PÍTƐ HESENDAA GƆLƆÍ 3:16 - Kɛ́lɛ Niinaí

¹⁶ Kɛ́ wáá suugúla maa w̃ɔ́i w̃a ngufema h̃ú ɛ́ɣɛ tuva véle w̃aanɛ́ɛ́ngɔ h̃u. Aáva wú gí mai í ɣɛ́ kpál̃au ngáá fáá ỹɔ́u aa wú lúva veleí h̃u kɛinɔɔ́ ná nuu áá ngoo ỹɔ́u le kɔwɔ́ato wú lɛ́ɛ́h̃ui wa wáá suuhíya ngáá pangɔ́ sífaa wú ngáá Kílisitii volú yelaa, ngufé ngí vɛ́lɛ maa yélaitii ma.

PÍTƐ HESENDAA GƆLƆÍ 3:16 Iomraidhean Croise

MÁFIYU 5:11

Wá bɛ́lɛ aá lɔ́ ngáá faa vánda wú haáw̃a ná nungáá taa wú yɛ́ɛ́li, ti wú w̃áánɔw̃ɔ, tí ndɛɛ́ híí ỹɔu ỹɔu kpih̃íw̃aa vɛ́lɛ wú w̃á, sífaa nɔɔ́ wú ngáá pólu yelaa.

TI GƐ́Ɛ́ HAÍTII 24:16

Faalɔ, nyá lɔɔ́ yakpá hɔ́wɔ fíli ngáá kí mái í ɣɛ́ kpál̃au faí sítii su ngáá kɛ, ti ɣɛ́ pele w̃a ni lówah̃u naá Ngalá ɛ́ɣɛ nuu búsaitii.

TI GƐ́Ɛ́ HAÍTII 28:22

Kɛ́ ni longɔ́ɔ́ lé ní í gí maa háitii kɔ́lɔ, sífaa ní kɔ́lɔ ngáá ỹandá kpɛ́lɛɛ kpɛ́lɛɛ, nungáitii tiyá lɔɔ yɛ́pɛ ỹɔú kɔwɔ́ato ngoo yiláá fái sí wa yí vílingɔ mba.”

LÓÓMI 9:1

Nyá lɔ́ ngáá Kílisitii volú w̃ɔ́ɔ́ aáva Hɛ́ɛ́ma Ỹínangi lɔ ngáá hééle kɔwɔ́ato sí wá í ndíí h̃u, faalɔ, ngáá ndɛɛ gɔ́ɔ́lama kɛ́ tɔɔỹaá wóó lɔ ngíwaa nde.

KƆ́L̃E GƆ́LƆI HELE KÉLEI 1:12

Sí naa maayónga tevé aá wáá ngáá ni gi má ɣɛ́ngɔ lé kpál̃au ngáá ni lúva veléi i ɣɛ́i vaní ngeleí sí wúú hááw̃a ɛ́ɣɛ wá bútei wú hááw̃a. Ní ndɛɛh̃ú w̃aaw̃úỹangɔ ɛ́ɣɛ tɔɔỹáá gele h̃uuhíyanga kɛ kíya Ngalá ndóngɔ ní kɛ. Naa ná ɣɛ́ni nuu búsa géle ɣele maa véle w̃a kɛ́ Ngalángi háá bɔwɔí w̃áá véle w̃a.

KƆ́L̃E GƆ́LƆI HELE KÉLEI 4:2

Ní lókogulanga ndɔɔwu h̃ú háitii kpɛ́lɛɛ sú taá ngufe tála háitii. Nɛí núu yákpolowa kɛlaa maa nɔ́ɔ Ngalángi gééla woí w̃áálovi. Ngalá tɔ ngáá maa heelé ngáá niỹá lɔ́ɔ ngi gééla woí le kpál̃au sí í ngáá tɔɔỹaá. Naa sí ɣɛ́ sífaa, niỹá lɔ́ɔ yákpa ngáá nungáá kpɛ́lɛɛ ti gi má í ɣɛ́ kpál̃au kɔwɔ́ato ni wa.

TÍMOTI HESENDAA GƆLƆÍ 1:19

Aáva í lángi yí su ngáá Jísu Kílisitii í ndi ngu ma ɛ́ɣɛ í gí mai í ɣɛ́ kpál̃au faa fíli su yaa kɛ. Nungáá lɛ́ingaa tí wóli híɣea sí w̃a ti gi mái áá nde ti w̃a aáva ndangí tí ɣɛ́ngɔ su ngáá Jísu Kílisitii í gúlaa tí h̃u.

TÍMOTI HESENDAA GƆLƆÍ 1:5

Ngí ndéngɔ ngáá wú ɣɛ́ waa sí ɣɛ kɛinɔɔ́ í kɛ́ ngáá háwu mu ló ngáá ỹɔw̃ɔ́ ỹɔ́w̃ɔ. Ndongí áá gúla nuu lií h̃u faa ỹɔ́u fíli ɛi ɣɛ su ɛ́ɣɛ nuu gi mai aa ɣɛ́ kpál̃au ngáá fáitii áá kɛ tiyá lɔ pele w̃a ɛ́ɣɛ ndangí nuu áá ɣɛ́ su ngáá Jísu Kílisitii ngáá tɔɔỹaá.

