PÍTƐ HESENDAA GƆLƆÍ 3:9 - Kɛ́lɛ Niinaí

⁹ Wálaa faa ỹɔ́u h̃úúloo ngáá faa ỹɔ́u kɛlaa wɔ́ɔ́ ngɛɛlí súúloo ngáá ngɛɛlí. Kɛ́ aá ɣéle, nuí fíli áá ná ta ɣɛ ngáá wú ye, a hɛ́ɛ́ maa w̃ɔ́i yɛ. A ná ɣɛ bɔw̃álale sɛ́i lɔ Ngalá ngí wú gúúloni la ná í wú lólini ngáá ngi vóngaa.

PÍTƐ HESENDAA GƆLƆÍ 3:9 Iomraidhean Croise

MÁFIYU 19:29

Kɛ́ nuí fíli áá volú yafé ngi vɛ́lɛitii mba, ɔɔ ngi ndéɣeni ɔɔ ngi ndíyani mba, kpahangɔ́ ngi njééni ngaa ngi kɛ́ɛ́ɣɛ wa, ɛ́ɣɛ ngi léngaitii kpahangɔ́ ngi báálaitii mba nyá fááw̃a, maa w̃ɔ́i aa kɛɣɛ́laitii maahɔ́lɔ í w̃ɔ́luma ká ka, aáva aa kúnafɔ lɛ́ɛ́h̃ui w̃ááhɔlɔ.

MÁFIYU 25:34

Masangí aa ɣɛ náa sítii ma taa ɣɛ́ ngisa h̃u vélei, ‘A vá, wɛ́i ní Kɛ́ɛ́ɣɛ Ngalá ngí hɛ́ɛ́ngɔ wú yɛ, a va wú ɣɛ́ ngi w̃ásandai h̃u kɛ kíli batɛngɔ́i wú háaw̃a wɔ́lɔ kpɔ́lɔɔ ngetéyangi lɔ́kula héimai,

MÁFIYU 5:39

Kɛ́ nyá lɔ́ɔ́ nde náa wú w̃á ngáá, wálaa kule gulá mbó nuu fíli má áá báɣa wú w̃á. Ná nuu fíli áá í yísa h̃uu véle laabákalangi bóólɛ, bɛlɛ́ mɔ́ɔ maa w̃ɔ́i í í gɔ́vɔ h̃uu véle laabákalangi bɛ́lɛ kpóólɛ.

MÁFIYU 5:44

Kɛ́ nyá lɔ́ɔ nde náa wú w̃á ngáá wú ló ngáá nungái sítii ti hilíngɔ ngáá wú ye. A Ngala fɛ́li sítii mbɛ táá faa bá nda wú w̃á.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 10:17

Ná Jísu í pele hóuni, siỹɛ́ ngílaa i liiní ngáá viliỹɛ́ ngelé, í lá mbɛ, í mɔ́ɔ́ni, i ɣɛ ma, “Kaamɔ́ɔ́ vándai, ndée lɔ kúle í má ngí kɛ́ ngɔ́ɔ́ ɣɛ́a kúnafɔ lɛ́ɛ́h̃ui w̃ááhɔlɔ?”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 10:25

I ɣɛi ngáá folo yílaa, kɛ kaamɔí ta Ngala sávai hááw̃a i yooɣénga ngáá í Jísu h̃uugɔvɔ́. Faalɔ, i mɔɔniní, i ɣɛ ma, “Kaamɔ́ɔ́, ndeé lɔ́ kule í má ngí kɛ ngɔ́ɔ́ ɣɛ́a kúnafɔ lɛ́ɛ́h̃ui w̃aahɔ́lɔ?”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 18:18

Júsuai ti wutúwɔɔ w̃ɔ́ɔ́ yiláá tɔ́ í lííni Jísu yelé, í mɔ́ɔ́ni, i ɣɛ ma, “Kaamɔ́ɔ́ vándai, ndeé lɔ kule í má ngí kɛ ngɔ́ɔ́ ɣɛ́a kúnafɔ lɛ́ɛ́h̃ui w̃aahɔ́lɔ?”

LÓÓMI 12:14

Nuí fíli áá í h̃úúhou kíli ỹɔu wo, Ngala fɛ́li ngáá Ngalá ngí nɛ́ɛ́ma yéi maa w̃ɔ́i w̃a. Yálaa Ngala fɛ́li ngáá í faa báma lá ma.

LÓÓMI 12:17

Ná nuu áá í h̃úúhou kíli ỹɔu wo, yálaa poto kúla ngáá suuhóu kíli ỹɔu wondáá, kɛ́ áá ɣéle, yááyaa sítii kɛ áá ɣɛ́ nuu kpɛ́lɛɛ ngááh̃u ngáá faa vánda.

