PÍTƐ HESENDAA GƆLƆÍ 3:1 - Kɛ́lɛ Niinaí

^1-2 Ngimɔ́ɔ́ nɔ́ɔ maa hái í ná wá bɛ́lɛ nɔ wú hááw̃a wɛ́i wú ngáá nyah̃áitii wú kɛmbɛheí h̃u. A bɔwɔ́ gúla kɛlɛ́ma wú h̃íỹɛngaitiini mbɛ. A ná ɣɛ́ kɛinɔɔ́ ná ti lɛ́ingaa tɛi ɣɛ́ lái ngáá Ngalá kééla wói wú lúva velé vándai í kɛ ngáá háwu ti lá la. Wɔ́i lo múl̃ɔ p̃ɛ́ɛ́ yɛpɛmá ti yelé kɔwɔ́ato Ngalá mba kɛ́ wu lúva velé vándai ɛ́ɣɛ ngufemái wáá fé ti yɛ, laá lɔ nɔ́ɔ́ taa wɔ́lɛ mba tí lá ngáá Ngalá ná w̃aa véle w̃a.

PÍTƐ HESENDAA GƆLƆÍ 3:1 Iomraidhean Croise

MÁFIYU 18:15

Kɛ Jísu i ɣɛa ta, “Ná í mbálai áá faa ỹɔ́u ɣɛ ngáá í yé, lí ngelé, yí ngi háá ỹɔí ɣɛ́ lá wú félengɔ kpé wú lówah̃u. Ná áá wólilo í w̃á, kɛ wú mɔ́ɔ ɣɛa ngáá mbálalopoa vólu.

LÓÓMI 10:16

Kɛ́ ná fíli sú, nuu kpɛ́lɛɛ táá le tɔ́ɔ ɣɛ́ lánga ngáá keela woó vándai sí, kíya nɔ́ɔ Ngalá ndaa háá lé mɔ́i Aisáya í ndéni, i ɣɛ ta, “Ndemɔí Ngála, ele lɔ náa gíte í láa ngáá sí ní ndéngɔ?”

LÓÓMI 6:17

Nuu áá sɛ́ɣɛɛ gulá Ngalá ma ngáá kíya bɛ́lɛ wú ɣɛ́i ngáá nduwɔ lopóa ɣɛ́ kíli faa ỹɔ́u ɣɛ́ndai h̃u kɛ́ wú bɔ́wɔ gulangá kɛ́lɛma fó fóndei tɔɔỹaá galambongí sí wu, wú mááhɔlɔni.

LÓÓMI 7:2

Maa lɔ́masei waa nɔ́ɔ ngáá nyah̃ái sɔw̃ɔ hengɔ́ áá ɣɛ́ la kɛmbɛhéi h̃u aa ɣɛ ngáá nyah̃á kɛmbɛhéi ná h̃u ná nɔ́ɔ léi ngi h̃íỹɛngi áá ɣɛ́ ndɛɛh̃u h̃u. Kɛ́ ná náa ngi h̃íỹɛngi áá há, kɛ nyah̃ái ná aa mɔ́ɔ savaí ná yakpángi wú siỹɛ péka yeɣé fááw̃a. Kɛ́ ná wɔ́lii ngi h̃íỹɛngi áá ɣɛ nɛ́nɛ ndɛɛh̃u h̃u aáva í lí í siỹɛndópo véka hou kɛ i kɔlɔsiyá mbónga.

KƆ́L̃E HESENDAA GƆLƆÍ 11:3

Ndóngɔɔ lé wú ngátɔ mba ngáá kɛ siỹɛ́ngi fíli maah̃u w̃ɔ́i waa ngáá Kílisitii. Aáva nyah̃ái fíli maah̃u w̃ɔ́i waa ngáá ngi h̃íỹɛngi. Kílisitii vá maah̃u w̃ɔ́i waa ngáá Ngalá.

KƆ́L̃E HESENDAA GƆLƆÍ 7:16

Ná wáá ɣɛ́ séi ná h̃u, yɛ́i yí ngáá Ngala fɛ́li mɔ́i, tɛingáá h̃u yáá kɛ ngáá háwu Ngála ngí i héi w̃ɔ́i wúmaawo.

Ɛ́FƐSƆ 5:33

Kɛ́ wá bɛ́lɛ aá lɔ wú hááw̃a jɔ́. Kule lɔ siỹɛ́ fíli má í ló ngáá ngi ỹáh̃ai kíya nɔ́ɔ ndongɔ́ ngáá bɔwɔ́ aáva kule lɔ nyah̃á fíli má i wúfe ngi h̃iỹɛ́ngi w̃a.

