PÍTƐ HESENDAA GƆLƆÍ 4:10 - Kɛ́lɛ Niinaí

¹⁰ Ngenge tókoitii Ngalá ngí kɛ́ngɔ ngáá háwu wú hómbo ti la, kɛ nuí fíli í ɣɛ́ áá ngi ndái yangénge ngáá pangɔ́, ngáá kíya áá ngángenge nungáá vekaítii bɛ́lɛ nɔ taá kulasuunúma w̃ááhɔlɔ su.

PÍTƐ HESENDAA GƆLƆÍ 4:10 Iomraidhean Croise

MÁFIYU 20:28

Kíya nɔ́ɔ nuí síí w̃ɔ́i taa ɣɛ́ ma Nuu Búsa Goo H̃ú Loí ɣéle tɔ aa vaangɔ́ ngáá nungáá ti w̃ɔ́l̃ɛ mbɛ. Kɛ́ laá ɣéle, i vaangɔ́ ngáá í ɣɛ́ ngáá mɔl̃ɛ́ w̃ɔ́ɔ́ nungáá yɛ, ná vólu, í lɛɛh̃úi gúla kɛ́lɛma nuu bíh̃iw̃aa ti wumááwo fááw̃a.”

MÁFIYU 24:14

Aáva keela woó vándai sí kɔwɔ́ato Ngalángi w̃ásandai wa, pólu yélaitii taá ndé ỹandáitii kpɛ́lɛɛ ngeleí sí wu. Ná vá ngáá ɣɛ́ kɛinɔɔ́ nuu kpɛ́lɛɛ tí Ngála kééla woí ỹɛ́ni. Ná ná áá ɣɛ́, ngetéyangi aa vilá naá.”

MÁFIYU 24:21

Sífaa, maanɔw̃ɔ́ wála lɔɔ vá láma táingi ná h̃ú. Aáva maa w̃áánɔw̃ɔi h̃úú áá ɣɛ́ ỹɔ́u, í lɔ́ve maanɔw̃ɔ́ kpɛ́lɛɛ mbá í lánga í séi ngetéyangi sí lɔkúla héimai w̃a í fólo sí h̃úi w̃a, aáva maa w̃áánɔw̃ɔi gɛɣɛ́laa fíli ɛi mɔɔ ɣɛ́ na.

MÁFIYU 24:45

Kɛ Jísu i mɔɔ ɣɛa ti w̃a, “Kɛ ngenge mɔ́i bɛɛ́ lɔ hɔ́ɔ í ngáá tokolá ma yénge mɔ́i aáva ki máá ngúlangɔ lɛí ngi núú walaí áá ngéɣe í to ngi mbála yengé mbélaitii ngutúwɔɔ ngáá áá yáá mɛɛní he ti yaá na mɛɛní ỹɛ́ sɔ́wɔi kái kái áá fólo ma?

MÁFIYU 25:17

Ngimɔ́ɔ́ nɔ́ɔ jɔ́ ngenge mɔ́i sí í bɛ́ki félengɔi w̃aahɔ́lɔni, laá bɛ́lɛ í kɛ́ni bɛ́ki félengɔi í láma ngeyá.

MÁFIYU 25:44

Nátii bɛ́lɛ taá ngoo yápote, ti ɣɛ́ ma, ‘Kawálai, nápa bele hɔ́wɔ lɔ ni í lɔ́ni ndɔlɛ í í w̃á ɔɔ njɛ w̃ɔní í í w̃á ɔɔ yí ngáá sotá, ná láá lé, kula beɣé ngí wá ɔɔ í héébɛngɔ ɔɔ yí kpindi vɛlɛ́i wu nɛ́i belé bɔ í wá?’

Keela woó vándai Máa í pɔ́nɛni kɔwɔ́ato Jísu Kílisitii wa MÁI 10:45

Sífaa nuí síí w̃ɔ́i taa ɣɛ ma Nuu Búsa Goo H̃ú Loí ɣéle tɔ aa vaangɔ́ ngáá nungáá ti w̃ɔ́l̃ɛ mbɛ. Kɛ́ laá ɣéle, i vaangɔ́ ngáá í ɣɛ́ ngáá mɔl̃ɛ́ w̃ɔ́ɔ nungáá yɛ, ná vólu, í lɛɛh̃úi gúla ndɔbɔ nuu bih̃íw̃aa ti wumááwo fááw̃a.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 12:42

Kɛ Ndemɔí Jísu i ngoo yápotenga, i ɣɛ ma, “Kɛ ngenge mɔ́i bɛɛ́ lɔ hɔ́ɔ í ngáá tokolá ma yénge mɔ́i aáva ki máá ngúlangɔ lɛ́i ngi núú walaí áá ngéɣe í to ngi mbála yengé mbélaitii ngutúwɔ ngáá ááyaa mɛɛní he ti yaá ná mɛɛní ỹɛ́ sɔ́wɔi kái kái áá fólo ma?

