PÍTƐ HESENDAA GƆLƆÍ 3:4 - Kɛ́lɛ Niinaí

⁴ Kɛ́ laá ɣéle, wú vángi í ɣɛ́ ngáá kíya wú ná gíte wú líí h̃uu véle. Pangí sí kúnafɔ ngaah̃ú ɛ́i gúla mba, ná wáa ngáá, wú lúva veléi w̃aanɛ́ɛ́ngɔ í ɣɛ́ la, wú ɣɛ́ngɔ lúúỹaa. Ná lɔ́ Ngalá ngáá ngéɣe ngáá ngangímba háá.

PÍTƐ HESENDAA GƆLƆÍ 3:4 Iomraidhean Croise

MÁFIYU 11:29

A lokohéi ní gálambongi wú, wú kalambo mááhɔlɔ ngéya bɔw̃álale ngɛ́i bandí bándi héi nuu w̃á aáva súú áá wɔ́ɔ́lɔ. Ná vólu, wáá ndɛɛlɛmbó mááhɔlɔ bɔw̃álale kalambongí ngáá mbó ngáá wú ye aa baní aáva kasɔ́i ngáá fé wú yáa ɛi ɣɛ ỹííni.”

MÁFIYU 21:5

“Nde nungáitii má tí Jɛlúsɛl̃ɛ, yí ɣɛ́ tí w̃a, ‘A wɔlɛ lɛ́ɛ́! Wú w̃ásangi béle íwaa vá wú yéle. Aá ngáá suuwɔɔlɔ́ w̃ɔ́ɔ́, aá lɔ́ héini soohaaléngi gɔ́ma ɛ́ɣɛ soohaalé njivoí áá siya.’ ”

MÁFIYU 23:26

Wɛ́i wú ngáá Falósiaitii wu wólengɔ, sí í wú gɔ́pungi h̃u ɛ́ɣɛ wú ỹáákaitii, a kpalé lɛ́ɛ su hése, ná lɔ áá kɛ polú véle aa balé náa laá bɛ́lɛ!”

MÁFIYU 5:5

Nungái sítii ti h̃u áá wɔ́ɔ́lɔ, aá lɔ́ ngáá faa vánda ti haáw̃a, sífaa tiyá lɔɔ vá Ngala kúúlongaitii maahɔ́lɔma.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 11:40

Wɛ́i wú ngáá faa yátɔ tála yelaa, kɛ́mbɛ Ngalá lɛ́i í maí bátɛngɔ laá lɔ í koo h̃u vélei bátɛngɔ kɛ́lɛ?

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 16:15

Kɛ Jísu i ɣɛa ti w̃a, “Wáa bɔ́wɔ gúla nungáitii ngaah̃ú ngáá kɛ wá lɔ ngáá nuu vánda, kɛ́ Ngalá ngí kɔlɔ́ sí í wú líítii su. Sí áá núu búsai yaah̃ú laahé ngwála ɛi hei Ngalá ngaah̃ú kɛlaa ɔɔ ló la.

LÓÓMI 1:23

Sí áá kɛ tí Ngálangi sí hɛ́li lɛ́i í ná kúnafɔ, tiyá ɣéle tí líínga ti kɔ́ɔ kɔɔ́ ŋani batɛ́ gúlangɔ ngáá nuu búsa ɔɔ w̃ɔ́nia ɔɔ súwaa ɔɔ bokpo koow̃á húwuaitii tiyɛ́i ɣele na taa há, taa ti yeɣé ngáá ngalángaa taa ti hɛ́li.

LÓÓMI 2:29

Júsu w̃ɔɔ gíte gítei waa ngáá, nuí kí mai áá ɣɛ́ kpál̃au ti lowah̃u táa Ngalá. Nuu lɔ́vendaa pɛ́lɛ vólu ngi gíte gítei waa ngáá sí Hɛ́ɛ́ma Ỹínangi áá kɛ́ ngáá háwu aa ɣɛ́ nuu líí h̃u, aa ngáá sí táá téve nuu lúwui wa. Nuí síí w̃ɔ́i tɛ́ngi áá mááhɔlɔ aa gula Ngalá ngéya, ɛi gúla nuu búsa yáa.

LÓÓMI 6:6

A mú suuwɔlɔ́ ngáá maa hái gúlangɔɔ lé nɔ́ɔ ngáá kíya a mu ɣɛ́ngɔ maá lɛɛh̃úi h̃uuhíya hése aa mɔ́ɔ h̃íí, hése keleí ná í báhai Jísu wa ti kpákpa kúlɔsii w̃a, í ló na í há. Ná vá ngi ɣɛí kɛinɔɔ́ faa ỹɔu ɣɛ́ síya veleí sí í mu h̃u ngakpá ngálaa mɔ́ɔ́ ɣɛ mbɛ ngáá ɔ́ɔ́ mú wúto kíya nɔ́ɔ taá ndúwɔ lopói wúto,

LÓÓMI 7:22

Ngáá lúw̃a ma gíte ngáá lií kpɛ́lɛɛ ngáá Ngalángi hávai lɔ pele w̃a.

KƆ́L̃E GƆ́LƆI HELE KÉLEI 10:1

Nyɛ́i ngí ngáá Pɔ́ɔ, nyá lɔ́ wú w̃áánɛɛnɛ gíte ngáá wumaá nyɛ́i nungái taá ndé ngáá ná ngáá ɣɛ́ wú lóów̃a ngáá wú nganjéi, kɛ́ ná ngɛ́i ɣɛ́ wú lóów̃a, ngáá faa hóu kpáŋ. Nyá lɔ́ɔ wú w̃áánɛɛnɛ Kílisitii w̃áá véle w̃a lɛ́i ngandɛ́ingɔ kɛngɔ́ lúúỹaa.

