PÍTƐ HESENDAA GƆLƆÍ 3:21 - Kɛ́lɛ Niinaí

²¹ Maa njɛ́hengi ná hái w̃áábale mbaa ngáá ngúyai a maá maahɔ́lɔ, áá kɛ ngáá háwu maá ngúmaawongi w̃ááhɔlɔ. Wáá ngúmaawongi sí w̃ááhɔlɔ sífaa, Jísu Kílisitii í yoɣénga sái h̃u. Aáva maa wúyai aa nɔ́ɔ ngáá sí a maá mbo léélaa, kɛ́ aá ɣéle, aá waa ngáá ná a maa Ngala fɛ́li ngáá í mu gí mai ɣɛ kpál̃au ngáá muỹá lɔ́ɔ lɛ́ɛ́h̃ui h̃uuhíya kíya ndongɔ́ mú suuhíya.

PÍTƐ HESENDAA GƆLƆÍ 3:21 Iomraidhean Croise

MÁFIYU 28:19

Faalɔ, a lí náa nungáá kpɛ́lɛɛ ngéle, ngeleí sí kpɛ́lɛɛ mbú wú kɛ ngáá háwu ti ɣɛ́ ngáá pólu yélaa. Waayaa ngúyai wó ngáá ti ye, Kɛɛɣɛí Ngalángi laahéingi h̃u, ɛ́ɣɛ ngi H̃íỹɛndou Loí laahéingi h̃u ɛ́ɣɛ Hɛ́ɛ́ma Ỹínangi laahéingi h̃u.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 16:16

Nuí fíli pá áá lá la aáva maa w̃ɔ́i í nguyaí w̃ááhɔlɔ, maa w̃ɔ́i wumáá áá wo, kɛ́ nuí fíli ɛ́i ɣɛ́ láni lá, ngumáá ɛ́i wo.

NJƆÚ 13:9

Sáimɔ Pítɛ va í mɔ́ɔ́ ngoo yápoteni, i ɣɛ ma, “Kɛɛɣɛ́, kɛ álaa gɛ́ɛ́lɛ hɔ́ɔ́ kɔ́wɔi yílaa mba, kɛ́ kpaha bɛ́lɛ tókoitii mba ɛ́ɣɛ ngú mbaí ɣéle tɔ.”

TI GƐ́Ɛ́ HAÍTII 16:33

Táingi ná kái káima kpíndii ná, kpindi vɛlɛ́ w̃ááh̃u béle mɔ́i i liiní ngáá ti ye, í ti válaitii ngangúya. Ngamá nɔ́ɔ, laá p̃ɛ́ɛ́ ɛ́ɣɛ ngi vɛ́lɛ lowa wuu yélaitii kpɛ́lɛɛ ti nguyaí w̃ááhɔlɔni.

TI GƐ́Ɛ́ HAÍTII 2:38

Kɛ Pítɛ i ti woo yápotenga, i ɣɛ ti w̃a, “A volú yafé wú háá ỹɔítii mba, wú ngúyai w̃ááhɔlɔ wú yíla ngíla fíli Jísu Kílisitii laahéingi h̃u kɛinɔɔ́ wú háá ỹɔítii suuhaa í ló. Aáva wáá Hɛ́ɛ́ma Ỹínangi w̃ááhɔlɔ náa ngáá fembɛ wɔ́lingi.

TI GƐ́Ɛ́ HAÍTII 22:16

Ndeé lɔ náa yíwaa maalɛ́lɛ? Yooɣé, yí nguyaí w̃ááhɔlɔ, yí Ndemɔí w̃ááloli, í í háá ỹɔítii nguya í w̃a.’ ”

TI GƐ́Ɛ́ HAÍTII 8:36

Ná ti ɣɛ́i peleí w̃a tá lí, kɛ tí fólonga njɛí tá w̃a, kɛ Ítiyopiya gɔmɛti nuu walaí ná i ɣɛa Félepi w̃a, “Wɔlɛ lɛ́ɛ, njɛí béle tɛ mbéinda. Yáá lái lá ngáá kɛ maanɛ́ɛ́ngɔɔ lé náa ngí nguyaí w̃ááhɔlɔ?” [

TI GƐ́Ɛ́ HAÍTII 8:37

Kɛ Félepi i ɣɛa ma, “Yáá nguyaí w̃ááhɔlɔ ná wɔ́lii yaá lá ngáá Jísu Kílisitii ngáá í líi kpɛ́lɛɛ.” Kɛ ná i ngoo yápotenga, i ɣɛ ma, “Ngí ná ɣɛ́a, sífaa ndángɔɔ lé lá ngáá kɛ Jísu Kílisitii lɔ í ngáá Ngalángi H̃íỹɛndou Loí.”]

