PÍTƐ HESENDAA GƆLƆÍ 3:18 - Kɛ́lɛ Niinaí

¹⁸ Sífaa, Kílisitii áá ɣɛi ngáá faa ỹɔ́u ɣɛ́ mɔ́ɔ́ kɛ́ i haaní faa ỹɔ́u ɣɛ́ mbélaitii faaw̃a. I haaní naa héiw̃aa i yíla kpé kɔwɔ́ato mu háá ỹɔítii mba. Aáva í ná ɣɛí ngáá kɛinɔɔ́ í mu lówah̃u í bátɛ maá Ngála. Tí paaní, kɛ́ Ngalángi Hɛ́ɛ́ma Ỹínangi kɛní ngáá háwu í vá mɔ́ɔ́ ndɛɛh̃ú h̃ú volú,

PÍTƐ HESENDAA GƆLƆÍ 3:18 Iomraidhean Croise

MÁFIYU 27:19

Páilɛɛ i loí nɔ́ɔ héini kɔsɔ́ kpɔ́kpɔngi ya, ngi ỹáh̃a í keela woí sí lɔ́ve ngelé, i ɣɛ ma, “Yálaa faa fíli kɛ́ ngáá siỹɛndópoi ná, aa faa fíli kɔ́lɔ faa wá, bɔw̃álale, ngi hái i kɛngɔ́ máá í nɔ́w̃ɔ siŋal̃ái h̃u ngí mbóngɔ bɔ́kɔi.”

MÁFIYU 27:24

Ná Páilɛɛ í tɔ́i ngáá kɛ pele áá ɣɛ́i njɛpɛí sí h̃u í puí faŋaí w̃a kɛ́ kpɔɔlɔ wála í ɣɛi áá vá lɔ́kula héima, i njɛí yéɣei, í yaa wúya faŋaí yaah̃ú, i ɣɛ ta, “Siỹɛndópoi sí ỹááw̃ɔi haa aa ngáá mbáá háá pá! Wá lɔ i ngáá wú wáá háá!”

NJƆÚ 16:10

Aá lɔ́ áá vá kɛ́ma ngáá ti ye ngáá nyá lɔ ngáá telembo mɔ́ɔ́ sífaa nyá lɔɔ lí ní Kɛ́ɛ́ɣɛ yelé ná ngáá gúla mbéi wa. Ná vólu, wɔ́i mɔ́ɔ ɣɛ wáá tɔ́.

TI GƐ́Ɛ́ HAÍTII 22:14

Kɛ i ndengá múl̃ɔ má, i ɣɛ má, ‘A mu káwalani ti Yálangi i lokolongá í wá ngáá yí ɣɛ́ ndiivó fái wɔlɔ taá nuí sí faa ỹɔu fíli áá su. Ná vólu, yí ngoo ỹɛ́ni áá gúla nda.

TI GƐ́Ɛ́ HAÍTII 3:14

Wú bééleni nuí sí wa faa ỹɔ́u fíli áá ɣɛ́i su ɛ́ɣɛ telémbongɔ í ɣɛ́i lá. Kɛ́ wú nuu váá mɔ́i w̃áánɛɛnɛ mbo ngáá Páilɛɛ í maahaaló.

LÓÓMI 1:4

Kɛ́ Ngalángi ndá gákai w̃áá vélei w̃a, Jísu i gulangɔ́ Ngála ngéle sífaa, ngakɛngɔ́ɔ́ lé kpál̃au ngáá kɛ Jísu lɔ í ngáá Ngalángi H̃íỹɛndou Loí ngakpángɔ ngwála bɔw̃álale, i wuyoɣéni sái h̃u.

LÓÓMI 4:25

Ngála ngí Jísu gúlani kɛ́lɛma ngáá kɛinɔɔ́ í há a mu háá ỹɔítii fááw̃a. Aáva i mbuyoɣéni sái h̃u ngáá kɛinɔɔ́ a mu ɣɛ́ ngáá telembo mbélaa laa Ngala ngaah̃ú.

LÓÓMI 5:2

Jísu Kílisitii i kɛa ngáá háwu Ngalangí háá bɔwɔí í fólo mú w̃a ndangí w̃áá véle w̃a a mú su la lɛ́i náa a máá lɛ́ɛ́h̃ui h̃uuhíya su. Ná ná áá ɣɛ́, a maá góóh̃unɛɛ kitomái hááw̃a í mú yaá ngáá a muỹá lɔɔ vá ɣɛ́ma Ngalángi yákpa maanɛɛnɛɛngí h̃u.

LÓÓMI 8:11

Ngála ngí Jísu yooɣéni sái h̃u ngi Hɛ́ɛ́ma Ỹínangi w̃áá vele w̃a. Ná ngi Ỹínangi ná áá ɣɛ́ wú vólu, kɛ lɛ́i i Jísu Kílisitii yooɣéni sái h̃u, aá lɔɔ vá kɛ́ma ngáá háwu wɛ́i wáá há wú ɣɛ́ ndɛɛh̃úi h̃u ngi Ỹínangi ná w̃áá véle w̃a.