KƆ́L̃E GƆ́LƆI HELE KÉLEI 4:16

Faalɔ, a mu líí ɛ́i ỹááni kɛ kíya bɛ́lɛ mu luwú w̃áá véle a muỹá lɔɔ ỹááni. Kɛ́ ná fíli su, mu h̃uuyáfuw̃angi w̃áá véle w̃a, muỹá lɔ́ɔ lóóla foló yíla ngíla fíli ma.

GALÉSIYA 5:23

Ná vólu, suuwɔɔlɔ́ lálai ɛ́ɣɛ nuu bɔwɔ́ h̃úúhoundaa w̃a. Sava fíli aa faa láálii sítii ma.

Ɛ́FƐSƆ 4:2

Kúnafɔ wálaa ɣɛ́ ngáá suuwɔɔlɔ́ yélaa, kɛ́ wú ɣɛ́ lúúỹaa, wú líílɔlɔngɔ í ɣɛ́ la faa fíli su. Wú wú lóngi yákɛ ngáá ỹɔw̃ɔ́ ỹɔ́w̃ɔ ngáá wú bɔ́wɔ háitii wáá kúmbo h̃u.

KƆLƆ́SE 3:12

Ngalá ndongɔ́ɔ́ lé ngáá wú ye, aáva í lókolonga wú wá ngáá ngi vóngaa. Faalɔ, a waayaa nungáá yaah̃ú w̃ááw̃aanu hóu, wú ɣɛ́ wáá faa bɔ́wɔ ɣɛ, wálaa ɣɛ́ ngáá suuwɔɔlɔ́ yélaa, ná vólu, wú ɣɛ́ lúúỹaa, wú líílɔlɔngɔ í ɣɛ́ la ỹɔw̃ɔ́ ỹɔ́w̃ɔ háitii nga.

KƆLƆ́SE 3:3

Kulangɔ́ɔ́ lé nɔ́ɔ ngáá kɛ wú háángɔɔ lé, kɛ́ Kílisitii i wú lɛ́ɛ́h̃ui yandɔ́ɔ́lɔngɔ Ngala ngéle.

TƐSALÓNIKA HESENDAA GƆLƆÍ 4:11

Wú ɣɛ́ngɔ í ɣɛ́ lá lúúỹaa, wálaa ɣɛ́ wáá víli nungáá hááni su. Wálaa ɣɛ́ ngáá saɣá yélaa, kɛ́ wu ɣɛ́ wáá ngenge mbó ngáá sí wáá lókola ma kíya nɔ́ɔ ní ndéni wú w̃á kílii.

TƐSALÓNIKA GƆ́LƆI HELE KÉLEI 3:12

Niỹá lɔ́ɔ ndé gíte Ndemɔí Jísu Kílisitii laahéingi h̃u ngáá ndaahí ngóó bikpi nungái sítiini ma, maanɛɛnɛ́ su ngáá ti héi ngáá ti ɣɛ́ taa yénge kɛinɔɔ́ ti háá í ɣɛ́ bɔ́wɔ wa.

TÍMOTI HESENDAA GƆLƆÍ 2:2

Wú Ngala fɛ́li ndɔwɔlɔ w̃ásangaitii mbɛ́ ɛ́ɣɛ tóów̃aa mba yélai kpɛ́lɛɛ kɛinɔɔ́ mú lɛ́ɛ́h̃ui h̃uuhíya lɛ́i lɛ́i ndiiheí h̃u, kɛinɔɔ́ mu ɣɛ́ maá fáitii kɛ Ngalángi lúwambai h̃u ɛ́ɣɛ ngufema véle h̃u.

TÍMOTI GƆ́LƆI HELE KÉLEI 2:25

Í mɔ́ɔ́ sítii kalambo ngáá ndiilɛi taa w̃aaɣaali ngáá ngí gálambo mbóndai. Tɛingaa Ngala ngáá kɛ ngáá háwu ti lii í vóte ti ɣɛ́ tɔɔỹái wɔlɔ.

TÁITƆ 3:2

Tálaa ndɛɛ vɛlɛ nuu fíli mbá, tálaa ɣɛ́ táa w̃ááɣaali. Kɛ́ láá ɣéle, ti ɣɛ lúúỹaa, tí ɣɛ́ ngáá mbɛlɛheí yélaa nuu kpɛ́lɛɛ fááw̃a.

JIMISÍ 1:21

A bé tuva velé ỹɔ́i kpɛ́lɛɛ mbá ɛ́ɣɛ nyaamá háá ɣɛndái. Ngalá ndaa wói sí í léngɔ wú w̃á, a lokohéi mbu lɛ́i lɛ́i, wú bɔ́wɔ gula kɛlɛ́ma mbɛ, aa hómbo í wú wúmaawo.

PÍTƐ HESENDAA GƆLƆÍ 1:23

Ngalá kééla wói gúlangɔɔ lé ngáá ŋani ndɛɛh̃ú í su aáva aá lɔ na kúnafɔ fááw̃a. Ngalá kééla wói vá tɔ í kɛngɔ́ wú ndéngi w̃ááhɔlɔngɔ vólu. Lɛ́i vá í wú léngɔ, ɛi ha kúnafɔ kɛ́ aá lɔ́ ndɛɛh̃ú h̃ú kúnafɔ.

PÍTƐ HESENDAA GƆLƆÍ 3:15

Kílisitii lúwamba í ɣɛ́ wú líí h̃u, wú ngufema hé mbɛ ná í ngáá Ndemɔí wú hááw̃a. Wú w̃ááhei wongɔ í ɣɛ́ la hɔ́wɔ fíli ngáá wú suugúla nuu fíli má áá wú w̃ɔ́ɔ́ni ngáá sí í kɛ́a wú gitóngɔ Kílisitii wa.