LÓÓMI 5:14

Ná fíli su, sái i loá ngí yákpangi yángengema í síɣe Ádau nda yéteyangi h̃úú w̃a í fólo Muusé ndá yéteyangi h̃úú w̃a. Taá ɣɛ́i yɛɛ́ nuí fíli ɔ́ɔ́ há kɛ Ngala sáva lɔ ɔ́ɔ́ ɣɛ́ nyááni kíya Ádau í kɛ́ni lɛ́i í ɣɛ́i ngáá nuí síí w̃ɔɔ w̃aabalengí í ɣɛ́i áá vá vááma ngélewu.

KƆ́L̃E HESENDAA GƆLƆÍ 12:13

Mu lɛ́ingaa muỹá lɔ́ ngáá Júsua, mu lɛ́ingaa maá ngáá Júsua, mu lɛ́ingaa mu ngáá nduwɔ lopóa, mu lɛ́ingaa maa ngáá nduwɔ lopóa, kɛ́ Hɛ́ɛ́ma Ỹína ngilaa kpéngi lɔ mu kpɛ́lɛɛ mú nguyaí w̃ááhɔlɔngɔ maa véle w̃a, mu gúlangɔ ngáá kpusa yílaa. Aáva Hɛ́ɛ́ma Ỹína ngiláá kpéngi lɔ áá ɣɛ́ mu yilá ngílangi kpɛ́lɛɛ pólu.

KƆ́L̃E HESENDAA GƆLƆÍ 4:6

Mu mbála Yalá fɛ́li mbélai, ngí yɛ́pɛnga fái sítii mba ngí súw̃a Apólo w̃a ɛ́ɣɛ nyá búte wú gúlasuunuma haaw̃a, kɛinɔɔ́ ná í ni ɣɛ ngáá tɔmaseí wú fái sí vólu hái yátɔ náa mba ndengɔ́i ngáá sí, “A waa víli sí vólu pɔnɛngɔ́i.” Wú tá fíli álaa nuu ta yeɣé wu h̃u ngáá ngangímba w̃ɔ́ɔ́ ɔ́ɔ́ lɔ́ve pékaitii mba.

KƆ́L̃E GƆ́LƆI HELE KÉLEI 1:12

Sí naa maayónga tevé aá wáá ngáá ni gi má ɣɛ́ngɔ lé kpál̃au ngáá ni lúva veléi i ɣɛ́i vaní ngeleí sí wúú hááw̃a ɛ́ɣɛ wá bútei wú hááw̃a. Ní ndɛɛh̃ú w̃aaw̃úỹangɔ ɛ́ɣɛ tɔɔỹáá gele h̃uuhíyanga kɛ kíya Ngalá ndóngɔ ní kɛ. Naa ná ɣɛ́ni nuu búsa géle ɣele maa véle w̃a kɛ́ Ngalángi háá bɔwɔí w̃áá véle w̃a.

KƆ́L̃E GƆ́LƆI HELE KÉLEI 7:1

Mu mbála vandáitii, kuulóngi sítii kpɛ́lɛɛ tiyá lɔ na a mu haáw̃a. Mú luwúini ngaa mu h̃úúyafuw̃angai ti w̃ááw̃uỹangɔ í ɣɛ́ la fó faa ỹɔ́i yaa. Aáva faa ỹɔ́u álaa ɣɛ́ a mu h̃u kpósouŋ ngáá mu lɛ́ɛ́h̃ui maá suuhíya Ngalángi lúwambai h̃u.

GALÉSIYA 3:27

Nguyaí wú kpɛ́lɛɛ wú maahɔ́lɔngɔ í wú báhaa Kílisitii wa. Laáva wá lɔ́ naa ngáá Kílisitii ɣɛ́ kíli.

Ɛ́FƐSƆ 5:26

Jísu Kílisitii i ná ɣɛ́ni kɛinɔɔ́ í Ngala fɛ́li mbélaitii kɛ kíli batɛ́ Ngalá mbɛ ndaa wói w̃aa véle w̃a, í tí wúya njɛ́i wu

KƆLƆ́SE 2:12

Ná tí ngúyai wóni ngáá wú ye, i ɣɛi nɔ́ɔ kíya taa ɣɛ́ wú bɔ́luni kíya nɔ́ɔ jɔ́ tí Kílisitii bɔ́luni aáva ná tí wú gúlani nguya wo njɛ́i wú, í ɣɛi nɔ́ɔ́ jɔ́ kíya Ngala ngáá ɣɛ́ wú wúyoɣenga saí h̃u kíya í Kílisitii wúyoɣeni sái h̃u. Ná vá tɔ h̃íí ná sífaa wú lángɔɔ lé ngáá ngakpángi í Ngala ngéya í Kílisitii wúyoɣeni lá sái h̃u.

TÍMOTI HESENDAA GƆLƆÍ 1:5

Ngí ndéngɔ ngáá wú ɣɛ́ waa sí ɣɛ kɛinɔɔ́ í kɛ́ ngáá háwu mu ló ngáá ỹɔw̃ɔ́ ỹɔ́w̃ɔ. Ndongí áá gúla nuu lií h̃u faa ỹɔ́u fíli ɛi ɣɛ su ɛ́ɣɛ nuu gi mai aa ɣɛ́ kpál̃au ngáá fáitii áá kɛ tiyá lɔ pele w̃a ɛ́ɣɛ ndangí nuu áá ɣɛ́ su ngáá Jísu Kílisitii ngáá tɔɔỹaá.

