PÍTƐ HESENDAA GƆLƆÍ 3:20 - Kɛ́lɛ Niinaí

²⁰ Sítii ti ɣɛ́i Ngala mɔ́i Nówa ndá yéteyangi h̃u táingi ná h̃u Nówa í ɣɛ́i áá kele ngwálai bátɛ Ngalángi liilɔ́lɔni íwaa naa w̃áálɛlɛ ngáá ti gólo mbɛ kɛ́ taá ɣɛ́i kɛí tɔɔ́ gólo mbɛ, ti yáfuw̃angaitii tɔ laa Kílisitii í maa Yála ngoí ná léi ti w̃a. Nungái taá ɣɛ́i bih̃í, ti w̃áá í wáloni, ti ɣɛ́i nɔ́ɔ ngáá nuu ngwáhakpangɔ njɛ́i í kɛ́ni ngáá háwu ti w̃áá í waloni.

PÍTƐ HESENDAA GƆLƆÍ 3:20 Iomraidhean Croise

MÁFIYU 7:14

Kɛ́ geétii í peleí sí h̃u áá lí tɔɔỹaá lɛɛh̃úi ŋál̃a, ndaa bɛ́ɛ́ngɔɔ lé, aáva maa vélei h̃uu híyalai bangɔ́ɔ́ lé. Nungáitii pá taa pélei sí lɔ, taá bíh̃i.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 12:32

Kɛ Jísu i ɣɛa ti w̃a, “Ní vóngaa, a waa lúwa, sífaa aá lɔ ngáá wú Kɛ́ɛ́ɣɛ Ngalá ndiivó fáá ngáá ngi w̃ásandai í ɣɛ́ wú w̃ááh̃u.

TI GƐ́Ɛ́ HAÍTII 2:41

Sítii pa tí lókoheini ngi gééla woí sí wu, ti ɣɛ́i ngáá nuu tásu sáángɔ ỹɔ́kɔ aáva tí ngúyai wóni ngáá ti ye, ti báha Ngala fɛ́li mbélaitii mba naa hɔwɔ́.

LÓÓMI 9:22

Ngimɔ́ɔ́ nɔ́ɔ í ná kɔwɔ́ato sí wa Ngalá ngí kɛ́ngɔ. Ngalá ngí ɣɛngɔ́ lói í ngi lííyaw̃al̃ai taá ngí yákpangi yákɛ sítii maa véle w̃a kule í ɣɛ́ngɔ ti w̃a ti ɣɛ kíli í ỹááni. Kɛ́ áá ɣéle, háwui ɔ́ɔ́ kɛ ɔ́ɔ́ ná ɣɛ, aá ɣéle i liilɔ́lɔngɔ ti hái ya.

Ɛ́FƐSƆ 5:26

Jísu Kílisitii i ná ɣɛ́ni kɛinɔɔ́ í Ngala fɛ́li mbélaitii kɛ kíli batɛ́ Ngalá mbɛ ndaa wói w̃aa véle w̃a, í tí wúya njɛ́i wu

HÍBULU 11:7

Ndangí siỹɛndópoi sí tɔ́ɔ́ ɣɛ́ ma Nówa í ɣɛ́i su ngáá Ngala, ná lɔ́ í kɛ́ni í wóliloni Ngalángi lááhi ngói w̃a kɔwɔ́ato njɛhéngi wa í ɣɛ́i áá vá ngélewu kpɛ́lɛɛ máábɔlema. Kíya bɛ́lɛ áá nɛ́ɛ́ ɣɛi maa njɛ́hengi lɔ́ni, kɛ́ i góloni Ngala ngói wu, i kéle ngwála bátɛ ngáá laá ɛ́ɣɛ ngi vɛ́lɛ lowái wúu yélaitii ti wumáá í wóni njɛhé ngwálai sí yáa. Ná lɔ́ í ngákɛni ngáá kɛ i nyaama yélaitii pele lalái ngeleí sí wu. Sífaa Nówa langɔ́ í ɣɛ́i la ngáá Ngalá, Ngala ngí ngeɣéni ngáá telembo mɔ́ɔ́.

