PÍTƐ HESENDAA GƆLƆÍ 2:9 - Kɛ́lɛ Niinaí

⁹ Kɛ́ wá lɔ́ ngáá Ngalá tokoló mba yélaa wú ngáá ngi hááɣa gula mbélaa wáá yénge Ngalá mbɛ́ lɛ́i í ngáá Masa Ngwalái. Wú gálihangɔɔ lé Ngalá ma, Ngalángi ndá nungáá gíte gíte wáá ngáá wu ye. Wá lɔ ná ngáá wú ɣɛ wáá faa lé kɔwɔ́ato káámaa háitii mba Ngalá ngáá tí ɣɛ́ lɛ́i í wú w̃áálolinga wú gúla faa ỹɔ́u ɣɛ kpíndii h̃u, wú gúla kalá kála ma naa walá w̃aanɛ́ɛ́ngɔi.

PÍTƐ HESENDAA GƆLƆÍ 2:9 Iomraidhean Croise

MÁFIYU 4:16

wɛ́i wú kpindí h̃u, wá lɔɔ vá folo hólo ngwála lɔmá. Wɛ́i va wú gúlangɔ ngáá wú háángɔɔ lé, maa holói lɔ́ɔ vá ngumááwo peleí ɣɛma ngáá wu ye.”

MÁFIYU 5:16

Ngimɔ́ɔ́ nɔ́ɔ kule í wú w̃á wú lámbongi í hólo nuu kpɛ́lɛɛ kákala. Ná lɔ́ áá kɛ ti wú háá vandaítii tɔ, táa wú Kɛ́ɛ́ɣɛ Ngalá ndaaw̃áálɛ, lɛ́i í ngelegóóh̃u.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 1:79

Ngi hólongi va aa holó sítii ma ti héini kpindíi h̃u ɛ́ɣɛ sái í hɛ́lɛni ti w̃ááh̃u ngáá í a mu lɛ́ɛ́h̃ui h̃uuhíya kíli ɣɛ áá li ndiiheí h̃u.”

NJƆÚ 17:19

Aáva tiyá ti haáw̃a ngí bɔwɔ́ gulangá kɛlɛ́ma í yɛ ngáá ngí yénge í yɛ, kɛinɔɔ́ tiyá bɛ́lɛ tɔɔỹái w̃aa véle w̃a tí bɔ́wɔ gúla kɛlɛ́ma ti yénge í yɛ́.”

TI GƐ́Ɛ́ HAÍTII 20:28

A bɔwɔ́ w̃aah̃ú belé, ná vólu, wú sítii kínɛi mááh̃u béle Hɛ́ɛ́ma Ỹínangi í wú ɣɛ́nga ngáá ti wutúwɔɔ yélaa. A ɣɛ́ ngáá wú mbála Yalá fɛ́li mbélai ti w̃ááh̃u béle mbélaa wɛ́i wáá tiyéi Ngalángi í wú h̃ɔ́w̃ɔ hengá ngáá kpɔwɔ́ bɔ́wɔ H̃íỹɛndou Loí ná wáá ngáá, saáɣa haí sí í mbóngɔ.

TI GƐ́Ɛ́ HAÍTII 26:18

yí kɛ ngáá háwu ti yaah̃ú w̃áá í wó, ti vólu yáfe sítii mba ti gúlangɔ ngáá kpindí h̃ú háa, ti vóte sítii mba ti ngáá faí sítii ti w̃áá áá ɣɛ́ kpál̃au. Ná vólu, tí gúla Setána yákpangi wu, ti ɣɛ́ Ngalángi yákpangi wu, ná vólu, ti lángi w̃aa véle w̃a tí su ngáá ngé, ti ɣɛ́ sítii ndiiwáá Ngalá ngi ti ɣɛ kíli batɛngá bɔwɔ́ hááw̃a ɛ́ɣɛ ti háá ỹɔítii suuhaa í ló.’ ”

TI GƐ́Ɛ́ HAÍTII 26:28

Kɛ Masangí Agílepa i ɣɛa Pɔ́ɔ w̃a, “Aá lɔ í gí ma ngáá kɛ kuu h̃úú lukpuí sí laa lówah̃u yáá hómbo yí ndíí vóte ngí ɣɛ ngáá Kílisitii núi ta?”

