PÍTƐ HESENDAA GƆLƆÍ 3:8 - Kɛ́lɛ Niinaí

⁸ Sí náa ngíwaa woo yakɛ́ɛ́lɛ mba aá wáa ngáá sí, ngáá wú kpɛ́lɛɛ wú ɣɛ́ ngáá nuu yílaa kpé. Wú ɣɛ́ wáá ỹɔw̃ɔ́ ỹɔ́w̃ɔ liilá faa kpɛ́lɛɛ su, wú ló ngáá wú mbála Yála fɛ́li mbélaitii, wú ɣɛ́ wáá ỹɔw̃ɔ́ ỹɔ́w̃ɔ yaah̃ú w̃ááw̃aanu hóu, wú wúnga njéi ỹɔw̃ɔ́ ỹɔ́w̃ɔ yɛ́.

PÍTƐ HESENDAA GƆLƆÍ 3:8 Iomraidhean Croise

MÁFIYU 18:33

Yɔ́ɔ ɣɛ́ ɣɛi í mbála yengé mɔ́i w̃aaw̃áánu hóuni kíya nɔ́ɔ ngí í w̃ááw̃aanu hóungɔ.’

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 10:33

Ná ná í gúlani su, nungái sítiini taa ɣɛ́ ti w̃a Samááliyangaitii ti tá yílaa i ɣɛi siya sú peleí ná w̃a. Kɛ́ ná í folóni siỹɛndópoi ná w̃a, i tɔní, maaw̃áánu í sou.

TI GƐ́Ɛ́ HAÍTII 2:1

Júsuai ti hóloi sí taá tóli ngáá Pɛnɛkɔ́sii ná í fóloni ma, folói na sítii kínɛi ti langɔ́ í ɣɛ́i la ngáá Jísu, ti yatɛ́ngɔ í ɣɛi lá mba ỹanda yílaa.

TI GƐ́Ɛ́ HAÍTII 27:3

Ngele vekái náá í wóni, ní fóloni taa walái sí h̃u taa náa lolí ngáá Sáidɔ, ní ló na. Júliyɔ ngi lúva vele vanda w̃a ngáá Pɔ́ɔ, i bení Pɔ́ɔ wa ngáá ná í li ngi mbálangaitii ngelé kɛinɔɔ́ sí laá Pɔ́ɔ áá béɣe ma, nátii tí fé ngeyá.

TI GƐ́Ɛ́ HAÍTII 28:7

Mbéi va ni ɣɛ́i na naa w̃áa áá ɣɛ́i gooh̃á ỹandái ná h̃uu wá í ɣɛ́i ngáá siỹɛndópoi sí taa ɣɛ́ ma Pɔbíliyɔ ngi ndá. Aáva Pɔbíliyɔi sí va tɔ í ɣɛ́i ngáá masangí ndɔwɔlɔí ná h̃uu haáw̃a. I lokohéini ni wu ngi vɛ́lɛ wu. Aáva foló sáángɔ haaw̃a, i ɣɛi áá ni h̃úúhou ngáá pangɔ́ ngwala ngáá ngi hótangaa.

TI GƐ́Ɛ́ HAÍTII 4:32

Sítii kínɛi tí langɔ́ í ɣɛ́i la ngáá Jísu ti lií i ɣɛ́i yíla, ti gi mái i yíla. Nuu fíli aa kulái ngáá kɛ sɔlɔ wɔlíngai ti ɣɛ́i ngáá ngu maa ɣéle, kɛ́ ti kpɛ́lɛɛ ti yaá wɔ́lingai ti ɣɛ́i nɔ́ɔ su yíla kpé.

LÓÓMI 12:10

A ló ngáá ỹɔw̃ɔ́ ỹɔ́w̃ɔ kíya nɔ́ɔ wú lóngɔ ngáá wú létɔaitii. Nuí fíli í ɣɛ́ áá wúfe ngi mbálangai ma í lɔ́ve laá gíte wa.

LÓÓMI 15:5

Ngalá tɔ́ áá kɛ́ ngáá háwu a mú ɣɛ́ ngáá ndiiba mbélaa, a mu liiwúú í lɛ. Bɛlɛ́ í kɛ ngáá háwu wú gísiyai í lí ngáá pele yílaa, wú hítɛ Jísu Kílisitii gɔwɔ vó njɛ́ h̃u.

