ su mba.

FÉLEPA 1:11

Wú gɛ́ɛ́ hái i ɣɛ́ nɔ́ɔ fɔ́ ngáá faa vándaitii kɛndáá Jísu Kílisitii yílaa kpé áá kɛ ngáá háwu wáa hómbo wáa ti ɣɛ́ kɛinɔɔ́ ngúfema í ɣɛ́ Ngála mbɛ ná vólu, ndaaw̃áá í lɛ́.

FÉLEPA 2:11

Nuu kpɛ́lɛɛ pá taá nde lííwaa wála ngáá Jísu Kílisitii lɔ í ngáá Ndemɔí kɛinɔɔ́ Kɛɛɣɛí Ngalá í ngúfema w̃ááhɔlɔ su.

KƆLƆ́SE 4:6

A waayaa yɛ́pɛ nɔ́ɔ fɔ́ ngáá pangɔ ááyaa la nungáá woli h̃u. Ná nuu fíli áá wú w̃ɔ́ɔ́ni, a ngoo yápote ngáá pangɔ ngáá tɔɔỹaá véle.

TƐSALÓNIKA HESENDAA GƆLƆÍ 2:4

Sí Ngála ngáá ɣɛ́ lói ní ndé laá lɔ́ nɔ́ɔ naá nde bɔw̃álale i lokolongá ní wa, í kééla wóó vándai léndai he ni yaá. Naá yákpama ngáá sí nɔ́ɔ áá ɣɛ́ ngáá nuu búsa liivó fái ni ná ɣɛ́, kɛ́ Ngalá lɛ́i í nuu líí h̃u háitii kɔ́lɔ, laá lɔ náa yakpá ngáá naa ɣɛ́a ndiilá.

TÍMOTI HESENDAA GƆLƆÍ 1:17

A mú Ngalá tɛ lɛ́i i ngáá kúnafɔ w̃ása ngwálai, lɛ́i ɛ́i há kúnafɔ aáva lɛ́i nuu ɛ́i tɔ, lɛ́i ngilaá kpé í ngáá Ngalá. Bɛlɛ́ ndaaw̃áá í lɛ́, ngufema í ɣɛ́ mbɛ kúnafɔ taá ngí ndá gúnafɔ! Amíína.

TÍMOTI HESENDAA GƆLƆÍ 6:16

Ngalá ngílaa kpé pá tɔ ɛ́i há kúnafɔ, aá lɔ lámbo fo ngwalaí sí yá nuu fíli ɛ́i hómbo ɔ́ɔ́ bɛ́ɛ́ mba. Nápa nuu fíli áá nɛɛ tɔ́i, nuu fíli pá ɛi hómbo ɔ́ɔ́ tɔ kúnafɔ. Bɛlɛ́ ngufema í ɣɛ́ mbɛ, ngákpa ngí ɣɛ́ ngeyá kúnafɔ! Amíína.

TÁITƆ 2:1

Táitɔ, kule lɔ í w̃á sí í ngáá tɔɔỹaá gálambongi yí mbó.

TÁITƆ 2:15

I lóów̃ai í í yáá, maa yákpangi yangénge yí nungáitii kalámbo ngáá fái sítii ɛ́ɣɛ yí tí liiwúúlɛ. Sítii tɛ́i ɣɛ́ pele gíte w̃a, yí tí hítɛ pele vandá w̃a. Yálaa kɛ́ nuu fíli ɔ́ɔ́ tókohiya ngu maah̃ú háá ɣɛ ngáá í ye.

HÍBULU 13:7

A giséi sítii ma ti ɣɛ́i hése ngáá wú wútuwɔaitii tɔ́ɔ́ Ngala ngói le wú w̃a. Wú gísiya ngáá kíya tí lɛ́ɛ́h̃uitii suuhíyani. Wá bɛ́lɛ wú la ngáá Ngalá kíya ti lángɔ í ɣɛ́i lá ngáá Ngalá.