LÓÓMI 9:24

Nuu i ɣɛ́i ngáá Júsu w̃ɔɔ ɔɔ aa ɣɛi ngáá Júsu w̃ɔɔ, muỹá lɔ Ngalá ngí mú lolíngɔ ngáá ná w̃aa yélaitii.

KƆ́L̃E HESENDAA GƆLƆÍ 3:17

Ná nuu fíli áá Ngalángi hɛ́ɛ́ma vɛ́lɛi ɣɛ kíli ỹááni, Ngalá ngáá maa w̃ɔ́i ɣɛ kíli ỹaaní. Sífaa Ngalángi vɛ́lɛi lɔ na léélaa faaw̃a. Wáa vá tɔ wú ngáá maa vɛ́lɛi ná ɣɛ́ kíli.

Ɛ́FƐSƆ 1:14

Hɛ́ɛ́ma Ỹínangi í mú volú i kɛngá a mu ɣɛ́ kɔlɔ ngáá sí Ngalángi í ngi vóngaitii kuulongɔ la, aa kɛ. Aáva í mɔ́ɔ kɛ mu ɣɛ́ kɔ́lɔ ngáá sítii ti ngáá Ngalángi vóngaitii tí wumááwongɔ áá ɣɛ́ la. Ná vá tɔ́ í kɛ́a táa Ngalá ndaaw̃áálɛ ngi yákpangi hááw̃a.

Ɛ́FƐSƆ 1:6

kɛinɔɔ́ laa Ngalá ndaaw̃áá í lɛ́ ngi háá bɔwɔ vanda walaí hááw̃a sí í féngɔ mu yaá ngi líívo Síỹɛndou Loí w̃áá véle w̃a.

FÉLEPA 3:14

Nyá ngáá yakpá ngáá ngí fólo mbéinda a múwaa maa lápii wɔ. Ná wáá ngáá kulasuunúmai sí Ngala ngí mu wu pótenga mba ngelegóóh̃u véle. Aáva nuu áá mááhɔlɔ Jísu Kílisitii w̃aa véle w̃a.

KƆLƆ́SE 1:13

Ngalá ngí mu gúlanga kpíndi h̃u w̃ásandai wú, í vá ngáá mu ye lɛ́i lɛ́i ngi líívo Siỹɛndou Loí w̃ásandai wu.

TÍMOTI GƆ́LƆI HELE KÉLEI 1:9

Ngalá ngí mu wúmaawongɔ, í mú lolí ngáá mu ɣɛ́ ngáá ngi vóngaa. Aa ná ɣɛ́ngɔ mu lúva velé vánda haaw̃a. Kɛ́ Ngalá ngí kpatɛí ngáá í sí ɣɛ́ kpɔwɔ́ bɔ́wɔ háá h̃uubatɛ su ɛ́ɣɛ sífaa, faa bɔwɔ́ngɔ aáva i faa bɔ́wɔi sí ɣɛ́ngɔ mu yɛ Jísu Kílisitii w̃áá véle w̃a p̃ɛ́ɛ́ ngetéyangi ɔ́ɔ́ bátɛ.

TÁITƆ 2:14

I lɛɛh̃úi gúlangɔ kɛ́lɛma mu haáw̃a ngáá í mu w̃ááɣawo faa ỹɔ́itii kpɛ́lɛɛ ngéya ɛ́ɣɛ í mú háá ỹɔítii ngúya mu w̃a fó, mu ɣɛ́ ngáá nungáá taá ɣɛ́ faaw̃a nɔ́ɔ ɛ́ɣɛ mu ɣɛ́ kíli batɛ́ngɔ í ɣɛ́ lá faa vánda ɣɛ́ fááw̃a.