LÓÓMI 8:28

A mú súúwɔlɔ ngáá Ngalá tóko lɔ nɔ́ɔ fɔ́ faa lɛ́ingaa wa bɛ́kpɛ ti ngáá faa vánda a mu haáw̃a muỹɛ́i a mu longá la, muỹɛ́i i mú lolíngɔ ngáá sí ndóngɔ i ɣɛ́ mú kɛ́.

LÓÓMI 8:30

Ngalá pa i sítii tolínga náá í kpátɛnga gí má ngáá ti ɣɛ́ ngáá ngi H̃íỹɛndou Loí ɣɛ́ kíli, aáva áá ti yeɣé ngáá telembo mbélaa, ná vólu, í kɛ ngáá háwu tí ɣɛ́ ngi yákpa maanɛɛnɛɛngí h̃u.

GALÉSIYA 3:14

Jísu Kílisitii í sí ɣɛ́ni kɛinɔɔ́ nɛ́ɛ́mai Ngala ngí maa gúúlomboni ngáá Lébilah̃au, maanɛ́ɛ́mai í fólo sítii ma taa ngáá Júsua aáva taa maahɔ́lɔ Jísu Kílisitii w̃áá vele w̃a, ná vólu, kɛinɔɔ́ ndangí w̃áá véle w̃a a maa ɣɛ́ su ngáá Jísu, Hɛ́ɛ́ma Ỹínangi Ngala ngí maa gúúlo mboní í ɣɛ́ mu vólu.

Ɛ́FƐSƆ 4:32

Kɛ́ laa ɣéle, a bɔ́ ỹɔw̃ɔ́ ỹɔ́w̃ɔ wá, wááyaa ỹɔw̃ɔ́ ỹɔ́w̃ɔ yaah̃ú w̃ááw̃aanu hóu wú wú háá ỹɔítii suuhaaló ỹɔw̃ɔ́ ỹɔ́w̃ɔ yɛ kíya nɔ́ɔ Ngalángi í mu háá ỹɔítii suuhaalóngɔ Kílisitii w̃áá véle w̃a.

TƐSALÓNIKA HESENDAA GƆLƆÍ 5:15

Wálaa ló ná nuu fíli ɔ́ɔ́ faa ỹɔ́u vóto kúla ngáá fáá ỹɔ́u ɣɛ́ndaa, kɛ́ aá ɣéle, wú ɣɛ́ hɔ́wɔ fíli wáá faa bɔ́wɔ ɣɛ ỹɔw̃ɔ́ ỹɔ́w̃ɔ yɛ́ ɛ́ɣɛ nuu kpɛ́lɛɛ mbɛ́.

HÍBULU 12:17

Ná náá í fóloi ná h̃uu w̃á ti kɛ́ɛ́ɣɛ í ɣɛ́i áá vá hɛ́ɛ́ma ndiyaí yɛ, Ísɔ aa mɔɔ sɛ́i ná w̃ááhɔlɔni kíya bɛ́lɛ í wɔ́lɔni, í maa w̃áánɛɛnɛ mboí kɛ́ pele fíli aa mɔɔ ɣɛi na ɔ́ɔ́ mɔ́ɔ́ sí w̃áálovi ngáá í ɣɛ́i náá kɛi.

HÍBULU 6:14

I ndení Lébilah̃au w̃a, i ɣɛ ma, “Nyá lɔɔ nɛ́ɛ́ma yéi í w̃a. Ná vólu, ngí kɛ́ ngáá háwu í láála lengáitiini ti ɣɛ́ bih̃í.”

PÍTƐ HESENDAA GƆLƆÍ 5:10

Kɛ́ Ngála lɛ́i faa bɔ́wɔ kpɛ́lɛɛ áá gúla ngeya í wú lólingɔ ngáá wú ɣɛ́ mbu ngi w̃ásandaa w̃aanɛɛnɛɛngí wu í na kúnafɔ, wú báha gilíí wa wáá Kílisitii. Maanɔw̃ɔ́i íwaa wó ngáá wú ye suu aá ɣɛ́ ma gooh̃á ngwala kɛ Ngalá pá aa kɛ náa ngáá háwu faa kpɛ́lɛɛ í ɣɛ́ vaní wú yɛ, ná wáá ngáá, wú lángɔ áa ɣɛ́ gíte lá kpáŋ kpáŋ, ná vólu, wú lóó gíli bátɛngɔ aa ɣɛ lá pele kpɛ́lɛɛ su ngi hái h̃u kɛɛlɛ́ ngɛ́i ɣɛ́ mba.