KƆLƆ́SE 3:18

Wɛ́i wú ngáá nyah̃áitii, a waayaa bɔwɔ́ gúla kɛ́lɛma wú h̃íỹɛngaitii mbɛ bɔw̃álale ná lɔ́ kule í wú w̃a wááyaa kɛ na wú ngáá Ngala fɛ́li mbélaa.

KƆLƆ́SE 4:5

Wú gɛ́ɛ́ háitii wú lówah̃u wáá sítii taa lái ngáá Jísu Kílisitii í ɣɛ́ ngáá kele ɣéle péle. Mbéi hɔ́wɔi fíli wáá lóko w̃ááhɔlɔ sí í ngáá faa vánda wáá hómbo wú kɛ ti yɛ, a kɛ ti yɛ.

TƐSALÓNIKA GƆ́LƆI HELE KÉLEI 1:8

Aá lɔɔ vá sítii maanɔw̃ɔ́ma taa béɣei Ngala fááw̃a, tiyɛ́i tɛi híya ngáá Ngala kééla wói kɔwɔ́ato mu Lemɔ́i Jísu wa.

HÍBULU 11:8

Ndangí siỹɛndópoi sí tɔ́ɔ́ ɣɛ́ ma Lébilah̃au i ɣɛi su ngáá Ngala, ná lɔ́ í kɛ́ni í góloni Ngala mbɛ́ ná Ngalá ngí ndéni ma ngáá í lí ndɔwɔlɔ́ ta h̃u í ɣɛ́i kuulóni lá ngáá í fe mbɛ. Ná lɔ́ í kɛ́ni í yóóɣeni í gúla kpɔwɔ́ bɔ́wɔ lɔ́wɔlɔi wa kíya bɛ́lɛ áá ɣɛ́i kɔlɔ́ mbéi í ɣɛ́i áá lí na.

HÍBULU 5:9

Maanɔw̃ɔ́i sí í híyai su, aá lɔ́ áá ngákɛ ngáá kɛ Jísu lɔ ngáá kolo mɔ́ɔ́ wála, aáva laá maa véle lɔ́ náa nuu áá kúnafɔ lɛ́ɛ́h̃ui w̃ááhɔlɔ ma, ná wáá ngáá, nuí fíli áá gólo mbɛ.

PÍTƐ HESENDAA GƆLƆÍ 1:22

Ná naá wú gólongɔ Ngalá mbɛ wúwaa híya ngáá tɔɔỹaá gééla wói, ná lɔ náa i kɛ́a wú w̃ááw̃uỹangɔ fó faa ỹɔ́i yaá, ná vólu, i mɔɔ kɛ́a wú lóngɔ ngáá wú mbála Yalá fɛ́li mbélaitii ngáá tɔɔỹaá. Faale, ná naá maa hái í h̃íí na, a ló ngáá ỹɔw̃ɔ́ ỹɔ́w̃ɔ ngáá lií kpɛ́lɛɛ álaa ɣɛ́ nɔ́ɔ ngáá wɔ́ɔ́ ndá yaah̃ú.

PÍTƐ HESENDAA GƆLƆÍ 3:7

Wɛ́i vá wú ngáá siỹɛngáitii, ná wáá ɣɛ́ séi h̃u wáá nyah̃ái, giséi w̃a ngáá suu áá bái ɔ́ɔ́ híti í h̃u. Waayaa ngufema hé ti yɛ bɔw̃álale tiyá bɛ́lɛ wáá tiyéni tɔ wúwaa vá Ngalángi háá bɔwɔí w̃aahɔ́lɔma, ná wáá ngáá, kúnafɔ lɛ́ɛ́h̃ui. Waayaa ná ɣɛ kɛinɔɔ́ faa fíli álaa víli wú Yála fɛli ngói h̃u.

PÍTƐ HESENDAA GƆLƆÍ 4:17

Naa hɔwɔ́i i foloá náa ma Ngalá ngíwaa vá nuu kpɛ́lɛɛ kɔ́sɔma ma. Maa gɔ́sɔngi va aá lɔ́ɔ tɔkúla héi Ngalángi vóngaitii a mu wa. Ná aá vá áá ɣɛ tɔkúla héini a mu wa, ná ná áá ɣɛ, faa bámai h̃uu áá ɣɛ wɔɔlɔ áá la sítii ma taa lái ngáá Ngalángi gééla woo vandaí í tɔvengɔ́ ngeleí sí wu.