KƆ́L̃E HESENDAA GƆLƆÍ 1:10

Mu mbála Yalá fɛ́li mbélai, nyáá ngáá wú w̃áánɛɛnɛ a mu Lemɔ́i Jísu Kílisitii laahéingi h̃u ngáá wú lúw̃a ỹɔw̃ɔ́ ỹɔ́w̃ɔ woo w̃á kɛinɔɔ́ ndowah̃u kɔlɛ́ álaa ɣɛ́ wú lííwaa. Wú wóó í ɣɛ́ su yíla wú gísiyai h̃u, wú ɣɛ́ háwu yiláá má.

KƆ́L̃E HESENDAA GƆLƆÍ 12:26

Ná faa áá ɣɛ́ ngáá ngilaa ti lɔ́ngɔ kpɛ́lɛɛ taá ngátɔ. Ná taá faa vánda le ngiláá fááw̃a aa folo ti kpɛ́lɛɛ má.

Ɛ́FƐSƆ 4:2

Kúnafɔ wálaa ɣɛ́ ngáá suuwɔɔlɔ́ yélaa, kɛ́ wú ɣɛ́ lúúỹaa, wú líílɔlɔngɔ í ɣɛ́ la faa fíli su. Wú wú lóngi yákɛ ngáá ỹɔw̃ɔ́ ỹɔ́w̃ɔ ngáá wú bɔ́wɔ háitii wáá kúmbo h̃u.

Ɛ́FƐSƆ 4:31

Sí kpɛ́lɛɛ í wú h̃ú ngáá faa báálɛitii wú bé ti wa, wálaa ɣɛ́ wáá lúú múl̃ɔ kɛlaa maa wɔ́ɔ́ faa báálɛ héi gi má. Kpandɛ bandɛ́ mbóndaa ɛ́ɣɛ ngɛɛli pílindaa wú bé ti wa. Wálaa híli ngáá nuu fíli múl̃ɔ.

Ɛ́FƐSƆ 4:32

Kɛ́ laa ɣéle, a bɔ́ ỹɔw̃ɔ́ ỹɔ́w̃ɔ wá, wááyaa ỹɔw̃ɔ́ ỹɔ́w̃ɔ yaah̃ú w̃ááw̃aanu hóu wú wú háá ỹɔítii suuhaaló ỹɔw̃ɔ́ ỹɔ́w̃ɔ yɛ kíya nɔ́ɔ Ngalángi í mu háá ỹɔítii suuhaalóngɔ Kílisitii w̃áá véle w̃a.

FÉLEPA 2:3

Ndii álaa ɣɛ́ nɔ́ɔ wú góó ya faa ɣɛ́ fááw̃a bɔwɔ́ yɛ́, kɛlaa wɔ́ɔ́ ɣɛ́ wáá faa ɣɛ́ yonga téve fááw̃a bɔwɔ́ w̃á fúŋ. Kɛ́ a bɔwɔ́ wu nga njéi ỹɔw̃ɔ́ ỹɔ́w̃ɔ yɛ. Nuu fíli álaa bɔwɔ́ yéɣe ngáá ngangímba w̃ɔ́ɔ́ ɔ́ɔ́ lɔ́ve ngi mbálangai mba.

FÉLEPA 3:16

A mú ndi nɔ́ɔ léi ngu ma ngáá sí a mu lónga mba mú fólonga sí h̃u w̃á.

KƆLƆ́SE 3:12

Ngalá ndongɔ́ɔ́ lé ngáá wú ye, aáva í lókolonga wú wá ngáá ngi vóngaa. Faalɔ, a waayaa nungáá yaah̃ú w̃ááw̃aanu hóu, wú ɣɛ́ wáá faa bɔ́wɔ ɣɛ, wálaa ɣɛ́ ngáá suuwɔɔlɔ́ yélaa, ná vólu, wú ɣɛ́ lúúỹaa, wú líílɔlɔngɔ í ɣɛ́ la ỹɔw̃ɔ́ ỹɔ́w̃ɔ háitii nga.

HÍBULU 13:1

A ndi ngu ma ngáá ndongí ỹɔw̃ɔ́ ỹɔ́w̃ɔ hááw̃a ngáá kíya kule í Ngala fɛ́li mbélai ma tí kɛ.

JIMISÍ 2:13

sífaa nuí sí ɛ́i nungáá yaah̃ú w̃ááw̃aanu hóu, ná Ngalá ngáá ɣɛ́ ngáá maa w̃ɔ́i gɔ́sɔ ɛi ngaah̃ú w̃ááw̃aanu hóu laá bɛ́lɛ. Kɛ́ núi sí áá nuu yááh̃u w̃ááw̃aanu hóu, Ngala ngáá maa w̃ɔ́i yaah̃ú w̃ááw̃aanu hóu kɔsɔ́ su.

