PÍTƐ HESENDAA GƆLƆÍ 3:13 - Kɛ́lɛ Niinaí

¹³ Ele lɔ náá áá kɛ ngáá háwu ỹandá áá héi wú wa ná nɔ́ɔ wú líí vílingɔ áá ɣɛ́ lá fáá vánda ɣɛ́ndaitii polú?

PÍTƐ HESENDAA GƆLƆÍ 3:13 Iomraidhean Croise

LÓÓMI 13:3

Masangáitii taa ngáá nduwá mba yélaa nungái sítii fááw̃a ti lúva veléi vangɔ́, kɛ́ tiyá lɔ́ ngáá nduwá mba yélaa sítii fááw̃a ti ngáá faa ỹɔ́u ɣɛ mbélaitii. Kule áá ma nuu ɔ́ɔ́ lúwa masangáitii mba. Sí ɣɛ́ nɔ́ɔ léi í péle w̃a aáva taá ɣɛ́ taa í lɛ́ náá hááw̃a.

LÓÓMI 8:28

A mú súúwɔlɔ ngáá Ngalá tóko lɔ nɔ́ɔ fɔ́ faa lɛ́ingaa wa bɛ́kpɛ ti ngáá faa vánda a mu haáw̃a muỹɛ́i a mu longá la, muỹɛ́i i mú lolíngɔ ngáá sí ndóngɔ i ɣɛ́ mú kɛ́.

KƆ́L̃E HESENDAA GƆLƆÍ 14:1

Ndongí nuu áá ɣɛ́ su ngáá nungáá vékaitii a ná w̃ɔ́ni ɣɛ́ ngwala í lɔ́ve faa kpɛ́lɛɛ mbá. Wú gí ngi ɣɛ́ ngenge tókoi sítii mba Hɛ́ɛ́ma Ỹínangi áá kɛ ngáá háwu nuu áá hómbo áá ti wo ngungí ndá mɛ́ɛ́ Ngalá ndaa háá léndai wa.

Ɛ́FƐSƆ 5:1

Ná wú ngáá Ngalá ndiivo ndéngaa, kule lɔ wú w̃á wú lúva veléitii ti ɣɛ́ ngáá Ngalángi ndá lúva veléi ɣɛ́ kíli.

TƐSALÓNIKA HESENDAA GƆLƆÍ 5:15

Wálaa ló ná nuu fíli ɔ́ɔ́ faa ỹɔ́u vóto kúla ngáá fáá ỹɔ́u ɣɛ́ndaa, kɛ́ aá ɣéle, wú ɣɛ́ hɔ́wɔ fíli wáá faa bɔ́wɔ ɣɛ ỹɔw̃ɔ́ ỹɔ́w̃ɔ yɛ́ ɛ́ɣɛ nuu kpɛ́lɛɛ mbɛ́.

TÍMOTI HESENDAA GƆLƆÍ 5:10

Ponyah̃ái i ɣɛ́ ngáá nuu tɔwɔ́ vánda í mba, aáva áá ɣɛ́ maakɛ pánda vungɔ́ ngí léngaitii su. I ngáá nuu áá lókohei sotángaa wu ɛ́ɣɛ í ngáá ngufema háá ɣɛ́ mɔ́ɔ́ ngí mbála Yalá fɛ́li mbélaitii mbɛ, íwaa kpɔmba hé nungáá yɛ́ taa ɣɛ́ fáá báma h̃u aáva í bɔ́wɔ gúla kɛ́lɛma faa vánda vanda bih̃íw̃aa ɣɛ́ndaa h̃u.

TÁITƆ 2:14

I lɛɛh̃úi gúlangɔ kɛ́lɛma mu haáw̃a ngáá í mu w̃ááɣawo faa ỹɔ́itii kpɛ́lɛɛ ngéya ɛ́ɣɛ í mú háá ỹɔítii ngúya mu w̃a fó, mu ɣɛ́ ngáá nungáá taá ɣɛ́ faaw̃a nɔ́ɔ ɛ́ɣɛ mu ɣɛ́ kíli batɛ́ngɔ í ɣɛ́ lá faa vánda ɣɛ́ fááw̃a.

NJƆÚ GƆ́LƆI HAWA KÉLEI 1:11

Mu mbála vandái, yálaa suw̃a suw̃ama wó faa h̃ú ɛ́i ɣɛ́ péle w̃a kɛ́ suw̃a suw̃ama wó faa h̃ú áá ɣɛ́ péle w̃a. Nuí fíli áá ɣɛ́ áá faa ɣɛ́ pangɔ́ áá ɣɛ la maa w̃ɔ́i lɔ Ngalá fááw̃a. Kɛ́ nuí fíli pá áá ɣɛ́ áá faa ỹɔ́u ɣɛ́ kɛ maa w̃ɔ́i áá nɛ́ɛ Ngalá kɔ́lɔ ngáá ele gíte waa ngáá laá.