PÍTƐ HESENDAA GƆLƆÍ 3:17 - Kɛ́lɛ Niinaí

¹⁷ Maanɛ́ɛ́ngɔɔ lé nuu w̃áá í nɔ́w̃ɔ faa vánda ɣɛ fááw̃a ná Ngalá ngáá ɣɛ́ loí í ɣɛ́ h̃íí í lɔ́ve sí wa nuu w̃áá áá nɔ́w̃ɔ faa ỹɔ́u ɣɛ fááw̃a.

PÍTƐ HESENDAA GƆLƆÍ 3:17 Iomraidhean Croise

MÁFIYU 26:39

Kɛ Jísu i liingá kulo kélei má, í bɔwɔ́ gúla ndɔwɔlɔ́i wa í ya pɛ́lɛ, í Ngala fɛ́li, áá ɣɛ́ ta, “Kɛɛɣɛ́, ná wɔ́lii áá ɣɛ́ ngáá í lúw̃ama h̃úu háa, maanɔw̃ɔ́ gɔ́pungi sí gúla kái ngéya. Kɛ́ ná fíli sú, nyá ngáá ɣɛ́i sí ndóngɔ í ɣɛ́, kɛ́ sí i lóngɔ la í ɣɛ́.”

MÁFIYU 26:42

Kɛ Jísu i mɔɔ liinga, í Ngala fɛ́li, i ɣɛ ta, “Kɛɛɣɛ́, ná maanɔw̃ɔ́ gɔ́pungi sí ɛ́i ɣɛ́ áá gúla ngéya kɛ nɔ́ɔ w̃ɛ́ɛ́ ngí maanɔw̃ɔ́i sí yéɣe, sí i lóngɔ la í ɣɛ́.”

TI GƐ́Ɛ́ HAÍTII 18:21

Kɛ́ ná í ɣɛ́i áá pele hóu i nátii kuulóni, i ɣɛ ti w̃a, “Ná Ngalá ngáá lúw̃a ma, ngáá vá volú.” Kɛ i vílinga kélengi h̃u, í gúla Ɛ́fɛsɔ wa.

TI GƐ́Ɛ́ HAÍTII 21:14

Ná ni bááh̃aani maanɛ́ɛ́nɛma, ní béni mba aáva ní ndé ma, ni ɣɛ́ ma, “Bɛlɛ́ Ndemɔí Ngalángi ndái í ndo ma.”

PÍTƐ HESENDAA GƆLƆÍ 1:6

Náá hááw̃a, wú góóh̃unɛɛngɔ í ɣɛ́ la kíya bɛ́lɛ naa laa lówah̃u nɛ́nɛ wú w̃ááw̃aanungɔ waa w̃aanɔw̃ɔ́ ngáá suugɔvɔ́ lááli taalingái tíwaa wó ngáá wú ye.

PÍTƐ HESENDAA GƆLƆÍ 2:15

Sífaa sí Ngalá ndóngɔ la aá waa ngáá wú lúva vélei, sítii ti lamál̃angɔ faa ỹɔ́u fíli álaa ɣɛ́ na tɔ́ɔ́ nde kɔwɔ́ato wú lúva véle vándai wa.

PÍTƐ HESENDAA GƆLƆÍ 2:20

Ná wáá faa ỹɔ́u ɣɛ wú maa w̃áánɔw̃ɔ yeɣé, ná ná áá ɣɛ́, kulasuunúmai bɛɛ́ lɔ́ áá ɣɛ́ Ngalá ngéya wú hááw̃a ná h̃u? Kɛ́ ná wáá máánɔw̃ɔ yéɣe faa h̃ú wáá ɣɛ kɛ́i i pele w̃a, ná ná áá ɣɛ, Ngalá ngáá nɛ́ɛ́ma yéi wú w̃á ná h̃u.

PÍTƐ HESENDAA GƆLƆÍ 3:14

Kɛ́ bele pá wú w̃áá áá nɔ́w̃ɔ sífaa wáá ɣɛ́ wáá híya ngáá telembo pélei, aa lɔ́ ngáá faa vánda wú hááw̃a. Wálaa lúwa maa nungáitii mba, kɛlaa ti háá ɔ́ɔ́ kɛ ngáá háwu wú líí ɔ́ɔ́ hɛ́lɛ.

PÍTƐ HESENDAA GƆLƆÍ 4:15

Kɛ́ ná maanɔw̃ɔ́ áá lá wú ta fíli ma, álaa la wú w̃a nuu váá fááw̃a ɔɔ ŋuỹá hááw̃a, ɔɔ nyaama gúla fááw̃a, ɔɔ víli fááw̃a nungáá háá h̃u.

PÍTƐ HESENDAA GƆLƆÍ 4:19

Faale, sítii ti w̃áá íwaa nɔ́w̃ɔ sífaa áá ɣɛ́ ngáá Ngalá ngí háá h̃uubatɛ ngáá í ɣɛ́ h̃íí na ngáá ti ye, ti ɣɛ́ táa télembo túva wo, laáva tí gíto ti bátɛ mɔ́i Ngalá mbá lɛ́i ná áá kuuló mbo, ɛ́i nga ỹááni.