TÍMOTI GƆ́LƆI HELE KÉLEI 1:3

Ngáá sɛ́ɣɛɛ gula Ngalá ma lɛ́i ngáá yénge mbɛ kí máa yakɛ́ngɔ kpál̃au kíya ni káwalani ti kɛ́ni. Kíya fíli ngáá ɣɛ́a Ngalá fɛ́li folóni ngaa kpindí ngáá sɛ́ɣɛɛ gúla Ngalá ma í hááw̃a.

TÁITƆ 2:8

Ngoo ỹɔ́u fíli álaa gúla í lá ngáá nungáá tɔ́ɔ mbaagúla. Ná vá ngáá kɛ mu wááhilima yélaitii tí wúfe bɔw̃álale faa fíli ɛi ɣɛ na tɔɔ́ ndé ngáá ngi ỹɔ́u mu haáw̃a.

HÍBULU 13:18

A ndi ngu ma ngáá Ngala fɛ́lindai ni yɛ. Ni langɔ́ɔ́ lé la aáva ni gí mái ɣɛngɔ́ kpál̃au ngáá sí kule í ni w̃a ní kɛ laá lɔ níwaa kɛ nɔ́ɔ́ táingi fíli má.

HÍBULU 9:14

Ná ɣɛ́ndai ɣéle na ɔ́ɔ́ kpalo wúya nuu w̃a kɛlaa Kílisitii ỹááw̃ɔi, laá ɣéle p̃ɛ́ɛ́, aa hombó í faa wála ɣɛ́ í lɔ́ve ná wa. Hɛ́ɛ́ma Ỹínangi w̃áá véle w̃a í na kúnafɔ, Kílisitii í bɔwɔ́ gúlani ngáá Ngala sááɣa faa ỹɔ́u vó fíli áá mba. Ngi ỹááw̃ɔi w̃áá véle w̃a, a mu gi máitii kɛ kíli aa batɛ́ ngáá a mu lóko ɛ́i mɔ́ɔ́ ɣɛ ngangímba lála háitii mba nuu áá kɛ kɛinɔɔ́ a maayáá yengé Ngalá mbɛ lɛ́i í ndɛɛh̃ú h̃u.

PÍTƐ HESENDAA GƆLƆÍ 2:12

Wú lúva veléi w̃aanɛ́ɛ́ngɔ í ɣɛ́ la ngwala sítii ndiiwáá taa ngáá Ngala fɛ́li mbélaa. Ngáá ná bɛ́lɛ taá í yéɣe ngáá tuva velé ỹɔ́u w̃ɔɔ, taá wɔ́lɛ nɔ́ɔ í lúva velé vándaitii mba tí Ngala tɛ folói ná w̃a íwaa vá nuu kpɛ́lɛɛ kɔ́sɔma ma.

PÍTƐ HESENDAA GƆLƆÍ 2:15

Sífaa sí Ngalá ndóngɔ la aá waa ngáá wú lúva vélei, sítii ti lamál̃angɔ faa ỹɔ́u fíli álaa ɣɛ́ na tɔ́ɔ́ nde kɔwɔ́ato wú lúva véle vándai wa.

PÍTƐ HESENDAA GƆLƆÍ 2:19

Ná nungáá táa faa lá wú w̃a kule áá ma tɔɔ́ nda wú w̃a, kɛ́ wú lokohéi nɔ́ɔ mbu sífaa wú lóngɔɔ lé wú sí ɣɛ Ngalá ndóngɔ wú kɛ, ná ná áá ɣɛ́, Ngalá ngáá nɛ́ɛ́ma yéi wú w̃á.

PÍTƐ HESENDAA GƆLƆÍ 3:21

Maa njɛ́hengi ná hái w̃áábale mbaa ngáá ngúyai a maá maahɔ́lɔ, áá kɛ ngáá háwu maá ngúmaawongi w̃ááhɔlɔ. Wáá ngúmaawongi sí w̃ááhɔlɔ sífaa, Jísu Kílisitii í yoɣénga sái h̃u. Aáva maa wúyai aa nɔ́ɔ ngáá sí a maá mbo léélaa, kɛ́ aá ɣéle, aá waa ngáá ná a maa Ngala fɛ́li ngáá í mu gí mai ɣɛ kpál̃au ngáá muỹá lɔ́ɔ lɛ́ɛ́h̃ui h̃uuhíya kíya ndongɔ́ mú suuhíya.

PÍTƐ HESENDAA GƆLƆÍ 4:4

Aá lɔ́ ngáá sítii taa ngáá Ngalá fɛ́li mbélaa ti gɔ́ɔ́lamba h̃ú háá ná táa tɔ wɔ́i mɔ́ɔ́ ɣɛ́ wáá báha kpahá ti wa ngeleí sí wu líívo kɛɛ haa ɣɛndáitii su ngáá suulɔ́vengɔ lɛ́i nga ngáá mba, faale, taa wú yɛ́ɛ́li.