LÓÓMI 8:3

Savaí Ngalá ngí féi Muusé yáá ɛi hómbo ɔ́ɔ́ sí ɣɛ́ bɔw̃álale mu lɛ́ɛ́h̃ui sí h̃uu líívo kɛí aa kɛ ngáá háwu ngakpá ngɛ́i ɣɛ savaí yáá ɔ́ɔ́ ná ɣɛ́. Kɛ́ Ngalá ngí mú wúmaawoni ná h̃u í bɔwɔ́ bɔ́wɔ H̃íỹɛndou Loí Jísu Kílisitii lɔ́veni ngáá nuu búsa kíya nɔ́ɔ nuu búsaitii mú na ngáá í ɣɛ́ ngáá saáɣa a mu háá ỹɔítii fááw̃a. Aáva i Jísu Kílisitii gúlani ngáá saáɣa ngáá faa ỹɔí ndái álaa ndó ma.

KƆ́L̃E GƆ́LƆI HELE KÉLEI 1:24

Naa loí nɔ́ɔ kpa wú w̃a ngáá kule ngáá sí kule í wú w̃á wú la la. Kɛ́ laá ɣéle, niỹá lɔɔ yénge a maa wúyeni ngáá kɛinɔɔ́ wú ɣɛ́ kooh̃unɛɛ h̃u, sífaa wú h̃úubangɔɔ lé náa sí h̃u wú lángɔ la.

KƆ́L̃E GƆ́LƆI HELE KÉLEI 13:4

Kíya bɛ́lɛ njɔ njɔngɔ́ í ɣɛ́i lá ná h̃ú tí kpakpáni kulɔ́sii w̃a í hááni ma, kɛ́ aa lɔ́ náa ndɛɛh̃ú h̃ú Ngalángi yákpangi w̃áá véle w̃á. Kíya Kílisitii yɔ́ njɔ́ngɔ í ɣɛ́i la ngimɔ́ɔ́ niỹá bɛ́lɛ ni yɔ́ njɔ́ngɔ kɔwɔ́ato kpahaí wa ní su mba, kɛ́ ná náa vá wú yéle, niỹá lɔ́ɔ vá baháma Kílisitii wá. Faalɔ, náa ɣɛ́ naá Ngalá ngí yákpangi yakɛ́ ni lɛ́ɛ́h̃ui h̃ú.

KƆ́L̃E GƆ́LƆI HELE KÉLEI 5:21

Faa ỹɔ́u fíli aa ɣɛi Kílisitii h̃u, kɛ́ a mu haáw̃a, Ngalá ngí i mu háá ỹɔítii njení ma ngáá kɛinɔɔ́ kpahaí á mú su laá Jísu wa, ná í mú ɣɛ́ ngáá telembo mbélaa Ngalá ngááh̃u.

GALÉSIYA 1:4

Jísu Kílisitii i lɛɛh̃úi gúlangɔ kɛ́lɛma mu háá ỹɔítii fááw̃a kɛinɔɔ́ í mú gúla nyaama yéteyangi sí yákpangi wu. Laáva sí vá tɔ a mu Yálangi lɛ́i múl̃ɔ í ngáá mu Kɛ́ɛ́ɣɛ í ɣɛ́i loí Jísu í kɛ.

GALÉSIYA 3:13

Kílisitii i mu wúmaawongɔ peléngi yáa Ngala sávai í kɛ́ngɔ ngáá háwu í vúngɔ mu w̃a. I longɔ́ a mu lóów̃ai ngáá peléngi í vú ma, bɔw̃álale, sí pɔ́nɛngɔi Ngalá Kɔ́lɔi h̃u aá wáa ngáá sí, “Nuí fíli táa páa ngáá sɛlɛndái ngulúi w̃a, kɛ Ngalá péle tɔ́ mba.”

Ɛ́FƐSƆ 3:12

Kpahaí a mu sú Jísu Kílisitii wa ɛ́ɣɛ ndangí a mú su lá, i kɛngá ngáá háwu ngáá a mú fólo Ngalá má, ná vólu, a mu yɛ́pɛ ngelé nduwá ɛ́i ɣɛ́ mu h̃u.

TÁITƆ 2:14

I lɛɛh̃úi gúlangɔ kɛ́lɛma mu haáw̃a ngáá í mu w̃ááɣawo faa ỹɔ́itii kpɛ́lɛɛ ngéya ɛ́ɣɛ í mú háá ỹɔítii ngúya mu w̃a fó, mu ɣɛ́ ngáá nungáá taá ɣɛ́ faaw̃a nɔ́ɔ ɛ́ɣɛ mu ɣɛ́ kíli batɛ́ngɔ í ɣɛ́ lá faa vánda ɣɛ́ fááw̃a.

HÍBULU 10:10

Sífaa Jísu Kílisitii í sí ɣɛ́ni Ngalá ndóngɔ í ɣɛ́i lá ngáá í kɛ. Ná wáá ngáá, i ɣɛi ngáá saáɣa a mu kpɛ́lɛɛ fááw̃a naa héiw̃aa i yíla kpé kúnafɔ fááw̃a, ná vá tɔ náa í kɛ́a tɔmbema w̃áá fíli áá mu wa Ngala ngááh̃u.

