PÍTƐ HESENDAA GƆLƆÍ 3:14 - Kɛ́lɛ Niinaí

¹⁴ Kɛ́ bele pá wú w̃áá áá nɔ́w̃ɔ sífaa wáá ɣɛ́ wáá híya ngáá telembo pélei, aa lɔ́ ngáá faa vánda wú hááw̃a. Wálaa lúwa maa nungáitii mba, kɛlaa ti háá ɔ́ɔ́ kɛ ngáá háwu wú líí ɔ́ɔ́ hɛ́lɛ.

PÍTƐ HESENDAA GƆLƆÍ 3:14 Iomraidhean Croise

MÁFIYU 10:28

A waa lúwa sítiini mba taá nuu búsai váá, kɛ́ tɛ́i hómbo tɔɔ́ wú h̃úúyafuw̃angi váá. Kɛ́ wá ɣéle, a lúwa Ngalá mba, lɛ́i áá wú h̃úúyafuw̃angini ngaa wú búsai ỹááni pɔ́lɛɣɛ pɔlɛɣɛ njahááma.

MÁFIYU 10:31

Faalɔ, nduwá álaa ɣɛ́ wú h̃u, ngatɔ́ wú wá í lɔ́ve w̃ɔni gulo gúloai nátiini mba ti bih̃íngɔ ɔ́ɔ́ bɔ́ɔ́ ɣɛ lá.”

MÁFIYU 10:39

Nuí fíli áá yákpa ngáá í lɛ́ɛ́h̃ui w̃aah̃ú béle, aa walá ma, kɛ́ nuí fíli áá lɛ́ɛ́h̃ui gúla kɛlɛ́ma fááw̃a maa w̃ɔ́i aa ndɛ́ɛ́h̃uu gítei w̃ááhɔlɔ.”

MÁFIYU 16:25

Sífaa, nuí fíli áá ɣɛ́ lói í bɔwɔ́ lɛɛh̃úi w̃ááɣawo, aa waláma. Kɛ́ nuí fíli áá bɔwɔ́ lɛɛh̃úi gúla kɛlɛ́ma fááw̃a, maa w̃ɔ́i aa ndɛɛh̃u gítei w̃aahɔ́lɔ.

MÁFIYU 19:29

Kɛ́ nuí fíli áá volú yafé ngi vɛ́lɛitii mba, ɔɔ ngi ndéɣeni ɔɔ ngi ndíyani mba, kpahangɔ́ ngi njééni ngaa ngi kɛ́ɛ́ɣɛ wa, ɛ́ɣɛ ngi léngaitii kpahangɔ́ ngi báálaitii mba nyá fááw̃a, maa w̃ɔ́i aa kɛɣɛ́laitii maahɔ́lɔ í w̃ɔ́luma ká ka, aáva aa kúnafɔ lɛ́ɛ́h̃ui w̃ááhɔlɔ.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 10:29

Kɛ Jísu i ti woo yápotenga, i ɣɛ ti w̃a, “Ngí tɔɔỹái le wú w̃á, nuí fíli áá vólu yáfe ngi vɛ́lɛi wa, ɔɔ ngi ndéɣeni ɔɔ ngi ndíyani mba, kpahangɔ́ ngí njééni ngaa ngi kɛ́ɛ́ɣɛ wa, ɛ́ɣɛ ngi léngaitii kpahangɔ́ ngi báálaitii mba nyá fááw̃a ɛ́ɣɛ Ngalángi gééla woo vandaí hááw̃a,

Keela woó vándai Máa í pɔ́nɛni kɔwɔ́ato Jísu Kílisitii wa MÁI 8:35

Sífaa nuí fíli áá ɣɛ́ lói í bɔwɔ́ lɛɛh̃úi w̃ááɣawo, aa waláma. Kɛ́ nuí fíli áá bɔ́wɔ lɛɛh̃úi gúla kɛlɛ́ma nyá fááw̃a ɛ́ɣɛ Ngalángi gééla woo vandaí hááw̃a, maa w̃ɔ́i aa ndɛ́ɛ́h̃ui gítei w̃aahɔ́lɔ.”