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 19:13

Kɛ́ ɔ́ɔ́ ɣɛ́ p̃ɛ́ɛ́ í lí, i ngi yénge mbelaa púúngɔ lolíni, í naholó hé ti yilá ngíla ngeya, i ɣɛ ti w̃a, ‘A waayaa loko vóte voté nahalói sí h̃u í ló su kpóloo ngí vá.’

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 8:3

Ti lɛ́ingaa ti ɣɛ́i ngáá Jowána sí ngi h̃íỹɛngi i ɣɛi ngáá Kúsa. Kúsa va i ɣɛi áá Hɛ́lɔdi yaá wɔ́lingaitii kpɛ́lɛɛ mááh̃u belé. Nyah̃ái sí taa ɣɛ ma Susana ɛ́ɣɛ nyah̃á vékaa bih̃íw̃aa tiyá lɔ ti ɣɛ́i taa bɔ́ Jísu wa taá polú yélaitii ngáá yaá wɔ́lingaa.

LÓÓMI 15:25

Kɛ́ kíya suu í na nɛ́nɛ Jɛlúsɛl̃ɛ taa walái h̃uuhíya tɔ í kɔ́wɔ yá. Ngalángi vóngai tí na ti w̃ááhiya tɔ ngí su.

LÓÓMI 15:27

I ɣɛi ngáá ti liivó fáá ngáá tí kpɔ́mbai ná wó. Seímil̃a p̃ɛ́ɛ́, áá lɔ́ ngáá tí w̃áágule ngáá tí kɛ sífaa, tiyɛ́i taa ngáá Júsua tí Ngala fái w̃ááhɔlɔnga Júsuaitii maa véle w̃a. Faalɔ, tiyá bɛ́lɛ aá lɔ́ nɔ́ɔ ti w̃a ngáá ti w̃áágule ngáá sí táá maahɔ́lɔ yaá wɔ́li sú ti tá he Júsuaitii mbɛ́.

KƆ́L̃E HESENDAA GƆLƆÍ 15:10

Kɛ́ Ngalángi háá bɔwɔí w̃áa véle w̃a, i kɛngá ngí ɣɛ́ ngáá kíya ngí na, aáva maa háá bɔwɔí í kɛ́ngɔ mbɛ́ ngi háá ya ngáá wálangɔ mba. Ngí yéngenga í lɔ́ve Ngalángi gééla vekaítii kpɛ́lɛɛ mbá, kíya bɛ́lɛ áá ɣɛ́ngɔ ngáá kpɔ́wɔ yákpa su, kɛ́ aá ɣéle, í naa gúlangɔ mbɛ́ kɛ́lɛma ngí háá bɔwɔí w̃aa véle w̃a ngí hómbo nda.

KƆ́L̃E HESENDAA GƆLƆÍ 3:10

Sí Ngalá ngí féngɔ mbɛ́ ngi háá bɔwɔí w̃áá véle w̃a, í kɛ́a ngáá háwu ngí Ngala ngénge panda wo wú lííwaa kíya nɔ́ɔ́ pɛ́lɛ ló mɔ́ɔ́ vanda í na. Ngí pɛ́lɛ gɔ́wɔi hítɛnga aáva nuu vékaa tiyá lɔ́ɔ pɛlɛ́ ló náa pɛlɛ́ gɔ́wɔi ná w̃a. Kɛ́ kɛ nuu fíli í ndá ma kíya áá pɛlɛ́i ló ma.

KƆ́L̃E HESENDAA GƆLƆÍ 4:7

Kɛ ele lɔ í wú lɔ́vengɔ wú mbála vekáitii mba? Bɛɛ́ gíte lɔ í wú yáá wáá mááhɔlɔngɔ Ngalá ngeyá? Kɛ ndeénii le hɔ́ɔ wáá maayónga tevé kíya kpéi sí í wú yáa ɛ́i ɣɛ́ ngáá fembɛ wɔ́li?

KƆ́L̃E GƆ́LƆI HELE KÉLEI 6:1

Ni yéngengi h̃u naá Ngalá, niỹá lɔ́ɔ, wú w̃áánɛɛnɛ hɔ́ɔ, ngáá Ngalángi háá bɔwɔí wú mááhɔlɔnga, wálaa kɛ ɔ́ɔ́ ɣɛ́ ngáá faa ỹááka

KƆ́L̃E GƆ́LƆI HELE KÉLEI 9:1

Ngáá lói gíte ngɔ́ɔ́ kɔ́lɔ vɔ́nɛ wú yéle kɔwɔ́ato kpɔmbaí wa Ngala fɛ́li mbélaitii mbɛ tí Judíya lataí h̃u.