JIMISÍ 3:17

Nungái sítii taa kéle ɣelengí na w̃aahɔ́lɔ áá gúla Ngalá ngéya, tiyá lɔ́ tɔmbema w̃áá fíli ɛ́i ɣɛ́ ti wa. Tiyá lɔ́ nuu haa ỹɔu ɛ́i ɣɛ́ ti gi ma ɛ́ɣɛ ti ɣɛngɔ́ lúúỹaa, ti ngáá kisiya faa h̃ú yélaa. Ná vólu, ti h̃úúlaahengɔ ngáá ngaah̃u w̃aaw̃aanúmai ɛ́ɣɛ faa bɔ́wɔi. Ná vólu, tɛ́i suuwɔlɛ́ mbó ɛ́ɣɛ taa ngáá faa lá mbélaa yaah̃ú.

JIMISÍ 5:11

Aa lɔ ngáá faa vánda sítii fááw̃a taá líiba faa bámai h̃u. Wú faa ỹɛ́ninga kɔwɔ́ato Ngala fɛ́li mɔ́i wa tɔ́ɔ́ ɣɛ́ ma Jóo ngi líílɔlɔi wa. Aáva wú kɔ́lɔ kíya Ndemɔí Ngála ngí bɔ́i mba ngapúmai sífaa, Ndemɔí Ngala tɔ ngáá maanuma w̃ɔ́ɔ́ ɛ́ɣɛ tuva velé vándaa w̃ɔɔ.

PÍTƐ HESENDAA GƆLƆÍ 1:22

Ná naá wú gólongɔ Ngalá mbɛ wúwaa híya ngáá tɔɔỹaá gééla wói, ná lɔ náa i kɛ́a wú w̃ááw̃uỹangɔ fó faa ỹɔ́i yaá, ná vólu, i mɔɔ kɛ́a wú lóngɔ ngáá wú mbála Yalá fɛ́li mbélaitii ngáá tɔɔỹaá. Faale, ná naá maa hái í h̃íí na, a ló ngáá ỹɔw̃ɔ́ ỹɔ́w̃ɔ ngáá lií kpɛ́lɛɛ álaa ɣɛ́ nɔ́ɔ ngáá wɔ́ɔ́ ndá yaah̃ú.

PÍTƐ HESENDAA GƆLƆÍ 2:17

A ngufema hé Ngála mbɛ nduwá mba h̃ú wú ngúfema hé Ndɔwɔlɔ́ W̃ása Ngwalaí yɛ́, wú ngúfema hé nuu fíli mbɛ́, wú ló ngáá wú mbála Yalá fɛ́li mbélai.

PÍTƐ HESENDAA GƆLƆÍ 5:5

Wɛ́i va wú na ngáá fóningeleaitii, a bɔwɔ́ gula kɛlɛ́ma kpakolongáitii mbɛ, wú kpɛ́lɛɛ pa wú wú nga njéi ỹɔw̃ɔ́ ỹɔ́w̃ɔ hááw̃a, wú ɣɛ́ wáá yénge ỹɔw̃ɔ́ ỹɔ́w̃ɔ yɛ, sífaa sí pɔnɛngɔ́i Ngala Kɔ́lɔi h̃u aá wáá ngáá sí, “Ngala ngááh̃u longɔ́ɔ́ lé sítii mba ti h̃úúwɔɔlɔngɔ, kɛ́ ngi háá bɔwɔí lɔ́ sítii mbɛ tí wú ngá njéingɔ.”

PÍTƐ GƆ́LƆI HELE KÉLEI 1:7

Ná vólu, wú ló ngáá ỹɔw̃ɔ́ ỹɔ́w̃ɔ kíya njee lengaa taa ɣɛ́ na, ná vólu, ndo ngí ɣɛ́ wú h̃u.

NJƆÚ HESENDAA GƆLƆÍ 3:14

A mú suuwɔlɔ́ ngáá a maá mɔ́ɔ ngáá nuu háángɔ ɣɛ́ kíli Ngalá kákala, kɛ́ a muỹá lɔ́ náa ndɛ́ɛ́h̃u gítei h̃u. Ná yakɛ́ngɔɔ lé kpál̃au ngáá mú ye bɔw̃álale a mu longɔ́ɔ́ lé ngáá mu mbála Yalá fɛ́li mbélaitii. Nuí fíli ndo ngɛ́i ɣɛ́ su, kɛ maa w̃ɔ́i gúlangɔɔ lé nɛ́nɛ ngáá nuu háángɔ ɣɛ́ kíli.