TÍMOTI HESENDAA GƆLƆÍ 6:12

Hómbo yí Ngala fɛ́li fái ɣɛ ngáá hɛ́mbɛ kíya nɔ́ɔ nuu áá ɣɛ́ maaɣaalí víliỹɛi h̃u kɛinɔɔ́ yí kúnafɔ lɛ́ɛ́h̃ui w̃aahɔ́lɔ bɔwɔ́ hááw̃a. Sífaa, kúnafɔ lɛ́ɛ́h̃ui sí lɔ́ Ngalá ngí í lólingɔ fááw̃a ná h̃u yí kúlai la yí ndé ngáá yí laa ngáá Jísu Kílisitii nuu bíh̃iw̃aa yaah̃ú w̃a.

HÍBULU 10:22

a mú lókola Ngalá ma, a mú lí kakála ngáá ndiiwóle. A maa ná ɣɛ́ sífaa, Jísu í mu gi mái ɣɛ́nga kpál̃au ngáá faa fíli aa mu wa, a mu w̃aaw̃úỹangɔɔ lé fó ngáá njɛ vanda.

HÍBULU 11:19

Lébilah̃au va i ɣɛi náá áá vá Áise gúlama ngáá saáɣa bɔw̃álale, i ɣɛi kɔlɔ́ ngáá Ngalá ngáá hómbo í nuu yóóɣe sái h̃u volú. Aáva nuu ɣɛ́ gíte nuú nde saa wúl̃a nɔ́ɔ Áise í mbóni kɛ́ Lébilah̃au va i mɔɔ maahɔ́lɔni vólu.

HÍBULU 13:18

A ndi ngu ma ngáá Ngala fɛ́lindai ni yɛ. Ni langɔ́ɔ́ lé la aáva ni gí mái ɣɛngɔ́ kpál̃au ngáá sí kule í ni w̃a ní kɛ laá lɔ níwaa kɛ nɔ́ɔ́ táingi fíli má.

HÍBULU 9:14

Ná ɣɛ́ndai ɣéle na ɔ́ɔ́ kpalo wúya nuu w̃a kɛlaa Kílisitii ỹááw̃ɔi, laá ɣéle p̃ɛ́ɛ́, aa hombó í faa wála ɣɛ́ í lɔ́ve ná wa. Hɛ́ɛ́ma Ỹínangi w̃áá véle w̃a í na kúnafɔ, Kílisitii í bɔwɔ́ gúlani ngáá Ngala sááɣa faa ỹɔ́u vó fíli áá mba. Ngi ỹááw̃ɔi w̃áá véle w̃a, a mu gi máitii kɛ kíli aa batɛ́ ngáá a mu lóko ɛ́i mɔ́ɔ́ ɣɛ ngangímba lála háitii mba nuu áá kɛ kɛinɔɔ́ a maayáá yengé Ngalá mbɛ lɛ́i í ndɛɛh̃ú h̃u.

HÍBULU 9:24

Aa ngáá nuu búsa Hɛ́ɛ́ma Wala Ỹándai batɛngɔ́i nɔ́ɔ Kílisitii ɔ́ɔ́ ɣɛ́ lɛɛngɔ́ ná lɛ́i gúlangɔ ɔɔ la nɔ́ɔ́ ngáá sí í ngélegooh̃u ngi w̃áábale. Kɛ́ i lɛɛngɔ́ ngelegóóh̃u gíte mbéi náá í na íwaa mu w̃áánɛɛnɛ mbó Ngalá ma.

PÍTƐ HESENDAA GƆLƆÍ 1:3

A mu sɛ́ɣɛɛ gula Ngalá má lɛ́i í ngáá Ngalángi ɛ́ɣɛ Kɛɛɣɛí a mu Lemɔ́i Jísu Kílisitii hááw̃a. Sífaa, ngi yááh̃u w̃aaw̃aanú walaí i kɛ́a ngáá háwu í ndɛ́ɛ́h̃u níína he mu yɛ ngáá mbuyóɣei í mbóni ngáá Jísu Kílisitii sái h̃u. Aá lɔ́ í kɛ́a mu gítomaa í na kúnafɔ.

PÍTƐ HESENDAA GƆLƆÍ 3:16

Kɛ́ wáá suugúla maa w̃ɔ́i w̃a ngufema h̃ú ɛ́ɣɛ tuva véle w̃aanɛ́ɛ́ngɔ h̃u. Aáva wú gí mai í ɣɛ́ kpál̃au ngáá fáá ỹɔ́u aa wú lúva veleí h̃u kɛinɔɔ́ ná nuu áá ngoo ỹɔ́u le kɔwɔ́ato wú lɛ́ɛ́h̃ui wa wáá suuhíya ngáá pangɔ́ sífaa wú ngáá Kílisitii volú yelaa, ngufé ngí vɛ́lɛ maa yélaitii ma.