HÍBULU 5:12

Seímil̃a p̃ɛ́ɛ́, nuu ɣɛ́ gíte nuú ndé sí h̃úi kule lɔ náá ma wú ɣɛ́ wáá kalambo mbó kɔwɔ́ato Ngala fái sítii mba. Kɛ́ wú ɣɛ́ kíli sí w̃á nɛ́nɛ kpɛ́, kule lɔ́ ma wú ɣɛ́ wáá kalambo mááhɔlɔ kɔwɔ́ato hésendaa galambongitii mba tí Ngalá kééla woí h̃u. Maa hái gúlangɔɔ lé ngáá kule í ɣɛ́ngɔ náá ma wú ɣɛ́ ngáá kpakolongáá náa, wú ɣɛ́ wáá mɛ́ɛ́ni bákpa mɛ. Kɛ́ wú ɣɛ́ kíli gulangɔ́ɔ́ lé nɔ́ɔ nɛ́nɛ kpɛ́ ngáá ndoú lálani waa ɣɛ́ wáa nyiní bɔ́le nɛ́nɛ.

JIMISÍ 1:19

Mu mbála Yalá fɛ́li mbélaitii wú ngáá ndíívo mbélaa, a ɣɛ́ fái sí wɔ́lɔ. A ɣɛ́ ngáá faa ỹɛ́ni mbélaa hɔ́wɔ fíli. Wálaa ɣɛ́ wáá bɛ́li ngáá yɛpɛndáá kalambo sú kɛlaa maa wú líí ɔ́ɔ́ ɣɛ́ kolo ngá,

JIMISÍ 1:26

Ná nuu fíli áá gisíya ngáá kɛ aá lɔ ngáá Ngala fɛ́li mɔ́ɔ́ vanda, aáva ɛi nɛɛ tó nɛɛ túwɔ, kɛ aá lɔ́ɔ bɔwɔ́ vɛ́lɛ, ngi Yála fái va pele áá su.

PÍTƐ HESENDAA GƆLƆÍ 2:12

Wú lúva veléi w̃aanɛ́ɛ́ngɔ í ɣɛ́ la ngwala sítii ndiiwáá taa ngáá Ngala fɛ́li mbélaa. Ngáá ná bɛ́lɛ taá í yéɣe ngáá tuva velé ỹɔ́u w̃ɔɔ, taá wɔ́lɛ nɔ́ɔ í lúva velé vándaitii mba tí Ngala tɛ folói ná w̃a íwaa vá nuu kpɛ́lɛɛ kɔ́sɔma ma.

PÍTƐ HESENDAA GƆLƆÍ 2:5

Wú gúlangɔɔ lé ngáá kɔtuni ndɛɛh̃ú i wú h̃u. A bɛlɛ́ Ngala ngí wú ɣɛ́ ngáá maa wɔ́tui tá ngí vɛ́lɛi h̃u ngi Ỹínangi íwaa to. Wú gúlangɔ í ɣɛ́ lá ngáá hɛ́ɛ́ma Yála sááɣa gula mbélaa, wú ɣɛ́ wáá Ngala fɛ́li wáá Ngala tɛ́ sí í ngáá sááɣa ɣɛ kíli wáá ɣɛ́ wáá kula, sítii taá ɣɛ́ ngáá Ngala tókohei mbu gélea Jísu Kílisitii w̃áá véle w̃a.

PÍTƐ HESENDAA GƆLƆÍ 4:10

Ngenge tókoitii Ngalá ngí kɛ́ngɔ ngáá háwu wú hómbo ti la, kɛ nuí fíli í ɣɛ́ áá ngi ndái yangénge ngáá pangɔ́, ngáá kíya áá ngángenge nungáá vekaítii bɛ́lɛ nɔ taá kulasuunúma w̃ááhɔlɔ su.

PÍTƐ HESENDAA GƆLƆÍ 4:16

Kɛ́ ná maanɔw̃ɔ́ áá la wu w̃a sífaa nɔ́ɔ wú ngáá Kílisitii vóngaa, álaa ɣɛ́ ngáá ngufé wú w̃a, kɛ́ laá ɣéle, wú sɛ́ɣɛɛ gula Ngala ma sífaa ndaahei ngí wú wa ngáá Kílisitii vóngaitii.

PÍTƐ HESENDAA GƆLƆÍ 5:11

Bɛlɛ́ Ngalángi w̃ásandai í ló na kái kúnafɔ taa ngi ndá gúnafɔ! Amíína.