Ɛ́FƐSƆ 3:8

Toow̃aá aa mbá Ngalángi vóngaitii ndiiwáá. Kɛ́ ná fíli sú, Ngalá ngí ngenge kpíkpi fengɔ́ ngéya ngáá ngi kééla woó vándai lé sítii ma taa ngáá Júsua kɔwɔ́ato faa bɔ́wɔ h̃uulɔ́vengɔ wálai wa nuu áá maahɔ́lɔ ná áá ɣɛ́ Kílisitii wɔ́lɔ.

Ɛ́FƐSƆ 4:11

Aá gítei vá tɔ́ nɔ́ɔ í fémbɛ wɔ́lingaitii fengɔ́ nungáitii ngeyá ná wáa ngáá, ngenge tókoitii. I ti lɛ́ingaa ɣɛ́ngɔ ngáá Ngalángi géélaitii, í tí lɛ́ingaa ɣɛ́ ngáá Ngalá ndaa háá lé mbélaitii, í tí lɛ́ingaa ɣɛ́ ngáá Ngala ngóó le mbélaitii, í tí lɛ́ingaa ɣɛ́ ngáá Ngala fɛ́li mbélaitii tí w̃ááh̃u béle mbélaa, í mɔ́ɔ tí lɛ́ingaa ɣɛ́ ngáá Ngala Kɔ́lɔ ɣɛ mbélaitii.

TÍMOTI GƆ́LƆI HELE KÉLEI 1:18

Wá gíte wu súúwɔlɔ kpál̃au ngáá i bɔní mbá ngwála ná h̃u ngí ɣɛ́i Ɛ́fɛsɔ taa h̃u. Bɛlɛ́ Ndemɔí Ngála ngí ngaah̃ú w̃ááw̃aanu hóu Ngalá kɔ́sɔ foloí w̃á!

TÁITƆ 1:7

Ngala fɛ́li mbélai ti wutúwɔɔ w̃ɔ́ɔ fíli aá lɔ́ ngáá Ngalá ngénge mɔ́ɔ. Faalɔ, tɔmbema w̃áá fíli álaa ɣɛ́ maa w̃ɔi wa. Maa w̃ɔ́i álaa ɣɛ ngáá suuwɔɔlɔ́ w̃ɔ́ɔ́ ɛ́ɣɛ ndiibándi bándi w̃ɔ́ɔ́, kɛlaa ɔ́ɔ́ ɣɛ́ ngáá nuu áá ɣɛ́ ndɔɔ hou h̃u ɔɔ, ɔ́ɔ́ ɣɛ́ ngáá ndapí gúla mɔ́ɔ́. Álaa ɣɛ́ ngáá kahá w̃ɔ́ɔ́ yawo wɔndaa híí fíli su.

HÍBULU 6:10

Ngála ngaa ngáá kahá gúla mɔ́ɔ́. Ɛi leéw̃a ngengengí w̃a wú mbóngɔ mbɛ́ ɛ́ɣɛ ndongí wú ngááh̃u ɣɛ́ngɔ lá ná wú bɔ́ngɔ ngi vóngaitii mba aáva wáá ndi nɔ́ɔ ngu ma kélei ngáá kpɔmbái wáá fé ti yɛ.

PÍTƐ HESENDAA GƆLƆÍ 5:10

Kɛ́ Ngála lɛ́i faa bɔ́wɔ kpɛ́lɛɛ áá gúla ngeya í wú lólingɔ ngáá wú ɣɛ́ mbu ngi w̃ásandaa w̃aanɛɛnɛɛngí wu í na kúnafɔ, wú báha gilíí wa wáá Kílisitii. Maanɔw̃ɔ́i íwaa wó ngáá wú ye suu aá ɣɛ́ ma gooh̃á ngwala kɛ Ngalá pá aa kɛ náa ngáá háwu faa kpɛ́lɛɛ í ɣɛ́ vaní wú yɛ, ná wáá ngáá, wú lángɔ áa ɣɛ́ gíte lá kpáŋ kpáŋ, ná vólu, wú lóó gíli bátɛngɔ aa ɣɛ lá pele kpɛ́lɛɛ su ngi hái h̃u kɛɛlɛ́ ngɛ́i ɣɛ́ mba.

PÍTƐ HESENDAA GƆLƆÍ 5:12

Siỹɛndópoi sí taa ɣɛ́ ma Sáilɔ, lɛ́i í ngáá mu mbála Yalá fɛ́li mɔ́i ta tɔwɔ́baɣangɔ, i bɔngɔ́ mbá kɔlɔ lukpúi sí vɔ́nɛ fái h̃u wú yéle. Ngí pɔnɛngɔ́ ngáá kɛinɔɔ́ nduwúh̃u í lɛ́ ngáá wú ye Ngala fɛ́li fái h̃u, ná vólu, kɛinɔɔ́ ngí faa lé gíte ngáá kɛ Ngalángi háá bɔwɔ́i kái kái tɔ ngáá sí a mú su. Faale, a ɣɛ́ su gíte wú lííbangɔ í ɣɛ́ la su kpáŋ.