PÍTƐ HESENDAA GƆLƆÍ 3:7 - Kɛ́lɛ Niinaí

⁷ Wɛ́i vá wú ngáá siỹɛngáitii, ná wáá ɣɛ́ séi h̃u wáá nyah̃ái, giséi w̃a ngáá suu áá bái ɔ́ɔ́ híti í h̃u. Waayaa ngufema hé ti yɛ bɔw̃álale tiyá bɛ́lɛ wáá tiyéni tɔ wúwaa vá Ngalángi háá bɔwɔí w̃aahɔ́lɔma, ná wáá ngáá, kúnafɔ lɛ́ɛ́h̃ui. Waayaa ná ɣɛ kɛinɔɔ́ faa fíli álaa víli wú Yála fɛli ngói h̃u.

PÍTƐ HESENDAA GƆLƆÍ 3:7 Iomraidhean Croise

MÁFIYU 18:19

Ngí tɔɔỹái le wú w̃á mɔ́ɔ, mbéi hɔ́wɔi fíli wú tá wáa ɣɛ́ féle ngeleí sí wu, wú luw̃á faa fíli má wú Ngala fɛ́li faaw̃a, ní Kɛ́ɛ́ɣɛ í ngelegóóh̃u, aa kɛ wú yɛ́.

KƆ́L̃E HESENDAA GƆLƆÍ 7:3

Faalɔ, ná taayaa bɛ́ndɛ ỹɔw̃ɔ́ ỹɔ́w̃ɔ w̃á nyii pɛ́lɛ wú hááw̃a nuu álaa léle ngi mbála yɛ.

Ɛ́FƐSƆ 3:6

Ndɔɔwu h̃ú hái sí wáa ngáá kééla woo vándai í kɛ́a ngáá háwu Júsuai ɛ́ɣɛ sítii taá ngáá Júsua tí héi h̃u félengɔ p̃ɛ́ɛ́ tí ɣɛ́a ngáá nuu yílaa aáva ti kpɛ́lɛɛ taa Ngalángi nɛ́ɛ́mai w̃ááhɔlɔ ɛ́ɣɛ kuulóngi Ngalá ngi mbóngɔ Jísu Kílisitii í kɛ́nga ngáá háwu íwaa ɣɛ́.

Ɛ́FƐSƆ 4:30

Wálaa Ngalángi Hɛ́ɛ́ma Ỹínangi w̃ááw̃aanu ngáá ngoo ỹɔ́u ỹɔ́u ndendáá. H̃ɛ́ɛ́ma Ỹínangi lɔ áá ngakɛ́ ngáá kɛ wá lɔ ngáá Ngalángi vóngaa, í mɔ́ɔ ngakɛ́ ngáá kɛ táingi lɔ́ɔ fólo ma Ngalá ngí wú wúmaawo.

Ɛ́FƐSƆ 5:33

Kɛ́ wá bɛ́lɛ aá lɔ wú hááw̃a jɔ́. Kule lɔ siỹɛ́ fíli má í ló ngáá ngi ỹáh̃ai kíya nɔ́ɔ ndongɔ́ ngáá bɔwɔ́ aáva kule lɔ nyah̃á fíli má i wúfe ngi h̃iỹɛ́ngi w̃a.

Ɛ́FƐSƆ 6:18

Sí kpɛ́lɛɛ sú, waayaa Ngala fɛ́li ngáá Ngalá ngí bɔ́ wú wá. Waayaa Ngala fɛ́li hɔ́wɔ fíli Hɛ́ɛ́ma Ỹínangi yákpangi h̃u. Náá hááw̃a, wálaa bɔ́lɔ Ngala fɛ́lindai wa. Waayaa Ngala fɛ́li Ngala fɛ́li mbélaitii kpɛ́lɛɛ mbɛ́ hɔ́wɔ fíli.

KƆLƆ́SE 3:19

Wɛ́i wú ngáá siỹɛngáitii, a ló ngáá wú ỹáh̃aitii. Waa ɣɛ́ wáá bandí bándi héi ti w̃a.

TƐSALÓNIKA HESENDAA GƆLƆÍ 4:4

Ngalá ndóngɔɔ lé wú yíla ngílangi p̃ɛ́ɛ́ wú bɔwɔ h̃úúhou w̃a tɔmbema w̃áá fíli álaa ɣɛ́ wú wa ngááh̃u ɛ́ɣɛ nungáá yaah̃ú. Ngufema í ɣɛ́ wú w̃a.

TÁITƆ 3:7

I sí ɣɛ́ngɔ kɛinɔɔ́ mu kúnafɔ lɛ́ɛ́h̃ui w̃aahɔ́lɔ í ngáá mu gitómai sífaa ngi haa bɔwɔí w̃áá véle w̃a, í mu ɣɛ́a ngáá telembo mbélaa.

HÍBULU 1:14

Kɛ́mbɛ malékaitii kpɛ́lɛɛ tiyá lɔ́ nɔ́ɔ ngáá Ngalángi ỹínangaa ngáá tí ngáá ngi yénge mbelaa áá ti lɔ́ve ngáá ti bɔ́ sítiini mba taá ɣɛ́ náa taa vá ngumaawongí w̃ááhɔlɔma?

PÍTƐ HESENDAA GƆLƆÍ 3:1

Ngimɔ́ɔ́ nɔ́ɔ maa hái í ná wá bɛ́lɛ nɔ wú hááw̃a wɛ́i wú ngáá nyah̃áitii wú kɛmbɛheí h̃u. A bɔwɔ́ gúla kɛlɛ́ma wú h̃íỹɛngaitiini mbɛ. A ná ɣɛ́ kɛinɔɔ́ ná ti lɛ́ingaa tɛi ɣɛ́ lái ngáá Ngalá kééla wói wú lúva velé vándai í kɛ ngáá háwu ti lá la. Wɔ́i lo múl̃ɔ p̃ɛ́ɛ́ yɛpɛmá ti yelé kɔwɔ́ato Ngalá mba kɛ́ wu lúva velé vándai ɛ́ɣɛ ngufemái wáá fé ti yɛ, laá lɔ nɔ́ɔ́ taa wɔ́lɛ mba tí lá ngáá Ngalá ná w̃aa véle w̃a.