NJƆÚ 14:1

Jísu í mɔ́ɔ́ nde volú yélaitii ma, i ɣɛ ta, “A waá liihɛ́lɛ, a lá ngáá Ngalá, wú lá ngáá ngé nyá bɛ́lɛ.

NJƆÚ 14:27

Ngáá kɛ ngáá háwu wú líí í héi aáva kpɔ́wɔ bɔ́wɔ lííhei lɔ ngíwaa vaa la. Ní ndá lííhei ngáá vaa la aa ngáá kíya ngeleí sí wú lííhei áá va. A waá liihɛ́lɛ, ná vólu, nduwá álaa ɣɛ́ wú h̃u.

TI GƐ́Ɛ́ HAÍTII 9:16

Nyá lɔ́ɔ kɛ lá ngáá kíya kule í ma í w̃áánɔw̃ɔ fááw̃a.”

KƆ́L̃E GƆ́LƆI HELE KÉLEI 12:10

Faalɔ, ndíílɛingɔɔ lé ngáá njɔ́ njɔ́ngɔ ngíwaa ngɛɛlí mááhɔlɔ, ngí híya faa báma h̃u, ɛ́ɣɛ faa bɔlúndani su, ná vólu, tí faa báma la má Kílisitii hááw̃a, sífaa, ná njɔ́ njɔ́ngɔɔ áá ɣɛ́ la, kɛ súúbangɔɔ lé Kílisitii yákpangi h̃u.

FÉLEPA 1:29

Naa gúlangɔɔ lé wú yɛ́ kɛlɛ́ma ngáá wááyaa yénge Kílisitii yɛ aa ngáá nɔ́ɔ léi ndangí wáá ɣɛ́ su lá, kɛ́ maanɔw̃ɔ́i múl̃ɔ bɛ́lɛ wáa ngéɣe fááw̃a.

JIMISÍ 1:12

Nuí sí faa bá ngɔ́ɔ́ bɔ́ɔ́ maale ɛ́i lókogula Ngala fɛ́lindai h̃u, aa lɔ́ ngáá faa vánda maa w̃ɔ́i hááw̃a. Aá lɔ́ ngáá faa vánda faaw̃a bɔw̃álale ná áá ló ngi lííbangi h̃u í ló su maa háá bamaí í víla, Ngalá ngáá kúnafɔ lɛ́ɛ́h̃ui hé ngeyá, ndɛɛh̃úi sí í sítii kuulóngɔ lá ti longɔ́i ngáá laá Ngalá.

JIMISÍ 5:11

Aa lɔ ngáá faa vánda sítii fááw̃a taá líiba faa bámai h̃u. Wú faa ỹɛ́ninga kɔwɔ́ato Ngala fɛ́li mɔ́i wa tɔ́ɔ́ ɣɛ́ ma Jóo ngi líílɔlɔi wa. Aáva wú kɔ́lɔ kíya Ndemɔí Ngála ngí bɔ́i mba ngapúmai sífaa, Ndemɔí Ngala tɔ ngáá maanuma w̃ɔ́ɔ́ ɛ́ɣɛ tuva velé vándaa w̃ɔɔ.

PÍTƐ HESENDAA GƆLƆÍ 3:6

Ngimɔ́ɔ́ Lébilah̃au ỹah̃a Sééla í ɣɛ́i na. I golóni Lébilah̃au yɛ aáva ɔ́ɔ́ tolí ngáá w̃aalíɣii. Wá lɔ́ náa ngáá Sééla lengáitii ná wááyaa sítii kɛ taa ɣɛ́ pele w̃a aáva wɔ́i ɣɛ́ ngáá nduwá ndúwa nyáh̃aa.