PÍTƐ HESENDAA GƆLƆÍ 3:11 - Kɛ́lɛ Niinaí

¹¹ Kɛ maa w̃ɔ́i í be faa ỹɔ́u ɣɛndái wa íwaa fái sítii kɛ taa ɣɛ́ péle w̃a. Kɛ maa w̃ɔ́i í ɣɛ́ ngáá ndiilɛí wɔlí mɔ́ɔ́ faa h̃u, aáva í ɣɛ́ áá kɔlí ngáá lií kpɛ́lɛɛ.

PÍTƐ HESENDAA GƆLƆÍ 3:11 Iomraidhean Croise

MÁFIYU 5:45

Ná lɔ́ áá kɛ wáá ɣɛ́ ngáá Ngala ndéngaitii lɛ́i í ngáá wú Kɛ́ɛ́ɣɛ í ngelegóóh̃u, sífaa Ngalá tɔ́ áá kɛ ngi hóloi í hólo tuva velé vánda yélaitii ɛ́ɣɛ tuva velé ỹɔ́u yeláitii ma tɔ́iŋ kpéiŋ. Ná vólu, aa njɛí wa tɔ́iŋ kpéiŋ sítii mbɛ taá faa vánda ɣɛ ɛ́ɣɛ sítii mbɛ taá faa ỹɔ́u ỹɔ́ungi ɣɛ.

MÁFIYU 5:9

Nungái sítii tíwaa ndowah̃u batɛ́ mbo, aá lɔ́ ngáá faa vánda ti haáw̃a, sífaa Ngalá tɔ́ɔ vá lokohéima tí wu ngáá ngi léngaa.

MÁFIYU 6:13

Yálaa kɛ ngáá háwu suugɔ́vɔ kpángɔ ɔ́ɔ́ vá ni yelé ɔ́ɔ́ kɛ nɔɔ́ faa ỹɔ́u ɣɛ, kɛ́ yí ní w̃ááh̃u béle Ngutuwɔ́ Ỹína Nyɔí yáá.’

Keela woó vándai Máa í pɔ́nɛni kɔwɔ́ato Jísu Kílisitii wa MÁI 14:7

Sífaa nyaani yélaitii tiyá lɔɔ ɣɛ́ wú lííwaa hɔ́wɔ fíli. Wáá bɔ́ ti wa mbéi hɔ́wɔi fíli wáa ɣɛ́ lói wú bɔ́ tí wa, kɛ́ ngáá vaama ɣɛ́ma wú lííwaa hɔ́wɔ fíli.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 1:79

Ngi hólongi va aa holó sítii ma ti héini kpindíi h̃u ɛ́ɣɛ sái í hɛ́lɛni ti w̃ááh̃u ngáá í a mu lɛ́ɛ́h̃ui h̃uuhíya kíli ɣɛ áá li ndiiheí h̃u.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 6:35

Kɛ́ a ló ngáá wú wááhilima yélaitii, wú faa bɔ́wɔ ɣɛ́ ti yɛ, wú kule vɛ́lɛ ti w̃a, aáva wú gí ngálaa ɣɛ́ na ngáá kɛ wáá ŋani fíli sɔ́lɔ ti yaá múl̃ɔ volu. Ná ná áá ɣɛ́, wú gúlasuunumai ya ngáá ɣɛ wɔɔlɔ ngwala aáva wáá ɣɛ náa ngáá Ngalá ndéngaitii lɛ́i í ngáá Ngutuwɔ́ Yála Ngwalaí, bɔw̃álale aa sítii ngaah̃ú w̃ááw̃aanu hóu taá faa bɔ́wɔ wuu wɔlɔ́ aáva ti ỹáámangɔ.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 6:9

Kɛ Jísu i ɣɛa ti w̃a, “Nyá lɔɔ wú w̃ɔ́ɔ́ni, bɛɛ́ lɔ́ í péle w̃a ngáá mú kɛ Ndɛɛlɛmbó Ngála Fɛli Fóloi w̃a? A mú faa vánda ɣɛ baa ngi ỹɔ́u? Ɔɔ a mú ndɛ́ɛ́h̃u w̃ááɣawo baa a mú ndɛɛh̃uu ỹááni?”

NJƆÚ 17:15

Ní Yála fɛli ngói aa ngáá yí tí gúla ngeleí sí wúu wa, kɛ́ yí ti w̃ááh̃u belé sí w̃ɔ́i yaá taá ɣɛ́ ma, Nyaama W̃ɔ́i.

LÓÓMI 12:18

Aáva kɛ ngáá hɛmbɛ́ fíli ngooláma í ɣɛ́ í lówah̃u wáá nuu kpɛ́lɛɛ.

LÓÓMI 14:17

A mu ɣɛndáá Ngalángi w̃ásandai wu aa ngáá mɛɛní ỹɛ́ fáá nɔ́ɔ ɔɔ kpɔle wɔlíngaa bɔlendáá, kɛ́ áá lɔ́ na ngáá a mu ɣɛ́ ngáá telembo mbélaa Ngalá ngááh̃u, a mu ɣɛ́ ndiiheí h̃u, ná vólu, a mú ɣɛ́ kooh̃unɛɛ gítei h̃u. Sí kpɛ́lɛɛ pá aa ɣɛ́ Hɛ́ɛ́ma Ỹínangi w̃áá véle w̃a.

LÓÓMI 14:19

Faalɔ, a mú yákpa gíte a mú lɛɛh̃úi h̃uuhíya ndiiheí h̃u, ná vólu, a mu ɣɛ́ maa bɔ́ ỹɔw̃ɔ́ ỹɔ́w̃ɔ wa ngáá a mú h̃úú í bá Ngala fái h̃u.