HÍBULU 9:14

Ná ɣɛ́ndai ɣéle na ɔ́ɔ́ kpalo wúya nuu w̃a kɛlaa Kílisitii ỹááw̃ɔi, laá ɣéle p̃ɛ́ɛ́, aa hombó í faa wála ɣɛ́ í lɔ́ve ná wa. Hɛ́ɛ́ma Ỹínangi w̃áá véle w̃a í na kúnafɔ, Kílisitii í bɔwɔ́ gúlani ngáá Ngala sááɣa faa ỹɔ́u vó fíli áá mba. Ngi ỹááw̃ɔi w̃áá véle w̃a, a mu gi máitii kɛ kíli aa batɛ́ ngáá a mu lóko ɛ́i mɔ́ɔ́ ɣɛ ngangímba lála háitii mba nuu áá kɛ kɛinɔɔ́ a maayáá yengé Ngalá mbɛ lɛ́i í ndɛɛh̃ú h̃u.

HÍBULU 9:26

Kɛ bele ngí múl̃ɔ kule í ɣɛ́i ma í ɣɛ́ na, kɛ ná ná ɔ́ɔ́ ɣɛ, kɛ Kílisitii w̃áánɔw̃ɔndai hei h̃úú ɔ́ɔ́ ɣɛ́ bíh̃i ká ka í séi ngeléwu bátɛ sɔ́wɔi w̃a. Kɛ́ áá ɣéle, fáitii ngákɛɛlɛmaa bɛɛngɔ́i sí náá mba i bɔ́wɔ gúlanga kɛ́lɛma nuu kpɛ́lɛɛ fááw̃a ngáá kɛinɔɔ́ í faa ỹɔ́i wúya nuu kpɛ́lɛɛ má ngáá bɔwɔ́ gúlandai ngáá saáɣa naa héiw̃aa í ɣɛ́i yíla kpé.

HÍBULU 9:28

ngimɔ́ɔ́ nɔ́ɔ Kílisitii í bɔwɔ́ gúlani ngáá saáɣa naa héiw̃aa í ɣɛ́i yíla kpé ngáá kɛinɔɔ́ í nuu bíh̃iw̃aa ti háá ỹɔítii nguyá ti w̃a. Aá lɔɔ vá vaamá vólu múl̃ɔ kɛ́ sí h̃úi ɛi mɔɔ ɣɛ ngáá faa ỹɔ́u wúya fáá nuu w̃a, kɛ́ aá ɣéle, aá lɔɔ vá naá sí h̃úi ngáá í sítii ngumááwo tí yaah̃ú í túwɔ.

JIMISÍ 5:6

Sítii taá faa wɔ́lɔ faa wá wú tí waalévenga ngáá faa ỹɔ́u yélaa wú tí váa, aáva taá lói wú láá wu.

PÍTƐ HESENDAA GƆLƆÍ 3:19

aáva Hɛ́ɛ́ma Ỹínangi yákpangi w̃áá véle w̃a, Kílisitii i liiní í Ngala ngói le ngafuw̃angái sítii ma ti ɣɛ́i sou sú kíya nuu áá ɣɛ́ kpindi vɛlɛ́ wu.

PÍTƐ HESENDAA GƆLƆÍ 4:1

Kílisitii í nduwu ya fuulɛ́ w̃áánɔw̃ɔ yeɣéni, náa hááw̃a, kɛ wá bɛ́lɛ nɔ wú liibá ngáá kisiyái í ɣɛ́i Kílisitii w̃a maa gísiyai híí í ɣɛ́ wú w̃á. Sífaa, nuí fíli áá ndúwu ya fuulɛ́ w̃áánɔw̃ɔ yeɣé, kɛ maa w̃ɔ́i i bengá faa ỹɔ́u ɣɛndái wa.

PÍTƐ HESENDAA GƆLƆÍ 4:6

Aáva sítii ti saí sí wongɔ ti mbóngɔ kíya nuu kpɛ́lɛɛ taa há Ngalángi gɔ́sɔngi háwui h̃u. Kɛ́ Jísu Kílisitii i keela wóo vándai lénga náa sítii ma ti háángɔ kɛinɔɔ́ ti yáfuw̃angaitii ti ɣɛ́ Ngala ndóów̃a ti ɣɛ́ kíya Ngalá ndongɔ́ ti ɣɛ́ na.

NJƆÚ HESENDAA GƆLƆÍ 1:9

Kɛ́ ná a maa gáhe ngáá mu háá ỹɔítiini Ngalá ma, a mu háá ỹɔítii súúhaalo, í mu wúya fó faa kpɛ́lɛɛ ngéya taa ɣɛ́ ngáá faa ỹɔítii bɔw̃álale aá lɔ́ ngáá tɔwɔbáɣa w̃ɔ́ɔ́ ɛ́ɣɛ telembo mɔ́ɔ́.