PÍTƐ HESENDAA GƆLƆÍ 1:2

Ngalá lɛ́i í ngáá Kɛɛɣɛí i lokolongɔ́ wú wá ngáá ngi vóngaa áá gúla kpɔwɔ́ bɔ́wɔ haa h̃uubatɛ su. Hɛ́ɛ́ma Ỹínangi vá tɔ náa í kɛ́ngɔ ngáá háwu wú ɣɛ́ kíli batɛngɔ́ fó Ngalángi yéngengi hááw̃a. I ná ɣɛ́ngɔ ngáá kɛinɔɔ́ wú gólo Jísu Kílisitii yɛ́, í ɣɛ́ mɔ́ɔ́ í wú háá ỹɔí wúya wú w̃a fó saáɣa haí w̃áá véle w̃a Jísu í mbóngɔ. Bɛlɛ́ Ngalángi háá bɔwɔí ɛ́ɣɛ ngi lííhei tí ɣɛ́ wú yɛ́ ngáá ngambɔ́ɔ́lɔngɔ.

PÍTƐ HESENDAA GƆLƆÍ 2:5

Wú gúlangɔɔ lé ngáá kɔtuni ndɛɛh̃ú i wú h̃u. A bɛlɛ́ Ngala ngí wú ɣɛ́ ngáá maa wɔ́tui tá ngí vɛ́lɛi h̃u ngi Ỹínangi íwaa to. Wú gúlangɔ í ɣɛ́ lá ngáá hɛ́ɛ́ma Yála sááɣa gula mbélaa, wú ɣɛ́ wáá Ngala fɛ́li wáá Ngala tɛ́ sí í ngáá sááɣa ɣɛ kíli wáá ɣɛ́ wáá kula, sítii taá ɣɛ́ ngáá Ngala tókohei mbu gélea Jísu Kílisitii w̃áá véle w̃a.

PÍTƐ HESENDAA GƆLƆÍ 4:11

Nuí fíli áá Ngála ngóó le, keela wói áá nde, í ɣɛ́ ngáá Ngala kééla woí. Nuí fíli pá áá ɣɛ́ ngáá kpɔmba hé mɔ́ɔ, Ngalángi ɣɛ́ la áá ɣɛ́ maa yákpangi héni mbɛ. Ná í ɣɛ h̃íí kɛinɔɔ́ faa kpɛ́lɛɛ su, Ngalá ngí tɛ maahɔ́lɔ Jísu Kílisitii w̃aa véle w̃a lɛ́i ngufema kpɛ́lɛɛ í ngeyá ɛ́ɣɛ ngakpángi kpɛ́lɛɛ kúnafɔ taá ngí ndá gúnafɔ. Amíína.

FAA YÁKƐ KƆ́LƆI 1:6

Jísu i mɔɔ mu ɣɛ́a ngáá saáɣa gúla mbélaa ngi w̃ásandai h̃u ngáá maayáá yénge maá tiyéni ngi Yálangi yɛ́, lɛ́i í ngáá ngi Kɛ́ɛ́ɣɛ. Bɛlɛ́ Jísu Kílisitii laaw̃áá í lɛ́ ngakpá ngí ɣɛ́ mbɛ kúnafɔ taá ngí ndá gúnafɔ! Amíína.

FAA YÁKƐ KƆ́LƆI 20:6

Aá lɔ́ ngáá faa vánda sítii faaw̃a Ngalá ngáá vá ti yooɣéma sái h̃u hése. Tiyá lɔ́ na séɣe héɣe Ngala fááw̃a. Saí héle kélei ɛ́i mɔ́ɔ ti w̃áále. Taá ɣɛ́ náá ngáá saáɣa gula mbélaa Ngala mbɛ́ ɛ́ɣɛ Kílisitii ti mɔ́ɔ ɣɛ ngáa masangáá taa Kílisitii fowó tásu ngiláá ndáá lówah̃u.

FAA YÁKƐ KƆ́LƆI 5:10

Yí ti ɣɛngá ngáá saáɣa gula mbélaa í w̃ásandai h̃u ngáá tí yénge mu Yálangi yɛ. Ná vólu, tí ɣɛ ngáá masangáá ngeleí sí wu.”