PÍTƐ HESENDAA GƆLƆÍ 1:22

Ná naá wú gólongɔ Ngalá mbɛ wúwaa híya ngáá tɔɔỹaá gééla wói, ná lɔ náa i kɛ́a wú w̃ááw̃uỹangɔ fó faa ỹɔ́i yaá, ná vólu, i mɔɔ kɛ́a wú lóngɔ ngáá wú mbála Yalá fɛ́li mbélaitii ngáá tɔɔỹaá. Faale, ná naá maa hái í h̃íí na, a ló ngáá ỹɔw̃ɔ́ ỹɔ́w̃ɔ ngáá lií kpɛ́lɛɛ álaa ɣɛ́ nɔ́ɔ ngáá wɔ́ɔ́ ndá yaah̃ú.

PÍTƐ HESENDAA GƆLƆÍ 1:9

Wú góóh̃unɛɛngɔɔ lé sífaa, ndangí wú su ngáá Jísu Kílisitii, pólu hái waa ngáá ngumaawóngi sí wúwaa maahɔ́lɔ.

PÍTƐ HESENDAA GƆLƆÍ 2:25

Wú ɣɛ́ngɔ náá káka péle wa kíya nɔ́ɔ mbaalaí áá ɣɛ́ na ndongɔ́ áá ɣɛ́ lá su. Kɛ́ Ngalá ngí mɔɔ vaá ngáá wú ye Jísu Kílisitii yéle lɛ́i í ngáá wú W̃ááh̃u Béle Mɔ́i.

PÍTƐ HESENDAA GƆLƆÍ 3:19

aáva Hɛ́ɛ́ma Ỹínangi yákpangi w̃áá véle w̃a, Kílisitii i liiní í Ngala ngói le ngafuw̃angái sítii ma ti ɣɛ́i sou sú kíya nuu áá ɣɛ́ kpindi vɛlɛ́ wu.

PÍTƐ HESENDAA GƆLƆÍ 4:19

Faale, sítii ti w̃áá íwaa nɔ́w̃ɔ sífaa áá ɣɛ́ ngáá Ngalá ngí háá h̃uubatɛ ngáá í ɣɛ́ h̃íí na ngáá ti ye, ti ɣɛ́ táa télembo túva wo, laáva tí gíto ti bátɛ mɔ́i Ngalá mbá lɛ́i ná áá kuuló mbo, ɛ́i nga ỹááni.

PÍTƐ GƆ́LƆI HELE KÉLEI 2:5

Sítii taa ɣɛi Ngalá fááw̃a wɔ́lɔ ngeleí sí wu Ngala ngáá suuhaalói ti yɛ, kɛ́ aá ɣéle, i kɛí ngáá háwu njɛí í wá, njɛ́hengi í ndɔ́wɔlɔi kpɛ́lɛɛ máábɔle aáva kɛ léi siỹɛndópoi sí tɔ́ɔ́ ɣɛ́ ma Nówa í ɣɛ́i áá faa lé Ngalángi lélembo peleí wa nungáitii ma, laá lɔ́ ngu ngáá lói su ɛ́ɣɛ nuu vékaa ngɔ́felangɔ.

PÍTƐ GƆ́LƆI HELE KÉLEI 3:15

Wú hómbo wú gísei ma gíte ngáá Ndemɔí Jísu liilɔlɔí áá mbo a mu yaá aá lɔ́ nɔ́ɔ na ngáa a mu bɔwɔ́ wúmaawongi hááw̃a kíya nɔ́ɔ a mu mbála Yála fɛ́li mɔ́i Pɔ́ɔ lɛ́i a mu longɔ́ lá laá bɛ́lɛ í kɔ́lɔ vɔ́nɛngɔ wú yéle ngáá kele ɣeléngi sí Ngala ngí féngɔ ngéya í púngɔ su.