LÓÓMI 5:1

Ná náá a mu ngáá telembo mbélaa Ngála ngaah̃ú ndangí w̃áá véle w̃a a mú su la, a maá ɣɛ́ náá ndiiheí w̃ááh̃u a maá Ngála a mu Lemɔ́i Jísu Kílisitii w̃áá véle w̃a.

LÓÓMI 7:19

Laá ɣéle sí aá ɣɛ́ péle w̃a ndóngɔ ngí kɛ ngɛ́i ná ɣɛ, kɛ́ sí ɛ́i ɣɛ́ péle w̃a ngɛ́i ɣɛ loí ngí kɛ, laá lɔ́ ngáá kɛ.

LÓÓMI 7:21

Kɛ ngi ngátɔa náa mba ngáá kɛ ŋani tá lɔ́ sú íwaa kɛ ngáá háwu ngɛ́i sí ɣɛ ngáá ɣɛ́ kɔ́lɔ ngáá aá lɔ péle w̃a.

LÓÓMI 8:6

Ná wɔ́li nuu gitóngɔ áá ɣɛ́ nɔ́ɔ la sítii mbá taa ɣɛ́ ngáá nuu liivó fáitii, kisíya láálii ná aa kɛ nuu í sáa w̃ááhɔlɔ. Kɛ́ ná nuu gisíya áá to nɔ́ɔ sí wa Hɛ́ɛ́ma Ỹínangi áá nuu ló ma, kisíya láálii ná aa kɛ nuu í ndɛ́ɛ́h̃u gítei w̃ááhɔlɔ ɛ́ɣɛ Ngalángi lííhei.

GALÉSIYA 5:22

Kɛ́ sítii Hɛ́ɛ́ma Ỹínangi áá kɛ ngáá háwu taa ɣɛ́ nuu h̃u tiyá wáa ngáá, ndongí, kooh̃unɛ́i, ndiihéi ɛ́ɣɛ ndiilɔlɔ́i. Ná vólu, faa bɔ́wɔ ɣɛndái ɛ́ɣɛ tuva velé vándai, ɛ́ɣɛ tɔ́wɔbaɣai.

GALÉSIYA 6:10

Faalɔ, ná nɛ́nɛ toko í mu yɛ, a maa yáá faa vánda ɣɛ́ nuu fíli mbɛ́ ngungí í ndá mɛ́ɛ sítii ma a maá tiyéni mu ngáá nde ngiláá ndangí w̃áá véle w̃a a mu su ngáá Jísu Kílisitii.

KƆLƆ́SE 3:15

A bɛ́lɛ ndiiheí sí Kílisitii áá fé í wú wúto faa fíli su wáá ɣɛ́ wú kɛ, sífaa, Ngalá tɔ í wú lólingɔ ỹanda yílaa ngáá wú báha su wú ɣɛ ndííhei h̃ú. A waayaa sɛ́ɣɛɛ gula ma hɔ́wɔ fíli.

TÍMOTI HESENDAA GƆLƆÍ 6:18

Nde ti w̃a taayáá faa vánda ɣɛ, ná vólu, ti lóko h̃uulɔ́vengɔ í ɣɛ́ la ngwala kpɔmba hááw̃a nuu kpɛ́lɛɛ mbá. Ti ɣɛ́ ngáá nungáá taá ŋáni hé nuu yáá tɛi bóɣi kpoɣí, ná vólu, ti ɣɛ́ ngaá kɔ mbó mbélaa.

HÍBULU 12:14

A yakpá kɛ́ŋɛ wú ɣɛ́ ndiiheí h̃ú wáá núngaa vékaitii kpɛ́lɛɛ, wálaa ɣɛ́ faa ỹɔ́u ɣɛ́ndaa h̃u bɔw̃álale, nuu fíli áá ná ɣɛ́, ɛi ɣɛ Ndemɔí Ngála ngéle.

HÍBULU 13:16

Aáva wálaa lééw̃a faa bɔ́wɔ ɣɛndái w̃a ỹɔw̃ɔ́ ỹɔ́w̃ɔ yɛ ɛ́ɣɛ wááyaa bɔ ỹɔw̃ɔ́ ỹɔ́w̃ɔ wa sífaa, ná lɔ́ í ngáá saáɣa ɣɛ kíli áá Ngalá ndiilá.

JIMISÍ 4:17

Faale, nuí fíli áá ɣɛ́ faa vándai wɔlɔ́ kule í ma í kɛ aáva ɛi kɛ, kɛ i faa ỹɔ́u ɣɛ́nga.

PÍTƐ HESENDAA GƆLƆÍ 3:12

Sífaa Ndemɔí Ngalá ngááh̃u lɔ telembo mbélaitii mba aáva ngolílongɔɔ lé ti hɛ́li ngóitii ma taá mbó lá, kɛ́ ngaah̃ú lóngɔ sítii mba ti ngáá tuva velé ỹɔ́u yeláitii.”

NJƆÚ GƆ́LƆI HAWA KÉLEI 1:11

Mu mbála vandái, yálaa suw̃a suw̃ama wó faa h̃ú ɛ́i ɣɛ́ péle w̃a kɛ́ suw̃a suw̃ama wó faa h̃ú áá ɣɛ́ péle w̃a. Nuí fíli áá ɣɛ́ áá faa ɣɛ́ pangɔ́ áá ɣɛ la maa w̃ɔ́i lɔ Ngalá fááw̃a. Kɛ́ nuí fíli pá áá ɣɛ́ áá faa ỹɔ́u ɣɛ́ kɛ maa w̃ɔ́i áá nɛ́ɛ Ngalá kɔ́lɔ ngáá ele gíte waa ngáá laá.